Këta janë kundërshtarët e mundshëm të Shqipërisë në “play-off”

Shqipëria ka siguruar fazën “play-off” për Kupën e Botës 2026, pas fitores 1-0 ndaj Andorrës.

Sipas rregullores, në play-off marrin pjesë 12 skuadrat që renditen në vendet e dyta në grupet e Evropës, si dhe katër ekipet më të mirë nga Liga e Kombeve, të cilat nuk kanë arritur vendet e para në kualifikueset e Kampionatit Botërorit.

Ekipet nga Liga e Kombeve vendosen automatikisht në vazon e katërt, ndërsa tre vazot e tjera bazohen në renditjen e FIFA-s.

Pas raundit të tetë të kualifikuesve, Shqipëria renditen në vazon e tretë, sikurse edhe Kosova, që do të thotë se nuk përballen mes tyre në gjysmëfinale. Të dyja skuadrat do të jenë udhëtuese dhe do të sfidojnë një ekip nga Vazo 2, që aktualisht përfshin Poloninë, Çekinë, Hungarinë dhe Skocinë.

Shorti i play-off-it do të krijojë katër minigrupe. Në çdo minigrup zhvillohen gjysmëfinalet me ndeshje teke, ku skuadrat nga Vazo 1 dhe 2 janë pritëse. Fituesit e gjysmëfinaleve do të luajnë finalen e minigrupit, gjithashtu në ndeshje teke, për të përcaktuar skuadrat që kalojnë në Kampionatin Botërorin 2026.

Ndeshjet e gjysmëfinaleve parashikohen të zhvillohen më 26 mars 2026, ndërsa finalet e minigrupit më 31 mars 2026. Kjo fazë do të përcaktojë katër ekipet që bashkohen me 12 skuadrat e kualifikuara direkt nga grupet kualifikuese.

Andorra-Shqipëri, shiko këtu ndeshjën

LINK1

Lamine Yamal përjashtohet nga Kombëtarja spanjolle

Ylli i ri i FC Barcelona, Lamine Yamal, është përjashtuar nga përzgjedhja e Spanjës për ndeshjet e ardhshme të kualifikimeve për Botërorin 2026.

Sipas raportimeve nga RFEF (Federata Mbretërore Spanjolle e Futbollit) dhe mediat ndërkombëtare, Yamal ka kryer një trajtim me radio-frekencë për një problem të hënën më 10 nëntor.

Ky trajtim, i cili kërkon pushim rreth 7-10 ditë, u bë pa njoftuar paraprakisht federatën, duke shkaktuar shqetësim dhe habi te stafi i kombëtares.

Trajneri i Spanjës, Luis de la Fuente, e cilësoi situatën si “jo normale”, duke theksuar se mënyra e menaxhimit të trajtimit të lojtarit ka qenë e papritur dhe jo sipas procedurave të zakonshme të federatës. Për këtë arsye, Yamal nuk do të jetë pjesë e grumbullimit për ndeshjet kundër Gjeorgjisë dhe Turqisë.

Ky episod vjen në një moment kritik për lojtarin e ri, i cili ka shkëlqyer në sezonin e fundit me Barcelonën dhe konsiderohet një nga talentet më premtuese të futbollit spanjoll. Klubi katalanas dhe federata pritet të zhvillojnë bisedime për të sqaruar situatën dhe për të shmangur tensionet e ardhshme.

Një tjetër futbollist braktis Kosovën, ftohet nga Shqipëria

Muaj më parë u ngjallen reagime të mëdha kur kapiteni U21 i Kosovës, Etnik Brruti vendosi të bashkohet me Kombëtaren e Shqipërisë.

Rrugen e tij tashmë e ka ndjekur edhe mbrojtësi i Ballkanit, Diar Vokrri, shkruan IndeksOnline.

21-vjeçari ka marrë ftesë nga selektori i Shqipërisë U21, Alban Bushi, për dy ndeshje miqësore të muajit nëntor ndaj Moldavisë dhe Ukrainës.

Kujtojmë që Diar Vokrri veshi fanellën e Kosovës U21 deri në muajin e kaluar, ku luajti në dy ndeshjet kualifikuese për Kampionatin Evropian, ndaj Rumanisë dhe Spanjës.

FIFA e dënon Serbinë për sjelljet në ndeshjen kundër Shqipërisë

Komiteti Disiplinor i FIFA-s ka dënuar Federatën e Futbollit të Serbisë për sjelljen e papërshtatshme dhe diskriminuese të tifozëve gjatë ndeshjes kundër Shqipërisë, e zhvilluar më 11 tetor në Leskovc, në kuadër të kualifikimeve për Botërorin 2026.

Sipas njoftimit të federatës serbe, gjoba e vendosur nga FIFA arrin në 87,500 franga zvicerane (rreth 93,981 euro). Dënimi është shqiptuar për shkak të sjelljes ofenduese të tifozëve gjatë intonimit të himnit kombëtar të Shqipërisë, si dhe për thirrjet diskriminuese të bëra gjatë ndeshjes.

Përveç gjobës financiare, FIFA ka vendosur që Serbia të mbyllë pjesërisht së paku 25% të kapacitetit të stadiumit në ndeshjen e radhës garuese që do ta zhvillojë kundër Letonisë në Leskovc.

Gjatë ndeshjes, tifozët serbë kishin bërë thirrje kundër shqiptarëve dhe Kosovës, duke krijuar një atmosferë armiqësore në stadium.

Pësoi kolaps pranë fushës, vdes trajneri i njohur serb

Një ngjarje e rëndë ka ndodhur të hënën mbrëma në futbollin serb. Trajneri i ekipit Radniçki nga Kragujevci, Mladen Zhizhoviq, ka ndërruar jetë pasi pësoi kolaps pranë fushës gjatë ndeshjes me Mladostin në Luçani.

Zhizhoviq u rrëzua në afërsi të fushës në mesin e pjesës së parë dhe u dërgua menjëherë në spital, por mjekët nuk arritën ta shpëtonin. Vdekja e tij u konfirmua vetëm 15 minuta më pas.

I ndjeri ishte 44-vjeçar dhe kishte dy paraqitje me përfaqësuesen e Bosnjë-Hercegovinës gjatë karrierës si futbollist. Ai kishte luajtur edhe për skuadrën e Tiranës në vitin 2010.

Zhizhoviq kishte nisur karrierën si trajner vite më vonë dhe kishte drejtuar disa ekipe në rajon, përfshirë Shkupin gjatë edicionit 2023/2024.

Lamine Yamal jep lajmin që askush nuk e priste

Sulmuesi i Barcelonës, Lamine Yamal, ka njoftuar se i ka dhënë fund lidhjes me këngëtaren Nicki Nicole.

Ylli katalanas tha se ai dhe Nicki Nicole kanë vendosur të ndjekin rrugë të ndara, duke theksuar se marrëdhënia e tyre thjesht i ka mbaruar rrjedhës së saj dhe nuk kishte pasur ndonjë pabesi.

“Ne [ai/Nicki] nuk jemi më bashkë. Nuk ishte për ndonjë pabesi, thjesht jemi ndarë dhe kaq. Çdo gjë që po del në dritë nuk ka të bëjë fare me ne. Nuk kam qenë jobesnike dhe as nuk kam pasur lidhje me dikë tjetër”, shkroi Yamal.

Çifti kishte qenë bashkë prej tre muajsh.

UEFA i ka përjashtuar dy klube nga Evropa për shtatë vite

Dy klube evropiane po vuajnë aktualisht dënime shtatëvjeçare nga të gjitha garat e UEFA-s për shkak të një serie shkeljesh disiplinore.

UEFA ka zbatuar sanksione ndaj disa klubeve të futbollit në vitet e fundit, si dhe ndaj gjithë Rusisë.

Të gjitha klubet ruse janë të ndaluara nga pjesëmarrja në garat e UEFA-s, një vendim që u dha menjëherë pas pushtimit të paligjshëm të Ukrainës nga Rusia në shkurt 2024.

Përveç Rusisë, dy klube nga vende të tjera po vuajnë gjithashtu ndalime, me një ekip të pezulluar për një total prej shtatë vitesh që nga viti 2021.

Klubi leton FK Ventspils u përjashtua nga garat e UEFA-s pasi organi qeverisës i futbollit evropian i akuzoi për mashtrim, ryshfet dhe/ose korrupsion, si dhe për “shkelje të integritetit të ndeshjeve dhe garave”.

Hetimi i UEFA-s u përqendrua kryesisht në pretendimet për manipulim ndeshjesh gjatë një ndeshjeje kualifikuese të Europa League midis Ventspils dhe ekipit francez Bordeaux në korrik 2018 — Bordeaux nuk ishte i përfshirë në asnjë mënyrë.

Ndërkohë, presidenti i Ventspils, Adlan Shishkanov, u akuzua për të njëjtat shkelje dhe u ndalua përgjithmonë nga Komisioni i Kontrollit, Etikës dhe Disiplinës i UEFA-s.

Menaxheri sportiv Nikolajs Djakins mori një ndalim katërvjeçar për të njëjtat akuza.

Ndalimi i Ventspils nga UEFA – që u kërkua të shtrihej globalisht – është deri në sezonin 2027/28.

Megjithatë, ndalimi praktikisht nuk zbatohet më, pasi klubi u mbyll në korrik 2021, një muaj pas shpalljes së dënimit, për shkak të problemeve financiare dhe më pas u likuidua në janar 2024

Një klub i ri, JFK Ventspils, u themelua më vonë dhe garon në divizionin e dytë të Letonisë.

Nuk është e qartë nëse ndalimi i mëparshëm i shtrihet klubit të ri; ai do të duhet ose të fitojë Kupën e Letonisë, ose të ngjitet në Ligën e Lartë Letoneze dhe të përfundojë në tre vendet e para në sezonin e ardhshëm që ndalimi të ketë efekt.

Klubi i dytë që po vuan një ndalim shtatëvjeçar nga UEFA është FK Arsenal Tivat nga Mali i Zi, i pezulluar për manipulim ndeshjesh.

Ata u akuzuan për shkelje të rregullave që lidhen me “parimet e përgjithshme të sjelljes” dhe “integritetin e ndeshjeve dhe manipulimin e tyre”.

UEFA hetuar një ndeshje të Europa Conference League 2023 kundër ekipit armen Alashkert, që rezultoi në një ndalim fillestar 10-vjeçar për klubin dhe një ndalim përgjithmonë për mbrojtësin e Arsenal Tivat, Nikola Celebic.

Shokët e skuadrës Cetko Manojlovic, Radule Zivkovic dhe Dusan Paletic morën gjithashtu ndalime 10-vjeçare, megjithëse ndalimi i Paletic u anulua pas apelit.

Ndalimi i klubit u ndryshua gjithashtu në shtatë vjet pas një apeli pjesërisht të suksesshëm, duke u shtrirë deri dhe përfshirë sezonin 2031/32.

Dalin në shitje biletat për ndeshjen Kosovë – Zvicër

Federata e Futbollit e Kosovës ka njoftuar se ka nisur shitja e biletave për ndeshjen mes Kosovës e Zvicrës, e cila do të zhvillohet në kuadër të kualifikimeve për Kupën e Botës.

Ndeshja mes Kosovës e Zvicrës do të zhvillohet më 18 nëntor në stadiumin “Fadil Vokrri”.

Të enjten FFK-ja ka njoftuar se ka filluar edhe shitja e biletave.

Si zakonisht, shitja do të bëhet përmes platformës online  eu.ebileta.al/biglietteria/listaEventiPub.do

Çmimet e biletave do të jenë Veri dhe Jug 10 euro, Lindje 20 euro, Perëndim 30 euro, VIP 100 euro.

Real Madrid – Barcelona, publikohen formacionet zyrtare

Janë publikuar formacionet zyrtare të ndeshjes derbi mes Real Madridit dhe Barcelonës, e vlefshme për javën e 10-të në La Liga.

“Los Blancos” aktualisht prijnë në renditjen tabelare me dy pikë më shumë se katalonasit, shkruan Gazeta Express.

Formacionet zyrtare: