Kryetari i Drenasit i ashpër me drejtuesit e PDK-së: “Nëse s’reflektojnë, kam me thy në kurriz”

Kryetari i Komunës së Drenasit, Ramiz Lladrovci, ka lëshuar deklarata ndaj lidershipit të Partisë Demokratike të Kosovës (PDK), duke paralajmëruar se është gati të hyjë në zgjedhje nacionale menjëherë, nëse presidentja e vendit shpall zgjedhje të reja.

“O nesra ti vendos Presidentja, nesra më ki në zgjedhje,” ka thënë Lladrovci në emisionin Debat Plus.

Ai shtoi se është i vendosur të sfidojë drejtuesit aktualë të partisë:

“Po, kam me thy në kurriz. Në qoftë se lidershipi i PDK-së nuk reflekton, jo Partia Demokratike, kam me thy në kurriz.”

Lladrovci tha se në rast se nuk ka përgjegjësi dhe përkushtim për Drenasin, do të marrë pjesë në zgjedhjet nacionale me një iniciativë të re politike.

“Unë jam tu punu, njerëzit më të ndershëm, më të mirë të këtij vendi me i ofru,” ka deklaruar ai, duke akuzuar PDK-në se “nuk ka ditur t’i bëjë opozitë Albin Kurtit për pesë vite”.

Tragjike: Vdes papritur 42-vjeçarja në një piceri në kryeqytet

Një ngjarje tragjike ka ndodhur pasditen e së hënës në Sheshin “Nëna Terezë” në Prishtinë, ku një grua ka humbur jetën papritur brenda lokalit.

Viktima është identifikuar si Filloreta Sabri Çitaku rreth 42-vjeçare, e cila gjatë qëndrimit në lokal ka pësuar përkeqësim të menjëhershëm të gjendjes shëndetësore.

Lajmin për vdekjen e saj e ka konfirmuar edhe bashkëshorti i Filloretës, Valdet Berisha.

“Me dhimbje dhe pikellim te thelle ju njoftojme se papritur ka nderruar jete bashkeshortja ime, Filloreta Çitaku. Per detajet e varrimit do te ju njoftojme me kohe!”, ka shkruar ai.

Stafi i lokalit ka njoftuar menjëherë Emergjencën, siç raporto Sinjali, ku ekipi mjekësor ka ndërhyrë për t’i ofruar ndihmë të parë, por pavarësisht përpjekjeve, gruaja ka ndërruar jetë pak pas mbërritjes në QKUK.

Në koordinim me Prokurorin e Shtetit, janë ndërmarrë të gjitha veprimet procedurale dhe trupi i pajetë është dërguar në Mjekësinë Ligjore për obduksion, me qëllim që të përcaktohet shkaku i saktë i vdekjes.

Autoritetet kanë konfirmuar se hetimet janë në zhvillim për të sqaruar plotësisht rrethanat e kësaj ngjarjeje të rëndë që ka tronditur qytetarët në zemër të kryeqytetit.

Zhvillimi i fundit: VV flet për mandatarin e ri për kryeministër

Deputeti i Lëvizjes Vetëvendosje, Enver Dugolli, ka deklaruar se deri më tani nuk ka pasur takim të ri ndërmjet kryeministrit në detyrë Albin Kurti dhe presidentes Vjosa Osmani, pas atij që u mbajt me liderët e partive parlamentare javën e kaluar.

Sipas tij, takimi i dytë mund të ndodhë brenda afatit kushtetues që përfundon më 5 nëntor.

“Me aq sa di, takim me presidenten ende nuk ka pasur, sepse është ndjekur agjenda e ngjeshur. Ka edhe dy ditë afat në vijim që mund të realizohet një takim. Është afat kushtetues që po rrjedh, dhe presidentja me siguri do t’i presë deri në fund këto afate kushtetuese,” ka thënë Dugolli.

Deputeti i Vetëvendosjes shtoi se, nëse nuk krijohet një shumicë për formimin e qeverisë së re, presidentja pritet të veprojë sipas kompetencave të saj kushtetuese.

“Nëse nuk ka opsion për të formuar një shumicë për qeverinë, atëherë me siguri presidentja do të veprojë në bazë të kompetencave dhe përgjegjësive që ka. Siç po duket, po shkojmë drejt zgjedhjeve të jashtëzakonshme,” tha ai.

I pyetur nëse Lëvizja Vetëvendosje ka ndonjë emër tjetër për mandatar të ri, Dugolli sqaroi se partia nuk ka propozuar asnjë kandidat tjetër përveç Albin Kurtit.

“Jo, nuk kemi ndonjë emër ose opsion tjetër për mandatar. Ne e kemi pasur Kurtin dhe nuk kemi thirrur ndonjë mbledhje të Këshillit të Përgjithshëm, prandaj nuk do të ketë emër tjetër për mandatar,” u shpreh ai. /Teve1

Rrëmbimi i serbit në veri, dyshohet se Radoiçiqi është futur në territorin e Kosovës

Në lidhje me rrëmbimin e serbit në veri, dyshohet që Milan Radoiçiq ka hyrë në territorin e Kosovës, raporton Klankosova.

Pretendohet se ai bashkë me grupin e tij kanë sulmuar dhe më pas rrëmbyer viktimën.

“Sipas pretendimeve të ish-zëvëndësministrit (Radoica Radomiroviq) i cili është një profil serioz, dyshohet se brenda territorit të Republikës së Kosovës është futur edhe vet Radoiçiqi me grupin e tij, duke sulmuar dhe duke rrëmbyer një qytetar prej brenda territorit të Republikës së Kosovës, në pikën 0 të kufirit, ku ka kontrolle të shtuara edhe nga ana e KFOR-it”, pretendohet në raport.

Mustafa: Mund të presim dredhi të Vjosa Osmanit, për të mbetur në pushtet

Ish-Kryetari i LDK-së, ka folur edhe për ish-bashkëpunëtoren e tij, tani Presidente e Kosovës, Vjosa Osmani.

Për atë që Vjosa Osmani, ka (ri)orbituar në kursin e Albin Kurtit, tash e disa muaj, për Isa Mustafën nuk përbën befasi. Ky i fundit në një intervistë për Nacionale, veçse paranjofton “dredhi” të radhës nga ajo “për të mbetur në pushtet.

“Sa i përket presidentes, ajo është treguar një karrieriste dhe manipulante e paskrupullt politike. Deri tani ka miratuar dhe ekzekutuar të gjitha veprimet e qeverisë Kurti që kanë quar në izolimin politik dhe ekonomik të vendit. E ka lënë vendin pa kryeprokuror të shtetit, në disa raste e ka shkelë Kushtetutën dhe nuk ka reaguar asnjëherë në shjeljet kushtetuese nga qeveria. Edhe tani mund të presim dredhi të saj për të mbetur në pushtet”, tha Isa Mustafa për Nacionale.

Rama e pyet Çekun: A e di ku është Rruga A, a i ke ra ndonjëherë andej?

Në debatin në emisionin “Pressing”, kandidati i LDK-së dhe kryetari aktual i Prishtinës, Përparim Rama, dhe kandidati i VV-së, Hajrulla Çeku, u përplasën ashpër për projektet infrastrukturore në kryeqytet – veçanërisht për Rrugën A.

Polemika nisi kur Çeku kritikoi ecurinë e projekteve komunale, duke përmendur Rrugën A si shembull të një premtimi që, sipas tij, nuk është realizuar plotësisht.

Deklarata e tij shkaktoi reagim të menjëhershëm nga Rama, i cili e akuzoi Çekun për bllokim të projektit dhe e sfidoi publikisht për njohjen e terrenit:

Rama: “Trego cilat projekte nuk janë realizuar?”

Çeku: “Rruga A e cila është propozu me pompozitet është vetëm një segment i vogël…”

Rama”: “Sa është një segment? Tregoju qytetarëve. Edhe zgërdhihesh sepse e keni blloku këtë projekt 1 vjet e më shumë. A e keni qenë andej zoti Çeku? A e di ku është Rruga A?”

Gati tre muaj nga vrasja e trefishtë në Gjilan, lajmërohet Mefail Shkodra – akuzon policinë

Janë bërë gati tre muaj që kur Gjilani u trondit nga një vrasje e trefishtë në mes të ditës në qendër të këtij qyteti.

Nga të shtënat me armë zjarri, mbetën të vrarë tre persona dhe një tjetër u plagos.

Si të dyshuar kryesor për këtë ngjarje të rëndë janë: Mefail Shkodra dhe dy djemtë e tij.

Teksa sot Mefail Shkodra, u bë i gjallë, ai ka dhënë edhe versionin e tij lidhur me ngjarjen e 10 gushtit.

Shkodra, ka thënë se pas përleshjes me viktimat, po priste të vinte Policia që ta arrestonte së bashku me djemtë por nuk erdhën pasi sipas tij në këtë mes kishte polic të korruptuar të cilët donin ta vrasnin.

“Ne mendonim se do të vinte policia dhe do t’na arrestonte, por unë mendova në atë moment që këtë gjë ma kanë bërë ata polic që më kanë bërë të gjitha gjërat deri tash dhe e vërjeta se ishte e skenuar nga polic të korruptuar që të më vrisnin mua sepse polica është shumë afër por ata nuk erdhën jemi larguar nga vendi i ngjarjes me djemtë që t’i shpëtoj që mos të mi vrasin këta polic të korruptuar”, ka deklaruar Shkodra.

Rrëmbimi dhe plagosja e qytetarit nga xhandarmëria serbe, reagon KFOR-i

KFOR është përgjigjur në lidhje me komunikatën e Policisë së Kosovës se një serb i Kosovës është plagosur dhe rrëmbyer nga xhandarmeria serbe. Sipas KFOR-it, policia ka nisur hetime dhe se janë në kontakt.

KFOR-i në një përgjigje për mediat, tha se situata në kufi është e qetë, derisa bëri të ditur se është në dijeni mbi rastin.

Po ashtu misioni i NATO-s në Kosovë shtoi se Policia e Kosovës ka nisur hetimet dhe është në kontakt të ngushtë me KFOR-in, raporton klan kosova.

“Policia e Kosovës (PK) ka nisur një hetim dhe mbetet në kontakt të ngushtë për këtë qëllim me disa subjekte, përfshirë KFOR-in. PK-ja ka koordinuar aktivitetin e saj përkatës në anën e Kosovës të Vijës Kufitare Administrative me KFOR-in”, thuhet në përgjigjen e tyre.

Ndërron jetë në moshë të re mërgimtari

Vrasja e trefishtë në Gjilan, lajmërohet nga arratia Mefail Shkodra me një mesazh me zë

Janë bërë gati tre muaj që kur Gjilani u trondit nga një vrasje e trefishtë në mes të ditës në qendër të këtij qyteti.

Nga të shtënat me armë zjarri, mbetën të vrarë tre persona dhe një tjetër u plagos, raporton IndeksOnline.

Si të dyshuar kryesor për këtë ngjarje të rëndë janë: Mefail Shkodra dhe dy djemtë e tij.

Ky i fundit më në fund është bërë i gjallë. Ai përmes një videomesazh ka folur për ngjarjen që qoi në vrasjen e rëndë.
Më poshtë e gjeni videomesazhin ku Mefail Shkodra jep versionin e vet për ngjarjen që përfundoj me vrasjen e tre personave në qendër të Gjilanit…

VIDEO: