Jakup Krasniqi bëhet gjysh

Ish kryetari i Kuvendit të Kosovës, Jakup Krasniqi është bërë gjysh.

Këtë lajm e ka dhënë vajza e Krasniqit, Gresa, nëpërmjet profilit të saj në Facebook.

Ky është postimi i saj i plotë:

Odeta ime,

Mirë se erdhe në jetë bija ime. Në këtë botë që jeta të sfidon kaq shumë, uroj të jetosh gjatë dhe e lumtur.

Do të rritesh me dashurinë për jetën, atdheun e familjen e mbi të gjitha do të rritesh duke ndëgjuar fjalët më të mira për gjyshin tënd e heroin tim, babin tim!

Te duam qe tani, kaq shume dhe pa fund.

Nëna dhe Babi

Abazi: Kurti po bën progress në ndarjen e Kosovës

Deputeti Haki Abazi ka komentuar veprimet e fundit të Qeverisë së Kosovës në veri, duke thënë se kryeministri Albin Kurti është duke progresuar në ndarjen e Kosovës.

Sipas tij, Kurti po krijon një realitet të ri, atij të kalimit nga bashkëpartneriteti dhe përkrahja e NATOs për Kosovën dhe popullin e saj, në një përplasje me NATOn dhe interesat e botës demokratike.

“Kurti nuk ka mandat për të krijuar një situatë dhe raport të tillë. Të gjithë qytetarët Shqiptarë janë për Kosovën në NATO dhe në BE. Veprime të koordinuara dhe veprime me vlerë e argumentime në tavolinë me partnerët ndërkombëtar. Përplasja e Kosovës më NATO është agjendë e Serbisë dhe Rusisë!

Fushatë elektorale me fatin e Kosovës nuk bëhet!”, shkroi Abazi në Facebook.

Postimi i plotë:

Kurti është duke progresuar në ndarjen e Kosovës dhe krijimin e një realiteti të ri, atij të kalimit nga bashkëpartneriteti dhe përkrahja e NATOs për Kosovën dhe popullin e saj, në një përplasje me NATOn dhe interesat e botës demokratike.

Kurti nuk ka mandat për të krijuar një situatë dhe raport të tillë. Të gjithë qytetarët Shqiptarë janë për Kosovën në NATO dhe në BE. Veprime të koordinuara dhe veprime me vlerë e argumentime në tavolinë me partnerët ndërkombëtar. Përplasja e Kosovës më NATO është agjendë e Serbisë dhe Rusisë!

Fushatë elektorale me fatin e Kosovës nuk bëhet!

LAJMI I FUNDIT: Vdes një ushtar ukrainas në Kosovë

Një ushtar ukrainas është dërguar pa shenja jete në emergjencën e Prizrenit.

Këtë për Indeksonline e ka konfirmuar zëdhënësi i policisë për rajonin e Prizrenit, Shaqir Bytyqi. ku njoftoi se ushtari ukrainas i lindur në vitin 1992, u soll nga FSK-ja në Spitalin e Prizrenit.

“Me datë 31.08.2024, rreth orës 11:35 emergjenca e spitalit të Prizrenit ka informuar policinë se FSK-ja ka dërguar një ushtar Ukrainas  i lindur me 1992, pasi qe i njëjti ka pësuar arrest kardiak dhe sipas mjekut kujdestar ne emergjencë është pranuar pa shenja jeta.

Patrulla policore ka arrit në  emergjence se bashku me hetimet.

Ështe njoftuar prokurori i shtetit dhe rasti inicohet si rast “Hetim i Vdekjes”.

Hetues kujdestar nga SRH-Prizren gjithashtu kanë qenë në Spitalin Rajonale në Prizren. Me urdhër të Prokurorit kujdestar trupi i pa jete i të ndjerit është dërguar për autopsi në  Institutin e Mjekësisë Ligjore në Prishtinë. Hetuesit  në kordinim me zyrtarin përgjegjes të FSK-se  kanë ndermar të gjitha masat adekuate për njoftimin e institucioneve përgjegjëse  lidhur me ushtarin e ndjerë.

Rasti vazhdon te hetohet nga Sektori Rajonal I Hetimeve në Prizren”, ka thënë Bytyqi për Indeksonline.

Ky është 45 vjeçari që i vuri flakën ish-gruas së tij në Korçë

Një ngjarje e rënda ka ndodhur pak më parë në qytetin e Korçës, ku një person ka lyer me benzinë dhe më pas i ka vënë flakën gruas së tij me të cilën ishte në proces divorci.

Bëhet fjalë për Bledar Trëndafili dhe Melisa Trëndafili.

 

Burime nga grupi hetimor bëjnë me dije se autori ka qenë në këmbë në momentin që ka djegur ish bashkëshorten, ndërsa është larguar me vrap pasi i ka vënë flakën. Motivi i kësaj ngjarje të rëndë sipas policisë dyshohet të jetë xhelozia nga ana e autorit edhe pse ccifti ishte në proces divorci. Mësohet se 31 vjeccarja nuk ka pasur urdhër mbrojtje. Pritet që dëshmitë e familjarëve dhe të afërmve, të zbardhin më tej nëse ka patur kërcënime apo përndjekje të tjera nga ish bashkëshorti.

 

Krasniqi: Gënjeshtra se Kurti e ka “çliruar veriun” është propagandë kancerogjene

Milazim Krasniqi, profesor universitar, ka komentuar interpretimet se kryeministri Albin Kurti e ka çliruar veriun e Kosovës.

Këtë intereptim, Krasniqi e ka cilësuar si gënjeshtër dhe “metastazë e propagandës kancerogjene”.

Tutje, Krasniqi ka theksuar se sigurinë në veri e mirëmban edhe sot KFOR-it.

“Gënjeshtra e tipit se Kurti e ka “çliruar veriun” është metastazë e propagandës kancerogjene. Prej kujt e paska çliruar veriun, kur sigurinë e mirëmban edhe sot KFOR-i? Hiqeni KFOR-in nga veriu dhe e shihni brenda një dite se sa është çliruar veriu e edhe Kosova! Tentimi për ta keqpërdorë KFOR-in për lojërat e Kurtit, ka qenë evident. Kosova po e paguan atë faturë me izolim, me defaktorizim, me injorim, me kërcënim”, tha ai ndër tjerash.

Zeka: Serbët po heshtin sepse e kanë kuptuar që ëndrrat e tyre po i realizon Albin Kurti

Gazetari Milaim Zeka ka komentuar zhvillimet e fundit në veri. 

“Serbët po heshtin sepse e kanë kuptuar që ëndrrat e tyre po i realizon Albin Kurti”, shkroi ai.

Postimi:

Heshtja serbe ne veri, nje parakiamet per Kosoven

Ata po heshtin. Asnje reagim. Ata e kane kuptuar se enderrat e tyre po ua realizon Albin Kurti. Ata, pra serbet, po e degjojne baben e tyre, Dobrica Qosiqin, i cili tha: -Ne e rifitojme Kosoven vetem kur lideret e saje armiqrsohen me Ameriken. Te tjeret gati ishin. Reagoi edhe nxitesi kryesor i aventurave te Albinit, ambasadori gjerman, i cili çdo jave i jepte infuzion kryeministrit foshnjor qe te vazhdonte me politikat konfliktuale karshi perendimit.

Po i shohe disa qe po tallen me pjesetaret e KFOR-it. Mos ua zini per te madhe. Te tillet tallen edhe me nenat e tyre.

Krejte ne funde, mbreme me rastisi te degjoja nje ”analize” te nje mergimtari, i cili e nxirrte Francen komplet ne anen e Serbise. Zot ruana prej mendimeve te tilla talebane. Franca eshte djepi i bombardimeve ndaje Serbise. Askush ma shume nuk e ka mbeshtetur Rugoven se sa Franca, me perjashtim te SHBA-ve.

Nuk ja vlene mu zgjate me shume. Te kthehemi tek Baba Albin, qe duke i testuar kembet e ures te Ibrit, ka shkaterruar urat shekullore me prendimin, ato qe jane ndertuar me munde dhe sakrifica…!!!

Kika: Me besim në Zot fitoren e kam të padiskutusheme

Kryetari i Partisë Demokratike të Unitetit (PDU) Kreshnik Husaj  ka thënë për Gazetën Neutral se Kosoves i nevojitet një rindërtim i politikës.

Ai tha që  me fitoren e tij si Kryeministër veprimin e parë që do të ndërmerr do të jëtë angazhimi me Serbinë, shkruan Gazeta Neutral.

“Me fitoren time si kualicion PDU-Balli Kombit do mundohem menjëher të sjell platformën time politike të qkapjes së shtetit nga politika gjë të cilën po e vuan shumë qytetari.

“Kosova ka nevojë për një rindertim të politikes duke sjell fryma me opinione të kjarta. Veprimi i parë që do të bëj është angazhimi im i drejtpërdrejtë në bisedime me Serbinë caktimi i kufijëve të përherëshme , domethanë gjë e mirë të dihet kufiri dhe zbatimi i marrëveshjeve në të kundërtën të lëshohen vijat e kuqe të panegociushme me Serbinë”, tha ai.

Sipas tij  deri më tani në Kosovë nuk ka qenë asgjë në rregull.

Husaj shtoi se  do të luftojë për pozitën e Kryeministrit, dhe që nuk sheh ndonjë rivalë.

“Në Kosovë nuk ka asgjë  në regullë duke përfshirë nga familja e deri te politika kjo ndodhë me qeverisjet shizofrenale që i kanë bërë  këtij shteti. Unë do luftojë për poziten e Kryeministrit, pozitat tjera nuk hyjnë në agjenden time politike, rivalet e mi janë letra të djegura politikishtë që historia do i ndëshkon siq po i ndëshkon disa”, tha Husaj.

Ai ka shprehur bindjen e tij që do të fitoj në zgjedhjet parlamentare.

“Nuk vuaj për pragun zgjedhor , por synoj pushtetin qendrorë, andaj me besim në Zot fitoren e kam të padiskutusheme”- shtoi ndër të tjerash Husaj.

Mozzik dhe Lotina “trazojnë” rrjetin me fotografinë e fundit

Lidhja e Mozzikut me Lotina Hazirin është tejet e komentuar në mediet e shtypit rozë.

Prej kur bënë të ditur relacionin e tyre të dashurisë, ndjekësit përcjellin secilin hap të çiftit.

Postimet e përbashkëta të tyre nuk kanë munguar kohëve të fundit, pavarësisht se në fillim kanë nguruar ta bëjnë një gjë të tillë.

Së fundmi, çifti ka qenë i ftuar në një aheng familjar, event nga i cili kanë publikuar disa fotografi duke pozuar së bashku.

Mozzik kishte veshur një kostum elegant, derisa Lotina zgjodhi që për të këtë event të vishte një fustan të gjatë, të zi.

Të dy dukeshin shumë të buzëqeshur pranë njëri-tjetrit, duke treguar se dyshja po e shijojnë romancën.

Aksioni i fundit në veri, vjen reagimi edhe nga NATO

Aleanca e NATO-s është shprehur e zhgënjyer me aksionet e fundit në veri të Kosovës, ku janë mbyllur disa komuna paralele serbe.

Në një reagim zedhenjesa e NATO-s, Farah Dakhlallah ka thënë se aksioni ishte i pakoordinuar edhe pse Qeveria i kishte premtuar se do të koordinohej me ta.

NATO ka ripërsëritur se duhet angazhim i plot në dialog.

“Shumë i zhgënjyer nga aksionet e djeshme në veri të Kosovës të cilat nuk ishin të koordinuara me KFOR-in pavarësisht premtimeve të përsëritura për ta bërë këtë. KFOR-i është plotësisht i përgatitur për të mbështetur mandatin e tij të OKB-së Rezoluta 1244 për të gjitha komunitetet në Kosovë. Duhet de-përshkallëzimi dhe angazhimi i plotë në Dialogun e BE-së”, thuhet në reagim.

Vuçiç mohon se ka raporte të ngushta me Putinin

Presidenti i Serbisë, Aleksandar Vuçiç, ka mohuar se ka raporte të ngushta me presidentin rus, Vladimir Putin. Ai po ashtu hodhi poshtë idenë se kandidatura e shtetit të tij për anëtarësim në Bashkimin Evropian ishte një “Kali i Trojës” për Moskën, pavarësisht se shteti i tij ka refuzuar t’iu bashkohet sanksioneve evropiane për shkak të pushtimit rus të Ukrainës, por edhe për shkak të dallimeve të tjera me bllokun.

Duke folur në konferencën Globsec në Pragë më 31 gusht, Vuçiç tha se ai nuk është takuar apo nuk ka biseduar me Putinin në të paktën dy vjet e gjysmë, që kur trupat ruse nisën pushtimin e Ukrainës në shkurtin e vitit 2022.

“Ne jemi në rrugën e BE-së. Po, ne tradicionalisht kemi raporte të mira, nuk po i fshehim ato dhe unë nuk turpërohem nga kjo me Rusinë, gjithmonë ka qenë kështu mes serbëve dhe rusëve”.

Ai tha se përderisa së fundi ka pasur një bisedë “të mirë” me presidenten e Komisionit Evropian, Ursula von der Leyen, e cila po ashtu këtë javë po qëndron në Pragë, “askush në Evropë nuk pajtohet me mua për këtë çështje, por të gjithë në Evropë e kuptojnë pozicionin tim”.

Ai shtoi se mendon se Serbia është duke zbatuar agjendën e saj të rritjes dhe reformave “më mirë se kushdo tjetër”.

Serbia dhe Turqia janë shtetet e vetme kandidate të BE-së që nuk kanë vendosur sanksione ndaj Rusisë.