Këta janë dy vëllezërit që u vranë nga dhëndrri në Gullbovc të Malishevës

Gazeta Sinjali ka siguruar identitetet e dy vëllezërve që sot u vranë me armë zjarri në fshatin Gullbovc të Malishevës.

Sinjali mëson se viktimat janë: Driton Morina dhe Naim Morina.

Të dy u qëlluan për vdekje para derës së shtëpisë së tyre, në momentin kur familja është ende në ditë zie për vdekjen e babait, i cili ishte varrosur para pak ditësh.

Sipas burimeve të besueshme nga strukturat e afërta me hetimin, personi i dyshuar për vrasjen është Astrit Isufi, bashkëshorti i motres së viktimave. Ajo kishte ardhur në shtëpinë e vëllezërve për të marrë pjesë në ceremoninë mortore të babait të tyre.

Si ndodhi ngjarja?

Sot, i dyshuari kishte shkuar në shtëpinë e Morinëve për ta marrë bashkëshorten. Pasi ishte larguar disa metra, është kthyer sërish dhe ka hapur zjarr ndaj Dritonit dhe Naimit, të cilët ndodheshin para oborrit. Të dy kanë ndërruar jetë në vend.

“Familja ende ishte duke pritur njerëz për ngushëllim. Ai u kthye dhe i vrau para syve tanë. Edhe babën e kishim varrosë para pak ditësh,” tha një i afërm i familjes për Sinjalin

Masat

Policia dhe Prokuroria janë në vendngjarje.

I dyshuari siç raportoi ekskluzivisht Sinjali  Astrit Isufi është në arrati dhe po zhvillohen veprime të shpejta operative për kapjen e tij.

Hetimet janë në vazhdim.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Ekskluzive | Ky është i dyshuari për vrasjen e dyfishtë në Gullbovc të Malishevës

Një ngjarje e rëndë ka tronditur sot Malishevën dhe jo vetëm. Burime të besueshme të Sinjalit, bëjnë të ditur se personi i dyshuar për vrasjen e dyfishtë në fshatin Gullbovc është Astrit Isufi nga Sankovci i Drenasit.

Sipas informacioneve fillestare, viktimat janë dy vëllezër, të moshave rreth 32 dhe 45 vjeç, të cilët janë qëlluar me armë zjarri para shtëpisë së tyre.

Ngjarja dyshohet se ka pasur motiv familjar, i cili kishte filluar më herët mes palëve.

Rrethanat e ngjarjes

I dyshuari, sipas hetimeve paraprake, sot ka shkuar në shtëpinë e viktimave për të marrë gruan e tij. Pasi është larguar disa metra, ai është kthyer përsëri dhe ka hapur zjarr ndaj dy vëllezërve që ndodheshin para derës së shtëpisë.

Të dy kanë ndërruar jetë si pasojë e të shtënave, njëri në vendin e ngjarjes e tjetri rrugës.

Dyshohet se edhe vëllai i të dyshuarit kishte pasur konflikte të mëhershme me viktimat, të cilat mund të kenë shkaktuar rëndimin e situatës dhe shpërthimin e dhunës fatale sonte.

Masat

Hetimet janë në vazhdim.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Zbardhen detaje nga krimi i rëndë në Malishevë – ja pse dyshohet se u vranë dy vëllezërit nga dhëndëri i tyre

Një vrasje e dyfishtë ka ndodhur në fshatin Golluboc të Malishevës. Viktimat dyshohet se janë vëllezër, ndërsa i dyshuari që është në arrati është dhëndër i tyre.

Lajmin për Gazetën Express e konfirmoi Lumni Graishta nga Policia në Gjakovë.

“Një vrasje e dyfishtë ka ndodhur në fshatin në fshatin Golluboc të Malishevës. Viktimat janë dy vëllezër, ndërsa i dyshuari dyshohet se është dhëndër i tyre, për momentin është në arrati. Policia është në kërkim të tyre”, tha ai.

Graishta shtoi se motivi dyshohet të ketë qenë një fjalosje. /GazetaExpress/

Detaje tronditëse nga vrasja e dyfishtë: Viktimat janë vëllëzër – dorasi dhëndërri i tyre

Një ngjarje e rëndë ka tronditur sot Gullbovcin e Malishevës, ku sipas informacioneve të Gazetës Sinjali, ka ndodhur një vrasje e dyfishtë.

Lajmin për Sinjalin e ka konfirmuar edhe drejtori rajonal i Policisë në Gjakovë, Lumni Graishta.

Sinjali mëson se viktimat janë një 33-vjeçar dhe një 45-vjeçar, të dy janë vëllëzër.

Tutje, autori i dyshuar i vrasjes është i njohur për organet e rendit dhe është shpallur në kërkim.

Po ashtu, dorasi është dhëndërri i viktimave.

Vrasje e dyfishtë trondit vendin – viktimat, dy vëllezër

Një vrasje e dyfishtë dyshohet se ka ndodhur në Malishevë.

Dy viktimat siç merr vesh Insajderi dyshohet se janë vëllezër mes vete.

Ende nuk dihen detaje të tjera.

 

 

Insajderi është në pritje të një konfirmimi nga policia.

“Thesi, gjilpëra”- ‘Forja’ e re e Albin Kurtit për zgjedhjet lokale

Kryetari i Lëvizjes Vetëvendosje, Albin Kurti, në zgjedhjet parlamentare përdorte për simbolikë gërshërët si metaforë populiste për të treguar se si kishte “prerë” mundësitë që kinse të fitohej nga terminalet doganore. Tash për raundin e dytë të zgjedhjeve lokale, ka zgjedhur një metaforë të re për të “impresionuar” mbështetësit e tij – thesin dhe gjilpërën.

Kurti përgjatë një fjalimi në Mitrovicën e Jugut, komunë kjo të cilën po e viziton gati se çdo ditë meqë kandidati i tij Faton Peci do të ballafaqohet në balotazh me Arian Tahirin, është dëgjuar duke e përmendur këtë metaforë.

Në fjalimin e tij, ai pretendon se kinse kanë “qepur” një thes të shkyer, duke aluduar në buxhetin e shtetit. Thotë se ka dëgjuar piskama, duke iu referuar ish-partive opozitare, kur ka qepur thesin sepse “kanë pasur duart aty”.

“Sepse Kosova gjatë qeverisjes sonë, ka qenë si një thes i shkyer, ku gjuajshin sende po rrjedhshin dilshin jashtë, se ka qenë i shkyer edhe thojshin pse s’po qitni ju, vazhdoni me qit në thes. Po nuk mundeni me qitë sene në thes, pa e qep një herë thesin. Thesi duhet me u qepë më së pari, edhe mandej ia nis e trashet thesi sepse sendet që bijnë në thes, rrijnë në thes e jo me dal me i marrë dikush prej thesi. E ajo gjilpëra që e ka qepë thesin, e ka mundësuar rritjen, por të dashur qytetarë, kur e kemi qepë thesin, nuk e kemi ditë, por nuk e kemi qep thesin janë ndi do piskama, se disa i kishin pas duart qaty ku është shkyer thesi. Na nuk kena desht me ja u shpërthy, me ja u shpu atyre gishtat e duarve me gjilpërë, na kem desht veç me qep thesin, po ku e dijshim na që ju qëllojnë duart atyre“, deklaron Kurti në një video të shpërndarë edhe nga faqja zyrtare e Lëvizjes Vetëvendosje.

Thuajse të njëjtin fjalim, me artikulim aty-këtu më ndryshe, për metaforën populiste të thesit dhe gjilpërës e ka mbajtur edhe në Komunën e Obiliqit, ku në balotazh është kandidati i tij, Halil Thaçi kundër Xhafer Gashit.

“Secili prej juve e din prej shpisë t’juj që në një thes, i cili është i shkym, badihava gjun sende në të, se rrjedh. Është e domosdoshme një herë me e qep thesin, që çkado që të qitsh në thes, mbet në thes, jo me dalë jashtë thesi. E tash, neve na duhet me pranu që kur e kena marrë gjilpanën me qepë thesin, u nin do piskama, i kish pas durt dikush aty. Kështu që, kur ti nini këta tu piskatë kundër meje, kundër Halilit e kundër zyrtarëve të tjerë të VV-së dijeni që janë qasi që pa qëllim ja u kena shpu durt me gjilpanë se i kanë pas aty te vrima e shkyer e thesit që na e kena qep”, deklaron Kurti.

Para zgjedhjeve lokale, në zgjedhjet parlamentare Kurti përdorte metaforën populiste të gërshërës, duke aluaduar në “prerjen” e mundësive për përfitimet nga terminalet doganore.

Për shkak të gjuhës që përdorte kundër kandidatëve të tij, Kurti ishte dënuar disa herë nga PZAP’ja.

Geci thirrje PDK-së: Votojeni Konjufcën, ka qenë punëtor i Kadri Veselit dhe është PDK më shumë se Memli

Ish-deputeti i LDK-së, Gani Geci ka publikuar një kontratë të punës të vitit 2001, të mandatarit të ri për kryeministër, Glauk Konjufca, i cili sipas kësaj kontrate atë kohë kishte fituar vend në sektorin e përpunimit të të dhënave të Shërbimit Informativ të Kosovës.

Me këtë rast, Geci iu drejtua Partisë Demokratike të Kosovës me një kërkesë, ku teksa ia rikujtoi që sipas tij Konjufca është ‘brum’ i tyre pasi punoi për Veselin, ta votojnë të njëjtin për postin e kryeministrit.

“Kërkoj nga PDK-ja, që për hir të faktit se jeni brum i njëjtë politik nga gjeneza, OMLK-ja (Organizata Marksiste-Leniniste e Kosovës), jepjani votën Glaukut le ta bëjë qeverinë. Glauku ne bazë te letrave kish pasë qenë edhe punëtor i Kadri Veselit edhe i SHIK-ut, e edhe babën e ka pasur anëtar të LPK-së, pastaj të PDK-së, ndoshta edhe anëtar i SHIK-ut ka qenë Sherifi, se disa kanë punuar edhe pa letra në SHIK”, tha ai.

Geci gjithashtu deklaroi se beson që Konjufca në gjenezë është PDK më shumë se Krasniqi.

“Tani s’ka ndonjë të keqe të madhe edhe me e votu Glaukun Kryeminister . Bile, në gjenezë, më shumë PDK është Glauku se Memli”, tha Geci.

Vdekja e 25-vjeçares nga Kosova në Tetovë, ishte në lidhje me djalin e një biznesmeni

Mbrëmë në orët e vona Tetova u godit nga një lajm i kobshëm.

Një vajzë e re 25-vjeçare kishte humbur jetën pasi që kishte rënë nga kati i katërt i ndërtesës ku jetonte me qira. Policia kuptoi se bëhet fjalë për një studente nga Kosova.

Me të kuptuar lajmin, në vendngjarje kishte dalë edhe prokurori kujdestar. Në raportin e tyre thuhet:

“Prokurori kujdestar nga Prokuroria Themelore Publike në Tetovë dje ka kryer ekspertizë në vendin ku është gjetur trupi i pajetë i një gruaje të re, si edhe në banesën me qira ku ajo kishte qëndruar. Po ndërmerren të gjitha veprimet për të hetuar shkaqet e vdekjes me kontrolle dhe ekspertiza të detajuara në vendngjarje, ndonëse të dhënat fillestare dhe gjurmët në terren nuk tregojnë se bëhet fjalë për vdekje si pasojë e një vepre penale”.

“Megjithatë, është urdhëruar obduksioni, do të merren në pyetje disa persona, ndërsa prokuroria dhe të gjitha organet hetimore po veprojnë intensivisht për të sqaruar shkaqet”, thonë nga Prokuroria.

Megjithatë, sipas informacioneve të Gazetës Express, vajza kishte qenë në një lidhje dashurie me djalin e një biznesmeni nga Maqedonia e Veriut.

Familjarët e vajzës së ndjerë i thanë Gazetës Express se vajza e tyre, tanimë e ndjerë, kohëve të fundit ka pasur mosmarrëveshje dhe probleme me të dashurin e saj nga Maqedonia e Veriut. Megjithëse ende nuk ka version zyrtar nga organet e shtetit se çfarë në të vërtetë ndodhi, pra rasti ende konstatohet si ‘vdekje e dyshimtë’.

Presidenca – Mustafës: Koha juaj në politikë, fatmirësisht ka perënduar

Shefja e stafit të presidentes, Vjosa Osmani, Learta Hollaj, i ka reaguar ish-kryeministrit Isa Mustafa, i cili deklaroi se mund të pritet ndonjë “dredhi” nga presidentja Vjosa Osmani për të mbetur në pushtet.

Mustafa e quajti Osmanin “karrieriste dhe manipulante të paskrupullt politike”. Ndërsa Hollaj, i ka cilësuar deklaratat e Mustafës si “shpërthim të hidhur”.

“Ofendimet e sulmet e Isa Mustafës ndaj Presidentes së Republikës janë një shpërthim i hidhur i një njeriu të cilit, fatmirësisht për vendin, i ka perënduar koha në politikë, por që nuk po gjen dot qetësi për ta pranuar këtë realitet”.

“Në vend që të heshtë dhe të reflektojë për dështimet e veta politike çmimin e të cilave akoma e paguan Kosova, për mënyrën se si e zhbëri besimin e qytetarëve dhe e ktheu partinë e tij në një hije të vetvetes, ai zgjedh të sulmojë një lidere që në çdo hap e ka mbrojtur demokracinë, sovranitetin dhe dinjitetin e Kosovës”, ka shkruar Hollaj, në rrjetin social ‘Facebook’.

Ajo ka vlerësuar se është më mirë të jesh “tradhtare e marrëveshjeve të pista që e kanë dëmtuar Kosovën”, sesa “simbol i politikës së nënshtrimit, heshtjes dhe humbjeve”.

Sipas saj, kur flet Mustafa për tradhti, kujtesa kolektive e qytetarëve kthehet te marrëveshjet e errëta të vitit 2014.

“Tek pazaret e pushtetit që u bënë pas shpine dhe në kundërshtim me vullnetin e votuesve e tek marrëveshjet e dëmshme me Serbinë cilat në çdo dispozitë përmbanin shkelje kushtetuese”.

Ajo ka shtuar se nuk është tradhti të mos u bindesh verbërisht liderëve si Mustafa, që “devijojnë nga parimet dhe shkelin interesat e Kosovës”.

“Deputeti nuk është robot i komanduar, por përfaqësues i popullit, i ndërgjegjes dhe i ligjit. Këtë e sanksionon edhe Kushtetuta e Republikës së Kosovës, e jo ndonjë “rregull” i politkbërjes joparimore që Isa Mustafa do ta rikthejë për ta kontrolluar politikën si dikur”.

Në fund, Hollaj ka potencuar se koha e burrave që mendojnë se populli u detyrohet atyre ka perënduar.

“Sot flasin veprat, besimi qytetar dhe vlerat që përfaqëson Presidentja e vendit. Këto janë shumëfish më të fuqishme se mllefi i një ish-politikani që e ka humbur rrugën në mes historisë dhe harresës”.

Raportet mes Presidentes Vjosa Osmani dhe ish-kryeministrit Isa Mustafa kanë qenë të tensionuara që nga marrja e detyrës nga Osmani në vitin 2021, si dhe gjatë periudhës kur ajo u largua nga Lidhja Demokratike e Kosovës.

Osmani ka qenë pjesë e LDK-së për disa vite dhe ka mbajtur poste të ndryshme në Kuvend dhe në institucionet shtetërore. Gjatë kësaj periudhe, ajo ka punuar nën lidershipin e Isa Mustafës.

Tragjedia në Tetovë: Kjo është 25-vjeçarja nga Kosova që u gjet e vdekur në Tetovë

Studentja, 25 vjeçare nga Kosova ka vdekur mbrëmë në Tetovë.

Sipas njoftimit të Prokurorisë, nuk ka elemente të veprës penale.

Megjithatë kanë filluar hetimet.

Mediat lokale raportojnë se viktima është identifikuar si Daorsa Spahiu nga Gjakova.