Kosova nënshkruan marrëveshje me Turqinë — fabrikë municionesh me kapacitet 20 milion fishekë në vit

Prodhuesi shtetëror turk i sektorit të mbrojtjes, MKE, ka nënshkruar një marrëveshje për ndërtimin e një fabrike prodhimi municionesh “çelës në dorë” në Kosovë, duke shënuar një hap të rëndësishëm në thellimin e bashkëpunimit ushtarak ndërmjet Ankarasë dhe Prishtinës.

Sipas raportimeve të DailySabah, fabrika do të ketë një kapacitet vjetor prodhimi prej 20 milionë fishekësh dhe pritet të përfundojë deri në vitin 2026. MKE do të sigurojë linjat e prodhimit për fishekë dhe plumba, pajisjet e ngarkimit dhe montimit, si dhe laboratorët e testimit. Përveç ndërtimit të objekteve, kompania turke do të ofrojë trajnime për prodhim, mirëmbajtje dhe riparim, si dhe asistencë teknike për fuqinë punëtore lokale, shkruan Telegrafi.

Nisma vjen pas dërgesave të fundit të dronëve kamikazë në Kosovë nga kompania turke Baykar, përfshirë modelin Skydagger, si dhe pas blerjes së dronëve Bayraktar TB2 në korrik 2023. Dorëzimi i Skydagger-it më 8 tetor shkaktoi reagime të ashpra nga Serbia, duke nxitur tensione diplomatike midis Beogradit dhe Ankarasë.

Kryeministri në detyrë i Kosovës, Albin Kurti, ka konfirmuar më herët planet për ngritjen e fabrikës së parë të municioneve dhe laboratorit për projektimin e dronëve, pjesë e përpjekjeve për zhvillimin e industrisë së mbrojtjes dhe rritjen e kapaciteteve vendore për t’u përballur me kërcënime të mundshme në rajon.

Këto zhvillime ndodhin në një periudhë kur në Kosovë vijon të jetë e pranishme forca paqeruajtëse e NATO-s (KFOR) me mbi 4,000 trupa, kryesisht në pjesën veriore të vendit, ku tensionet etnike janë rritur në dy vitet e fundit.

MKE, e cila po zgjerohet në mënyrë të konsiderueshme në tregun ndërkombëtar, ka përfunduar së fundmi projekte të ngjashme në Jordani dhe Mongoli, ndërsa është në bisedime me tetë vende të tjera për ngritjen e fabrikave të municioneve dhe pajisjeve të montimit.

Numërohen edhe votat me kushtë në Prishtinë, ky është rezultati

Ka përfunduar numërimi i votave me kusht në Prishtinë.

Kandidati për kryetar të kryeqytetit nga VV-ja, Hajrulla Çeku ka marrë 35.12% të votave me kusht.

Ndërsa kandidati i LDK’së për kryetar të Prishtinës, Përparim Rama, ka marrë 33.17% të votave me kusht.

Nga rezultatet e përmbledhura, Rama prin në Prishtinë me 33.71% të votave, derisa Çeku radhitet i dyti me 33.22%

Gërvalla: Kemi blerë armatim nga një shtet anëtar i NATO-s, nuk e bëjmë fare në fshehtësi

Ministrja Donika Gërvalla në seancën e OKB-së foli për armatimin që e ka blerë Kosova, transmeton GAZETA PAPIRUS.

Ajo tha se Kosova ka blerë armatim nga një shtet anëtar i NATO-s, dhe jo nga Rusia dhe Kina.

Më tej ajo shtoi se këta armatim nuk e blejnë në fshehtësi.

Në këtë seancë Kosovën e përfaqësoi ministrja në detyrë e Punëve të Jashtme, Donika Gërvalla.

Ministrja në detyrë e Punëve të Jashtme e Kosovës, Donika Gërvalla gjatë fjalimit të saj në seancën e Këshillit të Sigurimit të OKB-së ka thënë se nuk ekziston ‘Kosovë e Metohi’ dhe se kjo është një gjuhë e vjetër shoviniste e Sllobodan Millosheviqit dhe shprehje e ambicieve hegjemoniste të Serbisë ndaj Kosovës.

Ao iu kundërpërgjigj përfaqësuesit serb i cili akuzoi Kosovën për blerjen e armatimit, duke i thënë se kanë blerë nga një vend i cili është anëtar i NATO-s, jo sikurse Serbia që blen armatim nga Rusia e Kina.

Flet 10-vjeçari që e gjeti kuletën me para dhe e dorëzoi në Polici

Një 10 vjeçar nga qyteti i Ferizajt hasi në një portofol derisa po shëtiste në rrugën “Enver Topalli”.

Ashtu siç e gjeti, me plotë para e dërgoi në Polici.

Elmir Dashi thotë se këtë e bëri për t’ju dhënë mesazh moshatarëve të tij.

Remzia e pranon, është në hall për këtë gjë

Këngëtarja e njohur e muzikës popullore shqiptare, Remzie Osmani, ka bërë një rrëfim në rrjete sociale, duke treguar se ndonëse ndodhet me pushime, mendja e saj nuk largohet asnjëherë nga muzika.

Në një postim në Instastory, Remzia ka ndarë një foto gjatë një shëtitjeje mbrëmjeje, por përshkrimi që i ka bashkangjitur fotos ka tërhequr vëmendjen e ndjekësve.

Ajo ka shkruar me humor e sinqeritet:

“S’di, kam ardh me pushu e asnjë kangë s’kam fillu, s’jam tu dit çka me punu, janë sos idetë”.

Këngëtarja, e cila prej dekadash është një ndër figurat më të dashura të skenës muzikore shqiptare, duket se po përjeton një periudhë reflektimi dhe kërkimi për frymëzim të ri artistik. Edhe pse e njohur për energjinë dhe pozitivitetin e saj, Remzia ka treguar se edhe artistët më të suksesshëm kanë momente kur ndihen “pa ide” dhe pa motiv.

Ndërkohë, ne presim që pas pushimeve të rikthehet në studio për të përgatitur këngë të reja, ashtu siç di vetëm ajo!

U shpall i humbur, gjendet i vdekur në Prishtinë 83 vjeçari nga Skenderaj

Ishte shpallur i humbur prej dje në mëngjes në Prishtinë, Jashar Jashari nga Skenderaj, është gjetur i vdekur sot.

Kështu kanë bërë të ditur për rajoni.org të afërmit e familjes së të ndjerit.

Lidhur me rastin janë të informuar edhe policia e Kosovës.

Ana pozon me “të dashurin e ri”, Kevini me ‘veprimin’ e papritur

Ana Ejupi, ish-banorja e “Big Brother VIP Kosova”, ka publikuar një postim plot humor në Instagram, që ka bërë menjëherë bujë në rrjete sociale.

Në një foto të postuar në Instastory, ajo shihet duke përqafuar një arush gjigant pelushi, ndërsa krahas saj ka shkruar me humor:

“Me të dashurin e ri, se s’po na lënë rahat! Kevini po xhelozon!”.

“Është helmu atmosfera”/ Matoshi për Kurtin: Ky njeri dashakeq e shpirtvogël flet për helmimin e gjuhës – s’ka lënë individ në Kosovë pa e njollosë

Mund të mos e formojë qeverinë e re dhe zgjedhjet duket se janë alternativë. Kështu deklaroi sot në Londër kryeministri në detyrë, Albin Kurti, i cili tha se nuk është aspak lehtë të formohet qeveria.Ai tha se ka shumë inat e xhelozi dhe është helmuar atmosfera.

“Nuk është kollaj, se, s’di se si t’jua shpjegoj, ndoshta e keni dëgjuar edhe ju vetë, është intoksikuar atmosfera shumë, ka shumë xhelozi e inati e cinizëm shumë më shumë sesa ide, punë e pasion. Por, jemi ku jemi dhe do të përpiqemi ta bëjmë Qeverinë. Por, siç duket, alternativa është se do të shkojmë në zgjedhje prapë”, tha ai.

Lidhur me këtë, analisti politik, Halil Matoshi, ka thënë se Kurti s’ka lënë individ në Kosovë pa e njollosur dhe ka tallur partitë, shoqërinë civile e përbuzur mediat.

“Albin Kurti nuk ka lënë individ në Kosovë pa e njollosë, sha e true. Si njerëzit e politikës – kundërshtarë politik – ashtu edhe gjyqtarë të gjitha niveleve deri tek Kushtetuesja që i ka intimidu e frikësu. I ka përbuzë gazetarët e mediat duke ua zvogëlu besueshmërinë në publik, aq sa nuk ka britë “vrani”!? I ka tallë partitë e shoqërinë civile dhe po ashtu aleatët e Kosovës”, është shprehur ai.Po ashtu, Matoshi ka shtuar se Kurti e ka dërguar shtetin në gjendje permanente jokushtetuese dhe ka krijuar frikë te qytetarët e pasiguri juridike, ndërsa klasën politike e ka nënshtruar.

“E ka rrëkny çdo ligj e ligjësi duke e shpjerë vendin në gjendje permanente jokushtetuese. E ka përmbysë secilën të vërtetë duke e vendosur Kosovën në distopi e të folurit për luftën e ka normalizu. Thjesht ka kriju frikë te qytetarët e pasiguri juridike, kurse klasën politike i ka nënshtruar nën mallkimin historik të tradhtisë”, ka vlerësuar analisti për Gazeta Blic.Sipas Matoshit, tani Kurti, njeri dashakeq e shpirtvogël, flet për helmim të gjuhës, derisa heronjtë e vërtetë i ka ulur te pluhuri, ndërsa kriminelët i ka bërë heronj.

“Dhe ky njeri dashakeq e shpirtvogël sot u flet kosovarëve për helmimin e gjuhës dhe komunikimit! Ky njeri mbi të gjithë, heronjtë e vërtetë i ka ulë tek pluhuni e horrat, hajdutët, kriminelët dhe bashkëpunëtorët e fashizmit serbian i ka heroizu”, ka deklaruar Halil Matoshi

Mësuesi kosovar nuk i di as muajt e vitit, ligjëron gjermanisht pa kryer shkollën

Në tabelë ka mbetur ajo që mësuesi i gjermanishtes u mësoi, por jo saktë. Kjo, për shkak se as vetë arsimtari, Zenë Qeriqi, nuk e di si shkruhen stinët në gjuhën gjermane.

Për ironi të fatit, në shkollën e Krojmirit të Lipjanit, nxënësve të klasës së gjashtë, mësuesi i historisë është caktuar të japë edhe lëndën e gjuhës gjermane, pa qenë i kualifikuar.

Në shkollën “Katër Dëshmorët” në Krojmir të Lipjanit, mësuesi Zenë Qeriqi është kthyer në një lloj “supermeni” arsimor.

Prej muajsh, ai ligjëron jo një, por katër lëndë të ndryshme: Historinë, Gjeografinë, Edukatën Qytetare dhe Gjuhën Gjermane.

Nxënësit të cilëve u mëson ankohen se arsimtari nuk është i përgatitur mirë në asnjë prej këtyre lëndëve.

Ata thonë se, sidomos në lëndën e gjermanishtes, nuk kanë arritur të mësojnë asgjë deri tani, pasi arsimtari i tyre nuk arrin ta dallojë anglishten nga gjermanishtja.

E përveç stinëve të vitit, që edhe në tabelë i shkroi gabim, të vegjlit thonë se nuk morën njohuri të tjera.

Edhe pse kanë kaluar mbi dy muaj nga fillimi i vitit shkollor, ata thonë se, në vend që të përparojnë në lëndën e gjermanishtes, po ngatërrohen gjithnjë e më shumë.

Të pyetur për lëndët e tjera, të cilat Qeriqi mendon se i përvetëson mirë, të njëjtit pohojnë se edhe në ato arsimtari nuk merr mundin të shpjegojë, por vetëm i shtyn të lexojnë.

Të pyetur se çfarë kanë mësuar deri tani në gjuhën gjermane, nxënësit shprehen se vetëm 5 fjali dhe asgjë tjetër.

Ani pse ka një barrë të madhe mbi supe dhe është përgjegjës për katër lëndë, Qeriqi gjen hapësirë edhe të mungojë me ditë në shkollë.

E përveç që nuk po u mëson asgjë, ai herë pas here edhe përdor dhunë fizike.

Dhe dhuna fizike nuk është e vetmja – ai ushtron vazhdimisht edhe dhunë psikike, duke i kërcënuar se do t’i përsërisë.

Arsimtari Zenë Qeriqi është i kualifikuar vetëm për lëndën e Historisë, ndërsa lëndën e gjuhës gjermane, në bazë të informacioneve, e ka mësuar pak, sa ka jetuar më herët në Gjermani.

Përparim Rama: Mbi 2 mijë qen endacakë më pak në rrugë, ky problem më nuk përmendet

Kryetari i Prishtinës, Përparim Rama, ka thënë se njëri prej problemeve më të mëdha në kryeqytet, është zgjidhur.

Fjala është për qentë endacakë.

Rama tha se tash janë 2 mijë qen më pak në rrugët e Prishtinës.

“Problemi i qenve endacakë ka qenë më i madhi, por sot nuk përmendet. Kemi kriju sistem që u mundëson qytetarëve me adaptu qen endacakë, sot i kemi 2 mijë qen më pak në rrugë. Kemi punu në rregullore, dhe kemi punu në strehimoren e re, për trajtimin e qenve në mënyrën më humane. Kemi kriju siguri shtesë për qytetarët e Prishtinës, për fëmijët tanë”, tha Rama.

 

 

Ai shkruajti në rrjete sociale se sot ka kujdes, trajtim e adpotim.

“Nga rrugët — në kujdes, trajtim e adoptim.

Ky është standardi i Kryeqytetit”, tha Rama.