“Mos i dëshironi vdekjen babit tim, ilaçin kushton 8 mijë euro”, vajza e Gani Kocit e indinjuar me shtetin!

Vajza e veteranit të luftës, Gani Koci, Enkela ka kërkuar nga institucionet e vendit, saktësisht nga Ministria e Shëndetësisë, që të mundësojnë importimin e një ilaçi për trajtimin e sëmundjes së tij.

Ilaçi Pembrolizumab, sipas saj, nëse dikush e blen dhe e fut në Kosovë, është e paligjshme.

Ajo për Indeksonlinen tregon se çmimi sillet deri në 8 mijë euro. “Ju lutna, mos i dëshironi vdekjen babës tim e askujt tjetër. Ilaçin e kanë dhe nuk po e japin, duhet ilegalisht të blihet tetë mijë euro”, ka thënë ajo.

VIDEO

“Mos i dëshironi vdekjen babit tim, ilaçin kushton 8 mijë euro”, vajza e Gani Kocit e indinjuar me shtetin!

Dalin pagat për sektorin publik

Pagat për zyrtarët publikë janë ekzekutuar tashmë, konfirmojnë punonjës të sektorit publik në Kosovë.

Nga Ministria e Financave ende nuk kanë dalë me ndonjë sqarim se si u bë ekzekutimi i pagave sot, kur dihet se ushtruesit të detyrës së Drejtorit të Thesarit tashmë i ka përfunduar mandati.

Sipas Ligjit, pagat do të duhej të ekzekutoheshin dje, por kjo nuk ndodhi pas skadimit të mandatit edhe të ushtruesit të detyrës së Drejtorit të Përgjithshëm të Thesarit, ku pa nënshkrimin e këtij të fundit, nuk mund të bëhet asnjë dalje e parasë publike nga llogaritë e shtetit.

Ndryshe, departamenti për Menaxhimin e Zyrtarëve Publikë (DMZP), i cili funksionon në kuadër të Ministrisë së Punëve të Brendshme, ka dhënë një opinion ligjor në përfundim të orarit.

Përmes opinionit, DMZP ka udhëzuar Ministrinë e Financave se si të procedohet nga nesër me ekzekutimin e pagave dhe zëvendësimin e pozitave që kanë funksionuar me ushtrues detyre.

Neni 35 i Ligji për Zyrtarët Publik tregon se askush nuk mund të caktohet ushtrues detyre më shumë se një vit.

“Zyrtarja/i publik nuk mund të caktohet si ushtruese/i detyre më gjatë se gjashtë (6) muaj. Kur pozita nuk mund të plotësohet brenda afatit gjashtë (6) mujor, ky afat mund të zgjas më së shumti edhe për gjashtë (6) muaj të tjerë”, thuhet në paragrafin 3 të këtij ligji.

Më tej, në paragrafin vijuese të këtij neni tregohet se duhet të respektohet paragrafi 3.

“Pozita e lirë nuk mund të zëvendësohet me ushtrues detyre për më gjatë se afati i përcaktuar në paragrafin 3. të këtij neni”, është thënë në paragrafin 4 të nenit 25.

Kurse, në paragrafin 5 thuhet se çdo vendim i ushtruesit të detyrës pas kalimit të afatit të përcaktuar në paragrafin 3 është i paligjshëm.

“5. Çdo vendim i marrë nga ushtruesja/i i detyrës, pas kalimit të afatit të përcaktuar në paragrafin 3. të këtij neni, është i paligjshëm”, thuhet në paragrafin 5.

“Kodi civil që cenon familjen tradicionale…”, Rrahmani thekson arsyet e largimit nga VV

Deputeti i Kuvendit të Kosovës, Eman Rrahmani, sot ka zyrtarizuar largimin e tij dhe të deputetit Visar Korenica nga Lëvizja Vetëvendosje, shkruan Gazeta Sinjali.

Në një konferencë për media, Rrahmani ka treguar se pse kanë ardhur deri tek ky vendim, duke renditur edhe disa prej arsyeve kryesore të largimit të tyre.

Ai ka theksuar edhe një herë rëndësinë që sipas tij ka familja tradicionale, duke bërë të ditur se edhe kjo ka qenë një ndër arsyet e këtij vendimi.

“Projektkodi civil që me disa dispozita cenon familjen tradicionale, projektligji për shëndetin riproduktiv që legalizon fertilizimin me donim pa identitet të njohur që dërgon në incest e të mos flasim për cenimin e familjes. Lejimi i ndërrimit të gjinisë sipas ndjesisë në projektligjin për gjendjen civile madje edhe tek fëmijët si dhe shumë aktivitete në Ministrinë e Kulturës dhe Ministrinë e Arsimit na kanë obliguar që të bashkohemi dhe të mendojmë dhe të veprojmë rreth angazhimit politik për familje”, është shprehur Rrahmani.

Tutje, ai ka thënë se ikja e qytetarëve nga Kosova, paga e ulët minimale dhe nepotizmi, janë disa dukuri të tjera për të cilat Vetëvendosje nuk ka dhënë kontributin e duhur.

“Vazhdimi i ikjes së të rinjve, familjeve, puëntorëve profesionistë dhe kategorive tjera shoqërore është bërë barrë e madhe që po e rëndon Kosovën. Mosngritja e koeficientit të pagave në sektorin publik, paga e ulët minimale, vazhdimi i nepotizmit dhe shumë dukuri tjera gjatë kësaj periudhe që jemi munduar të japim kontributin tonë përmes amandamentimeve në komisione, asnjëherë nuk kanë gjetur nga subjekti politik por as nga grupi ynë parlamentar”, ka potencuar ish-deputeti i VV-së.

Rrhamani ka theksuar se problematikë tjetër, ka qenë mos përmirësimi në ekonomi, arsim e shëndetësi.

“Vazhdimi i moszhvillimit të përmirësimit në ekonomi, arsim e shëndetësi kanë qenë problemet kryesore që kanë vazhduar ta vështirësojnë jetën e qytetarëve. Për gjatë më shumë se tri viteve kemi arritur të ndalim shumë iniciativa që cenojnë familjen tradicionale në vendin tonë. Për këtë dua të falënderoj secilin deputet për qëndrueshmërinë e treguar dhe ruajtjen e kauzës së familjes. Përkundër tentativës se pushtetit për të krijuar narrativën se këto ligje janë kushte për integrime evropiane, këto nuk kanë qenë kushte asnjëherë për asnjë vend dhe nuk do të jenë as për Kosovën”, ka thënë ai.

Sipas Rrahmanit, të gjitha këto janë të papranueshme, andaj edhe kanë vendosur të largohen nga VV.

“Këto ligje kanë qenë të papranueshme për pothuajse të gjitha vendet e rajonit por edhe për një pjesë të madhe të shteteve evropiane që edhe sot nxjerrin ligje për ruajtjen e familjes dhe fëmijëve. Duke e parë këtë situatë nga sot unë dhe deputeti Visar Korenica nuk do të jemi pjesë e LVV pasi tashmë është caktuar data e zgjedhjeve dhe parimisht ka përfunduar mandati i deputetit”, është shprehur ai.

Mes tjerash, Rrahmani ka bërë të ditur se mbështetjen për mbrojtjen e kauzave të tyre e kanë  gjetur nga Partia e Drejtësisë dhe se më pas atyre iu është bashkuar edhe AKR-ja.

Valon Syla opinionist në Big Brother VIP Kosova?

Ka pasur shumë zëra rreth opinionistëve që do jenë në BBVK.

Një emër i cili u lakua është edhe ai i Valon Sylës.

LEXO EDHE:

• Ja kur do të fillojë BBVK 3
• Njeriu më i komentuar i momentit pjesë e Big Brother VIP Kosova?

Mbrëmë në emisionin “Natën e mirë” në RTV Dukagjini ai konfirmoi se ka marrë ofertë për të qenë opinionist në këtë sezon, por që ende nuk ka diçka definitive.

Më poshtë keni videon e plotë./Indeksonline/

Shiko videon këtu

Meda pjesë e Big Brother Vip Kosova?

SBASHK-u ultimatum qeverisë: Pagat të ekzekutohen sot, mund të nisim…

Sindikata e Bashkuar e Arsimit dhe Shkencës, përmes një komunikate për media kanë bërë thirrje për ministrin e Financave, Hekuran Murati, që të gjej një zgjidhje ligjore në mënyrë që të ekzekutohen pagat për mësimdhënësit sot.

Në komunikatë Sindikata e Bashkuar e Arsimit, ka thënë se mosekzekutimi i pagave do të paraqesë probleme për ata arsimtar që jetojnë vetëm me një pagë dhe shumë më keq për ata që kanë kredi dhe këste për të paguar.

“Kujtojmë ministrin Murati se mos ekzekutimi me kohë i pagave për muajin shtator shkakton efekte negative financiare te punëtorët e arsimit dhe jo vetëm nga fakti se shumica e tyre jetojnë me atë pagë dhe mezi e lidhin fillimin e muajit me fundin e tij. Aq më keq, shumë prej tyre edhe janë në kredi dhe vonesa e ekzekutimit të pagave u krijon probleme shtesë ngase këstet e kredive janë të ndërlidhura me data dhe me daljen e pagave dhe kështu të punësuarit pa fajin e tyre mund të ndëshkohen me kamata shtesë për kreditë e tyre”, thuhet në reagimin e SBASHK-ut.

Në fund, organizata që drejtohet nga Rrahman Jasharaj, ka kërkuar që të gjendet një zgjidhje urgjente dhe kanë paralajmëruar edhe veprime sindikale nëse s’do të ndodh një gjë e tillë.

“SBASHK-u kërkon urgjentisht nga ministri Murati që të ndihet përgjegjës për mosekzekutimin me kohë të pagave të shtatorit dhe të shtojë angazhimet e të gjejë mundësi ligjore që ekzekutimi i pagave të bëhet që sot sepse në të kundërtën do të konsultohemi me anëtarësinë dhe duke respektuar zërin e tyre, mund të nisim me veprime sindikale”, thuhet në komunikatën e SBASHK-ut.

Koreja e Jugut shfaq raketën që mund të shkatërrojë bunkerët nëntokësorë të Veriut

Koreja e Jugut ka shfaqur raketën e saj më të fuqishme balistike dhe disa armë të tjera që synojnë Korenë e Veriut. Këto armë u shfaqën në ceremoninë e organizuar në Ditën e Forcave të Armatosura më 1 tetor, teksa presidenti paralajmëroi regjimin e Veriut se do të kolapsojë nëse tenton të përdorë armë bërthamore.

Shfaqja e armëve të reja dhe paralajmërimi ndaj Koresë së Veriut erdhi pasi rivali verior i Seulit së fundi ka rritur armiqësitë rajonale, duke zbuluar një ndërtesë për pasurimin e uraniumit dhe ka testuar raketa para mbajtjes së zgjedhjeve presidenciale amerikane në nëntor.

“Nëse Koreja e Veriut tenton të përdorë armë bërthamore do të përballet me një përgjigje të fuqishme nga ushtria jonë dhe nga aleanca mes Koresë së Jugut dhe SHBA-së”, tha presidenti Yoon Suk Yeol para mijëra trupave që u mblodhën në një aeroport ushtarak pranë Seulit.

“Ajo ditë do të jetë fundi i regjimit të Koresë së Veriut”.

“Regjimi i Koresë së Veriut duhet të heqë dorë nga iluzioni se armët bërthamore do t’i mbrojnë”, tha Yoon, raporton rel.

Nga Amerika në Gjermani, presidentja niset për një takim “big”

Presidentja e Republikës së Kosovës, Vjosa Osmani ka udhëtuar për vizitë pune në Gjermani. Gjatë kësaj vizite do të ketë takim pune me presidentin e Gjermanisë, Frank Walter- Steinmeier.

Thirrjet e ushtarëve amerikanë në West Point “Kosova, Kosova, Kosova”, reagon Vuçiq: Kjo s’është e këndëshme për ne serbët

Ky është moti për sot

Rrahmani dhe Korenica sot e zyrtarizojnë bashkimin me AKR-në dhe PD-në

Këto vende do të jenë pa rrymë sot

Kompania për Distribuimin e Energjisë Elektrike në Kosovë (KEDS) njofton se më 01.10.2024, do të kryhen punime të domosdoshme për siguri të sistemit energjetik.

Si i rezultat i kësaj, në disa lokalitete do të ketë ndërprerje të rrymës.

Ky është orari sipas rajoneve:

 

 

 

Prishtinë

1.

Nga NS 35/10[kV] Besia do të ndërprehet:

Dalja 10[kV] Luzhan (kodi: 10013011) prej orës 10:30 deri në ora 15:00

 

 

 

Vendet: Prugovci-1 te Villa Natyra, Verbovcët,  Lupqi i Poshtëm, Vranidolli Tenezhdolli, Kazerma e FSK në Vranidoll.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

Nga NS 35/10[kV] Besi do të ndërprehet:

 

 

 

NS 10/0.4kV TS Rimanisht-Lahovitë (kodi: 10013012118) nga ora 10:00 deri 14:30

Vendet: fshati Rimanisht.

Arsyeja: Ndërprerje për siguri, demontim i shtyllave 04kV.

3.

 

 

 

Nga NS 35/10[kV] Besi do të ndërprehet:

NS 10/0.4kV TS Ambulanta Besi (kodi: 10013012113) nga ora 16:00 deri 18:30

Vendet: Besi.

Arsyeja: Ndërprerje për siguri, demontim i shtyllës 04kV.

 

 

 

Pejë

1.

Nga NS 110/35/10[kV] Peja 1 do të ndërprehet:

Dalja 10[kV] Fusha e Pejës (Kodi: 50000009) prej orës 10:30 deri në  ora 15:00

 

 

 

Vendet: rrugët: Fadil Nimani (një pjesë), Fatos Ademaj (një pjesë), Fusha e Pejës,  Gani Daci (një pjesë), Ramë Geci, Selmon Lajqi (një pjesë), Tranzit (një pjesë) dhe Zhuj Selmani; fshatrat: Bllagaj, Katundi i Ri (një pjesë), Llabjan, Lluga e Drinit (një pjesë), Nabergjan, Nakëll, Qunguri, Qyshk (një pjesë), Treboviq, Vitomiricë (një pjesë) dhe Zahaq (një pjesë).

Arsyeja: Mirëmbajtje preventive dhe pastrimi i trasesë.

2.

Nga Stabilimenti 10[kV] Klina do të ndërprehet:

 

 

 

Dalja  10[kV] Volljaku( kodi: 52000102 ) nga ora 11:00 deri në ora 15:00

Vendet: fshatrat: Deiq (një pjesë), Volljakë dhe Zajm.

Arsyeja: Mirëmbajtje preventive, ndërrimi i shtyllave të dëmtuara- lokacioni  Deiq- Zajm.

Ferizaj

 

 

 

1.

Nga NS 110/35/10[kV] Lipjani do të ndërprehet:

Dalja 10[kV] Suhadolli (Kodi: 41000020) prej 10:30 deri në  ora 15:00

Vendet: Fshatrat: Fushas (Llugë), Hashanët (një pjesë), Jeta e Re (Topliqan) (një pjesë), Lagja e Re, Lepi/Lepina, Lipjan, Fushas (Llugë), N.Naselje (Lipjan) (një pjesë), Radevë, Skulla/Skulanevo dhe Suhadoll.

 

 

 

Arsyeja: Mirëmbajtje preventive, pastrimi i trasesë, shtrëngimi i përçuesve dhe ndërrimi i izolatorëve.

2.

Nga NS 35/10[kV] Shtërrpca do të ndërprehet:

Dalja 10[kV] Gotovusha Brodi (kodi: 40044005 ) nga ora 09:30 deri në ora 14:30

 

 

 

Vendet: Biti e Epërme, Biti e Poshtme, Brod, Drajkovcë (një pjesë), Firajë, Gotovushë, Shushice dhe Viqë.

Arsyeja: Mirëmbajtje preventive, ndërrim i shtyllave dhe ndërrim i izolatorëve.

3.

Nga NS 35/10[kV] Shtërrpca do të ndërprehet:

Dalja 10[kV] Gotovusha Brodi (kodi: 40044005 ) nga ora 09:30 deri në ora 14:30

Vendet: Biti e Epërme, Biti e Poshtme, Brod, Drajkovcë (një pjesë), Firajë, Gotovushë, Shushice dhe Viqë.

Arsyeja: Mirembajtje preventive, ndërrimi i shtyllave dhe izolatorëve.

Punime në projekte investive

1.

Nga NS 35/10 [kV] Shtime do të ndërprehet:

Dalja 10 [kV] Petrova  (kodi: 41046002) prej orës 09:00 deri në ora 17:00

Vendet: rrugët: 2 Korriku (një pjesë), Ahmet Shtimja (dhe Sheshi), Imer Devetaku (një pjesë), Kompleksi Memorial Raçak, Qesta e Reçakut, Sheshi UÇK (një pjesë), Skender Salihaj (një pjesë); fshatrat: Mollopolc, Petrovë, Reçak dhe Shtime (një pjesë).

Arsyeja: Projekte investive, ngritja e shtyllave nën tension.

Mitrovicë

1.

Nga NS 110/10 [kV] Vushtrria 2 do të ndërprehet:

Dalja 10 [kV] Novolani (kodi: 73000005 ) nga ora 10:30 deri në ora  15:00

Vendet: fshatrat: Bukosh, Dervar, Dolak, Druar, Kollë, Mihaliq, Novolan, Reznik, Shallc dhe Vërnicë.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.