Një ngjarje e rëndë ka ndodhur në orët e para të mëngjesit të sotëm në Lipjan, ku një person ka humbur jetën në rrethana të dyshimta pas një incidenti në rrugë.
Gazeta Sinjali mëson se viktima është një 27 vjeçar, i cili rreth orës 00:00, në rrugën “Haradin Bajrami”, ishte parë nën ndikim të alkoolit duke dalë në shiritin rrugor dhe duke sulmuar vetura dhe kalimtarë të rastit.
Në vendin e ngjarjes kanë dalë njësitë policore të cilat kanë vendosur situatën nën kontroll, ndërsa në lokacion ka arritur edhe emergjenca mjekësore. Megjithatë, mjekët kanë konstatuar se 27-vjeçari kishte ndërruar jetë.
Në vendin e ngjarjes kanë dalë: Hetuesit policorë, Njësitë relevante, dhe Prokurori i krimeve të rënda, i cili ka urdhëruar që të kryhen veprimet e nevojshme hetimore, përfshirë kontrollin e kamerave të sigurisë që mbulojnë zonën.
Lidhur me rastin është intervistuar edhe një dëshmitar i cili ka deklaruar se ishte sulmuar nga viktima para se ky i fundit të ndërronte jetë.
Me vendim të Prokurorit të Shtetit, rasti është cilësuar si “Hetim mbi vdekjen – Trup i pajetë”, ndërsa trupi i të ndjerit është dërguar në IML për obduksion.
Ka ndërruar jetë një 19 vjeçar në QKUK i cili ishte aksidentuar në Dubravë të Istogut më 29 qershor.
IndeksOnline ka mësuar së viktima është, Gentrit Metaj.
Lajmin për vdekjen e tij për IndeksOnline e ka konfirmuar Fadil Gashi, zëdhënës në policinë e Pejës, i cili shtoi se trupi i pajetë është dërguar për obduksion.
“Ka ndërruar jetë njëri prej të aksidentuarve me datën 29 qershor në fshatin Dubravë të Istogut. Viktima ka qenë duke u trajtuar në QKUK. Në orët e pasdites jemi njoftuar se ka vdekur. Me urdhër të prokurorit, trupi i pajetë është dërguar në IML për obduksion”, tha Gashi.
Analisti dhe eksperti i sondazheve, Shenoll Muharremi, ka parashikuar një skenar të mundshëm të “tërmetit politik” në rast se në pranverën e vitit 2026 mbahen zgjedhje të jashtëzakonshme në Kosovë.
Sipas tij, nëse vazhdon dhe konfirmohet trendi aktual i rënies prej 0.87 pikë përqindje në muaj, Lëvizja Vetëvendosje (LVV) mund të shkojë drejt një rezultati prej rreth 29.5% deri në mars të vitit 2026. Në këtë rrethanë, në rast të mbajtjes së zgjedhjeve, kjo parti mund të dalë humbëse, për shkak të humbjes së vazhdueshme të përkrahjes krahasuar me kulmin që kishte në vitin 2021 me 50.2%.
Muharremi thekson se tri matjet e fundit Omnibus (shtator, dhjetor dhe mars) do të jenë kyçe për të konfirmuar ose jo këtë trend të rënies. Ai shton se këto janë supozime të bazuara në potencialin aktual politik dhe analizat e fundit, dhe për këtë arsye duhet të interpretohen me kujdes.
Sipas tij, nëse LVV dhe kryeministri Albin Kurti nuk ndryshojnë drejtimin aktual dhe vazhdojnë me bllokada dhe paralizë institucionale – për të cilën 80% e qytetarëve e fajësojnë Vetëvendosjen sipas matjeve Omnibus – atëherë gjasat janë të larta që kjo parti të pësojë një “korrigjim” elektoral dhe të stabilizohet në nivelet prej 20%-25%.
Muharremi vlerëson se nga kjo rënie mund të përfitojnë dy partitë e tjera të mëdha, veçanërisht LDK. Ai përkujton se kur LVV ra në nivelin 32% në shtator të vitit 2022, LDK arriti ta tejkalojë PDK-në dhe të pozicionohej si partia e dytë.
Një faktor tjetër potencialisht transformues sipas tij është rikandidimi i presidentes Vjosa Osmani me një ekip ose subjekt të ri politik. Ai vlerëson se kjo hyrje e re në garë mund të ndikojë drejtpërdrejt në elektoratin e LDK-së dhe të LVV-së, duke sjellë një rrotullim të skenës politike.
Në këtë kontekst, Muharremi thekson se PDK mund të jetë në pozitën më të favorshme, për sa kohë që pjesëmarrja e Vjosa Osmanit në zgjedhje do të ndikojë negativisht te LDK, duke ia ulur mbështetjen ndoshta deri në pesë pikë përqindje.
Ai sugjeron se nëse LDK arrin të integrojë Vjosa Osmanin brenda partisë dhe të fuqizojë Hykmete Bajramin, ka potencial të bëhet partia e parë. Megjithatë, ai shpreh dyshime për realizimin e këtij skenari, duke përmendur rezistencën e brendshme ndaj rikthimit të Osmanit si dhe pozicionimin jo të favorshëm të Hykmete Bajramit në listat e mëparshme.
Nga ana tjetër, Muharremi vë në dukje se për PDK-në të përfitojë nga ky zhvillim, duhet të plotësohen disa parakushte:
Të përshpejtojë reformat e brendshme, sidomos në aspektin programor dhe fuqizimin e grave dhe të rinjve;
Të ofrojë zgjidhje reale për sfidat kryesore të vendit si energjia, inflacioni, migrimi, diplomacia dhe investimet – fusha në të cilat aktualisht nuk po ofron alternativa të qarta;
Të nominojë Bedri Hamzën si kandidat për kryeministër, i cili sipas matjeve të fundit gëzon dyfishin e përkrahjes krahasuar me partinë e tij dhe perceptohet si figura më e matur për të udhëhequr qeverinë në kushte të vështira ekonomike.
Analisti përmbyll se e ardhmja politike mbetet e pasigurt dhe varet nga shumë faktorë, por nëse asgjë nuk ndryshon në mënyrë dramatike dhe këto kushte përmbushen, skenari i ndryshimeve të mëdha politike në vitin 2026 mbetet shumë i mundshëm
Një ngjarje e rëndë është raportuar në orët e hershme të mëngjesit të së shtunës në fshatin Vitomiricë të Pejës, ku një grua bashkë me vajzën e saj janë viktimizuar nga sjelljet abuzuese të djalit/vëllait të tyre.
Burime të Sinjalit bëjnë me dije se K. A. 27-vjeçar, është denoncuar nga nëna e tij F. H. dhe motra A. H, pasi i njëjti bashkë me bashkëshorten e tij i kanë mbyllur brenda në shtëpi, duke ua pamundësuar daljen, vetëm për të pirë kafe në qetësi në ballkon.
Sipas deklarimit të viktimave, në momentin e ngujimit, bashkë me to kanë qenë edhe dy fëmijë të mitur, gjë që ka rënduar edhe më tej situatën.
Ky veprim, që sipas Prokurorisë përbën dhunë psikike, është cilësuar si “Dhunë në familje”, dhe i dyshuari është shoqëruar në Stacionin Policor për t’u marrë në pyetje nga hetuesit.
Pas intervistimit dhe në konsultim me prokurorin e shtetit, ndaj të dyshuarit është inicuar procedurë penale, por me vendim të prokurorit është liruar në procedurë të rregullt.
Gazeta Sinjali raportoi më parë së Ministri i Brendshëm i Kosovës, Xhelal Sveçla u deklarua se kërcënimi për bombë vjen nga një numër kupërdoruesi i këtij numri ka qenë ose është shtetasi serb Lazar Živković, dhe se në disa profile të lidhura me të është përdorur fotografia e kriminelit të luftës, Ratko Mladić.
Kush është Ratko Mladic?
Ratko Mladiq, ish-komandant i të ashtuquajturës Ushtri e Republikës Srpska (VRS), u dënua në vitin 2021 nga Mekanizmi Ndërkombëtar për Gjykatat Penale me burgim të përjetshëm për krime të rënda të kryera gjatë luftës në Bosnjë dhe Hercegovinë, në periudhën 1992-1995.
Sipas aktgjykimeve të Tribunalit të Hagës, nën komandën e Mladiqit, forcat serbe mbajtën Sarajevën nën rrethim për më shumë se tre vjet, duke shkaktuar mijëra viktima dhe shkatërrim të gjerë. Po ashtu, qytetet si Foca, Prijedor dhe Vishegrad u spastruan etnikisht nga popullatat jo-serbe në atë që u cilësua si krim kundër njerëzimit.
Krimi më i rëndë i lidhur me Mladiqin mbetet masakra e Srebrenicës në korrik të vitit 1995, ku mbi 8,000 burra dhe djem myslimanë u vranë në një akt të njohur ndërkombëtarisht si gjenocid.
Dënimi me burgim të përjetshëm i konfirmuar në apel është konsideruar si një hap i rëndësishëm drejt drejtësisë për viktimat e luftës në Bosnje.
Tutje, Sveçla theksoi se institucionet e sigurisë në Kosovë janë duke e trajtuar këtë çështje me prioritet të lartë dhe do të kërkojnë mbështetje ndërkombëtare për të identifikuar dhe vënë para drejtësisë personat përgjegjës.
Gazeta Sinjali raportoi dje për një ngjarje të rëndë ku një 2 vjeçare është mbytur në një pishinë familjare në Zallç të Istogut.
Sinjali mëson se e mitura do të varroset sot në orën 17:00 në varrezat e fshatit Zallç.
“Me pikëllim té thellë njoftojmë miqtë,shokët dhe dashamirët se ka ndërruar jetë në moshën 2 vjeçare.
Varrimi i së ndjerës bëhet Sot me datë 6 Korrik 2025, në varrezat e Fshatit Zallq, në ora 17:00″, thuhet në njoftim.
Rastin për Sinjalin e ka konfirmuar zëdhënësi i Policisë në rajonin e Pejës, Fadil Gashi.
“Një fëmijë e gjinisë femërore është mbytur në një pishinë familjare në fshatin Zallq. Është dërguar urgjentisht në Qendrën e Mjekësisë Familjare. Sipas mjekëve, viktima ka arritur pa shenja jete”, u deklarua Gashi.
Vala e të nxehtit afrikan vazhdon të mbetet prezent në Kosovë edhe për gjatë dy ditëve të para të javës së ardhshme, sipas të dhënave të Institutit Hidrometeorologjik të Kosovës.
Sipas IHMK-së, nga dita e mërkurë, kalimi i një fronti të freskët pritet të sjellë një rënie të dukshme të temperaturave maksimale. Ky fenomen do të ndikojë në kushte më të freskëta dhe një ulje të ndjeshme të temperaturave gjatë ditës.
Nga dita e mërkurë, parashikohen reshje shiu, të cilat mund të shoqërohen me stuhi dhe shkarkime rrufesh. Erërat do të jenë të lehta deri të moderuara, me drejtime kryesisht nga verilindja dhe veriperëndimi, ndërsa lokale mund të shfaqen erëra të forta në formë stuhish.
Kjo periudhë do të shoqërohet me një ndjeshmëri të ndryshuar të motit, që do të ndikohet nga faktorë atmosferikë të ndryshëm si kalimi i fronteve dhe aktiviteti elektrik në atmosferë.
Sakaq, indeksi UV mbetet i lartë në ditën e hënë dhe të martë, pastaj vlerat e saj do të bien.
Parashikimi i plotë i motit për pesë ditët e ardhshme:
E hënë – Mot me diell dhe vranësira të pakta. Temperaturat minimale do të lëvizin ndërmjet 12-18 gradë Celsius, ndërsa maksimalet e ditës parashihen të lëvizin ndërmjet 32-37 gradë Celsius. Do të fryjë erë nga drejtimi i verilindjes me shpejtësi 1-5m/s.
E martë – Mot me diell dhe vranësira të shpërndara. Vranësirat vende-vende mund te sjellin riga shiu , kryesisht në disa zona të kufizuara .Temperaturat minimale do të lëvizin ndërmjet 12-18gradë Celsius, ndërsa maksimalet e ditës parashihen të lëvizin ndërmjet 32- 37 gradë Celsius. Do të fryjë erë nga verilindja me shpejtësi 1-9m/s.
E mërkurë – Mot me diell dhe vranësira të shpërndara. Vranësirat gjatë ditës do të intensifikohen duke bërë që në fusha barike të kemi ndryshime të mëdha. Kjo situatë meteorologjike do të krijoj kushte që mbi vendin tonë të bie shi i percjellur me breshër dhe shkarkime rrufesh. Temperaturat minimale do të lëvizin ndërmjet 11 deri 16 gradë Celsius, ndërsa maksimalet e ditës parashihen të lëvizin ndërmjet 21-24gradë Celsius. Do të fryjë erë e lehtë dhe lokalisht e fortë në formë stuhie nga drejtimi i verilindjes dhe i veriperëndimit.
E enjte- Mot me diell dhe pjesërisht i vranët. Temperaturat minimale do të lëvizin ndërmjet 9 deri 13 gradë Celsius, ndërsa maksimalet e ditës parashihen të lëvizin ndërmjet 20-23 gradë Celsius. Do të fryjë erë nga drejtimi i verilindjes e lehtë deri mesatare.
E premte. Të premten parashihet të mbajë mot kryesisht me diell. Vranësirat mund të paraqiten për rreth relievit malor. Temperaturat minimale do të lëvizin ndërmjet 9-12 gradë Celsius, ndërsa maksimalet e ditës parashihen të lëvizin ndërmjet 22-26 gradë Celsius. Do të fryjë erë nga drejtimi i veriperëndimit me shpejtësi 1-5m/s.
Gazeta Sinjali ka raportuar sot për një ngjarje të rëndë që ka ndodhur ku si pasojë e lëndimeve të marra në vendin e punës, një 21-vjeçar ka humbur jetën dje në QKUK.
Sinjali ka mësuar se bëhet fjalë për Bujar Zeka, që ishte duke punuar në fabrikën e tullave “IMN Dukagjini” në rrugën “Gjergj Sokoli”, kur u lëndua rëndë dhe u transportua fillimisht në emergjencën e Gjakovës, e më pas në QKUK.
Derisa, Sinjali ka mësuar së i ndjeri do të varroset sot në ora 16:00, në varrezat e Qyteti të Gjakovës.
Një personi ka vdekur në një kafiteri në Prizreni. Derisa ishte duke pirë kafe me vëllain e tij, të ndjerit ju ka përkeqësuar gjendje, ndërsa as ndërhyrja e emergjencës nuk ka arritur ta kthej në jetë.
Lajmin e ka konfirmuar për IndeksOnline, Togeri Tahir Kabashi.
“Sot rreth orës 09:20 në rr. Ilaz Kodra në Prizren, qytetari T.Q. i moshës rreth 60 vjeçare, deri sa ishte në një lokal për kafe (kafiteri “Crali”) së bashku me vëllaun e tij, për një moment ju ka përkeqësu gjendja shëndetsore. Të pranishmit menjëherë kanë kërkuar ndihmën mjeksore, ku emergjenca ka dal në vendin e ngjarjes, mirëpo edhe përkundër ofrimit të ndihmës mjekësore, mjeku ka konfirmuar vdekjen e të ndjerit. Sipas vëllaut të viktimës, i ndjeri kishte probleme shëndetësore të mëhershme. Njësit relevante policore menjëherë iu kanë përgjigjur rastit në fjalë”, ka thënë Kabashi.
Sipas tij, lidhur me rastin është njoftuar Prokurori Publik i shtetit i cili ka autorizuar Policinë e Kosovës për ndërmarrjen e të gjitha veprimeve policore.
“Me urdhër të Prokurorit Publik, trupi i pajetë dërgohet në Institutin e Mjekësisë Ligjore për autopsi.
