Bien temperaturat, ky është moti për të premtën

Nesër në Kosovë pritet të mbajë mot me vranësira të dendura dhe me reshje të herëpashershme shiu. Temperaturat maksimale do të shënojnë ulje. Minimalja pritet të zbres deri në 7 gradë Celsius, kurse ajo maksimale pritet të arrijë deri në 14 gradë Celsius.

Në Shqipëri, Maqedoninë Veriore, Luginë të Preshevës dhe Mal të Zi e Premtja sjellë reshje shiu në gati të gjitha viset. Reshje të dendura shiu lokalisht priten në perëndim, jug dhe pjesët qendrore të Shqipërisë ku mund të ketë edhe rrebeshe intensive lokale me vetëtima dhe bubullimë.

Temperaturat do të shënojnë ulje në të gjitha viset.

Të shtunën pak më ftohtë, me vranësira dhe reshje të herëpashershme shiu të karakterit lokal.

E diela pritet të sjellë përmirësim gradual të motit./MeteoBallkan

Përditësohet numërimi në Mitrovicë, kjo është gjendja pas afro 80% të kutive të numëruara

Komisioni Qendror i Zgjedhjeve i ka përditësuar të dhënat nga numërimi në Qendrën Komunale të Numërimit për komunën e Mitrovicës.

Sipas përditësimit të bërë në ora 22:45, kandidati i PDK-së për kryetar të Mitrovicës po vazhdon të prijë me 49.71 për qind nga 78.1 për qind e kutive të numëruara.

Në vendin e dytë është Faton Peci i Lëvizjes Vetëvendosje me 46.12 për qind, teksa në vendin e tretë është Gëzim Plakolli i LDK-së me vetëm 3.41%, njofton Klankosova.tv.

PDK-ja në Mitrovicë po prin edhe për sa i përket ulëseve në Kuvendin Komunal, ku nga 74.29 për qind e kutive të numëruara, aktualisht ka marrë 41.22 për qind.

Në vendin e dytë është Lëvizja Vetëvendosje me 22.56 për qind të ulëseve, teksa në vendin e tretë është LDK-ja me 12.16 për qind, e në të katërtin është Lista Guxo me 11.84 për qind.

Shqiptarja ngacmohet nga serbët në punë, vetëm pse kishte tatuazh shqiptar

Një vajzë shqiptare që jeton dhe punon në Norvegji ka përjetuar një situatë të papranueshme në vendin e saj të punës, e cila ngre pyetje të rëndësishme mbi tolerancën dhe respektin ndërkombëtar.

A është e mundur që diskriminimi të mbijetojë edhe në vende që pretendojnë të jenë të hapura dhe të avancuara?

Ngjarja ndodhi në një dyqan, ku vajza shqiptare ishte duke punuar si zakonisht. Ajo po sistemonte produktet në raft, kur papritur një çift serb i afroi dhe e ofendoi në mënyrë të hapur. Kjo situatë e papritur e la atë të tronditur dhe e detyroi të përballej me një realitet të hidhur.

“Ishte një ditë e lodhshme, dhe unë kisha hequr bluzën e sipërme për t’u ndier më rehat. Në duar kisha tatuazhin shqiptar, dhe sapo ata e panë, filluan me fyerjet,” ka treguar ajo, duke shprehur emocionet e saj të forta përballë kësaj situate të paprecedent.

Njëri nga ata i është afruar dhe i ka thënë “Matëso!” në një ton përbuzës, duke e bërë atë të ndjehet e frikësuar dhe e poshtëruar. “M’u drodh gjithë trupi, si me u kthye në atë moment përsëri,” ka thënë ajo, duke treguar se si ndjenja e frikës dhe poshtërimit e kishte kapluar.

Pas ngjarjes, ajo përpiqej të mbante qetësinë dhe profesionalizmin, ndonëse ishte dukshëm e tronditur. “Nuk desha të bëja skandal, por brenda meje ndjeva një nervozë dhe dhimbje të madhe. Ata më shikuan me përçmim vetëm pse jam shqiptare,” ka theksuar ajo, duke e bërë të qartë se ndjenja e diskriminimit ishte e thellë.

Pas incidentit, disa klientë të tjerë ndërhynë dhe e pyetën nëse ishte në rregull, duke treguar se ndihma dhe mbështetja nga të tjerët janë të rëndësishme në situata të tilla. Ajo gjithashtu theksoi se ndjenja e frikës ishte aq e madhe saqë menjëherë telefonoi babain e saj për të ndarë përvojën e saj të hidhur.

Ngjarja ka shkaktuar reagime të shumta në rrjet, ku shqiptarët që jetojnë jashtë kanë shprehur mbështetje për të dhe kanë dënuar diskriminimin me motive etnike. Kjo situatë tregon se, pavarësisht përparimeve në shoqëri, ende ekzistojnë sfida të mëdha për të drejtat e njeriut dhe respektin ndaj diversitetit.

Deputetja e Kuvendit konfirmon votën PËR Qeverinë Kurti

Nënkryetarja e Kuvendit të Kosovës, Emilija Rexhepi, ka folur rreth mundësisë së formimit të Qeverisë.

Rexhepi, nuk ka dashur të komentoj fare kërkesën e deputetes tjetër boshnjake, Duda Balje për formimin e komunës boshnjake, si kusht për të votuar Qeverinë ”Kurti”.

‘’Nuk e di, unë nuk merrem me Duda Balje, më mirë do të ishte të merrej shteti me Baljen dhe Shehollin, s’jam e interesuar me komentuar’’, tha Rexhepi.

Në anën tjetër, ajo tha se do e votoj Qeverinë ‘’Kurti’’, por se nuk e di nëse do të formohet një e tillë, por që ka shpresa për këtë gjë.

‘’Nuk e di, shpresoj, ne do e votojmë Qeverinë’’, tha ajo për Front Online.

Paralajmërohet revoltë mbareshqiptare nëse Haga i dënon ish-krerët e UÇKsë

Ali Ahmeti, lideri shqiptar i Maqedonisë së Veriut, ka paralajmëruar Gjykatën Speciale në rast  dënimi të krerëve të UÇK-së. Në një intervistë në Frontal, Ahmeti ka thënë se askush nuk mund ta kontrollojë revoltën shqiptare nëse Specialja në Hagë dënon Thaçin dhe të tjerët.

“Është mëse e vërtetë që askush nuk mund të jap garanca që njerëzit e pakënaqur, njerëz që kanë qenë në vijat e frontit bashkë me ta, që kanë ndarë të keqën dhe të mirën bashkë. Këtë garancë askush nuk mund ta jap. Nuk mund ta jap as unë – se mund të ketë grupe të tilla që mund të grumbullohen për ta shprehur revoltën e tyre sepse nuk është revoltë që dikush mund ta kontrollojë”, ka thënë lideri i BDI-së.

Ai ka thënë se vet akuza që i bëhet UÇK-së, është fyrje për kombin shqiptarë. “Sepse ta akuzosh UCK-në se është ndërmarrje e përbashkët kriminale është një fyerje jo për ushtrinë por për kombin në tërësi jo vetëm për Kosovën por për tërë kombin shqiptar”, ka thënë Ahmeti në Frontal.

Numërimi përfundon: Vetëvendosja e çon këtë komunë në balotazh

Ka përfunduar numërimi i votave në Qendrën Komunale të Numërimit për komunën e Rahovecit, dhe tashmë është zyrtarizuar se kjo komunë do të shkojë në balotazh.

Në krye të garës ka dalë kandidati i Aleancës për Ardhmërinë e Kosovës (AAK), Smajl Latifi, me 7,673 vota apo 37.58%, por pa arritur shumicën absolute që do ta shpallte fitues pa nevojën për raund të dytë.

Në balotazh, Latifi do të përballet me kandidatin e Lëvizjes Vetëvendosje (LVV), Ali Dula, i cili ka siguruar 4,868 vota, përkatësisht 23.84% të përkrahjes qytetare

Kandidati i LDK-së, Burim Krasniqi, përfundoi në vendin e tretë me 4,673 vota (22.89%), ndërsa kandidati i PDK-së, Edon Cana, mori 3,202 vota (15.68%), duke u renditur i katërti.

Garë e nxehtë për Asamble Komunale në Podujevë – Këta janë 5 kandidatët që po prijnë me vota nga VV, LDK dhe PDK

Procesi i numërimit të votave për zgjedhjet lokale në Komunë e Podujevës është  duke vazhduar ende.

Sipas të dhënave më të fundit të publikuara nga Komisioni Qendror i Zgjedhjeve, janë procesuar 70 nga gjithsej 113 vendvotime, që përfaqësojnë 61.95% të tërësisë së votave.

Bazuar në këto rezultate preliminare, janë bërë publike edhe top 5 kandidatët më të votuar për Asamblenë Komunale nga tri subjektet kryesore politike në këtë komunë: Lëvizja Vetëvendosje, LDK dhe PDK.

Lëvizja Vetëvendosje: Shpejtim Bulliqi udhëheq me 9,536 vota, ndjekur nga Adelina Stublla me 732 vota, Avni Fetahu me 636 vota, Bahri Selimi me 514 vota, Lirie Hoti Rama me 484 vota,.

 

 

Lidhja Demokratike e Kosovës (LDK): Ekrem Hyseni udhëheq me 7,886 vota, ndjekur nga Enis Shabani me 496 vota, Alisa Jetullahu me 456 vota, Besim Latifi me 417 vota, Enis Dervisholli me 384 vota.

Partia Demokratike e Kosovës (PDK): Isak Shabani udhëheq me 2,423 vota, ndjekur nga Isuf Osmani me 260 vota, Lulzim Pollomi me 250 vota, Afrim Avdiu me 188 vota, Burim Januzi me 153 vota.

Kandidoi për asamblist në listën e Ramiz Lladrovcit, kaq vota ka marrë deri tash “Fc Latta”

Aktori Arjanit Hoti, i cili njihet për rolet e tij në disa seriale komike, ka qenë kandidat për Kuvendin Komunal të Drenasit në zgjedhjet e 12 tetorit.

Hoti ka qenë pjesë e listës së partisë së Ramiz Lladrovcit. Në Drenas deri tash janë numëruar rreth 65 përqind e votave, e nga rezultatet e publikuara del se Hoti ka marrë 240 vota.

Me renditje në listën e kandidatëve më të votuar nga numërimi i deritashëm, ai renditet i 13’ti.

Nga kjo listë, më e votuara është Laureta Thaçi si bartëse e listës me 6 mijë e 385 vota, pasuar nga Ekrem Elshani, Selman Qallapeku, Naim Gjeli, Valdet Curri dhe Anjeza Kurtaj.

PDK paralajmëron: Nëse dështon Kurti, ne do të marrim iniciativën për të formuar Qeverinë

Kryetari i Lëvizjes Vetëvendosje, Albin Kurti, ka afat deri më 26 tetor për të siguruar shumicën në Kuvend dhe për të propozuar përbërjen e Qeverisë së re. Por nëse nuk arrin të sigurojë 61 votat e nevojshme, Partia Demokratike e Kosovës po paralajmëron se do të marrë vetë iniciativën për të ndërtuar një shumicë të re parlamentare.

Deputeti i PDK-së, Rashit Qalaj, tha se po presin që Vetëvendosje të marrë përgjegjësinë e formimit të Qeverisë si fituese e zgjedhjeve, por nëse dështon, PDK është e gatshme të veprojë.

“Jemi duke pritur që partia e cila ka marrë më së shumti ulëse në Parlamentin e Kosovës, dhe meqenëse tanimë zyrtarisht është mandatur deputeti Albin Kurti, si mandatar për formimn e qeverisë, jemi duke pritur që ata të krijojnë shumicën parlamentare dhe të kenë qeveri, dhe nëse jo normalisht që PDK pastaj do të marrë iniciativën të krijojë shumicën dhe të krijojë qeverinë.”, ka thënë Qalaj për IndeksOnline.

Ai theksoi se PDK nuk është e interesuar për asnjë bashkëqeverisje me Vetëvendosjen, duke përjashtuar mundësinë e një koalicioni të përbashkët.

“Nuk kemi asnjë interes të shkojmë në bashkëqeverisje me LVV-në e Albin Kurtit. Në asnjë variant nuk do të jem pjesë e një qeverie apo ministrie ku udhëheq LVV,” theksoi ai.

“PDK ka numrin e dytë më të madhë në parlamenitn e Kosovës, si e tillë do të bëjë përpjekje për formimin e qeverisë.”, ka vlerësuar tutje Qalaj.

Sipas Kushtetutës, nëse kandidati i parë për kryeministër nuk merr votat e mjaftueshme, presidentja e vendit ka 10 ditë për të mandatuar një kandidat tjetër. E nëse dështon edhe tentimi i dytë, vendi shkon në zgjedhje të reja, që duhet të mbahen brenda 40 ditësh nga shpallja.

Përballë këtij afati kushtetues, mbetet të shihet nëse Kurti do të arrijë të sigurojë koalicionin e nevojshëm, apo nëse PDK do ta marrë nismën për krijimin e një qeverie të re pa Vetëvendosjen.

Lista Serbe sfidon Kuvendin dhe rrezikon formimin e Qeverisë së re

Më pak se një javë pasi Kuvendi i Kosovës u konstituua plotësisht, me kryetarin dhe pesë nënkryetarët, kushtetutshmëria e këtij procesi u vu në pikëpyetje nga Lista Serbe.

Kjo parti, më e madhja e serbëve në Kosovë, dorëzoi një ankesë në Gjykatën Kushtetuese kundër zgjedhjes së nënkryetarit serb, Nenad Rashiq, duke pretenduar se janë bërë shkelje kushtetuese dhe të rregulloreve.

Në ankesën e saj, Lista Serbe kërkoi që gjykata të vendosë një masë të përkohshme, për të ndaluar, siç tha, “veprimet antikushtetuese që mund të shkaktojnë dëme të pakthyeshme”.

Nënkryetari nga komuniteti serb u zgjodh më 10 tetor, dhe ky post iu besua Nenad Rashiqit – i vetmi deputet i Partisë për Liri, Drejtësi dhe Mbijetesë.

Emri i tij u votua pasi asnjë nga kandidatët e Listës Serbe – e cila ka shumicën e vendeve të rezervuara për komunitetin serb në Kuvend – nuk arriti t’i siguronte votat e nevojshme.

Me Kushtetutën e Kosovës, nënkryetari duhet të jetë nga “radhët e deputetëve të Kuvendit që mbajnë vendet e rezervuara ose të garantuara të komunitetit serb”.

Ndërsa, sipas Rregullores, “kandidati për nënkryetar të Kuvendit nga radhët e komunitetit serb propozohet nga shumica e deputetëve të komunitetit serb”.

Gjithashtu, Rashiq u votua veçmas nga nënkryetari tjetër që përfaqëson komunitetet joshumicë – ndryshe nga praktikat e mëparshme, por me miratimin e Gjykatës Kushtetuese.

Nenad Rashiq dhe sfida për Kushtetutën

Bazuar në këto, Ehat Miftaraj, drejtor ekzekutiv i Institutit të Kosovës për Drejtësi, vlerëson se zgjedhja e Nenad Rashiqit mund të mos ketë qenë në përputhje me Kushtetutën.

“Mund të them se Rashiq nuk e ka marrë nominimin nga së paku gjashtë deputetë serbë në Kuvendin e Kosovës. Nga kjo premisë, mund të konkludohet se ka pasur shkelje kushtetuese në procesin e zgjedhjes së tij si nënkryetar i Kuvendit të Kosovës”,thotë Miftaraj për Radion Evropa e Lirë.

Ai përmend edhe rastin e Emilija Rexhepit, e cila u zgjodh nënkryetare nga komunitetet joserbe jashtë pakos me kandidatin serb – ndryshe nga praktikat e mëparshme.

Megjithëse situata, sipas tij, duket e qartë, Miftaraj zgjedh të jetë i kujdesshëm në parashikime.

“Gjykata Kushtetuese ka ditur të na befasojë, ka ditur t’i ndërrojë standardet, t’i ndërrojë praktikat. Prandaj, në këtë fazë, është problem të kesh një qëndrim se cili do të jetë vendimi i Gjykatës Kushtetuese”, thotë ai.

Ankesën e Listës Serbe në Gjykatën Kushtetuese e sheh si të drejtë legjitime edhe profesori i së Drejtës Kushtetuese, Mazllum Baraliu.

Megjithatë, ai e konsideron këtë veprim si të dëmshëm për procesin demokratik në Kosovë, pasi, siç thotë, mund të çojë në pezullimin e punës së Kuvendit.

“Tani varet nga Gjykata Kushtetuese. Jam i bindur se do ta shqiptojë masën mbrojtëse, të përkohshme… dhe pezullohet puna e Kuvendit. Më pas, do të shohim se çka do të ndodhë”, thotë ai për Radion Evropa e Lirë.

Baraliu nuk e konsideron të drejtë vendimin e Kushtetueses për zgjedhjen ndaras të nënkryetarëve nga komunitetet pakicë, prandaj thotë se aktgjykimi për ankesën e fundit të Listës Serbe është vështirë i parashikueshëm.

“Nga kjo që po bën Gjykata Kushtetuese, mishmash me vendimet e veta, gjithçka është e pritshme”,thotë ai.

Konstituimi i Kuvendit të Kosovës u zvarrit për gati gjashtë muaj për shkak të mosmarrëveshjeve politike.

Gjatë këtij procesi, Gjykata Kushtetuese nxori tri aktgjykime bazuar në ankesat e partive, të cilat përcaktuan kushtet dhe afatet për konstituimin e Kuvendit.

Pasojat e mundshme për Qeverinë e re

Sipas Miftarajt, nëse Kushtetuesja vendos në favor të Listës Serbe, situata në Kuvend mund të rikthehet në rrethanat që ishin pas aktgjykimit të 8 tetorit.

“Kjo do të thotë që Kuvendi nuk konsiderohet ende i konstituar. Do ta detyrojë Kuvendin të votojë sërish, në përputhje me Kushtetutën dhe aktgjykimet e Gjykatës Kushtetuese, për një nënkryetar nga komuniteti serb, i propozuar nga shumica e deputetëve të këtij komuniteti”, thekson Miftaraj.

Ai shton se një vendim i tillë mund të ndikojë edhe në formimin e Qeverisë së re.

“Me të do të binte poshtë nominimi dhe mandatimi i Lëvizjes Vetëvendosje nga presidentja për kryeministrin e ardhshëm të Kosovës”, vlerëson Miftaraj.

Një ditë pas konstituimit të Kuvendit, presidentja Vjosa Osmani mandatoi kryetarin e Lëvizjes Vetëvendosje, Albin Kurti, kryeministër në detyrë, për formimin e Qeverisë së re.

Afati 15-ditor për këtë proces nisi atë ditë dhe përfundon më 26 tetor.

E, dyshime mbi zgjedhjen e Rashiqit shprehën më herët edhe ekspertë të tjerë, ashtu si edhe përfaqësues të partive ish-opozitare.

“Ne, praktikisht, po hyjmë në një fazë të shkeljes së vazhdueshme të Kushtetutës”, tha kryetari i Nismës Socialdemokrate, Fatmir Limaj, në ditën kur Rashiq u zgjodh nënkryetar i Kuvendit.