Gërvalla thotë se mitrovicasit çohen në këmbë për Faton Pecin

Deputetja e VV Donika Gërvalla ka folur për exit-pollet e zgjedhjeve komunale të 12 tetorit.

“Ishte skandal ajo që ndodhi me Mitrovicë, unë atë natë kam qenë në Mitrovicë edhe në momentin që doli një prej televizioneve të Kosovës doli informacioni që exit polli e ka nxjerrë përfaqësuesin e PDK-së me 68% ishte madje njëra prej tyre si fitues unë menjëherë e kam dit që ka diçka aty gabim unë kam qenë disa herë në Mitrovicë dhe atë atmosferë që krijohet rreth Faton Pecit kur je me të në Mitrovicë atë nuk mund ta sajosh ajo nuk mund të jetë gënjeshtër sepse ti ecën me Faton Pecin në Mitrovicë mirëpo njerëzit nëpër kafe qohen nga tavolinat e tyre vijnë i shtrëngojnë dorën pa fjalë të mdhaja edhe kthehen përsëri në tavolinën e tyre”, tha Gërvalla në DPT te Fidani.

“Unë kam takuar shumë njerz që më kanë thënë personalisht kur kam dal nga shkolla dhe më kanë pyetur atë që rrinin para dere për kënd votove, i kam thënë që kam votuar për Faton Pecin më kanë thënë oo e paskemi të prishur sistemin e regjistrojmë votën tënde”, tha ndër të tjera ajo.

Goditje për PDK-në: Lladrovci paralajmëron parti të re në skenën politike

Bufi shuan dilemat, ja kur do ta vesh kostumin e ministrit

Edhe këtë herë batutat e tij nuk mungojnë, shkruan IndeksOnline.

“Per Halloëeen du mu veshe si Minister!”, ka shkruar ai krahas kësaj fotografie të publikuar në llogarinë e tij në Facebook.

Kujtojmë se Spahiu, ditë më parë ishte propozuar për ministër të Kulturës, nga kryeministri Albin Kurti në rast se do të arrihej të formohej qeveria Kurti 3.

Spahiu, gëzon një simpati të madhe në publik, kjo për faktin që deri më tani njihet si ndër aktorët më të mirë në vend.

“Rrezik i madh për punëtorët” – Basha paralajmëron krizë pagash

Kryetari i Kuvendit të Kosovës, Dimal Basha ka paralajmëruar një krizë të madhe të pagave që i kanoset sektorit publik, si dhe Radio Televizionit të Kosovës.

Basha tha se Kryesia e Kuvendit të Kosovës, e mbledhur sot, ka dështuar të adresojë tri çështje: buxhetin për RTK-në, buxhetin vjetor të Republikës së Kosovës dhe buxhetin e tri komunave.

“Fatkeqësisht, nuk është gjetur mirëkuptimi për asnjërën nga pikat. Kam pritur që po të ketë pasur vullnet politik, ka qenë bindja ime e thellë që nuk ka pasur asnjë shkelje ligjore kushtetuese për t’i formuar komisionet për me mund të procedohet me buxhetin e RTK-së, tri buxhetet e komunave dhe buxhetin vjetor”, tha ai.

Kryeparlamentari theksoi se subjektet politike parlamentare nuk arritën gjuhë të përbashkët mirëkuptimi për tri çështjet.

“Për dy të parat, së paku kam pritur njëfarë mirëkuptimi, por megjithatë disa subjekte politike kanë refuzuar”, tha Basha.

Basha paralajmëroi për një krizë të madhe të pagave nëse nuk kalojnë në kuvend çështjet e buxhetit vjetor dhe atij të RTK-së.

“Mua më vjen keq sepse siç e dini është dëmi i buxhetit të tri komunave, dëmi i buxhetit të RTK-së dhe siç e dini mbi 700 punonjës nuk do të marrin paga për pasojë”, u shpreh Basha. “Mund të mbesin edhe mbi 80 mijë zyrtarë publikë pa paga”.

Dalin në shitje biletat për ndeshjen Kosovë – Zvicër

Federata e Futbollit e Kosovës ka njoftuar se ka nisur shitja e biletave për ndeshjen mes Kosovës e Zvicrës, e cila do të zhvillohet në kuadër të kualifikimeve për Kupën e Botës.

Ndeshja mes Kosovës e Zvicrës do të zhvillohet më 18 nëntor në stadiumin “Fadil Vokrri”.

Të enjten FFK-ja ka njoftuar se ka filluar edhe shitja e biletave.

Si zakonisht, shitja do të bëhet përmes platformës online  eu.ebileta.al/biglietteria/listaEventiPub.do

Çmimet e biletave do të jenë Veri dhe Jug 10 euro, Lindje 20 euro, Perëndim 30 euro, VIP 100 euro.

Pa buxhet të ri, këto kategori do të mbesin pa paga

Dështimi për ta formuar një qeveri të re ka rritur rrezikun që Kosova të hyjë në vitin 2026 pa buxhet.

Kjo do t’i linte pa paga të gjithë të punësuarit në sektorin publik, të cilët përbëjnë një pjesë të konsiderueshme të popullsisë.

Policia po e kërkon këtë grua, ja për çka dyshohet

Policia e Kosovës po kërkon ndihmë nga qytetarët për ofrimin e informative në lidhje me një grua të dyshuar për vjedhje.

Fotografia e të dyshuarës është bërë publike në mënyrë që të bëhet identifikimi i saj, përcjell Klankosova.tv.

“Kërkesë për bashkëpunim – identifikim i personit të dyshuar. Sektori i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi. E dyshuara kërkohet për përfshirje në veprën “Vjedhje”.

“Të nderuar, për çdo informatë që mund të çojë në identifikimin e saj, ju lusim të kontaktoni policinë në numrin e telefonit: 192 ose përmes emailit: info@kosovopolice.com”, thuhet në njoftimin e policisë.

Një mandatar i ri nga VV-ja për Qeverinë? Ja çka thotë Haxhiu

Nënkryetarja e Kuvendit, Albulena Haxhiu, tha se mbledhja e nënshkrimeve, për të cilën u raportua dje se u iniciua nga Lëvizja Vetëvendosje për seancë të re të Kuvendit, nuk ishte për çështjen e mandatarit, por për formim të grupeve parlamentare.

“Nuk ka të bëjë asgjë me mandatarin apo me ndonjë seancë tjetër, të paktën jo për momentin. Prandaj, ne do t’ju njoftojmë sapo të kemi ndonjë veprim në raport me situatën aktuale”, iu tha ajo gazetarëve në Kuvend pas mbledhjes së Kryesisë.

Ndërkaq, e pyetur për një deklaratë të deputetes Emilija Rexhepi mbi këtë çështje se janë mbledhur disa nënshkrime, Haxhiu tha se me siguri ajo i është referuar këtyre nënshkrimeve për grupet parlamentare.

“Nuk ka nënshkrime. Në asnjë letër s’kam vendosur nënshkrimin përveçse për të formuar grupet parlamentare sepse siç e dini me ftesë të Kuvendit ne është dashur që t’i formojmë grupet parlamentare. Këtë e kemi bërë të gjithë, përveç Listës Serbe, dhe unë kam vendosur nënshkrimin tim në këtë letër. Me siguri Emilija Rexhepi i është referuar letrës së njëjtë”./Express/

Njohja e Kosovës nga Siria, reagon Vuçiq

Presidenti i Serbisë, Aleksandar Vuçiq, ka deklaruar të enjten se vendimi i Sirisë për ta njohur pavarësinë e Kosovë ka qenë i pritshëm, duke pasur parasysh, sipas tij, që në Damask ka ardhur në pushtet një qeveri nën ndikimin e Turqisë.

Vuçiq ka thënë se ky vendim përmban “vulën turke” dhe shtoi se tani është e qartë sa ka vlejtur “qasja liberale e Bashar al-Asadit” sa ishte në pushtet.

“Tani është bërë e qartë sa ka vlejtur për ne qasja liberale e Bashar al-Asadit kur ai ishte në krye të Sirisë. Është po ashtu e qartë se kur dikush vjen në pushtet nën ndikimin e madh të njërit prej shteteve kryesore të rajonit, siç është Turqia, nuk është e papritur që të ndodhin zhvillime të tilla”, ka thënë Vuçiq.

Siria u bë shteti i 120-të që njohu pavarësinë e Kosovës gjatë ditës së djeshme. Ministri i Jashtëm i Sirisë, Asaad Hassan Al-Shaibani, ia atribuoi meritat Turqisë për këtë njohje.

Haxhiu insiston: Do të ketë Qeveri “Kurti 3”

Nënkryetarja e Kuvendit të Kosovës nga radhët e Lëvizjes Vetëvendosje, Albulena Haxhiu ka thënë se do të marrin pjesë në takimin të cilin e ka thirrur, Presidentja e Kosovës, Vjosa Osmani.

Ajo tha se do të ketë Qeveri “Kurti 3”.

“Nesër ne do të jemi në takimin e thirrur nga Presidentja Osmani. Nesër do ta japim qëndrimin e VV-së. Edhe nje here qëndrimin në raport me këtë do ta japim nesër”, tha ajo pas mbledhjes së Kryesisë së Kuvendit.

Më tutje ajo insistoi se do të bëhet Qeveria “Kurti 3”

“Ajo do të bëhet natyrisht që do të këtë qeveri Kurti 3”, tha ajo.

Sa i përket nënshkrimeve ajo ka thënë se, “Nuk ka nënshkrime, unë në as një letër nuk kam vendosur nënshkrimin përveç ne themelimin e grupeve parlamentare, unë e kam vendosur nënshkrim në këtë letër. Nëse do të këtë ndonjë veprim tjetër nga VV do të ju njoftoj deri tani kam vendosur nënshkrim për formimin e grupeve parlamentare”.

Ajo e ka bërë të qartë që nuk përkrahin qeverinë teknike.

“Nuk e përkrahmi një qeveri teknike. Qytetarët e kanë vendosur, qytetarët e kanë votuara Kurtin. Në qoftë se nuk do të këtë numra vendi do të shkojë në zgjedhje të parakohshme”, tha Haxhiu.