Talenti i madh i Bundesligës pritet të zgjedhë Kosovën

Futbollisti i ri Dino Klapija, vetëm 18 vjeç, ka marrë një vendim që ka befasuar shumë tifozë të futbollit në rajon.

Klapija, ish-lojtar i Kustosijës dhe aktualisht pjesë e RB Leipzig, ka vendosur të përfaqësojë Kosovën në arenën ndërkombëtare, shkruajn mediat kroate.

Klapija, i lindur në SHBA, kishte të drejtë të luante për Kroacinë, Bosnjë-Hercegovinën, Kosovën dhe Shtetet e Bashkuara, por ka zgjedhur të përfaqësojë vendin e origjinës së familjes së tij.

Më parë ai kishte luajtur për përfaqësueset U-17 të Kroacisë dhe U-18 e U-19 të SHBA-së. Vendimi i tij është pritur me befasi në rajon, pasi shumëkush e priste ta shihte me fanellën kroate.

Dalin rezultatet e para, këta janë TOP 5 më të votuarit në Prishtinë

Komisioni Qendror i Zgjedhjeve ka nisur publikimin e rezultateve për kandidatët e Asamblesë së Komunës së Prishtinës.

Votat që kanë marrë kandidatët mund t’i gjeni në këtë link.

Deri tani janë procesuar rezultatet për dy vendvotime. LDK ka deri tash 300 vota, e ndjekur nga VV me 197 dhe PDK me 187.

Nga Lidhja Demokratike e Kosovës i pari renditet Përparim Rama me 300 vota si bartës liste, pasuar nga Fadil Aliu me 33 vota, Dasmor Durmishi me 26 vota, Etnik Mustafa me 14 vota dhe Bujar Gashi me 13 vota.

Nga VV i pari renditet Mrika Limani Myrtaj si bartëse liste me 197 vota. Pas saj është Gëzim Sveçla me 19 vota, Egzon Azemi me 15, Besart Krasniqi me 11 dhe Nora Kelmendi me 9 vota.

Nga PDK renditet Uran Ismaili si bartës liste me 187 vota, i pasuar nga Arbnora Ajeit me 17 vota, Agron Canolli me 11, Agnesa Avdyli Vitia me 11 dhe Besianë Masmurati me 10 vota.

Bekë Berisha i AAK’së, si bartës liste, ka 89 vota. Pas tij renditen Kreshnik Smajlaj, Kushtrim Mushica, Fadil Arifi dhe Iart Bislimi.

Tek Lidhja e Prishtinës, Fehmi Kupina si bartës liste ka marrë 81 vota, i pasuar nga Sadri Dragusha, Faton Pacolli, Liridon Restelica dhe Nusret Stublla.

Ndërkohë, tek PSD, Besa Shahini si bartëse e listës ka 40 vota deri tash./Reporteri.net

U raportua i zhdukur, gjendet i vdekur një 17-vjeçar në një fshat të Prizrenit

Një 17-vjeçar është gjetur pa shenje jete në rrugën Landovicë–Gjonaj. Tashmë i ndjeri kishte dalë mbrëmë nga shtëpia dhe nuk ishte lajmëruar, ndërkaq sot ishte raportuar si i zhdukur.

Lajmin për Gazetën Insajderi e ka bërë të ditur zëdhënësi i policisë për rajonin e Prizrenit, Shaqir Bytyqi i cili tha se dyshohet që 17-vjeçari derisa ishte duke drejtuar një motoçikletë. Viktima, sipas Bytyqit, dyshohet se ka humbur kontrollin dhe ka dalë nga rruga.

“Sot më datë 14 tetor 2025, rreth orës 16:00, policia është njoftuar se në rrugën Landovicë–Gjonaj, disa qytetarë që po punonin në ara kanë vërejtur një person të shtrirë nën rrugë, rreth 7–8 metra larg saj, pranë një muri ku po ndërtohej një shtëpi. Sipas raportimeve fillestare të qytetarëve, personi nuk shfaqte shenja jete”.

“Menjëherë pas marrjes së informatës, njësitet përkatëse të Policisë së Kosovës kanë dalë në vendngjarje dhe kanë filluar hetimet fillestare. Nga veprimet hetimore është konstatuar se viktima është i mituri V.N. (i lindur më 15.08.2008), nga lagjja Arbane e Prizrenit, i cili që nga mbrëmë nuk ishte kthyer në shtëpi dhe nuk ishte lajmëruar në telefon, ndërsa sot është raportuar si i zhdukur”.

“Bazuar në të dhënat fillestare dyshohet se viktima, derisa ishte duke drejtuar një motoçikletë, nuk i është përshtatur kushteve dhe rrethanave të rrugës, ka humbur kontrollin, ka dalë nga rruga dhe është përplasur në murin mbrojtës të një shtëpie në ndërtim, me ç’rast ka pësuar lëndime të rënda trupore që kanë rezultuar me vdekje në vendin e ngjarjes. Policia, në bashkëpunim me Prokurorinë Themelore në Prizren, po vazhdon hetimet për të sqaruar në detaje të gjitha rrethanat e këtij rasti tragjik”, tha Bytyqi.

LVV në prag të një tjetër fitoreje, vetëm 92 vota i ndajnë nga fitorja historike

Eugen Cakolli nga Instituti i Demokratik i Kosovës (IDK) parasheh që gara në Gjilan për kryetar komune mund të përfundojë qysh në rundin e parë.

Kjo pas procesimit dhe numërimit të votave nga diaspora, që sipas tij, janë rreth 3000 votues të regjistruar nga jashtë.

Madje sipas tij, kryetarit aktual të Gjilanit, Alban Hysenit, i duhen vetëm 92 vota që ta përfundojë garën qysh tani.

“Me votat që janë procesuar deri më tani, Gjilani del që është në prag të kalojë poa balotazh. Alban Hysenit i duhen vetëm 92 vota që të kalojë pa balotazh. Janë 2000 votues jashtë vendit, të regjistruar për të votuar në Gjilan. Mbetet të shihet sa është numri i tyre, por zakonisht përqindja shkon në 70-80%. Nëse veç i ndjekim trendët e zgjedhjeve deri më tani, gjasat janë që Gjilani me qenë komunë tjetër e cila përfundon pa balotazh në favor të Alban Hysenit, por që varen edhe votat me kusht, të cilat ndonëse nuk janë shumë në numër, mund të rrisin numrin e votave që janë jashtë vendit”, u shpreh ai, raporton Klankosova.tv.

Për më tepër, ai tha se votat nga diaspora zakonisht shkojnë në favor të LVV-së, siç ka ndodhur edhe në zgjedhjet e kaluara, kur për Hysenin kishin ardhur gati 70% e tyre.

“Alban Hyseni, edhe në zgjedhjet e vitit 2021, kur kundërkandidat e ka pasur Lutfi Hazirin i cili ka qenë dukshëm më i konsoliduar si figurë publike dhe në përqindje ka qëndruar më mirë se Arbër Ismajli, ka arritur të ketë vetëm një numër krejt simbolik nga votat jashtë vendit, ndërsa LVV ka pasur gati 70% të votave të diasporës”, deklaroi Cakolli.

Megjithatë, ai thotë se që gara të shkojë në balotazh, kandidatit të LDK-së, Arbër Ismajli, i duhen mbi 50% të votave të diasporës.

Për sa i përket Junikut, Cakolli tha se atje është gara më interesante ku ¼ e votuesve të asaj komune janë nga jashtë vendit.

“Pra, 4 mijë votues janë në Junik, 1300 janë të regjistruar jashtë vendit. Diferenca mes dy kandidatëve është disa qindra vota dhe që gjasat janë reale që kjo komunë të mbyllet pa balotazh. Potencialisht mund të fitojë secili prej kandidatëve, edhe Agron Kuçi por edhe Ruzhdi Shehu ta përfundojnë pa balotazh. Por nëse u ndjekim trendët e së kaluarës, gjasat janë reale që shumica e votave të jenë për Shehun, dhe atij i mjaftojnë t’i sigurojë 55% të votave jashtë vendit”, deklaroi Cakolli.

Kështu, LDK-ja sipas tij mund ta fitojë komunën pa balotazh.

Buzhala njofton se do ta takojë Thaçin nesër në Hagë

Gazetari Berat Buzhala ka njoftuar se nesër do ta vizitojë ish-presidentin Thaçi në Hagë, transmeton Demos.

Ai tha që shpreson që takimin e radhës ta kenë në Prishtinë.

I plotë;

Neser ne Hage – shpresoj per here te fundit

Pas disa ditesh behen 5 vjet nga dita kur eshte arrestu Hashim Thaci, kurse une neser e takoj ate per here te peste ne Sheveningen te Hages.

Shume po shpresoj qe ky do te jete takimi im i fundit me te ne kete qender te paraburgimit. Shume po shpresoj qe ne dimrin e vone ose ne pranveren e hershme do ta takoj ne Prishtine.

Eshte bo boll e teper.

Ata qe nuk e njohin, e kane te veshtire me besu se cfare karakteri ka ky njeri.

Eshte shqiptari i gjalle me i rendesishem dhe me kontribut masiv per ceshtjen kombetare, por kurre, asnjehere, ne keto takime nuk e kam vrejte qe e ka qofte edhe nje grime pendese per veprimtarine e tij gjate luftes, e qe per shkak te saj po e paguan nje cmim kaq te larte.

Fatkeqesisht edhe takimet ne paraburgim kane ardhur e jane bere edhe me te veshtira, jo sikurse ato te fillimit, por Hasha ka vazhduar me te njejtin entuziazem dhe optimizem.

Me t’i marre pese vjet jete eshte krim shume i madh, sepse ne nuk jetojme 1000 vjet. Pastaj me t’i marre keto vjet, kur ti i ke sakrifiku per vendin dhe popullin tend edhe nja 10 a 15 te te tjera, eshte krim i dyfishte.

E per cka se?

Sepse Serbia i ka pergatite qindra deshmitare kunder teje, sepse Serbia i ka dergu mijera dokumente ne ate Tribunal.

Sigurisht qe me pyet edhe per shume prej jush, me pyet a po shkruje hala ne Facebook.

“Copa u bojshim”, i tham une. Ai qeshet.

Po po, marredhenia e jeme me te nuk ka qene gjithmone me e mira e mundshme, porse marredhenia e jone ka qene pa interes. Kur kemi qene mire, kemi qene shoke, kemi qene vendas. M’ka ardhe ne shpi, i kam shku ne shpi. E ka respektu familjen teme, ia kam respektu familjen e tij. Pjesa tjeter ka qene politike. Po flasim per nje raport qe ka zgjate 15 vjet.

Ne keto pese vjet qe ai eshte ne burg, jam mundu me i qendru afer pa asnje interese. Edhe keto vizitat qe i bej i bej me leket e mia.

Biles, jam mundu, aq sa ka mujte, me i binde shume miq te mi me i ndihmu fondit te Thacit financiarisht, sepse Thaci dhe te tjeret nuk jane atje per fatet individuale, por per fatin kolektiv.

Fatkeqesisht, bash kur kishte nevoje me se shumti, shteti per te cilin ai luftoi dhe shteti qe ai e shpallin ra ne duart e njerezve qe ate e urrejne me shume se sa cdo gje tjeter ne jete.

Kryeministri Edi Rama i ka qendruar afer burrerisht – ne cdo drejtim dhe kjo gje eshte madheshtore.

Do t’ia percjelli te falat e juaja ❤✊

Numërohen votat e para për Asamblistë në Prishtinë, këto janë rezultatet LIVE

Komisioni Qendror i Zgjedhjeve ka nisur publikimin e rezultateve për kandidatët e Asamblesë së Komunës së Prishtinës.

Votat që kanë marrë kandidatët mund t’i gjeni në këtë link.

Deri tani janë procesuar rezultatet për dy vendvotime. LDK ka deri tash 300 vota, e ndjekur nga VV me 197 dhe PDK me 187.

Nga Lidhja Demokratike e Kosovës i pari renditet Përparim Rama me 300 vota si bartës liste, pasuar nga Fadil Aliu me 33 vota, Dasmor Durmishi me 26 vota, Etnik Mustafa me 14 vota dhe Bujar Gashi me 13 vota.

Nga VV i pari renditet Mrika Limani Myrtaj si bartëse liste me 197 vota. Pas saj është Gëzim Sveçla me 19 vota, Egzon Azemi me 15, Besart Krasniqi me 11 dhe Nora Kelmendi me 9 vota.

Nga PDK renditet Uran Ismaili si bartës liste me 187 vota, i pasuar nga Arbnora Ajeit me 17 vota, Agron Canolli me 11, Agnesa Avdyli Vitia me 11 dhe Besianë Masmurati me 10 vota.

Bekë Berisha i AAK’së, si bartës liste, ka 89 vota. Pas tij renditen Kreshnik Smajlaj, Kushtrim Mushica, Fadil Arifi dhe Iart Bislimi.

Tek Lidhja e Prishtinës, Fehmi Kupina si bartës liste ka marrë 81 vota, i pasuar nga Sadri Dragusha, Faton Pacolli, Liridon Restelica dhe Nusret Stublla.

Ndërkohë, tek PSD, Besa Shahini si bartëse e listës ka 40 vota deri tash./Reporteri.net

Nuk i votuan as familjarët/ Dy kandidatet për asamble të VV’së që s’e morën asnjë votë

Komisioni Qendror i Zgjedhjeve (KQZ) ka arritur t’i procesojë rezultatet në katër komuna, përfshirë këtu edhe Zveçanin.

Në Zveçan, Lëvizja Vetëvendosje me bartës të listës Fetah Pecin ka marrë 2,41 për qind të votave. PDK, në anën tjetër me Ilir Pecin ka 3,32 për qind të votave në asamblenë e Zveçanit, shkruan Insajderi.

Mirëpo, ajo çfarë është interesant është fakti se dy kandidate për asamble në këtë komunë s’e kanë marrë asnjë votë.

Kandidatet për asamble Rabije dhe Selvije Peci s’kanë asnjë votë, sipas të dhënave të KQZ’së.

Dalin rezultatet e para, këta janë asamblistët që po dalin më të votuarit

Komisioni Qendror i Zgjedhjeve ka filluar me publikimin e rezultateve të kandidatëve për asamble nëpër disa komuna. Në Gjilan, janë numëruar 15.04 përqind e votave.

Si bartës i listës, Alban Hyseni nga Lëvizja Vetëvendosje ka marrë 1 mijë e 434 vota, sipas KQZ’së.

Nga Lidhja Demokratike e Kosovës, e cila ka dalë parti e dytë në këtë komunë, bartësi i listës, Arbër Ismajli ka marrë 954 vota.

Kandidati për asamble me më së shumti vota deri më tani nga LDK-ja është Artan Cani me 106 vota, u dyti është Sami Ahmeti me 88 dhe e treta, Florina Jerliu me 75 vota.

PDK e kalon Vetëvendosjen në garën për…

Komisioni Qendror i Zgjedhjeve ka nisur publikimin e rezultateve për kandidatët e Asamblesë së Komunës së Vitisë.

Në këtë komunë, Lidhja Demokratike e Kosovës (LDK) ka siguruar numrin më të madh të ulëseve në Kuvendin Komunal, me 35.61% të votave. Në vendin e dytë renditet Partia Demokratike e Kosovës (PDK) me 32.13%, ndërsa Lëvizja Vetëvendosje ka marrë 25.80% të votave.

Për balotazh në zgjedhjet për kryetar të komunës do të përballen Sokol Haliti i LDK-së dhe Arsim Ademi i Vetëvendosjes.

Deri tani janë numëruar 15 vendvotime nga 60, ose 23.44% e totalit, shkruan Gazeta Online Reporteri.net.

Në garën për kryetar, Sokol Haliti, si bartës i listës, ka marrë 1,553 vota, i ndjekur nga Ilir Zuka me 191 vota dhe Djellza Fejzullahu me 167 vota.

Tek Partia Demokratike e Kosovës, me më së shumti vota si bartës i listës është Bekim Azizi me 1 mijë e 401 vota.  i Dyti Selim Sejdiu me 182 vota dhe Visar Demiri me 162 vota.

Tre më të votuarit e VV-së në Viti janë: Majlinda Shabani me 1 mijë e 125 vota, Vjosa Zuka me 119 vota dhe Orhan Balidema me 119 vota./Reporteri.net/

Numërohen afër 5% e votave: Këta janë kandidatët më të votuar për Asamblenë e Mitrovicës

Pas numërimit të afër pesë për qind të votave në Qendrën Komunale të Numërimit në Mitrovicë, janë publikuar rezultatet e para për Kuvendin Komunal.

Sipas rezultateve të publikuara në uebfaqen e KQZ-së, kandidati për kryetar të Mitrovicës dhe bartësi i listës së PDK-së për Asamble Komunale, Arian Tahiri rezulton të jetë kandidati më i votuar për asamble.

Tahiri, me numërimin aktual të votave, del se ka fituar 575 vota për asamble në listën e PDK-së, i pasuar nga numri katër i listës, Shkëlqim Ibrahimi dhe numri gjashtë, Majlinda Kurti.

Në listën e Vetëvendosjes për Kuvendin Komunal të Mitrovicës, më i votuari rezulton bartësi i listës Armend Begu.

Në LDK, Safet Kamberi është më i votuari në listë, pas procesimit të rreth 5 për qind të votave.