Shenjat paralajmëruese të kolesterolit në gjak

Për të ruajtur shëndetin tuaj, është e rëndësishme të kuptoni dhe të monitoroni nivelet e kolesterolit në gjak.

Kolesteroli i lartë mund të kontribuojë në probleme të ndryshme shëndetësore, prandaj ja pesë shenja që mund të tregojnë se niveli i kolesterolit tuaj është i lartë:

Dhjami rreth barkut

Grumbullimi i yndyrës në zonën e barkut është një tregues i zakonshëm i niveleve të larta të kolesterolit. Ky lloj dhjami, i njohur ndryshe si dhjamë visceral, është i lidhur ngushtë me probleme të zemrës dhe të metabolizmit.

Dhimbja e gjoksit dhe probleme me frymëmarrjen

Kur pllakat e yndyrshme ndahen dhe grumbullohen në arteriet tuaja, ato mund të shkaktojnë dhimbje gjoksi dhe ndjesi të vështirësisë në frymëmarrje. Këto simptoma shpesh janë të lidhura me sëmundjet e zemrës dhe kërkojnë vëmendje të menjëhershme.

Gungat e verdha në lëkurë

Këto gunga, të njohura si ksantoma, ndodhin kur depozitat yndyrore fillojnë të grumbullohen nën lëkurë dhe të krijojnë gunga të dukshme. Ato janë një shenjë vizuale e mundshme e niveleve të larta të kolesterolit dhe kërkojnë kontrolle të mëtejshme.

Mbipesha ose obeziteti

Personat që janë mbipeshë ose obezë kanë më shumë të ngjarë të kenë nivele të larta të kolesterolit të keq. Humbja e peshës mund të ndihmojë në uljen e niveleve të kolesterolit dhe gjithashtu të reduktojë rrezikun për sëmundje të tjera të lidhura me obezitetin, si diabeti.

Gjenetika

Faktorët gjenetikë mund të luajnë një rol të rëndësishëm në nivelet e kolesterolit. Nëse keni një histori familjare të kolesterolit të lartë, është e mundur që kjo të ndikojë në nivelet tuaja. Megjithatë, për shumicën e njerëzve, testimi gjenetik nuk është i nevojshëm për të menaxhuar nivelet e kolesterolit, përveç rasteve të ekstremisht të larta.

Nëse përjetoni ndonjë nga këto shenja, është e rekomanduar të konsultoheni me një mjek dhe të bëni një kontroll të kolesterolit. Në rastin e niveleve të larta, trajtimi dhe menaxhimi i tyre janë të rëndësishme për të parandaluar komplikacione të mundshme dhe për të ruajtur shëndetin tuaj në mënyrë të përgjithshme.

Më i dëmshëm sheqeri apo kripa?

Konsumi i tepruar i sheqerit dhe i kripës shoqërohet me mjaft probleme shëndetësore.

Gjithmonë na këshillohet të kemi kujdes me sasinë e kripës, por shija e ëmbël e sheqerit na mashtron dhe ne thjesht nuk mundemi ta kufizojmë veten.

Kripa mund të lidhet me sëmundjet kardiovaskulare dhe tensionin e gjakut, por sheqeri veç efekteve të padëshirueshme në organizëm mund të rrisë efektet e dëmshme të kripës (sodiumit).

Sa më shumë sheqer të konsumojmë, aq më shumë energji shpenzojmë për të mbajtur gliceminë në nivele të ulëta. Pra, sa më shumë sheqer, aq më shumë lodhje për organizmin.

Bazuar në efektet negative të llojeve të ndryshme të sheqerit në trup, ata zbuluan se fruktoza është më e dëmshmja kur bëhet fjala për shëndetin tonë.

Fruktoza rrit në mënyrë të frikshme rrezikun e sëmundjeve kardiake dhe presionin e lartë të gjakut (hipertension).

Frutat dhe perimet gjithashtu përmbajnë sheqer, veçanërisht fruktozë, por ekspertët amerikanë besojnë se sheqernat natyralë nuk janë shumë shqetësuese. Sheqeri i përpunuar është ai që rrit nivelet tuaja të insulinës, të cilat mund të çojnë në aktivizimin e sistemit nervor simpatik, i cili më pas përshpejton ritmin e zemrës, ngre presionin e gjakut dhe ngushton enët e gjakut.

Sipas mjekëve njeriu nuk duhet të marrë më shumë se 12 lugë çaji sheqer në ditë.

Kjo është sasia e sheqerit të përpunuar dhe nuk përfshin sheqernat natyrorë nga frutat apo perimet.

Zakonet e shëndetshme që mund ta zvogëlojnë fryrjen e barkut brenda pak sekondave

Nëse shpesh përjetoni fryrje të barkut ose gazra, kjo nuk do të thotë domosdoshmërish se ka diçka që nuk shkon me sistemin tuaj të tretjes.

Për të minimizuar gazrat dhe sikletin që kjo sjell, ekzistojnë disa metoda që ju vijnë në ndihmë menjëherë. AgroWeb.org ju njeh me to më poshtë

Provoni tërheqjen e muskujve

Tërheqja e muskujve mund të jetë shumë efektive në luftimin e fryrjes. Kur ndiheni të fryrë, muskujt e shpinës dhe të barkut janë të shtrënguara, sepse organet zgjerohen. Prandaj tërheqja e tyre mund të jetë një mënyrë për të gjetur lehtësim.

Gjithashtu do të rrisni qarkullimin e gjakut, duke bërë që organet e tretjes të punojnë edhe më tepër.

Stërvituni

Stërvitja e rregullt ndihmon trupin tuaj të punojë në mënyrë më efikase.

Kjo metodë mund të ndihmojë në tonifikimin e mureve të zorrëve tuaja, duke lehtësuar kështu qarkullimin e mbetjeve nëpër to. Edhe ushtrimet me ndikim të ulët si ecja, mund t’ju ndihmojnë.

Konsumoni më shumë ujë

Konsumi i mjaftueshëm i ujit ndihmon me problemet e tretjes që mund të çojnë në fryrje. Jo vetëm uji por edhe ushqime të tilla si kastraveci, selinoja dhe shalqiri janë të pasura me ujë dhe ju vijnë në ndihmë.

Mund të provoni medikamentet pa recetë

Disa medikamente që reduktojnë gazrat dhe fryrjen e barkut, kanë treguar efikasitet në provat shkencore.

Para se të provoni ndonjë medikament të tillë, konsultohuni fillimisht me mjekun tuaj.

Konsumoni mjaftueshëm fibra

Mos i hiqni fibrat nga regjimi juaj ushqimor, edhe nëse ato ju shkaktojnë pak fryrje. Siç e dini, një regjim ushqimor i pasur me fibra është i rëndësishëm për punën e rregullt të sistemit tretës.

Durimi që mund t’ju duhet për të ndërtuar ngadalë tolerancën ndaj këtyre llojeve të karbohidrateve, ja vlen.

Filloni duke shtuar ushqime të pasura me fibra në sasi të vogla, të tilla si gjysmë filxhani ose më pak.

Sigurohuni të merrni lëngje në sasi të larta dhe të kryeni aktivitet fizik, pasi ato ndihmojnë në lëvizjen e ushqimeve përmes traktit tretës. /AgroWeb.org

Kur mund t’ju refuzohet hyrja në BE: Rregullat e reja zbatohen nga 10 nëntori

Me rastin e hyrjes në BE, nga 10 nëntori, qytetarëve të Kosovës do t’u nevojitet një certifikatë e veçantë, por edhe kjo nuk do t’ju garantojë hyrjen në asnjë nga shtetet anëtare.

Ja arsyet pse mund të ktheheni nga pikat kufitare.

Deri më tani, shqetësimet kryesore të udhëtarëve ishin nëse kishin marrë me vete pasaportat, paratë dhe të gjitha sendet personale, por nga nëntori do të kenë detyrime shtesë.

Më saktësisht, nga data 10 nëntor do t’ju duhet një certifikatë speciale për të hyrë në BE dhe Zvicër, Norvegji, Islandë e Lihtenshtajn, që janë anëtarë të zonës Shengen, për shtetas të rreth 60 shteteve, përfshirë edhe vendet e Ballkanit.

Më pas do të fillojë të funksionojë sistemi i ri hyrje-dalje (Entry/Equit System – EES) dhe do t’ju duhet një certifikatë për të hyrë.

Edhe marrja e asaj certifikate nuk do të thotë që udhëtarit i lejohet automatikisht hyrja në zonën Schengen. Të gjithë udhëtarët do të kontrollohen dhe një oficer kufitar mund t’ia refuzojë hyrjen një personi që nuk i plotëson kërkesat. Personave pa certifikatën ETIAS sigurisht që do t’iu refuzohet hyrja në kufi.

Kështu, arsyeja e refuzimit të hyrjes mund të jetë një kërcënim për sigurinë, i cili do të përcaktohet duke kontrolluar bazën e të dhënave, dhe të dhënat do të jenë në dispozicion të shërbimeve policore të vendeve anëtare të sistemit Shengen dhe agjencisë policore EUROPOL.

Gjithashtu mund t’ju refuzohet hyrja për shkak të rreziqeve shëndetësore, të cilat do të përcaktohen nga një ekzaminim mjekësor.

Kushti për të hyrë në një vend të BE-së është që qëndrimi të jetë i justifikuar dhe ju mund të mos jeni në gjendje të hyni në të nëse nuk keni para të mjaftueshme deri në kohën që planifikoni të ktheheni.

Shuma e zakonshme është rreth 100 euro në ditë dhe kjo varet nga shteti anëtar i BE-së. Të gjitha shtetet anëtare kanë rregullat e tyre dhe shumën minimale të parave të përcaktuara të nevojshme për të qëndruar në vendin e tyre.

Për shembull, vizitorëve në Spanjë nga vende jo anëtare të BE-së mund t’u kërkohet të tregojnë se kanë para për të garantuar qëndrimin e tyre në vend. Do të thotë një udhëtar nga ndonjë prej mbi 175 vendeve që nuk janë pjesë e BE-së ose zonës Shengen. Në atë vend, ju duhet të keni një minimum prej 90 eurove në ditë për person për kohëzgjatjen e udhëtimit tuaj. Përveç “jetesës”, ata mund t’ju kërkojnë gjithashtu dëshmi të akomodimit dhe të biletës kthyese.

Në Francë, shuma është e ngjashme me Spanjën, por nëse nuk keni një certifikatë akomodimi, do t’ju duhen 120 euro në ditë. Në Gjermani, ashtu si në Itali, shifra është shumë më e ulët, vetëm 45 euro në ditë.

Këto rregulla ndryshojnë në varësi të vendit anëtar dhe kritereve të tyre, por sigurohuni që të kontrolloni faqen zyrtare të ambasadës ose konsullatës pak përpara nisjes.

Duhet gjithashtu të theksohet se është e rëndësishme t’i kushtohet vëmendje kur skadon pasaporta. Dokumentet e udhëtimit nuk duhet të skadojnë në më pak se tre muaj nga data kur personi planifikon të kthehet në vendin e tij dhe pasaporta nuk duhet të jetë më e vjetër se 10 vjet.

Bajqinovci: Me Qeverinë Kurti kemi ndërmarrë hapa të rëndësishëm për të mbështetur diasporën

Deputeti i Lëvizjes Vetëvendosje, Mefail Bajqinovci ka përmendur disa nga vendimet që i kanë marrë gjatë qeverisjes për diasporën.

Regjistrimin e popullësisë online, mjetet për policën kufitare, bonot e diasporës gjithashtu votimin fizikisht ose edhe me postë, janë disa nga sukseset e qeverisë sipas tij.

“Për herë të parë kemi mundësuar regjistrimin online të popullsisë përmes diasporës, duke lehtësuar qasjen dhe pjesëmarrjen e tyre në proceset shtetërore. Kemi ndarë 3 milionë euro për mbulimin e policës kufitare për bashkatdhetarët tanë që vijnë në Kosovë, si dhe gjatë qëndrimit të tyre këtu. Kjo është viti i tretë që e bëjmë këtë, pas vitit 2021 dhe 2022. 3 milionë euro për zbatimin e Masës 2.2, për të mbështetur bashkatdhetarët që kanë biznese në diasporë, që të kthehen dhe të investojnë në vend.

Në vitin e parë të qeverisjes, kemi lëshuar bonot e diasporës, duke i ofruar mundësi bashkatdhetarëve për të kontribuar drejtpërdrejt në zhvillimin ekonomik të vendit. Me miratimin e ligjit për zgjedhjet, mërgatës ia kemi mundësuar votimin fizikisht në ambasadat dhe konsullatat e Kosovës, ose votimin me postë në adresë të ambasadës/konsullatës. Fokusi ynë në mësimin plotësues të gjuhës shqipe është thelluar, ku për herë të parë në Zvicër, Gjermani dhe Austri kemi mbajtur punëtori me mësuesit e gjuhës shqipe për të adresuar sfidat dhe për të institucionalizuar gjuhën shqipe”, shkruan ai.

Kurti kërkon hapjen e arkivave në Serbi

Kryeministri Kurti, në një tryezë diskutimi për personat e zhdukur, ka thënë se strategjia e Serbisë për fshehjen e krimeve po vazhdon të zbatohet edhe sot nga trashëgimtarët politikë të Millosheviqit.

“Sivjet janë bërë 25 vite nga përfundimi i luftës në Kosovë me epilog clirimin e vendit dhe popullit tonë nga Serbia pushtuese. Gjatë viteve 1998-1999 forcat policore dhe ushtarake të Serbisë, të urdhëruara nga shteti i Serbisë, kryen qindra masakra dhe mijëra zhdukje me dhunë mbi shqiptarët e Kosovës në kuadër të projektit gjenocidal për shfarosjen e popullit tonë. ‘Nuk ka kufomë, nuk ka krim’, ishte strategjia e shtetit të Serbisë për fshehjen e krimeve të kryera mbi shqiptarët në Kosovë. Kjo strategji vazhdon të zbatohet edhe sot nga trashëgimtarët politikë të Millosheviqit në Beograd”.

Ai përmendi marrëveshjen e nënshkruar më 2 maj të vitit 2023 për të zhdukurit, dhe ka shtuar se Serbia nuk po i ndan të dhënat nga arkivat e tyre për gërmimin në lokacionin Gozhle.

Kurti bëri thirrje që të hapen arkivat në Serbi.

“Këtë javë pas shumë përpjekjesh e angazhimesh nga komisioni ynë qeveritar, kanë filluar përgatitjet përgatitjen për gërmime në lokacionin Gozhle mes Novi Pazarit dhe Tutinit në Serbi dhe shpresojmë që kjo nuk është një përpjeke e re e shtetit serb për të evituar nga agjenda e gërmimeve lokacionet e tjera të shenjuara nëpër Serbi. Deri më tani shteti serb nuk ka ndarë të dhëna nga arkivat e tyre për këtë lokacion andaj ne edhe sot e përsërisim kërkesën tonë për hapjen e arkivave në Serbi. Në bazë të marrëveshjes sonë në Bruksel më 2 maj të vitit 2023, tashmë kemi dërguar disa kërkesa zyrtare për hapjen e arkivës të Brigadës 37 të motorizuar të ushtrisë jugosllave përgjegjëse për shumë masakra në Kosovë e sidomos në rajonin e Drenicës”.

Kurti tha se 1 mijë e 585 persona janë zhdukur gjatë luftës.

“Kemi nevojë për drejtësi që ekzekutorët e urdhërdhënësit të vendosen prapa grilave. Kemi nevojë edhe për mbështetja ndërkombëtare por edhe për mobilizimi kombëtar. Kriminelët e luftës duhet të përballen me drejtësi sepse këto krime sikurse që nuk vjetrohen, as nuk falen”.

“Qeveria është e përkushtuar në trajtimin e çdo informate që kontribuon në zgjidhjen e rasteve të personave të zhdukur. Sipas të dhënave të komisionit tonë qeveritar janë rreth 13 lokacione brenda territorit të Kosovës të adresuara në kuptim të gërmimit vlerësues”, tha ai.

Rritja e pagës minimale, Rukiqi: Vendim i vonshëm, e gjitha për përfitime elektorale

Anëtari i LDK-së, Berat Rukiqi, e ka publikuar një tabelë me çmimet esenciale dhe pagën minimale të vitit 2021 dhe atë vitit 2024, e cila është rritur nga qeveria dje në një vendim.

Në një postim në Facebook, ai ka theksuar se vendimi i ekzekutivit për pagën minimale është i vonshëm.

“Këto të dhëna janë treguesi më i saktë, për efektin real të vendimeve të Qeverisë në raport me pagën minimale, të cilat po kthehen në vendime pa efekt për mirëqenien e qytetarëve, pasi që janë të vonshme dhe bëhen shkel e shko, puro për përfitime elektorale të partisë në pushtet”, ka thënë Rukiqi.

Më poshtë e keni listën që e ka publikuar Rukiqi:

Tre miliardë për aeroplanët Rafale, Vuçiq: Kontratë e madhe për Serbinë, jo e vogël as për Francën

Serbia pret të nënshkruajë një marrëveshje “të madhe” për avionët luftarakë francezë gjatë një vizite këtë javë të liderit francez, tha presidenti Aleksandar Vuçiq për AFP të mërkurën, në një marrëveshje që vlerësohet të jetë në vlerë prej miliarda dollarësh.

Vuçiq i bëri komentet përpara vizitës dyditore të Presidentit Emmanuel Macron në Serbi që nis sot (të enjten), dhe të dy ata pritet të nënshkruajnë një sërë marrëveshjesh dypalëshe.

“Dy krerët ka të ngjarë të diskutojnë gjithashtu marrëdhëniet e prishura të Serbisë me provincën e shkëputur Kosovën”, shkruan AFP, transmeton Gazeta Express.

Presidenti serb nuk ka specifikuar numrin e avionëve Rafale që do të blihen apo koston përfundimtare nëse nënshkruhet marrëveshja.

“Është një kontratë e madhe për këtë vend dhe nuk është një kontratë e vogël edhe për Francën”, tha Vuçiq gjatë një interviste për AFP.

Një burim në presidencën franceze tha se “diskutimet intensive” ishin në vazhdim.

“Shpresa jonë është që të arrijmë një marrëveshje gjatë vizitës së presidentit”, tha burimi.

Ministria e Mbrojtjes e Serbisë ka thënë më parë se vendi po kërkonte të blinte 12 avionë nga Parisi për të zëvendësuar avionët e tij luftarakë të vjetëruar.

Vitin e kaluar, Vuçiq la të kuptohet se Beogradi ishte gati të shpenzonte rreth tre miliardë euro për avionët luftarakë francezë.

“Shumica e avionëve tanë, të gjithë interceptorët tanë dhe të gjithë avionët tanë luftarakë vinin nga Rusia, dhe tani ne duhet të ndryshojmë veten, zakonet tona dhe gjithçka tjetër në mënyrë që të përgatisim ushtrinë tonë”, shtoi Vuçiq.

Kjo do të ishte e fundit në një varg marrëveshjesh armësh të lidhura me Europën, Kinën dhe Rusinë, ndërsa Beogradi rriti shpenzimet e tij ushtarake gjatë dekadës së fundit.

Protesta ndaj litiumit

Vizita e Macron vjen ndërsa Vuçiq vazhdon të mashtrojë me qëllimin e kërkuar prej kohësh për t’u bashkuar me Bashkimin Europian, ndërkohë që adreson shqetësimet e brendshme lidhur me një minierë të diskutueshme litiumi që po shihet si Vuçiq kërkon favore me BE-në.

Vuçiq po përballet me reagime të kundërta lidhur me një vendim për të ri-lëshuar licenca për gjigantin e minierave anglo-australiane Rio Tinto për të zhvilluar minierën, pasi gjykata e lartë e vendit përmbysi një vendim të mëparshëm për ndalimin e operacioneve.

Kritikët thonë se miniera kërcënon të ndotë një burim jetik uji, por Vuçiq mbeti i vendosur në mbështetjen e tij.

“Ne besojmë se kjo është me rëndësi të madhe për Serbinë dhe kjo është për të mirën e popullit serb”, i tha presidenti AFP.

Dhjetëra mijëra kanë dalë në rrugë për të protestuar kundër ndryshimit të qeverisë në lidhje me minierën dhe një marrëveshje pasuese për të furnizuar BE-në me atë që shihet si një bllok themelor ndërtimi për tranzicionin në një ekonomi të gjelbër.

Vuçiq është përballur me protesta popullore prej vitesh — duke filluar nga demonstratat kundër dhunës, masat Covid dhe ndërhyrjet e supozuara në zgjedhje.

Ai ka preferuar të sfidojë kritikët e tij përmes intervistave televizive, fjalimeve të gjata dhe konferencave të shpeshta për shtyp.

“Unë po i mbaj të gjitha mbi supe vetë, duke u kritikuar gjerësisht nga të gjithë, me një fushatë të tmerrshme kundër familjes sime, por nuk kam asnjë problem me këtë”, tha ai për AFP.

“Sepse e di që një ditë, shumë njerëz do të respektojnë, shumë njerëz do të vlerësojnë atë që kam bërë”.

Kosova

Një ish-ministër i informacionit në qeverinë e Slobodan Millosheviçit, Vuçiq ka mbajtur pushtetin që nga viti 2012 — duke pasë rotacion në disa pozicione, duke përfshirë kryeministrin dhe shefin e mbrojtjes.

Ai është mburrur prej kohësh se ka sjellë stabilitet dhe investime në Serbi pas viteve kaotike 1990 dhe fillim të viteve 2000, duke nxitur ndërtimin e programeve të gjera të infrastrukturës.

Dhe ndërsa ai ka kërkuar investime nga jashtë, Vuçiq ka mbetur një mbrojtës i ashpër i çështjeve të rëndësishme për shumicën e serbëve — duke përfshirë refuzimin e palëkundur për të njohur pavarësinë e provincës së shkëputur të Kosovës.

Negociatat me Prishtinën për një marrëveshje historike për të hapur rrugën për një pamje të marrëdhënieve të normalizuara, u shkatërruan vitin e kaluar, me Vuçiqin që refuzoi të nënshkruajë marrëveshjen e mbështetur nga BE dhe SHBA – duke përmendur një dhimbje në dorën e tij të djathtë që ka të ngjarë të zgjasë “vite”.

Vuçiq tha se Kosova do të diskutohej me Macron, mes spekulimeve se qeveria e Prishtinës mund të hapë së shpejti një urë në qytetin verior të Kosovës, Mitrovicë, që ka ndarë prej kohësh shqiptarët etnikë dhe serbët, siç shkruan AFP.

Lëvizja e mundshme është kritikuar gjerësisht nga fuqitë perëndimore, duke përfshirë SHBA-në dhe Francën.

“Me rëndësi të madhe është ruajtja e paqes, stabilitetit dhe qetësisë, dhe kjo është ajo që ne do të bëjmë”, pretendoi Vuçiq për AFP.

Iu gjet një pasaportë e rreme e Kosovës, arrestohet i dyshuari për vrasje në Krujë

Për vrasjen e Gentjan Bejtjes, brenda rrethimit të oborrit të banesës së tij, në fshatin Larushkë të Krujës, policia shqiptare ka arrestuar një burrë, ku në banesën e tij u gjet dhe një pasaportë e Kosovës, e cila dyshohet se u falsifikua nga i arrestuari.

“Lidhur me këtë ngjarje nga Prokuroria e Gjykatës së Shkallës së Parë të Juridiksionit të Përgjithshëm Tiranë, është regjistruar procedimi penal nr. 1944 të vitit 2024, për veprat penale “Vrasja me paramendim” kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”, të parashikuara nga nenet 78, 25 dhe 278/1 të Kodit Penal.Nga analiza e informacioneve të marra nga inteligjenca policore si dhe këqyrja dhe marrja e kamerave të sigurisë, është bërë i mundur identifikimi i automjetit tip “Volkswagen Golf” me targë AB960GG, në pronësi të shtetasit Edison Haxhiu, 30 vjeç, lindur në Milot, Kurbin dhe banues në Tiranë. Po kështu, ka rezultuar se ky automjet është përdorur edhe nga shtetasi Ilir Beqaraj alias Ilir Brahimi alias Ilir Mançellari, lindur në Milot, Kurbin dhe banues në Tiranë. Më datë 19.03.2024, strukturat e Drejtorisë Vendore të Policisë Tiranë bënë të mundur gjetjen dhe sekuestrimin e automjetit tip “Volksëagen Golf” me ngjyrë të zezë me targë AB960GG në pronësi të shtetasit Edison Haxhiu dhe shoqërimin në ambjentet e Policisë. Gjithashtu, në vazhdim të veprimeve hetimore, po në këtë datë u bë i mundur shoqërimi në ambientet e Policisë i shtetasit Ilir Beqaraj alias Ilir Brahimi alias Ilir Mançellari”, thuhet në njoftimin e policisë.

Gjatë kontrollit të banesës së të dyshuarit janë gjetur dhe sekuestruar, në cilësinë e provës materiale, një armë zjarri pistoletë me mbishkrimin “Walther” me tetë fishekë, një armë zjarri e markës “Benelli”, e cila mbahej me lejen e organeve të Policisë, një brez me njëzet e nëntë fishekë arme zjarri, pesë pajisje si ato të radiove marrëse-dhënëse, një pasaportë e Republikës të Kosovës në emër të shtetasit Kosovar B. A., e dyshuar e falsifikuar pasi fotografia është e ngjashme me fotografinë e shtetasit Ilir Beqaraj.

Më datë 19.03.2024, nga Sektori për Hetimin e Krimeve të Rënda në DVP Tiranë është bërë arrestimi në flagrancë i shtetasit Ilir Beqaraj.

“Mund t’i kryejnë të gjitha shërbimet”, Rizvanolli dhe Krasniqi në veri për hapjen e degës së Postës së Kosovës

Posta e Kosovës e ka hapur të enjten degën e saj të parë në Mitrovicë të Veriut.

Zyrtarë të lartë të Qeverisë së Kosovës, ministrja e Ekonomisë, Artane Rizvanolli, dhe ai i Administrimit të Pushteit Lokal, Elbert Krasniqi, kanë marrë pjesë në hapjen e kësaj dege, në orët e hershme të mëngjesit, siç raporton Radio Evropa e Lirë.

Disa aktivistë dhe përfaqësues të partisë politike, Demokracia Serbe, kanë protestuar kundër hapjes së kësaj dege.

Ministrja Rizvanolli ka thënë se Posta e Kosovës synon të ofrojë shërbime postare për të gjithë, në të gjitha anët e Kosovës, dhe se pika e hapur është e nënta që hapet në veri të vendit.

“Është shumë e rëndësishme që kjo zyrë është hapur sot këtu dhe qytetarët e Mitrovicës së Veriut tani kanë mundësinë të vizitojnë këtë degë dhe t’i kryejnë të gjitha shërbimet që ofron kjo degë. Ka shërbime postare dhe të Telekomit”, ka thënë ministri Krasniqi para mediave.

Hapja e kësaj dege vjen pas mbylljes së nëntë degëve të Postës së Serbisë në veri të Kosovës, pas informacionit të siguruar nga Autoriteti Rregullativ për Komunikime Elektronike dhe Postare (ARKEP) se ato degë kanë vepruar jashtëligjshëm në territorin e Kosovës.

Mbyllja e këtyre degëve të Postës së Serbisë është dënuar nga Shtetet e Bashkuara dhe Bashkimi Evropian, dhe është vlerësuar si hap i njëanshëm prej autoriteteve të Kosovës.

Në degët e kësaj Poste, qytetarët kanë marrë ndihmat që ndan shteti i Serbisë për ta – pensionet dhe shtesat për fëmijë – si dhe të kryejnë shërbime tjera postare.

Posta e Kosovës ka vepruar si njësi biznesi në kuadër të Telekomit të Kosovës deri më 2021, kur me vendim të Qeverisë së Kosovës është themeluar si ndërmarrje publike qendrore.