Deputetja e VV-së, Kusari Lila e pranon në Prokurori bisedën me Radojçiqin

Analisti Vehbi Kajtazi ka komentuar në emisionin “Rubikon” të Klan Kosovës rastin e hedhjes poshtë të kallëzimit penal të Mimoza Kusari-Lilës kundër tij për publikimin e bisedës telefonike të kryetares së Alternativës me Millan Radoiçiqin.

Në një aktvendim të nxjerrë javën e kaluar, Prokuroria Speciale ka konstatuar se nuk ka gjetur elemente të veprës penale në rastin e publikimit të audio-incizimit të publikuar nga Paparaci.

Kusari-Lila, në tetor të vitit të kaluar parashtroi kallëzim penal për nxitje të përçarjes dhe mosdurimit ndaj gazetarit Kajtazi.

Rreth kësaj çështjeje, Kajtazi theksoi se sot e ka pranuar edhe njoftimin për rastin nga ana e prokurorisë.

Bajrami: Më shumë po ikin nga Kosova se nga vendet ku ka luftë

Shefja e grupit parlamentar të Lidhjes Demokratike të Kosovës, Hykmete Bajrami, ka publikuar një raport të Bankës Botërore ku Kosova ka shënuar tkurrjen më të madhe të popullsisë.

Ajo pohoi se më shumë njerëz po ikin nga Kosova se nga vatrat e luftës.

“Derisa deputetët uzurpatorë të zyrave të qeverisë krekosen për zhvillim ekonomik, Banka Botërore ua rrëzon krejt propagandën: ‘Kosova është vendi i parë në botë për nga shkalla e tkurrjes së popullsisë’”, ka shkrur Bajrami në Facebook.

“A po e kuptoni? Më shumë njerëz ikin nga Kosova se sa nga vatrat e luftës.  Prej kujt po ikin qytetarët? Prej lulëzimit ekonomik?”

Ultimatumi i Trump, Hamasi merr këtë vendim

Hamasi ka deklaruar se ka rënë dakord të lirojë të gjithë pengjet izraelite, të gjallë ose të vdekur.

Me këtë rast, Hamasi thotë se i liroi pengjet sipas kushteve të propozimit të presidentit të SHBA-së, Donald Trump, shkruan Reuters, transmeton IndeksOnline.

Hamasi gjithashtu sinjalizoi gatishmërinë për të hyrë menjëherë në negociata të ndërmjetësuara për të diskutuar detajet.

Vendimi vjen pak orë pasi Donald Trumpi i dha ultimatum Hamasit, për të nënshkruar marrëveshjen e paqës.

“Si hakmarrje për sulmin e 7 tetorit ndaj popullatës civile, më shumë se 25,000 “ushtarë” të Hamasit janë vrarë tashmë. Shumica e pjesës tjetër janë të rrethuar dhe të bllokuar ushtarakisht, duke pritur vetëm që unë t’u jap fjalën, “Shko”, që jetët e tyre të shuhen shpejt. Sa për pjesën tjetër, ne e dimë se ku dhe kush jeni, dhe do të gjurmoheni dhe do të vriten… Për fat të mirë për Hamasin, megjithatë, do t’u jepet një shans i fundit! Kombe të mëdha, të fuqishme dhe shumë të pasura të Lindjes së Mesme dhe zonave përreth, së bashku me Shtetet e Bashkuara të Amerikës, kanë rënë dakord, me Izraelin që të nënshkruajë, për PAQE, pas 3000 vitesh, në Lindjen e Mesme. Kjo marrëveshje gjithashtu kursen jetën e të gjithë luftëtarëve të mbetur të Hamasit! Detajet e dokumentit janë të njohura për botën dhe është një marrëveshje e shkëlqyer për të gjithë! Do të kemi paqe në Lindjen e Mesme në një mënyrë ose në një tjetër. Dhuna dhe gjakderdhja do të ndalen. Lironi pengjet, të gjithë, përfshirë trupat e atyre që janë të vdekur, tani! Një marrëveshje duhet të arrihet me Hamasin deri të dielën në mbrëmje në orën 6 pasdite, sipas orës së Uashingtonit. Çdo vend e ka nënshkruar! Nëse kjo marrëveshje e mundësisë së fundit nuk arrihet, i gjithë ferri, siç askush nuk e ka parë më parë, do të shpërthejë kundër Hamasit. Do të ketë paqe në Lindjen e Mesme në një mënyrë ose një tjetër” u shpreh presidenti amerikan.

34-vjeçari ofendoi e kërcënoi zyrtarët policorë në Gjakovë, por e pëson keq

Nuk janë të rralla rastet kur zyrtarët policorë ballafaqohen me kërcënime serioze nga qytetarë në qytete të ndryshme të Kosovës. Shpesh herë pakënaqësitë e tyre kalojnë në kërcënime, duke ua vështirësuar kështu punën e madje duke ua kërcënuar edhe jetën, raporton Gazeta Sinjali.

Një incident i tillë ka ndodhur mëngjesin e sotëm në Gjakovë, ku një qytetar ka përfunduar në pranga pasi kanosi me fjalë zyrtarët policorë gjatë një kontrolli në trafik.

Ngjarja është regjistruar më 03 tetor 2025, rreth orës 08:40, në rrugën “Adem Jashari”. Burime brenda hetimeve bëjnë të ditur se i dyshuari B.Th, rreth 34-vjeçar ishte ndaluar nga patrulla policore për një kundërvajtje në komunikacion. Pas shqiptimit të tiketes, ai fillimisht ofendoi, e më pas kanosi tre zyrtarët policorë që po kryenin detyrën.

Reagimi i menjëhershëm i policëve bëri që 34-vjeçari të arrestohej dhe të shoqërohej në Stacionin Policor të Gjakovës. Pas konsultimit me prokurorin kujdestar, rasti është kualifikuar si “Kanosje ndaj personit zyrtar” dhe është proceduar në njësinë e hetimeve rajonale.

Sulmoi kryeinfermierin, ndalohet për 48 orë ish-asamblisti i PDK-së

LAJM I FUNDIT: SHBA-ja sulmon me dron…

Ushtria amerikane ka kryer një sulm me dron ndaj një anijeje pranë brigjeve të Venezuelës, të cilën e konsideroi të përfshirë në kontrabandën e drogës, duke vrarë katër persona që zyrtarët e quajnë “narko-terroristë”.

Sulmi u krye me urdhër të presidentit Donald Trump, njoftoi Sekretari i Mbrojtjes, Pete Hegseth.

“Inteligjenca jonë ka konfirmuar pa mëdyshje se anija mbante narkotikë, njerëzit në bord ishin narko-terroristë dhe po lundronin në një rrugë të njohur kontrabande. Sulme të tilla do të vazhdojnë derisa të hiqet kërcënimi për jetën e amerikanëve,” shkroi Hegseth në X.

Pamjet e publikuara tregojnë një dron që fluturon mbi motoskafin pak para se ai të goditet nga një raketë e drejtuar me saktësi.

Ky sulm është pjesë e një serie operacionesh kundër trafikimit të drogës që kur, në shtator 2025, Trump i kategorizoi kartelët ndërkombëtarë si organizata terroriste të huaja.

Që atëherë, sipas Pentagonit, të paktën tre sulme të ngjashme janë kryer në Karaibe, duke fundosur disa anije dhe vrarë midis 17 dhe 20 persona.

Megjithatë, zyrtarët venezuelianë dhe disa analistë ndërkombëtarë kanë vënë në dyshim provat që lidhin anijet me rrugët e kontrabandës, duke theksuar se kjo po tensionon marrëdhëniet midis Uashingtonit dhe Karakasit.

Dronët mbi aeroportin e Mynihut, Kryeministri bavarez: Sapo hyjnë në Gjermani t’i …

Rrëzimi i menjëhershëm i dronëve që shkelin hapësirën ajrore kombëtare ose pengojnë navigimin ajror është kërkuar këtë të premte nga kryeministri i shtetit të Bavarisë, Markus Söder.

Ai lëshoi thirrjen pas shfaqjes së dronëve në Mynih mbrëmjen e djeshme, një incident ky që shkaktoi mbylljen e aeroportit të qytetit.

Në të njëjtën kohë, BILD, duke cituar burime sigurie, raporton se bëhej fjalë për dronë “të mëdhenj” dhe të paktën një “avion me krahë fiks“, si ai i parë javën e kaluar mbi Kiel, që fluturuan mbi Mynih Sipas BILD avioni u zhduk para se policia të mund të ndërhynte.

“Incidentet me dronë demonstrojnë presionin e madh. Që tani e tutje, rregulli duhet të jetë: ‘Rrëzojini në vend që të prisni dhe bëjeni vazhdimisht!’. Policia jonë duhet të jetë në gjendje të rrëzojë dronët menjëherë”, tha kryeministri i Bavarisë, Markus Söder.

Ai po ashtu bëri thirrje për përdorimin e sistemit “Kupola e Hekurt” në hapësirën ajrore gjermane.

“Kemi nevojë për mbrojtje efektive për të gjithë infrastrukturën dhe instalimet tona ushtarake. Nuk ka të bëjë vetëm me parandalimin e spiunazhit. Infrastruktura jonë duhet të mbetet funksionale në çdo kohë. Kemi nevojë për sovranitet mbi hapësirën tonë ajrore”, theksoi Söhner, duke shtuar se qeveria e shtetit tashmë po harton një ligj të përshpejtuar, duke i bërë thirrje qeverisë federale të përshtatë Aktin e Sigurisë së Aviacionit sa më shpejt të jetë e mundur.

Sipas informacioneve zyrtare të mediave gjermane deri më tani nuk ka qenë e mundur të përcaktohet se kush qëndron pas sulmit të fundit me dron, i cili la në tokë 17 avionë, duke i ndalur fluturimet rreth 3,000 pasagjerëve. Aeroporti i Mynihut nisi të funksionojë normalisht që nga ora 05:00 e mëngjesit të së premtes.

Vuçiç paralajmëron: “Po vjen lufta e madhe” – fajëson Kosovën për përgatitje

Presidenti i Serbisë, Aleksandar Vuçiq, ka thënë të premten se “të gjithë po përgatiten për luftë” dhe se Kosova po “përpiqet ta përdorë këtë kohë para luftës” për t’i bindur shumicën e shteteve evropiane dhe vendet e NATO-s t’ia mbajnë anën Prishtinës.

Vuçiç i bëri këto komente pasi u pyet nga një gazetar për thirrjen e presidentes së Kosovës, Vjosa Osmani, që Evropa t’i parandalojë taktikat agresive dhe destabilizuese të Serbisë ndaj fqinjëve të saj.

Duke folur për Samitin e Komunitetit Politik Evropian (EPC) në Kopenhagë, Vuçiq tha se “bota do të bëhet gjithnjë e më e vështirë” dhe se ai “mendon se po shkojmë drejt një konflikti të madh”.

 

 

“E dimë tashmë se do të ketë luftë, dhe do të ketë, po jua them unë, sepse e shoh çfarë po ndodh dhe si po përgatiten të gjithë. Askush nuk po përgatitet për bisedimet, ata thjesht po shikojnë se kush do të jetë në anën e kujt. Ata po gërmojnë llogoret e tyre dhe po e presin fillimin”, tha Vuçiç.

Vuçiç nuk dha asnjë provë për t’i mbështetur pretendimet e tij se do të ketë luftë. Ai shtoi se Serbia do të “bëjë çmos” për të mos marrë pjesë në atë luftë.

Në fillim të samitit të Komunitetit Politik Evropian në Danimarkë të enjten, presidentja e Kosovës Osmani tha për gazetarët se Rusia paraqet kërcënim për Evropën, ndërkaq Serbia për rajonin e Ballkanit Perëndimor, duke e akuzuar Beogradin se i kopjon veprimet e Moskës. Osmani i bëri thirrje Bashkimit Evropian që “të mos e shpërblejë” Serbinë.

 

 

Ajo tha se, nëse nuk ka ndikim perëndimor në Ballkan, “forcat malinje të ‘Trekëndëshit të Ligësisë’ – pra Rusia, Kina dhe Irani – gjithmonë vijnë aty jo për bamirësi, por kanë interesa dashakeq strategjikë”.

“Prandaj është e rëndësishme që zgjerimi të shtyhet përpara dhe Ballkani Perëndimor, ato shtete të rajonit që i plotësojnë kriteret dhe punojnë me vlerat e BE-së, duhet të merren parasysh që të lëvizin përpara”, tha ajo.

 

 

Ndërkohë, gjatë qëndrimit në Shtetet e Bashkuara javën e kaluar, Osmani tha se Beogradi paraqet kërcënim të vazhdueshëm për Prishtinën. E pyetur në një intervistë për Fox News, nëse Kosova dhe Serbia ishin buzë një konflikti në qershor, Osmani tha se fqinjit verior të Kosovës i “pëlqen të shkaktojë probleme herë pas here”.

Ajo theksoi se administrata e presidentit amerikan Donald Trump ka bërë punë të mirë në parandalimin e përshkallëzimit të situatës mes Kosovës dhe Serbisë. Muajt e fundit, presidenti Trump disa herë ka deklaruar se ka parandaluar një përshkallëzim mes Kosovës dhe Serbisë./Radio Evropa e Lire/

Asambleistja më e re në Prishtinë, Gresa Lahu synon mandatin e dytë me numër 27 nga PDK

Gresa Lahu, e cila u bë asambleistja më e re në Kryeqytet në moshën 22-vjeçare, kandidon sërish para qytetarëve për mandatin e dytë nga radhët e PDK-së, në ekipin e Uran Ismailit.

Me një angazhim të dëshmuar në këto katër vite, Lahu kërkon përsëri votën tuaj që ta vazhdojë kontributin e saj në shëndetësi, zhvillim dhe krijimin e hapësirave të reja për rininë, mbrojtjen e grupeve të margjinalizuara, përmirësimin e arsimit, mbrojtjen e të drejtave të kafshëve dhe shumë fusha të tjera që prekin drejtpërdrejt qytetarët.

Në një thirrje publike drejtuar qytetarëve, Gresa Lahu u shpreh: “Rrugëtimin që kemi nisur së bashku tash e 4 vite, ju ftoj ta çojmë përpara me edhe më shumë energji dhe përkushtim. Rikandidimi im nuk është vetëm një vazhdim, por një zotim i ri! Në listën e PDK-së në Prishtinë, jam me numrin 27. Me besimin tuaj, dua ta çoj më tej këtë punë, për një Prishtinë më të drejtë, më të gjallë dhe më afër qytetarëve.”

Më 12 tetor, Lahu garon me numrin 27 në listën e PDK-së, duke kërkuar besimin e qytetarëve për të qenë zëri i tyre në Kuvendin Komunal edhe për një mandat tjetër.

E dhimbshme: Ndërron jetë Kushtrim Kadriu