Partia e Dardan Molliqajt, PSD, është renditur si partia e dytë në Kamenicë.
Ndonëse Vetëvendosje arriti të fitonte pa balotazh, nuk ka arritur t’i siguronte numrat e mjaftueshëm në asamblenë komunale për ta krijuar ekzekutivin e vetme.
Partia Socialdemokrate ka dalë e dyta me 19,52% të votave, apo 2,686 vota gjithsej.
Ndërkohë, kandidati i PSD-së për kryetar, Qëndron Kastrati, ka marrë 27,98% të votave, apo 4,089 gjithsej.
Gazetari Valon Syla ka ngritur shqetësim për procesin zgjedhor në Mitrovicë, atje ku tri Exit Poll ia huqën rezultatit, meqë Faton Peci i VV-së doli afër Arian Tahirit të PDK-së.
Syla në Pressing T7 tha se diçka ka ndodhur në lagjen Shipol të Mitrovicës, pikërisht aty ku Albin Kurti qëndroi deri në orët e hershme të mëngjesit para hapjes së votimeve.
“Informata është që Shipoli po hetohet”, tha Valon Syla, i cili tha se s’është e mundur që tri Exit Poll të ndryshëm ta bëjnë huqjen e njëjtë në vendin e njëjtë.
Fillimisht Exit Poll e vendosën PDK-në të parën pa balotazh në Mitrovicë, me 51% PIPOS, me 56% UBO dhe me 58% Albanian Post.
Në zgjedhjet lokale të 12 tetorit, Komisioni Qendror i Zgjedhjeve ka pranuar 33,258 zarfe të supozuara me fletëvotime.
Marrë parasysh që rezultati aktualisht është i ngushtë në Gjilan, me votat e diasporës, Lëvizja Vetëvendosje këtë komunë mund ta fitojë pa balotazh.
Sipas KQZ-së, për të votuar për zgjedhjet lokale në Gjilan, ishin regjistruar 2 mijë e 66 votues nga jashtë. Rezultati aktualisht në Gjilan është Alban Hyseni (LVV) 49,79% dhe Arbër Ismajli (LDK) 34,24%.
Në Han të Elezit, po ashtu mund të bëjnë ndryshimin votat e diasporës edhe pse fitoren e ka shpallur Mehmet Ballazhi i PDK-së.
Diferenca me kandidatin e pavarur Refki Sumën është vetëm 93 vota, derisa të regjistruar për të votuar nga jashtë janë 395 qytetarë, që rritë gjasat për përmbysje të rezultatit.
Lidhja Demokratike e Kosovës në anën tjetër të dielën shpalli fitoren në Junik, duke llogaritur në votat e diasporës. Duke sugjeruar se kjo parti e ka të sigurt fitoren pa balotazh në Junik, ku të regjistruar si votues jashtë vendit janë 1344 qytetarë.
Bazuar në rezultatet preliminare Ruzhdi Shehu (LDK) ka 47,91% ndërsa, Agron Kuci (AAK) 40,68%.
Në Mitrovicë, sipas të dhënave të fundit të Komisionit Qendror të Zgjedhjeve, nga 99.05 e vendvotimeve të procesuara, Partia Demokratike e Kosovës radhitet e para me 40,43% (11,978 vota), pasuar nga Lëvizja Vetëvendosje me 22,67% (6,716 vota).
Guxo është e treta atje me 12,89% (3,819 vota), pasuar nga Lidhja Demokratike e Kosovës me 11,94% (3,538 vota.
AKR me 3,63% ose 1,074 vota dhe Forca e Diasporës me 1,93% (572 vota).
Një ngjarje e rëndë ka tronditur mbrëmjen e së hënës qytetin e Gllogocit, ku një person është plagosur me armë zjarri brenda një barnatoreje.
Sipas informacioneve që ka siguruar Sinjali, rasti ka ndodhur më 13 tetor 2025, rreth orës 19:00, në rrugën “Antigone Fazliu”. Rreth orës 19:00, Policia është njoftuar nga QKMF-Drenas për një person të plagosur që po merrte trajtim mjekësor.
Në vendngjarje, zyrtarët policorë kanë kontaktuar me viktimën, B.K., i cili ka deklaruar se është plagosur nga një person i panjohur brenda barnatores së tij “Burimi”.
Ai ka marrë plagë nga armë zjarri, dyshohet pistoletë, në këmbën e djathtë afër gjurit dhe është dërguar menjëherë në QKUK – Prishtinë për trajtim të mëtejshëm nën përcjellje policore.
Sipas burimeve, dera e barnatores ishte e mbyllur me çelës nga vet viktima pas incidentit. Patrullat kanë siguruar vendin e ngjarjes, ndërsa njësia e hetimeve rajonale ka marrë përsipër hetimin.
Me urdhër të Prokurorit Kujdestar, rasti është inicuar si “Vrasje në tentativë” dhe “Mbajtje në pronësi, kontroll ose posedim të paautorizuar të armëve”.
I dyshuari është në arrati, ndërsa policia është në kërkim të tij dhe hetimet po vazhdojnë me intensitet të shtuar
Nëpër Qendrat Komunale të Numërimit tashmë ka vazhduar procesi i numërimit të votave të kandidatëve për asamble.
Sipas përditësimit të fundit të KQZ-së, në disa komuna është duke vazhduar procesimi i votave nga vendvotimet, e në disa të tjera ka përfunduar.
Në Prishtinë janë procesuar votat nga 254 vendvotime, prej 268 sa janë gjithsej.
Sipas tabelës aktuale, Lidhja Demokratike e Kosovës është e para me 27 mijë e 102 vota, Partia Demokratike e dyta me 21 mijë e 116 vota, pasuar nga VV-ja me 20 mijë e 169 vota.
Një ngjarje e rëndë ka tronditur komunitetin shqiptar në Zvicër dhe më gjerë. Më 11 tetor 2025, ka ndërruar jetë tragjikisht i riu Astrit Dautaj, në moshën vetëm 17-vjeçare.
Lajmi i hidhur është bërë i ditur nga familja Dautaj, të cilët me pikëllim të thellë kanë njoftuar për ndarjen nga jeta të djalit të tyre të dashur. Ngjarja ka lënë të tronditur jo vetëm familjarët dhe të afërmit, por edhe të gjithë ata që e kanë njohur Astritin si një të ri të qetë, të dashur dhe plot jetë.
Varrimi i të ndjerit do të bëhet më 14 tetor 2025, në varrezat e qytetit të Pejës, duke filluar nga ora 16:00.
Rezultatet preliminare të zgjedhjeve lokale të 12 tetorit tregojnë se Lëvizja Vetëvendosje (LVV) do të jetë pjesë e garës për balotazh në 12 komuna nga gjithsej 20 që do të shkojnë në raund të dytë.
Partia më e madhe në nivel qendror ka arritur të fitojë pa balotazh në Kamenicë, Podujevë dhe Shtime, ndërsa në disa komuna të tjera si Gjilan dhe Fushë-Kosovë, po udhëheq si e para.
Në të njëjtën kohë, Vetëvendosje është renditur e dyta në disa qytete të mëdha si Gjakovë, Kaçanik, Mitrovicë, Obiliq, Rahovec, Pejë, Prishtinë, Prizren, Viti dhe Vushtrri, duke ruajtur një prezencë të gjerë politike në gjithë vendin.
Duke komentuar këto rezultate në Debat Plus, gazetari Lirim Mehmetaj vlerësoi se Vetëvendosje ka hyrë në një fazë të re politike, ku po e dëshmon se nuk është më vetëm një lëvizje, por një strukturë e konsoliduar partiake me rrjet të qëndrueshëm në terren.
“VV-ja është këtu për të qëndruar. Dhe prej një lëvizje, që kryesisht ka funksionuar me frymë tash është strukturar në terren. Dhe pa diskutim nuk mundesh me fol për fitues apo humbës, për shkak se ka aq shumë komuna në balotazh. Për shembull VV-ja mundet me mbetet vetëm në këto që i ka ose mundet me fitu shumë më shumë edhe këto tjerat njëjtë. Sukses i VV-ja është i ka mbajtur komunat e veta… kështu që ky është rezultat i mirë, kur e krahason VV-në me vetën në zgjedhjet e tjera lokale.
Një farë ideje e partive opozitare që VV-ja mundet me qenë flluskë, aksident. Po del që s’është ashtu dhe po konsolidohet si partia e parë në Kosovë. Një far kombinimi mes nacionaleve dhe lokaleve”, ka thënë Mehemtaj.
Gazetari Valon Syla, ka folur në “Pressing” për gabimet e exit pollëve në rastin e Mitrovicës.
Kryeministri në detyrë Albin Kurti ka kërkuar që të hetohen exit pollët.
Valon Syla tha se diçka ka ndodhur në lagjen Shipol.
“Nuk është hera parë që ia huqin exit pollët, unë mendoj që janë disa faktorë profesionalë, por esencë përdorimi i politikës kur nuk ia qëllon unë mendoj që është Inxhinjering në vete, nuk është Inxhinjering exit polli, por Albin Kurti po e bën këtë. Psh Besnik Bisimi që thoshte s’po më merr gjumi kur po i shoh 55%, ose Armend Muja kur thojke 16 komuna kem me i marrë, përfundun 4”.
“Unë mendoj që ka ndodhur diçka lagjen Shipol, për çka të të informojnë edhe zyrtarisht, ka ankesa, mendoj që Shipol ku ka nejtë Albin Kurti gjithë natën para ditës zgjedhjeve, me gjasë që ka ndodh diçka, ajo është ne hetim dhe duhet me prit çka ka ndodh”, ka thënë Syla.
Komisioni Rregullator për Energjetik i Republikës së Maqedonisë së Veriut (KREE) ka miratuar Vendim për uljen e çmimeve me pakicë të derivateve të naftës me një mesatare prej 0.83% krahasuar me vendimin e datës datës 6 tetor.
Çmimet me pakicë të benzinave EUROSUPER BS-95 dhe EUROSUPER BS-98 ulen për 1.00 den/litër teksa çmimet me pakicë të EURODIZEL (D-E V) dhe Vajit Ekstra të Lehtë Shtëpiak (EL-1) ulen me 0.50 den/litër.Çmimi me pakicë i Vajit të Maturës M-1 NS është rritur me 0.001 den/kg dhe tani arrin në 36.661 den/kg, transmeton albinfo.ch.
Nga data 14 tetor, nga ora 00:01, çmimet maksimale të derivateve të naftës do të jenë:
EUROSUPER BS – 95 do të shitet për 73.00 (denarë/litër)
EUROSUPER BS – 98 do të shitet për 75.00 (denarë/litër)
EURODIESL BS (D-E V) do të shitet për 68.00 (denarë/litër)
