Një shqiptare në mesin e të arrestuarëve nga Izraeli në flotën Summud

Kolektivi për Mendim dhe Veprim Feminist ka reaguar lidhur me kapjen aktivistëve të flotës Sumud nga Izraeli.

Sipas kësaj organizate në këtë flotë ishte edhe aktivistja shqiptare, Albulena Fazliu.

“Ndër aktivistët/et nga 40 vende të botës që kanë mësyrë të hapin koridor humanitar, është edhe Albulena Fazliu”, thuhet në postim.

Kolektivi për Mendim dhe Veprim Feminist ka kërkuar nga shteti i Kosovës që të kërkojë menjëherë nga Izraeli lirimin e saj.

“Shteti i Kosovës duhet të kërkojë menjëherë që Izraeli ta lirojë Albulenën dhe aktivistet e aktivistët tjerë”, thuhet në reagim.

Nëse i njihni këta persona lajmërone policinë

Njësiti i Hetimeve i stacionit policor në Graçanicë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personave që shihen në fotografi. Personat e dyshuar kërkohen për përfshirje veprën- vjedhje.

“Të nderuar, për çdo informatë që mund të çojë në identifikimin e tyre, ju lusim të kontaktoni policinë në numrin e telefonit: 192 ose përmes emailit: info@kosovopolice.com.”, thuhet në njoftim.

Lëkundje të forta tërmeti në Turqi

Një tërmet me magnitudë 5 i shkallës rihter ka tronditur këtë të enjte Turqinë Perëndimore, duke u regjistruar në 14:55 me orën lokale.

Epiqendra e lëkundjeve është lokalizuar 42 km në juglindje të Tekirdağ dhe rreth 21 km në jug të Marmara Ereğlisi, në një thellësi prej 14 kilometrash. Qytetarët, në qytetin me 120 mijë banorë, kanë dalë me shpejtësi jashtë banesave të tyre të tmerruar.

Deri tani nuk raportohet për dëme materiale të konsiderueshme apo të lënduar, shkruan A2 CNN.

Lëkundja e sotme ka ndodhur në një zonë me aktivitet të lartë sizmik , ku shpesh regjistrohen tërmete të forta, për shkak të përplasjeve të pllakave tektonike në Detin Marmara.

Kurti ‘nuk ndalet’, premton 100 euro shtesë për…

Kryeministri në detyrë, Albin Kurti, nga përurimi i çerdhes së re në fshatin Godanc të Shtimes, premtoi se në mandatin e ardhshëm të udhëhequr nga ai, Qeveria do të japë mbështetje financiare për gjyshërit dhe gjyshet që kujdesen për nipërit dhe mbesat e tyre, me nga 100 euro mbi pensionin bazë që ata marrin.

Kurti tha se kjo është pjesë e një programi më të gjerë të qeverisë për të përmirësuar mirëqenien e familjeve në Kosovë dhe për të forcuar kujdesin për fëmijët.

“Shtesat për fëmijë, shtesat për nënat lehona, mbështetja financiare për gratë, për familjet në përgjithësi. Në mandatin e ardhshëm ju e dini që përveç që do të ndërtojmë çerdhe e do të vazhdojmë të përmirësojmë mirëqenien e familjeve, në të njëjtën kohë do të japim mbështetje për gjyshërit dhe për gjyshet të cilët do të kujdesen për nipërit dhe mbesat – 100 euro mbi pension bazë që ata marrin. Meqenëse të gjithë fëmijët nuk janë vetëm anëtarë të familjeve por edhe qytetarë të Republikës, për të cilët shteti jonë, Kosova me qeverinë tonë, do t’u dalë përherë në ndihmë dhe atë gjithnjë e më shumë. Mungesa e kujdesit shëndetësor, e përkujdesjes institucionale për fëmijët dhe e mbështetjes për familjet është diçka që ne po e korrigjojmë hap pas hapi”, tha Kurti.

Ai foli edhe për rëndësinë e inaugurimit të çerdhes në Godanc, duke theksuar se ky investim është dëshmi e përkushtimit të qeverisë për të investuar në arsim dhe edukim të hershëm.

Kurti bëri të ditur se çerdhja kap vlerën e investimit prej 440 mijë eurosh.

“Kemi qenë këtu me 20 tetor 2023 kur e kemi vendosur gurthemelin dhe dy vjet minus 18 ditë e bëmë përurimin e një pune të realizuar me sukses, me standarde të larta dhe kushte moderne”, tha Kurti.

Ministrja në detyrë e Arsimit, Arbërie Nagavci, u shpreh se ky institucion arsimor është i një rëndësie të madhe për komunitetin, pasi u ofron mundësi më shumë se 70 fëmijëve të këtij fshati dhe familjeve të tyre.

“Jam e lumtur që po e inaugurojmë këtë objekt që do të ofrojë mundësi për më shumë se 70 fëmijë dhe familje që do të fillojnë hapat e tyre të parë në rrugën e gjatë drejt dijes. Në përmirësim të infrastrukturës arsimore, Qeveria e Kosovës në këtë mandat të kryetarit Aliu ka investuar 8 milionë euro duke ndërtuar çerdhe të reja, salla të edukatës fizike, kabinete laboratorike dhe duke krijuar mundësi më të mira për edukimin dhe arsimimin e fëmijëve”, tha Nagavci.

Dy nxënës plagosen në gjimnazin “Ibrahim Rugova”

Një ngjarje e rëndë ka ndodhur në gjimnazin “Ibrahim Rugova” në Kamëz, ku dy nxënës janë plagosur me thikë jashtë ambienteve të shkollës pas një konflikti.

Nxënësit e plagosur, me inicialet A.L. dhe B.T., të dy 16-vjeçarë, janë dërguar me urgjencë në Spitalin e Traumës në Tiranë. Ata aktualisht ndodhen në sallën e urgjencës dhe po ekzaminohen nga mjekët, shkruan A2cnn.

Gjendja e tyre shëndetësore do të bëhet e ditur vetëm pas përfundimit të ekzaminimeve mjekësore.

Alarm për bomba në 807 shkolla të Serbisë

Në zonat e të gjitha drejtorive policore në territorin e Serbisë, sot deri në orën 09:30, është raportuar se janë vendosur bomba në gjithsej 807 shkolla fillore dhe të mesme.

Janë angazhuar zyrtarët policorë të drejtorive kompetente policore dhe të Drejtorisë së Policisë për qytetin e Beogradit, Drejtorisë për Policinë Kriminalistike, si dhe të Drejtorisë për Teknikë. Për gjithçka është njoftuar prokuroria kompetente, ka bërë të ditur Ministria e Brendshme e Serbisë në një komunikatë.

Ministria shton se zyrtarët policorë po veprojnë sipas Udhëzimit për mënyrën e veprimit në rast të marrjes së informatës apo alarmit për mjet shpërthyes të vendosur.

Ata kanë bërë të ditur se zyrtarët policorë të Shërbimit për luftën kundër krimit të teknologjisë së lartë pranë Drejtorisë për Teknikë, në bashkëpunim me partnerët ndërkombëtarë, do të përdorin të gjitha mekanizmat që i kanë në dispozicion të bashkëpunimit ndërkombëtar me qëllim identifikimin e dërguesit të këtyre kërcënimeve.

Covey: Sipas burimeve nga KFOR-i, Daut Haradinaj sulmoi mbrojtjen e Ibrahim Rugovës

Gjatë dëshmisë së tij në Hagë, James Covey tregoi se sipas burimeve nga KFOR-i, kishte dëgjuar se pjesëtarët e mbrojtjes së Ibrahim Rugovës ishin vrarë dhe se për këtë sulm përgjegjës ishte Daut Haradinaj.

“Nga bisedat me Bernard Kouchner dhe nga ajo që kemi mësuar nga burimet e KFOR-it më vonë, ne e kuptuam që të gjithë truprojat e tij ishin vrarë pothuajse të gjithë. Nuk e di nëse kjo është fushë për të cilën mund të flas unë në mënyrën e duhur pasi unë nuk jam informuar në mënyrë të drejtpërdrejtë. KFOR-i besonte që vëllai i Ramushit, Daut Haradinajn ishte përgjegjës për këtë sulm”, tha Covey.

Dëshmitari tha se në atë kohë nuk kanë pasur dijeni për këtë dhe kanë mësuar shumë më vonë.

Covey tha se e di që Daut Haradinaj ka qenë pjesë e UÇK-së.

Përpara kësaj, ai ka thënë se LDK-ja ka refuzuar që të marrë pjesë në Komitetin Tranzitor të Kosovës (KTK) dhe që ata kanë menduar se kjo i referohej mungesës së Ibrahim Rugovës.

“Megjithatë, më lejoni të shtoj se në atë moment me datë 16 nuk kishim dijeni se ku ndodhej zoti Rugova vetëm se ai nuk ishte i pranishëm dhe mbase nuk ndodhej fare në Kosovë”, tha dëshmitari.

Ai theksoi se në ditët në vazhdim, LDK-ja dukej pa udhëheqje dhe e ndarë, dukej se nuk arrinte dot konsensus që t’i mundësonte të merrte pjesë në Komitet.

Dëshmitari Covey deklaroi se mendon që LDK-ja ka marrë pjesë në Qeverinë e Përkohshme. Këtë organ e quajti si “të fantazisë” pasi që nuk u funksionalizua me funksione ekzekutive.

Dëshmitari ka treguar se ka pasur tensione në mes LDK-së dhe UÇK-së. Ndërsa, gjyqtari Christoph Barthe e pyeti nëse këto tensione kanë bërë që Rugova të mos kthehej dot në Kosovë.

Covey tha se nuk do të spekulojë, por që vetëm di se anëtarët e LDK-së dukeshin se ishin pa udhëheqje.

“Më kalimin e kohës mësuam përmes Bernard Kouchner që shkoi e takoi. Ai ishte me depresion klinik pavarësisht se unë nuk jam mjek. Kishte frikë për sigurinë e tij personale dhe Bernard më shpjegoi mua që përpjekjet e tij kishin të bënin me bindjen e Rugovës se nëse vendoste të kthehej, siguria e tij do të ishte e siguruar. Kjo ishte një sfidë pasi që KFOR-i nuk mundej që të siguronte mbrojtjen e tij personale, por mund të siguronte zonën përreth tij”, tha ai.

Covey tha se Rugova u kthye pas këtyre sigurive pavarësisht nëse e ka kuptuar këtë në këtë mënyrë ose jo.

Më pas, dëshmitari u pyet se nga çfarë kishte frikë Ibrahim Rugova, dhe kjo duke u bazuar nga biseda me Kouchner. Si rrjedhojë e kësaj, dëshmitari foli për sulmin e pretenduar nga Daut Haradinaj.

Serbi-Shqipëri ndeshje me rrezikshmëri të lartë, FIFA ndëmerr këtë veprim

Ndeshja e ardhshme kualifikuese e Kupës së Botës midis ekipeve kombëtare të Serbisë dhe Shqipërisë në stadiumin Dubocica në Leskovac është shpallur një ndeshje me rrezikun më të lartë të sigurisë nga të gjitha institucionet përkatëse, FIFA, Ministria e Punëve të Brendshme e Republikës së Serbisë dhe Federata e Futbollit të Serbisë. Për të siguruar sigurinë maksimale për të gjithë pjesëmarrësit dhe spektatorët, FIFA ka vendosur të dërgojë dy oficerë sigurie në Leskovac posaçërisht për këtë rast.

Prania e tyre konfirmon qartë rëndësinë dhe seriozitetin e kësaj ndeshjeje për sa i përket sigurisë, por gjithashtu thekson më tej detyrimin e të gjithë palëve të interesuara për të vënë sportin në vend të parë.

Publiku i futbollit ende kujton se ndeshja e mëparshme midis këtyre ekipeve kombëtare në Beograd, në tetor 2014, u ndërpre për shkak të incidenteve të rënda, të cilat lanë pasoja të thella për ekipin kombëtar dhe futbollin serb – si në aspektin e rezultateve ashtu edhe në aspektin financiar.

Kjo është arsyeja pse kemi një përgjegjësi të veçantë për të siguruar që ky skenar të mos përsëritet, por për të treguar se Serbia mund dhe duhet të presë një ngjarje të madhe sportive në përputhje me standardet më të larta ndërkombëtare.

Federata e Futbollit e Serbisë, në bashkëpunim me Ministrinë e Punëve të Brendshme, UEFA-n, FIFA-n dhe të gjitha autoritetet e tjera kompetente, po merr të gjitha masat e nevojshme për të siguruar që ndeshja të zhvillohet në një atmosferë të ndershme, pa incidente dhe në frymën e sportivitetit.

Zhvillime të reja: Njëra nga flotat i është afruar Gazës

Vetëm katër anije të Flotilës Globale Sumud besohet se janë ende në lundrim, sipas gjurmuesve në kohën reale. The Independent raporton se forcat izraelite kanë ndaluar 39 anije që transportonin aktivistë dhe ndihma për Gazën – dhe vetëm një anije është ende në drejtim të Rripit të Gazës.

Nga katër anijet që janë të listuara si “në lundrim”, dy janë nën mbështetje ligjore dhe po lëvizin drejt veriut, në drejtim të Qipros. Një anije ndodhet ende pranë brigjeve të Egjiptit, dhe një anije, Mikeno, ndodhet tashmë në ujërat territoriale të Gazës dhe raportohet të jetë vetëm disa kilometra larg tokës.

Kjo ndodh ndërsa ministria e jashtme e Palestinës ka dënuar “sulmin dhe agresionin” e Izraelit dhe ka thënë se është “thellësisht e shqetësuar” për sigurinë e aktivistëve në bord.

“Shteti i Palestinës rikujton se Flotila Globale Sumud është një nismë paqësore dhe e udhëhequr nga civilë, që synon të thyejë bllokadën çnjerëzore dhe të paligjshme të Izraelit ndaj Rripit të Gazës dhe t’i japë fund politikës së urisë dhe gjenocidit të Izraelit, në përputhje me të drejtën ndërkombëtare”, thuhet në deklaratën e ministrisë.

Marina izraelite ka ndaluar anije që transportonin ndihma për në Gaza dhe ka ndaluar aktivistët në bord, përfshirë aktivisten suedeze Greta Thunberg.

Ministria e Jashtme e Izraelit tha se disa anije që janë pjesë e Flotiles Globale Sumud (GSF) ishin “ndaluar në mënyrë të sigurt” dhe se ata që ishin në bord po transferoheshin në një port izraelit.

Ministria e Arsimit del me një njoftim të rëndësishëm

Ministria e Arsimit, Shkencës, Teknologjisë dhe Inovacionit (MASHTI) njofton të gjithë prindërit/kujdestarët ligjorë se afati për aplikim për subvencionimin e teksteve shkollore dhe materialeve mësimore përmes platformës e-Kosova përfundon më 3 tetor 2025, në orën 23:59.

Për të gjithë ata që ende nuk e kanë plotësuar aplikimin e tyre, ky është njoftimi i fundit për të përfituar nga mundësia e subvencionimit. Pas këtij afati, pra nga ora 00:00 e 4 tetorit, aplikimet nuk do të pranohen më dhe platforma do të mbyllet.

Që nga hapja e platformës më 15 gusht 2025 janë pranuar 203,865 aplikime, janë trajtuar 200,679 aplikime, prej tyre janë aprovuar 195,343, janë refuzuar 5336 aplikime, ndërsa në proces të verifikimit mbesin edhe 3186 aplikime.

Platforma do të mbetet e qasshme vetëm për koordinatorët komunalë dhe shkollorë, deri në përfundim të trajtimit të aplikimeve të mbetura.

MASHTI inkurajon të gjithë prindërit dhe kujdestarët ligjorë që nuk kanë aplikuar ende, të përfundojnë aplikimin brenda afatit të përcaktuar, në mënyrë që fëmijët e tyre të përfitojnë nga subvencionimi i teksteve shkollore dhe materialeve mësimore.