Moderatorja Albana Bejko tregon historinë e frikshme me mjekun kosovar që e përndiqte prej një viti

Gazetarja sportive Albana Bejko, ka rrëfyer për herë të parë historinë e saj me mjekun nga Kosova që pretendon se e përndiqte intensivisht, Behar Kamberi.

Ajo tha se përndjekja ka ndodhur prej më shumë se një viti, deri sa ajo iu drejtua institucioneve dhe e denoncoi, gjë që çoi më pas në arrestimin e tij.

Për herë të parë, ajo ka shfaqur edhe mesazhet që pretendon se ai i dërgonte, duke i thënë se “ishte burri i saj i ëndrrave” dhe se “e donte shumë” dhe donte të martohej me të.

“Një moment i frikshëm ishte kur në ambientet ku unë punoj, personi u afrua më kërkoi që të uleshim për kafe, në atë moment reagimi ishte instiktiv, i trembur, i thash ‘të lutem mu hiq qafe’. Kaluan 4 djem në atë moment, dhe kjo e trembi pak. Periudha intensive e përndjekjes ka qenë qershor i vitit të shkuar deri para pak ditësh, dhe unë më pas telefonave policinë”, tha ajo në TopChannel.

“Përshëndetje Albanë nga Behari. Unë jam burrë ideal për ty. Jam doktor intelektual, gentleman, i bukur dhe i sinqertë. Ne të dy gjithnjë kemi komunikuar dhe do të komunikojmë mirë dhe shëndetshëm. Kam gjendje të mirë financiare dhe shëtis botën”.

“Këto janë tiparet që përmbush kështu që mos hezito më. Por eja martohemi dhe jetojmë së bashku në një banesë këtu në Prishtinë por edhe në Tiranë. Ku ti përsëris krejt gjërat ke me i pas dhe me i cu në vend, asgjë ska për të munguar”.

“Ti do vazhdosh të punosh si tani. Albanë më merr në konsideratë kur unë jam mashkull ideal që të bëj propozim për martesë. Pres reflektim nga ti”, ishte një nga mesazhet që ai i dërgonte gazetares, siç pretendon ajo.

“Përshëndetje. Tashmë pasi që ne po njihemi që një kohë të gjatë dhe kështu kemi biseduar live kohë pas kohe, kemi bërë foto, kemi biseduar në telefon dhe të kam shkruar në email. Unë kam një ftesë për kafe me ty. Me qellim që të vazhdojmë komunikimin dhe të diskutojmë për së rrafshi në tavolinë”.

“Pasi që edhe ti ma ke konfirmuar kërkesën që na dy të pijmë kafe së bashku. Me rëndësi është që edhe ti me qën e kënaqur dhe me ndje veten tande mirë. Kur të konvenon dhe kur është mirë për ju. Jam në pritje, më lajmëro. Behari, Albana, më të mirat”, pretendon Albana të jetë një tjetër mesazh i dërguar nga Behar Kamberi.

“Përshëndetje Albana nga Behari. Është kënaqësi që u takova mbrëmë dhe u njoha për së afërmi me ty. Nderimi im është që bëra foto me ty. Shumë jam i lumtur që fola me ty dhe të çmoj shumë, moj vajza më e bukur e Shqipërisë. Dhe shpresoj që së shpejti të shihemi dhe të pimë edhe nga një kafe”.

“Të ftoj me ardh në Prishtinë. Ti gjithmonë më ke pëlqyer si person dhe besoj që do të kemi të mira. Me respekt nga Behari. Të dua shumë Albana”, është tjetri mesazh që Albana pretendon se i ka ardhur nga Behar Kamberi.

Behar Kamberi, një mjek psikiatër nga Kosova, është arrestuar më 28 shtator pasi akuzohet për përndjekje ndaj moderatores së njohur sportive, Albana Bejko.

Top Channel raportonte se sipas specialistëve për hetimin e krimeve në Komisariatin Nr. 2 në Tiranë, mjeku 42-vjeçar është arrestuar pasi dyshohet se ka përndjekur një 28-vjeçare, duke u shfaqur disa herë pranë banesës së saj.

Sipas raportimit, Kamberi në atë kohë ndodhej në qelinë e burgut “Mine Peza”, pasi u kap nga efektivët e policisë, ndërsa moderatorja kishte planifikuar skenën, duke e ftuar në një takim në një zonë të Tiranës.

I njëjti është paraqitur në vendin e takimit dhe është arrestuar nga oficerët e Komisariatit Nr. 2 të Tiranës, ku ndaj tij rëndon akuza për veprën penale të përndjekjes, ndërsa hetimet janë në vijim.

Haradinaj i ashpër me Kurtin: I pa ftyrë, është njeri i Serbisë dhe i Rusisë

Kryetari i Aleancës për Ardhmërinë e Kosovës, Ramush Haradinaj ishte i ashpër ndaj Kryeministrit në detyrë, Albin Kurtit, duke e quajtur atë si njeri i Rusisë dhe Serbisë e gjithashtu edhe si i pafytyr[.

Ai tha se Amerika ka qenë ajo që e ka ndihmuar vazhdimisht në beteja të ndryhsme e që ndihmon edhe sot.

Haradinaj në kanal10 tha se Amerika ka qenë ajo që i largoi rumuntë dhe ata të KFOR-it ishin të lënduar dhe e  kanë shpëtuar policinë në veri.

Haradinaj gjithashtu theksoi se kjo është një idiotësi kur thuhet se Amerika nuk dëshiron rend dhe ligj në veri, pasi që ata e kanë ndihmuar gjithmonë Kosovën dhe çështjet në veri.

“Amerika i ka bë ato sene, ky është i pafytyrë shumë ju lutna, është njeri i Rusisë e i Serbisë kur flet kështu. Me ju thanë ti studentave që po du me bo rend e ligj në veri e për qato Amerika nnuk po m’don. Qysh more nuk po të vjen marre, kur Amerika ta ka mundësu me bo atë rend e ligj”, shtoi tutje Haradinaj.

Limaj: Gabim, asnjëherë nuk e kemi mbështetur Kurtin

Kreu i Nismës Socialdemokrate, Fatmir Limaj, ka deklaruar se partia e tij asnjëherë nuk e ka mbështetur kryeministrin në detyrë Albin Kurtin.

Ai tha se përgjatë karrierës politike ka vepruar vetëm në bazë të bindjeve të tij personale.

“Ne asnjëherë nuk e kemi mbështetur z. Kurtin. Unë kam besuar në dy kauza, në njërën kam qenë i bindur, ndërsa në tjetrën kam pasur dyshime. Edhe deklarimet e mia në Parlament e në studion e Adriatikut e dëshmojnë këtë. Për shembull, te demarkacioni kam pasur dilema, sepse nuk jam ekspert, por si deputet i Kosovës ndihem krenar që kam marrë pjesë në votim. Kurrë nuk do të më gjeni duke votuar kundër vendit tim kur dyshoj”, ka thënë Limaj.

Ai ka shtuar se për çështje të cilat ka pasur paqartësi, nuk ka marrë pjesë në votim.

“Për këtë arsye nuk kam votuar as për Gjykatën Speciale dhe as për marrëveshjen e vitit 2013. Kur kam dilema në votë, nuk votoj, kërkoj sqarim”, ka theksuar Limaj.

Si të aplikoni për subvencionimin e faturave të rrymës këtë dimër

Publikohet momenti i plagoșjes me ařmë së politikanit shqiptar

Një ngjarje e rëndë ka ndodhur pasditen e sotme në Kumanovë.

Atje është qëlluar me armë zjarri zyrtari i BDI-së, Zekirija Shaini, i cili është bartës i listës së koalicionit AKI në Likovë.

Shaini mbeti i plagosur në këmbë dhe raportohet se është jashtë rrezikut për jetë.

TV 21 në Maqedoninë e Veriut ka publikuar momentet kur zyrtari i BDI-së u qëllua. Aty shihet se si një person i veshur me të zeza i afrohet me armë në dorë veturës ku lëvizte Zekirija Shaini dhe ka qëlluar në drejtim të tij.

Aktualisht, policia po punon për kapjen e të dyshuarve dhe për zbardhjen e rastit.

Leutrim Ajeti: Familja e Hashim Thaçit ma ka premtuar votën për kryetar të Graçanicës

Leutrim Ajeti i cili kandidon për kryetar komune në Graçanicë në zgjedhjet lokale në kuadër të koalicionit të përbashkët “Aleanca Shqiptare”, në një intervistë në emisionin FRONTAL ka treguar se ai ka marrë premtimin nga familja e Hashim Thaçit që do ta votojnë.

“Familja Thaçi, një pjesë e familjes Thaçi, ma kanë premtuar votën. Kam diskutuar me disa pjesëtarë dhe do të votojnë për Aleancën Shqiptare”, ka thënë ai.

LAJMI I FUNDIT: Publikohet sondazhi për Prishtinën

Gazeta Sinjali ka publikuar rezultatin e një sondazhi online të realizuar me 4 mijë persona.

Sipas sondazhit, Prishtina do të shkojë në balotazh.

Më poshtë rezultati:

Edhe këtë vit subvencionohet rryma për këto familje

Ministri në detyrë i Financave, Hekuran Murati, ka njoftuar se bashkë me stinën e dimrit rikthehet edhe Programi për Subvencionimin e Faturave të Energjisë Elektrike për Familjet e Cenueshme, i cili u miratua sot në mbledhjen e Qeverisë.

Sipas ministrit, familjet që kanë qenë përfituese nga programi në vitin e fundit nuk kanë nevojë të ri-aplikojnë, përveç në rastet kur kanë ndryshuar vendbanimin dhe orëmatësin e energjisë elektrike.

Ky program mbështet familjet e cenueshme që kanë të ardhura mesatare më pak se 150 euro në muaj për çdo anëtar, dhe që posedojnë prona të paluajtshme me vlerë më pak se 100,000 euro.

Subvencionimi zbatohet për faturat e periudhës tetor-mars dhe paguhet drejtpërdrejt në llogari të konsumatorit, pas leximit të orëmatësve – pra, në muajin pasues.

Ministri Murati njoftoi se gjatë ditëve në vijim do të publikohen detaje lidhur me aplikimet e reja dhe/apo ndryshimet në orëmatës.

Ministria e Financave del me njoftim të rëndësishëm

Qeveria në detyrë e Republikës së Kosovës në mbledhjen e sotme ka marrë tetë vendime me fokus të veçantë tek mbështetja e familjeve të cenueshme dhe studentëve.

Sipas njoftimit me propozim të Ministrisë së Financave, Punës dhe Transfereve u ndanë 6 milionë euro për mbështetje të njëhershme prej 100 euro për secilin student, me rastin e fillimit të vitit të ri akademik.

“U miratua bursa e mobilitetit me vlerë 20 milionë euro, që mbështet studentët nga familjet me të ardhura nën mesatare, varësisht nga distanca mes vendbanimit dhe universitetit. U ndanë 1 milion euro për familjet në nevojë, përmes shpërndarjes së pakove ushqimore në bashkëpunim me organizatat e shoqërisë civile, me qëllim që ndihma e shtetit të arrijë edhe tek ata që shpesh mbeten jashtë mekanizmave standardë. U miratua programi për subvencionim të energjisë për konsumatorët e cenueshëm. Përmes tij parashihen pagesa të pjesshme apo të plota të energjisë direkt në llogarinë e konsumatorit për familjet me të ardhura nën 150 euro për anëtar në muaj. U ndanë 2.5 milionë euro për blerjen e librave dhe materialeve shkollore për vitin shkollor 2025/2026, duke përmbyllur subvencionimin e plotë për nxënësit. U ndanë 50 mijë euro për integrimin e trashëgimisë kulturore në planifikimin hapësinor, në kuadër të marrëveshjeve me trupat e OKB-së. U ndanë 150 mijë euro për realizimin e projekteve të përbashkëta përmes marrëveshjeve me trupat e OKB-së, si kërkesë e ZKM-së”, thuhet në njoftimin e MF-së, ku theksohet se sa i përket aplikimit për mbështetjen prej 100 euro për studentët, bursës së mobilitetitdhe subvencionimit të energjisë, qytetarët do të njoftohen për kriteret, mënyrën e aplikimit dhe kohën e subvencionimit gjatë ditëve në vijim.

Vendime të rëndësishme – Këto janë të gjitha vendimet që mori sot Qeveria

Qeveria në detyrë e Republikës së Kosovës mbajti sot mbledhjen e radhës, ku mori një sërë vendimesh.

Ndihma për studentët, bursa të mobilitetit, subvenciome e vendimet për shpronësim. janë disa nga pikat që pati qeveria në rend të ditës.

Vendimet:

–         Miratuar kërkesën që në Pakon e Ringjalljes Ekonomike të shtohet masa 3.8 – Bursa e Mobilitetit për Studentë. Sipas kësaj mase, studentët me të ardhura nën mesataren e të ardhurave në Kosovë do të përfitojnë bursë të mobilitetit që do të përllogaritet në raport me largësinë e vendbanimit të studentëve nga universiteti. Vlera e kësaj masa arrin shumën prej 20 milionë euro;

–         Miratuar vendimin për mbështetje financiare të njëhershme në shumë prej 100 euro për të gjithë studentët që plotësojnë kriteret, ashtu që ata dhe familjet e tyre ta kenë më të lehtë përballimin e kostove që ndërlidhen me fillimin e vitit të ri akademik. Vlera e përgjithshme e kësaj mbështetje është 6 milionë euro;

–         Miratuar vendimin përfundimtar të shpronësimit për interes publik të pronave të paluajtshme të cilat preken nga realizimi i projektit: Menaxhimi Mbeturinave të Ngurta 11-1V, Deponia e Re Sanitare, Zona Kadastrale Lutogllavë, Komuna e Pejës. Deponia e Pejës dhe deponitë e tjera të përfshira në projektin prej 45 milionë euro, që e financojmë bashkërisht me Bashkimin Evropian dhe KfW-në, janë pjesë e investimeve më të mëdha që po realizohen në sektorin e mbeturinave në Kosovë;

–         Miratuar vendimin preliminar të shpronësimit për interes publik, të pronave të paluajtshme të cilat janë të nevojshme për realizimin e Projektit Infrastrukturor për Interes Publik, “Ndërtimi i Urës mbi Lumin Ibër” që lidhë Mitrovicën e veriut dhe Mitrovicën e jugut. Me miratimin e vendimit preliminar, konfirmohet ligjshmëria e procesit te shpronësimit të pronave të paluajtshme, të cilat janë të nevojshme për realizimin e infrastrukturës përcjellëse në kuadër të projektit “Ndërtimi i Urës mbi Lumin Ibër”;

–         Miratuar vendimin për shqyrtimin e mëtejmë të kërkesës për shpronësim për interes publik të pronave të paluajtshme të cilat preken nga realizimi i Projektit: Ndërtimi i kyçjes së Vitisë në Autoudhën “Arbër Xhaferi” (Prishtinë-Hani i Elezit). Ky projekt arrin vlerën afër 3 milionë euro dhe si projekt infrastrukturor mundëson dhe qarkullim më të shpejtë në ekonominë lokale dhe lidhje të barabartë me pjesën tjetër të vendit;

–         Ndarë 1 milion euro për kuponë ushqimi për familjet në nevojë në kuadër të zbatimit të Pakos së Ringjalljes Ekonomike;

–         Miratuar Programin për Mbrojtjen e Konsumatorëve të Cenueshëm të Energjisë Elektrike. Qëllimi kryesor i këtij Programi është të ofrojë mbështetje të drejtpërdrejtë për konsumatorët e cenueshëm në sektorin e energjisë elektrike. Familjet që kanë qenë përfituese nga programi në vitin e fundit nuk kanë nevojë të ri-aplikojnë përveç në rastin kur e kanë ndryshuar vendbanimin dhe orëmatësin e energjisë elektrike. Programi në fjalë mbështet familjet e cenueshme që kanë të ardhura mesatare më pak se 150 euro/muaj/anëtar, dhe që kanë prona të paluajtshme me vlerë më pak se 100,000 euro. Subvencionimi aplikohet për faturat e periudhës tetor-mars, dhe paguhet direkt në llogari të konsumatorit, pas leximit të orëmatësve – pra në muajin pasues. Ditëve në vijim do të ndahen udhëzimet dhe detajet sa u përket aplikimeve të reja dhe/apo ndryshimeve të orëmatësve;

–         Ndarë 2.5 milionë euro shtesë për subvencionimin e teksteve dhe materialeve mësimore për vitin akademik 2025/2026;

–         Ndarë 50 mijë euro për realizimin e projektit për Integrimin e Trashëgimisë Kulturore në Planifikimin Hapësinor, përmes marrëveshjeve me trupat e Organizatës së Kombeve të Bashkuara;

–         Ndarë 150 mijë euro për realizimin e projekteve përmes marrëveshjeve me trupat e Organizatës së Kombeve të Bashkuara.