Nëse e siguron vendin e dytë, këta janë rivalët e mundshëm të Kosovës në play-off

Uellsi, Çekia, Hungaria dhe skocia mund të jenë kundërshtarët e mundshëm të kombëtares së Kosovës në play-offin e kualifikimeve për Kupën e Botës.

Ja se si ndodh kjo?

Këto skuadra llogariten si kombëtare të projektuara për kualifikim nga vendet e dyta të fazës së grupeve – dhe secila prej tyre pritet të jenë në vazon e dytë të sistemit të play-offit, shkruan Paparaci.

Kosova, e cila tashmë i ka shanset më të mëdha për kualifikim si e dyta nga grupi i saj (Grupi B kualifikues për kupën e Botës), me koeficientin e saj do të renditej në vazon e tretë të 16 ekipeve në play off.

Kësisoj, Kosova me shumë gjasë nuk do të mund të ballafaqohej me shqipërinë në ndeshjen e parë, gjysmëfinale të play-offit. Shqipëria është e projektuar të jetë po ashtu në vazon e tretë të skuadrave në play-off. Por, kjo mund të ndryshojë pasi Shqipëria ka koeficient më të mirë sesa Kosova dhe ka gjasa të ngjitet në vazon e dytë.

Pra, nëse ndeshjet e muajit nëntor nuk ndryshojnë shumë sa i përket situatës në grupet kualifikuese, atëherë si Kosova, ashtu edhe Shqipëria, do të peshkonin njërën prej katër ekipeve: Uellsi, Çekia, Hungaria dhe Skocia.

Ndeshjet e play-offit të Kupës së Botës në UEFA luhen në sistem të gjysmëfinaleve dhe finaleve. Nga 16 ekipe, tetë ekipe nga play-offi i bashkohen tetë të tjerave që shkojnë direkt si vendet e para nga grupet.

Duelet e play-offit zhvillohen në fund të muajit mars.

Edhe Suedia, të cilën Kosova e mundi sot në udhëtim, e ka një vend në play-off të cilin e ka siguruar nga Liga e Kombeve. Por, meqë vjen nga ky format i UEFA-s, ajo do të ndodhet në vazon e katërt – që është vazo tepër e pafavorshme sepse do të peshkojë në short ekipet e vazos së parë, ku pritet pothuajse me 99% mundësi, të jetë Italia.

Kosova ka aktualisht 7 pikë në Grupin B kualifikues, katër më shumë sesa Sllovenia e vendit të dytë dhe ndohet në rrugë të duhur për sigurimin e play-offit.

Ja se si duken vazot e projektuara për play-off aktualisht:

 

Vesa feston kështu përvjetorin me Mirlindin

“Lumir Abdixhiku e ka aprovuar koalicionin LDK-VV në Vushtrri”

Avokati Besnik Berisha ka reaguar për koalicionin e arritur sot ndërmjet kandidatit të LDK-së për kryetar të Vushtrrisë, Xhafer Tahiri, dhe Lëvizjes Vetëvendosje, shkruan Insajderi

Berisha ka thënë se ky koalicion nuk ka ndodhur rastësisht. Sipas tij, është miratuar paraprakisht nga vet kryetari i Lidhjes Demokratike të Kosovës, Lumir Abdixhiku, ndonëse ky i fundit sot publikisht reagoi kundër marrëveshjes.

Sipas Berishës, marrëveshja është diskutuar, aprovuar dhe lejuar nga Abdixhiku deri në mbrëmjen e kaluar, kur “është kërkuar që të anulohet ose të mos realizohet publikisht”.

Për këtë, ai thotë se ka prova.

Statusi i plotë:

Edhe kete e boll

Me i ra pishman ka drejt secili, ama me iu servu te paverteta antareve te familjes eshte gjynah bre…!

Per mos me i hy ne hak askujt, po aq sa per ta thene te verteten e plote, edhe kur e verteta dhemb, koalicioni me VV ne Vushtrri nuk ka ndodhe rastesisht.

Ai eshte diskutuar, aprovuar dhe lejuar nga vet kryetari i LDK-se, Lumir Abdixhiku, deri mbreme, kur gjerat kane ndryshuar, e kur eshte kerku me anulu, ose jo publikisht me realizu.

Madje, nese duan me tregu drejt, ne kembim te asaj vote ne Vushtrri, eshte kerkuar perkrahje edhe ne Suhareke per Ardianin. Kjo perkrahje eshte siguru dhe keshtu eshte edhe per Suhareke, ndonese po perpiqen ta mbajne msheft. .

Per keto, dikush ka prova.

Po e mbylli me nje citat te kryetarit Abdixhiku, thene tek Leo ne Pressing :

” Tash, ne garen ne Vushtrri, ku LDK do te jete ne gare potencialisht me PDK-ne, eshte Vetevendosje ajo qe ben fituesin dhe njera prej partive duhet te beje marreveshje me Vetevendosjen per Vushtrrine”

Nejse… kaq sa per “rrugen pa busulle”

dhe per “konsistencen” qe shpesh i degjojme ne deklarata, por rralle i shohim ne veprim.

Dhunuan Klea Prengën, merret vendimi për motrat Berisha

Vdes gjenerali serb, i dënuar për krime lufte në Kosovë

Ish-gjenerali i Ushtrisë së Jugosllavisë dhe i dënuari i Hagës, Nebojsha Pavkoviq, vdiq në moshën 79-vjeçare në Beograd, raporton Radio Televizioni i Serbisë.

Pavkoviq, si komandant i Armatës së Tretë të Ushtrisë jugosllave, u dënua nga Tribunali i Hagës me 22 vjet burg për krime lufte kundër shqiptarëve në Kosovë në vitin 1999.

Ai e vuajti dënimin në një burg në Finlandë.

Me kërkesë të Qeverisë së Serbisë, Pavkoviq u lirua para kohe më 28 shtator, për shkak të shëndetit të tij të dobët.

Trajtimin, pastaj, e vazhdoi në Akademinë Ushtarake Mjekësore në Beograd.

Nga viti 2000 deri më 2002, Pavkoviq shërbeu si shef i Shtabit të Përgjithshëm të Ushtrisë jugosllave.

Më 1999, gjatë bombardimeve të NATO-s në Republikën e atëhershme Federale të Jugosllavisë, ai ishte komandant i Armatës së Tretë të Ushtrisë jugosllave.

Në vitin 2009 u shpall fajtor në Hagë për të gjitha akuzat që e ngarkonin: dëbime, zhvendosje të detyruara, vrasje dhe persekutime të civilëve shqiptarë nga Kosova, në gjysmën e parë të vitit 1999.

Vendimi i shkallës së parë u konfirmua në vitin 2014.

Në maj të vitit 2022, Mekanizmi Ndërkombëtar në Hagë e hodhi poshtë kërkesën e Pavkoviqit për lirim të parakohshëm, për shkak të “peshës së madhe të krimeve të tij” dhe “mungesës së rehabilitimit”.

Aktakuza kundër tij dhe gjeneralëve të tjerë u ngrit në fund të vitit 2003, dhe në vitin 2005 ai u ekstradua në Gjykatën Ndërkombëtare Penale për ish-Jugosllavinë në Hagë.

Së bashku me të u dënuan edhe ish-shefi i Shtabit të Përgjithshëm të Ushtrisë jugosllave, Dragolub Ojdaniq, ish-komandanti i Korpusit të Prishtinës, Vlladimir Llazareviq, gjenerali i policisë, Sreten Llukiq, dhe ish-zëvendëskryeministri i Republikës Federale të Jugosllavisë, Nikolla Shainoviq.

Pavkoviq dhe Llukiq u dënuan me nga 22 vjet burg secili, ndërsa Ojdaniq dhe Llukiq me nga 15 vjet secili./REL/

Vetëvendosje e fton PDK-në dhe AAK-në për koalicion në këtë komunë

Sikurse në 16 komuna të tjera edhe në Pejë qytetarët do ti drejtohen përsëri qendrave të votimit me 9 nëntor.

Në garën e balotazhit do të përballen Gazmend Muhaxhiri nga LDK-ja dhe Taulant Kelmendi nga VV-ja.

Por me cilin prej kandidatëve do të arrijë koalicion Kelmendi i VV-së?

Në një prononcim për Indeksonline, Kelemendi është shprehur se ai tashmë ka ftuar të gjitha subjeket politike për një marrëveshje për ndryshim.

 

 

‘‘’Ftesën e kamë bërë publike, të gjitha subjektet politike, të gjithë qytetarët duhet të bashkohen për ndryshim. Kjo ftesë vlen për të gjitha subjektet që janë të interesune për një ndryshim në Pejë’’, ka thënë Kelmendi për Indeksonline.

Sipas Kelmendit parimi i tij është që të gjithë duhet të bashëkohen për një ndryshim në Pejë.

‘’Akoma nuk kemi rezultate përfundimtare, nuk kemi pasur diskutim por parimi jonë është që duhet të bashkohemi të gjithë për një ndryshim në Pejë’’, shprehet Kelemendi për Indeksonline.

Sipas rezultateve të Komisionit Qendror të Zgjedhjeve, Gazmend Muhaxheri ka arritur ti sigurojë 46.23% apo 19,688 Vota ndërsa Taulant Kelmendi ka arritur ti sigurojë 27.81% apo 11,843 Vota.

Kryesia e LDK-së e quajti të papranueshme koalicionin LDK-LVV në Vushtrri, ja si reagon Xhafer Tahiri

Kandidati i Lidhjes Demokratike të Kosovës për kryetar të Vushtrrisë, Xhafer Tahiri kishte njoftuar se ka bërë një koalicion me Lëvizjen Vetëvendosje në qytetin e Vushtrrisë, më saktë me kandidatin e kësaj partie, Sylejman Mehollin, raporton Gazeta10.

Tahiri e nënshkroi këtë marrëveshje pa miratimin e LDK-së, në ndërkohë që kreu i kësaj partie, Lumir Abdixhiku kishte thirrur për mbledhje urgjente.

LDK reagoi ndaj koalicionit të arritur nga kandidati i kësaj partie për Vushtrrinë, Xhafer Tahiri, me Sylejman Mehollin e Lëvizjes Vetëvendosje, duke thënë se veprimet e Tahirit për të lidhur koalicion me një parti tjetër, janë veprime individuale, të papranueshme dhe në kundërshtim me procedurat statutare të Lidhjes Demokratike të Kosovës, raporton Gazeta10.

Pas reagimit nga kryesia e LDK-së, Tahiri kishte bërë një tjetër reagim së bashku me kandidatët për asamble, të cilët u zgjodhën në këtë komunë.

Ai tha se qyteti ka nevojë për ndryshim dhe se vendimet e mëdha nuk janë asnjëherë të lehta. Por pavarësisht kostove individuale, interesi i qytetarëve dhe i Vushtrrisë është mbi gjithçka, shoti tutje Tahiri në reagimin e tij, të cilin e bëri përmes profilit zyrtar të Degës së LDK-së në Vushtrri, raporton Gazeta10.

Në këtë njoftim, ishte theksuar gjithashtu se marrëveshja e tyre nuk afekton asnjë garë tjetër përveç Vushtrrisë.

“Së bashku me asambleistët e zgjedhur të LDK-së, dje jemi besatuar para Zotit që do ta sjellim këtë ndryshim.
Me ndershmëri, punë dhe dashuri për qytetin tonë. Gjithmonë me LDK – për Vushtrrinë që e duam!”, thuthet tutje në këtë njoftim./Gazeta10

Postimi i plotë nga Dega e LDK-së në Vushtrri:

Gecaj i LDK-së: Me Vetëvendosjen as n’xhenet

Bajram Gecaj nga Lidhja Demokratike e Kosovës ka kritikuar ashpër koalicionin ndërmjet Xhafer Tahirit dhe Vetëvendosjes në Vushtrri.

Gecaj, ka deklaruar se bashkëpunimi me partinë e udhëhequr nga Albin Kurti është i papranueshëm dhe sipas tij, “me Vetëvendosjen nuk shkohet as në xhenet”.

Ai e ka përdorur këtë shprehje në mbishkrimin e komunikatës së LDK-së.

Statuti i LDK-së ndalon koalicione të paautorizuara, masa disiplinore deri në përjashtim për ata që veprojnë kundër vendimeve të partisë

Sipas Statutit të Lidhjes Demokratike të Kosovës (LDK), çdo anëtar që vepron kundër Programit, Statutit, vendimeve apo qëndrimeve të organeve të partisë, mund të përballet me masa disiplinore, përfshirë edhe largimin nga partia, ashtu siç bëri sot Xhafer Tahiri i Vushtrrisë kur lidhi marrëveshje me Vetëvendosjen në Vushtrri për balotazhin e 9 nëntorit.

Në Nenin 13 të Statutit thuhet se ndaj çdo anëtari që me veprimet apo sjelljet e tij dëmton interesat e LDK-së, mund të shqiptohen masa disiplinore, ndërsa zhvillimin e procedurës e bën Komisioni Disiplinor, i caktuar nga Kryesia e partisë, shkruan Gazeta Online Reporteri.net.

Ndërsa Neni 14 përcakton qartë se largimi nga LDK mund të ndodhë në rastet kur anëtari: abuzon me vlerat dhe objektivat themelore të partisë; vepron kundër kandidatëve të LDK-së në zgjedhje ose mbështet subjekte të tjera politike apo kandidatët e tyre.

Po ashtu, statuti ndalon që anëtarët të mbajnë pozita brenda organeve të LDK-së nëse publikisht refuzojnë ose mohojnë vendimet e forumeve ku bëjnë pjesë.

Vendimin për masën disiplinore e merr Komisioni Disiplinor, ndërsa ankesa mund të bëhet në Këshillin e Përgjithshëm, vendimi i të cilit është përfundimtar.

Këto dispozita statutare bëhen veçanërisht të rëndësishme pas zhvillimeve në Vushtrri, ku kandidati i LDK-së ka nënshkruar një marrëveshje koalicioni me Lëvizjen Vetëvendosje pa miratim nga strukturat qendrore të partisë.

Në një komunikatë për media, LDK sqaroi se “nuk ka autorizuar dhe nuk autorizon asnjë koalicion lokal pa ndjekur procedurat statutare të partisë”, duke theksuar se veprimet e kandidatit janë “individuale, të papranueshme dhe në kundërshtim me procedurat statutare të Lidhjes Demokratike të Kosovës”.

Partia njoftoi se pas përfundimit të garës lokale do të analizojë performancën e kandidatit dhe të Degës së Vushtrrisë, dhe më pas do të marrë vendimet përkatëse sipas Statutit.

“Veprimet e tjera, sikurse ky i sotmi, janë pa ndonjë vlerë dhe në kundërshtim me praktikën demokratike të LDK-së. Si të tilla, ato do të marrin trajtim procedural sipas Statutit pas përfundimit të garës lokale,” thuhet në komunikatë.

Samedi i “It’s My Home” denoncon publikisht, i ndodh e papritura pas botoxit

Ish-banori i “It’s My Home”, Samed Feka, ka deklaruar publikisht se i ka dështuar botoxi.

Përmes një videoje në TikTok, Samedi është shfaqur i “stërkuqur” dhe ka treguar se si ka dështuar procedura.

“Desha të sqaroj një gjë: disa ditë nuk kam hyrë live, arsyeja është se kam bërë botox, por botoxi ka marrë kahje të kundërt, kahje të keqe, siç edhe po e shihni fytyrën time. Kam dashur të bëj një ndryshim, por nuk ka qenë kismet. Ishalla bëhet hajr, sepse për momentin jam keq”, u shpreh ai.