Gazeta Imazhi

Në studimin që është publikuar në “Frontiers in Pharmacology”, është gjetur se sheqeri natyral i njohur si 2-deoxy-D-ribose (2dDR), mund ta nxisë rritjen e flokëve te tullacët.

Shkencëtarët nga Universiteti i Sheffieldit dhe Universitetit COMSATS në Pakisatan kanë zbuluar një komponim të sheqerit i cili mund të luajë rol në restaurimin e fijeve të flokut.

Ata gjetën se sheqeri natyral, i cili prodhohet natyrshëm nga organizmi, që quhet 2-deoxy-D-ribose (2dDR), mund ta nxisë rritjen e flokëve përmes formimit të enëve të reja të gjakut.

Ky proces vital i ushqen folikulat e flokëve, duke i mbështetur në prodhimin e flokëve të reja.

Sheqernat si riboza dhe dezoksiriboza, të cilat klasifikohen si monosakaride apo sheqerna të thjeshta që jetojnë në organizma, janë komponime esenciale të acidit nukleik. Riboza gjendet në acidin ribonukleik (ARN) kurse dezoksiriboza gjendet në acidin dezoksiribonukleik (ADN).

Përgjatë tetë vjetëve të fundit, ekipi i studiuesve janë fokusuar në përdorimin e sheqerit 2dDR për të stimuluar rritjen e enëve të gjakut për riparimin e plagëve. Papritur, ata vunë re një ndërveprim në mes të shërimit të plagëve dhe rritjes së flokëve.

Për të parë efektin e këtij sheqeri në humbjen e flokëve, shkencëtarët zhvilluan një model për minj, duke shkaktuar humbjen e flokëve të tyre përmes nxitjes së testosteronit.

Ata pastaj panë se një sasi e vogël nga ky sheqer natyral promovonte ri-rritjen e flokëve duke ngritur nivelin e rrjedhshmërisë së gjakut te folikulat e flokëve.

Ky zbulim mund të çojë në krijimin e kurës për tullacërinë, gjendje kjo që prek rreth 50% të burrave në botë.

Rezultatet preliminare

Rezultatet e studimit tregojnë se dezoksiriboza përshtatet me efektin e minoksidilit për stimulimin e rritjes së flokëve, duke prezantuar kështu një trajtim premtues për trajtimin e çështjes së humbjes së flokëve.

Minoksidili, në barnatore në SHBA gjendet vetëm në dy produkte, të cilat janë të aprovuara nga Administrata e Ushqimit dhe Barnave (FDA), në Rogaine dhe Theroxidil, ilaçe këto që kanë efekte anësore si ndjeshmëri ndaj dritës dhe irritim të lëkurës.

“Dezoksiriboza gjendet natyrshëm në organizëm, është jo e kushtueshme dhe stabile.

Ne kemi parë së mund jetë burim i zhvillimi të ndonjë gjeli për flokë. Kjo gjë e bën atë kandidat atraktiv për të eksploruar mundësitë për trajtimin e rënies së flokëve tek burrat”, ka thënë në konferencë për shtyp, profesori Muhammed Yar, nga Universiteti COMSATS.

Ndërsa Sheila MacNeil, nga Universiteti i Sheffieldit ka thënë se ani pse këto rezultate janë preliminare, janë mjaft premtuese.

“Kjo mund të ofrojë një tjetër qasje në trajtimin e tullacërisë, e cila mund të ndikojë për të mirë tek vetëbesimi i burrave dhe imazhi personal”, ka thënë MacNeil.

Le të hedhim një vështrim të shkurtër në historinë e orës.

Ora e parë e dorës u shfaq në shekullin e 19-të.

Konkretisht, ishte në vitin 1810, kur Mbretëresha Carolina Murat, një nga motrat e Napoleon Bonapartit, porositi për të një byzylyk në të cilin ishte montuar i gjithë mekanizmi i një ore.

Në shekullin e ardhshëm, orët e dorës u bënë të njohura në vende të ndryshme, duke u ofruar njerëzve një mënyrë praktike për të veshur një artikull në modë.

Gradualisht, pati zhvillime të rëndësishme në zhvillimin dhe funksionimin e orëve.

Për sa i përket arsyes se pse e mbajmë orën në dorën e majtë, është më e thjeshtë dhe më e dukshme nga sa mendojmë.

Nuk ndikohet nga rregulla apo etiketa, por qartësisht ka një qëllim praktik.

Në veçanti, është vërtetuar se ne e mbajmë orën në dorën që nuk e përdorim aq shumë.

Mendoni për këtë dhe praktikisht, kur shkruani në një fletore, do të duhet të mbani me vete orën e dorës sa herë që lëvizni, gjë që pa dyshim do të ishte e pakëndshme.

Kështu, ne jemi mësuar t’i shohim orët në dorën tonë “më të palëvizshme” dhe për këtë arsye është e çuditshme t’i shohim në anën e djathtë, edhe nëse dikush është mëngjarash.

Me siguri e keni pyetur veten se përse përgjigjemi gjithnjë me “Alo” kur flasim me dikë në telefon.

Në fakt, kjo fjalë është përdorur për herë të parë nga Thomas Edison.

Fjala “Alo” u përdor gabimisht nga Edison, në fund të shekullit XIX, pasi ai nuk kishte dëgjuar sinjalin që është dashur t’i vijë.

Por, sipas krijuesit të telefonit, Alexander Graham Bell është dashur që në thirrjet telefonike të përgjigjemi me “Ahoy!” e cila në thelb është një përshëndetje që është përdorur nga marinarët.

Kështu, fjala “Alo” e përdorur gabimisht nga Edison mbeti si një zakon për miliona njerëz.

Albert Ajnshtajn ka lindur në Ulm, Gjermani me 14 mars të vitit 1879.

Para se të shkojmë tek zbulimet e tij në fizikë dhe të kujtojmë gjenialitetin e tij, njihuni me faktet që nuk janë të njohura për masën e gjerë:

1. Si fëmijë, nuk ka pasur problem me matematikën.

2. Askush nuk e di çfarë i ka ndodhur vajzës së tij të parë.

3. Iu deshtën nëntë vite që të punësohej në akademi

4. Ai i ofroi gruas së tij çmimin Nobel si zgjidhje për divorc

5. Eklipsi diellor i ndihmoi Ajnshtajnit të bëhet me famë botërore

6. FBI e ka përgjuar me dekada

7. Ajnshtajni kërkoi rindërtimin e bombës atomike dhe më vonë u bë një ithtar i çarmatimit bërthamor.

8. Nga ai u kërkua që të bëhet president i Izraelit.

9. Truri i Ajnshtajnit u vodh pas vdekjes së tij.

Ushqimi i parë që personat me hipertension duhet ta evitojnë është kripa. Duke ditur se kripërat ndikojnë në tension te lartë të gjakut, ato duhet evituar sa më shumë.

Kufizimi i përdorimit të ushqimit të kripur, bëhet duke analizuar përshkrimin e përmbajtjes tek ushqimet e paketuara, sepse ushqimet e tilla mund të përmbajnë sasi të madhe të kripërave apo sodiumit, shkruan EatingWell.

Konsumi i tepërt i sodiumit, mund të ngushtojë venat e gjakut dhe të rrisë tensionin e tij.

“Do të befasoheshit se sa shumë sodium përmbajnë ushqimet e paketuara”, ka thënë dietologia Maria Elena Fraga nga New Yorku.

Ajo i ka këshilluar njerëzit të përgatisin vet ushqimin në shtëpi, e ta bëjnë shpesh këtë, në mënyrë që të mos blejnë produkte të gatshme të paketuara.

Një shujtë e ushqimit të shpejtë mund të përmbajë rreth 1300 miligramë kripë, gati sa totali i asaj që lejohet të konsumohet gjatë tërë ditës.

Për njerëzit me tension të lartë, The American Heart Association, rekomandon të konsumohet jo më shumë se 1500 miligramë krip në ditë pasi konsumimi i 1000 mg në ditë mund ta përmirësojë tensionin e gjakut dhe shëndetin e zemrës.

Për personat me hipertension është e rekomandueshme të konsumohen më shumë fruta dhe perime, sidomos ato që përmbajnë kalium.

Ushqimet e pasura me kalium janë thjerrëzat, kumbullat, bananet, fasulet, portokajtë, kivit, kungujt, karotat, patatet, bulmeti me pak yndyrë dhe kefiri.

Strategji të tjera për përmirësimin e tensionit të gjakut janë aktiviteti i rregullt fizik, moskonsumimi i duhanit, menaxhimi i stresit të tepërt, mbajtja e peshës normale trupore dhe gjumi i rregullt.

Nëse dëshironi të keni gjumë të mirë, është e rëndësishme të shmangni një pije, përveç kafesë.

Shmangia e kafeinës është si opsion, por ekziston një pije tjetër që ju privon nga gjumi, që mund të mos e keni konsideruar deri tani, shkruan The Mirror.

Një birrë ose një verë mund të duket se ju bën të flini me shpejtësi, por mund të sabotojë edhe gjumin tuaj.

Ekspertët e gjumit të Bed Kingsom thonë se në krye të listës si shkaktarë të pagjumësisë janë pijet alkoolike dhe nikotina.

“Ndonëse alkooli mund t’ju bëjë të bini në gjumë më shpejt, konsumi i tij afër gjumit mund të shkaktojë gjumë të fragmentuar dhe mund të jetë shkaku i zgjimit të shpeshtë gjatë natës”, thanë ata.

“Studimet kanë zbuluar se pirja e alkoolit deri në katër orë para gjumit mund të ndikojë negativisht në vazhdimësinë dhe kohëzgjatjen e gjumit, duke u zgjuar shpesh, dhe duke e pasur problem për ta rikthyer atë”.

“Thënë kështu, përpiquni të pini pijen tuaj të fundit rreth katër orë përpara se të shkoni në shtrat në mënyrë që trupi i juaj të ketë kohë për ta tretur”, deklaruan ata mes tjerash. /Shqip.com

Për të ruajtur shëndetin tuaj, është e rëndësishme të kuptoni dhe të monitoroni nivelet e kolesterolit në gjak.

Kolesteroli i lartë mund të kontribuojë në probleme të ndryshme shëndetësore, prandaj ja pesë shenja që mund të tregojnë se niveli i kolesterolit tuaj është i lartë:

Dhjami rreth barkut

Grumbullimi i yndyrës në zonën e barkut është një tregues i zakonshëm i niveleve të larta të kolesterolit. Ky lloj dhjami, i njohur ndryshe si dhjamë visceral, është i lidhur ngushtë me probleme të zemrës dhe të metabolizmit.

Dhimbja e gjoksit dhe probleme me frymëmarrjen

Kur pllakat e yndyrshme ndahen dhe grumbullohen në arteriet tuaja, ato mund të shkaktojnë dhimbje gjoksi dhe ndjesi të vështirësisë në frymëmarrje. Këto simptoma shpesh janë të lidhura me sëmundjet e zemrës dhe kërkojnë vëmendje të menjëhershme.

Gungat e verdha në lëkurë

Këto gunga, të njohura si ksantoma, ndodhin kur depozitat yndyrore fillojnë të grumbullohen nën lëkurë dhe të krijojnë gunga të dukshme. Ato janë një shenjë vizuale e mundshme e niveleve të larta të kolesterolit dhe kërkojnë kontrolle të mëtejshme.

Mbipesha ose obeziteti

Personat që janë mbipeshë ose obezë kanë më shumë të ngjarë të kenë nivele të larta të kolesterolit të keq. Humbja e peshës mund të ndihmojë në uljen e niveleve të kolesterolit dhe gjithashtu të reduktojë rrezikun për sëmundje të tjera të lidhura me obezitetin, si diabeti.

Gjenetika

Faktorët gjenetikë mund të luajnë një rol të rëndësishëm në nivelet e kolesterolit. Nëse keni një histori familjare të kolesterolit të lartë, është e mundur që kjo të ndikojë në nivelet tuaja. Megjithatë, për shumicën e njerëzve, testimi gjenetik nuk është i nevojshëm për të menaxhuar nivelet e kolesterolit, përveç rasteve të ekstremisht të larta.

Nëse përjetoni ndonjë nga këto shenja, është e rekomanduar të konsultoheni me një mjek dhe të bëni një kontroll të kolesterolit. Në rastin e niveleve të larta, trajtimi dhe menaxhimi i tyre janë të rëndësishme për të parandaluar komplikacione të mundshme dhe për të ruajtur shëndetin tuaj në mënyrë të përgjithshme.

Konsumi i tepruar i sheqerit dhe i kripës shoqërohet me mjaft probleme shëndetësore.

Gjithmonë na këshillohet të kemi kujdes me sasinë e kripës, por shija e ëmbël e sheqerit na mashtron dhe ne thjesht nuk mundemi ta kufizojmë veten.

Kripa mund të lidhet me sëmundjet kardiovaskulare dhe tensionin e gjakut, por sheqeri veç efekteve të padëshirueshme në organizëm mund të rrisë efektet e dëmshme të kripës (sodiumit).

Sa më shumë sheqer të konsumojmë, aq më shumë energji shpenzojmë për të mbajtur gliceminë në nivele të ulëta. Pra, sa më shumë sheqer, aq më shumë lodhje për organizmin.

Bazuar në efektet negative të llojeve të ndryshme të sheqerit në trup, ata zbuluan se fruktoza është më e dëmshmja kur bëhet fjala për shëndetin tonë.

Fruktoza rrit në mënyrë të frikshme rrezikun e sëmundjeve kardiake dhe presionin e lartë të gjakut (hipertension).

Frutat dhe perimet gjithashtu përmbajnë sheqer, veçanërisht fruktozë, por ekspertët amerikanë besojnë se sheqernat natyralë nuk janë shumë shqetësuese. Sheqeri i përpunuar është ai që rrit nivelet tuaja të insulinës, të cilat mund të çojnë në aktivizimin e sistemit nervor simpatik, i cili më pas përshpejton ritmin e zemrës, ngre presionin e gjakut dhe ngushton enët e gjakut.

Sipas mjekëve njeriu nuk duhet të marrë më shumë se 12 lugë çaji sheqer në ditë.

Kjo është sasia e sheqerit të përpunuar dhe nuk përfshin sheqernat natyrorë nga frutat apo perimet.

Nëse shpesh përjetoni fryrje të barkut ose gazra, kjo nuk do të thotë domosdoshmërish se ka diçka që nuk shkon me sistemin tuaj të tretjes.

Për të minimizuar gazrat dhe sikletin që kjo sjell, ekzistojnë disa metoda që ju vijnë në ndihmë menjëherë. AgroWeb.org ju njeh me to më poshtë

Provoni tërheqjen e muskujve

Tërheqja e muskujve mund të jetë shumë efektive në luftimin e fryrjes. Kur ndiheni të fryrë, muskujt e shpinës dhe të barkut janë të shtrënguara, sepse organet zgjerohen. Prandaj tërheqja e tyre mund të jetë një mënyrë për të gjetur lehtësim.

Gjithashtu do të rrisni qarkullimin e gjakut, duke bërë që organet e tretjes të punojnë edhe më tepër.

Stërvituni

Stërvitja e rregullt ndihmon trupin tuaj të punojë në mënyrë më efikase.

Kjo metodë mund të ndihmojë në tonifikimin e mureve të zorrëve tuaja, duke lehtësuar kështu qarkullimin e mbetjeve nëpër to. Edhe ushtrimet me ndikim të ulët si ecja, mund t’ju ndihmojnë.

Konsumoni më shumë ujë

Konsumi i mjaftueshëm i ujit ndihmon me problemet e tretjes që mund të çojnë në fryrje. Jo vetëm uji por edhe ushqime të tilla si kastraveci, selinoja dhe shalqiri janë të pasura me ujë dhe ju vijnë në ndihmë.

Mund të provoni medikamentet pa recetë

Disa medikamente që reduktojnë gazrat dhe fryrjen e barkut, kanë treguar efikasitet në provat shkencore.

Para se të provoni ndonjë medikament të tillë, konsultohuni fillimisht me mjekun tuaj.

Konsumoni mjaftueshëm fibra

Mos i hiqni fibrat nga regjimi juaj ushqimor, edhe nëse ato ju shkaktojnë pak fryrje. Siç e dini, një regjim ushqimor i pasur me fibra është i rëndësishëm për punën e rregullt të sistemit tretës.

Durimi që mund t’ju duhet për të ndërtuar ngadalë tolerancën ndaj këtyre llojeve të karbohidrateve, ja vlen.

Filloni duke shtuar ushqime të pasura me fibra në sasi të vogla, të tilla si gjysmë filxhani ose më pak.

Sigurohuni të merrni lëngje në sasi të larta dhe të kryeni aktivitet fizik, pasi ato ndihmojnë në lëvizjen e ushqimeve përmes traktit tretës. /AgroWeb.org

Me rastin e hyrjes në BE, nga 10 nëntori, qytetarëve të Kosovës do t’u nevojitet një certifikatë e veçantë, por edhe kjo nuk do t’ju garantojë hyrjen në asnjë nga shtetet anëtare.

Ja arsyet pse mund të ktheheni nga pikat kufitare.

Deri më tani, shqetësimet kryesore të udhëtarëve ishin nëse kishin marrë me vete pasaportat, paratë dhe të gjitha sendet personale, por nga nëntori do të kenë detyrime shtesë.

Më saktësisht, nga data 10 nëntor do t’ju duhet një certifikatë speciale për të hyrë në BE dhe Zvicër, Norvegji, Islandë e Lihtenshtajn, që janë anëtarë të zonës Shengen, për shtetas të rreth 60 shteteve, përfshirë edhe vendet e Ballkanit.

Më pas do të fillojë të funksionojë sistemi i ri hyrje-dalje (Entry/Equit System – EES) dhe do t’ju duhet një certifikatë për të hyrë.

Edhe marrja e asaj certifikate nuk do të thotë që udhëtarit i lejohet automatikisht hyrja në zonën Schengen. Të gjithë udhëtarët do të kontrollohen dhe një oficer kufitar mund t’ia refuzojë hyrjen një personi që nuk i plotëson kërkesat. Personave pa certifikatën ETIAS sigurisht që do t’iu refuzohet hyrja në kufi.

Kështu, arsyeja e refuzimit të hyrjes mund të jetë një kërcënim për sigurinë, i cili do të përcaktohet duke kontrolluar bazën e të dhënave, dhe të dhënat do të jenë në dispozicion të shërbimeve policore të vendeve anëtare të sistemit Shengen dhe agjencisë policore EUROPOL.

Gjithashtu mund t’ju refuzohet hyrja për shkak të rreziqeve shëndetësore, të cilat do të përcaktohen nga një ekzaminim mjekësor.

Kushti për të hyrë në një vend të BE-së është që qëndrimi të jetë i justifikuar dhe ju mund të mos jeni në gjendje të hyni në të nëse nuk keni para të mjaftueshme deri në kohën që planifikoni të ktheheni.

Shuma e zakonshme është rreth 100 euro në ditë dhe kjo varet nga shteti anëtar i BE-së. Të gjitha shtetet anëtare kanë rregullat e tyre dhe shumën minimale të parave të përcaktuara të nevojshme për të qëndruar në vendin e tyre.

Për shembull, vizitorëve në Spanjë nga vende jo anëtare të BE-së mund t’u kërkohet të tregojnë se kanë para për të garantuar qëndrimin e tyre në vend. Do të thotë një udhëtar nga ndonjë prej mbi 175 vendeve që nuk janë pjesë e BE-së ose zonës Shengen. Në atë vend, ju duhet të keni një minimum prej 90 eurove në ditë për person për kohëzgjatjen e udhëtimit tuaj. Përveç “jetesës”, ata mund t’ju kërkojnë gjithashtu dëshmi të akomodimit dhe të biletës kthyese.

Në Francë, shuma është e ngjashme me Spanjën, por nëse nuk keni një certifikatë akomodimi, do t’ju duhen 120 euro në ditë. Në Gjermani, ashtu si në Itali, shifra është shumë më e ulët, vetëm 45 euro në ditë.

Këto rregulla ndryshojnë në varësi të vendit anëtar dhe kritereve të tyre, por sigurohuni që të kontrolloni faqen zyrtare të ambasadës ose konsullatës pak përpara nisjes.

Duhet gjithashtu të theksohet se është e rëndësishme t’i kushtohet vëmendje kur skadon pasaporta. Dokumentet e udhëtimit nuk duhet të skadojnë në më pak se tre muaj nga data kur personi planifikon të kthehet në vendin e tij dhe pasaporta nuk duhet të jetë më e vjetër se 10 vjet.