Tërmet i fortë në Greqi, lëshohet paralajmërimi për cunami

Një tërmet me magnitudë 6.1 ballë të shkallës Rihter u regjistrua sot rreth dy orë në zonën detare 20 kilometra në jug-jugperëndim të ishullit Kasos, në lindje të Kretës, njoftoi Instituti Gjeodinamik i Observatorit Kombëtar të Athinës.

Epiqendra e tërmetit ishte në një thellësi prej 64.4 kilometrash, raportoi Katimerini. Tërmeti u ndje pranë Kretës, si dhe në ishujt Rodos dhe Kos, si dhe në disa pjesë të Turqisë, dhe si masë paraprake u lëshua një paralajmërim për cunami, shkruan euronews.

Deri më tani nuk ka raportime për të lënduar apo dëme të rënda materiale. Presidenti i Organizatës për Planifikimin dhe Mbrojtjen nga Tërmetet (OASP) dhe profesori i gjeologjisë, Efimios Lekas, tha se thellësia prej 60 kilometrash ishte një tipar kyç i këtij tërmeti, pasi uli intensitetin në sipërfaqe.

Sipas përshkrimeve të para të banorëve, nuk u regjistrua asnjë ndikim i rëndësishëm i tërmetit. Lekas ​​theksoi se tërmete të tilla në atë thellësi zakonisht ndodhin si ngjarje individuale, pa aktivitet të theksuar para ose pas sizmik.

Ai shtoi se tërmeti ndodhi në “Harkun Grek”, vendin ku përplasen pllakat tektonike evropiane dhe afrikane.

Duke komentuar mbi lidhjet e mundshme me tërmetet e fundit në Santorini dhe Turqi, Lekas ​​theksoi se nuk ka lidhje, pasi kushtet gjeotektonike janë të ndryshme.

Vdes një grua në QKUK

Gazeta Sinjali mëson se një rast i vdekjes së papritur të një gruaje është raportuar në orët e para të mëngjesit të së mërkurës, më 14 maj 2025, në Klinikën e Ortopedisë në QKUK, Prishtinë.

Sipas burimeve të sigurta të Sinjalit, viktima është Igballe Krasniqi, 50-vjeçare nga fshati Zllakuqan, komuna e Lipjanit, e cila ndodhej si shoqëruese e një pacienti në klinikë. Ajo është gjetur pa shenja jete rreth orës 02:30 dhe ekipi mjekësor ka konstatuar vdekjen e saj në vend.

Fillimisht, dyshohet se vdekja ka ardhur si pasojë e infarktit, por për shkak të kërkesës së familjarëve dhe për të sqaruar plotësisht rrethanat e rastit, është vendosur që trupi i pajetë të dërgohet për obduksion në Institutin e Mjekësisë Ligjore.

Në vendin e ngjarjes kanë dalë njësitë e hetimeve, ndërsa është njoftuar Prokurori Kujdestar nga Departamenti i Krimeve të Rënda, i cili ka autorizuar procedurat e nevojshme hetimore.

Rasti është inicuar dhe mbetet nën hetim, në pritje të rezultateve të obduksionit që do të përcaktojnë shkakun e saktë të vdekjes.

Çfarë do të ndodh sot në Kosovë?

Ngjarjet e datës 14 maj:

Ministria e Shëndetësisë organizon tryezë të rrumbullakët me rastin e shënimit të Javës së Ndërgjegjësimit për Shëndetin Mendor. (Hotel International Prishtina, ora 09:30)

Rinia për VV mban konferencë për medie me rastin e organizimit të Këshillit Botëror të “International Union of Socialist Youth”, më afro 150 pjesëmarrës nga e gjithë bota. (Zyrat Lëvizjes Vetëvendosje, ora 15:00)

Presidenti i Këshillit Evropian, Antonio Costa arrin në Aeroportin e Prishtinës. (Ora 15:00)

Presidentja e Kosovës, Vjosa Osmani takon Presidentin e Këshillit Evropian, Antonio Costa. (Zyra e Presidentit në Prishtinë, ora 16:30 – pamje në fillim të takimit, ndërsa konferenca për media në orën 17:20 në sallën e Kuvendit)

Kryeministri në detyrë i Kosovës, Albin Kurti takon presidentin e Këshillit Evropian, Antonio Costa. (Zyra e Kryeministrit, ora 18:40)

A do të bëjë PDK koalicion me VV-në? – Ja çfarë thotë Rashit Qalaj

Deputeti i PDK-së, Rashit Qalaj ka folur se a mund të ketë ketë Partia Demokratike Kosovës në koalicion me Lëvizjen Vetëvendosje.

Tutje ai për këtë është treguar i prerë duke i thënë “jo” koalicionit më VV-në.

“Koalicion me VV-në nuk do të ketë asnjë votë kurr për jetë, une nuk e votoj asnjë koalicion edhe nëse është Bedri Hamza kryeministër, si unë edhe shumic e deputetëve që ii kemi në grupin parlamentar edhe gjithe PDK-js jemi kundër themelimi apo koalicion me VV-në, përshkak hendekut të madhë”, është shprehu ai. /Teve1

Ky është moti për sot

Instituti Hidrometeorologjik bën të ditur se sot në Kosovë do të mbajë mot me diell dhe vranësira të shpërndara.

IHK njofton se temperaturat minimale do të lëvizin ndërmjet 3 deri  5 gradë Celsius, ndërsa maksimalet e ditës parashihen të lëvizin ndërmjet 15-19 gradë Celsius.

Do të fryjë erë e lehtë nga drejtimi i verilindjes.

Ndryshon moti ndjeshëm në Kosovë

Pas reshjeve të dëborës pjesëve të Sharrit mëngjesin e sotëm, natën vranësirat shpërndahen, e pritet të ketë më shumë kthjellime.

Nën këto kushte të motit të kthjellët, temperaturat minimale në mëngjes mund të zbresin deri në 2C e 3C nga rrafshi I Kosovës. Ditën e mërkurë kushte më stabile do të favorizojnë mot kryesisht me diell e të thatë në vend. Orëve të pasdites përreth zonave malore zhvillohen vransira të pakta lokale. Frynë erë e lehtë dhe mesatare veriore 2-5m/s. Temperaturat maksimale shënojnë një rritje të lehtë deri në 18C e 21C.

Mot më i ngrohtë po parashihet ditën e enjtë, me maksimale deri në 22C e 24C, ndërkohë që vransirat fillojnë të shtohen gjatë ditës. Më pas të premtën vije përkeqësimi i motit, me të reshura më të qëndrueshme shiu.

Temperaturat pësojnë një rënie deri në 9C e 10C, e viseve malore parashihen dhe reshje më të shumta dëbore, sidomos përgjatë vargmaleve të Sharrit. Të shtunën reshjet pushojnë, por se mbeten më shumë vransira. Temperaturat në rritje graduale deri në 15C ato maksimale, derisa minimalet mund të zbresin deri në 2C e 4C. Ditën e diel aty këtu priten zhvillime të vransirave dhe kushte për të reshura shiu. Të enjtën frynë erëra jugperëndimore, ndërsa nga e premta ato veriore, të lehta dhe mesatarisht të fuqishme prej 5-14m/s.Mendimi për motin

Ftesa s’mbeti pa përgjigje – ja si reagon VV ndaj Presidentes!

Të gjithë liderët e subjekteve politike në vend do të marrin pjesë në takimin e thirrur nga Presidentja Vjosa Osmani, i cili pritet të mbahet të enjten.

Lajmi për IndeksOnline e ka konfirmuar këshilltari i Presidentes, Bekim Kupina.

“Të gjithë e kanë konfirmuar pjesëmarrjen në takimin e së enjtes me Presidenten Osmani.” tha ai.

Takimi vjen në një kohë kur ende nuk është arritur një marrëveshje për zgjedhjen e kryetarit të Kuvendit. Kandidatura e Albulena Haxhiut nga Lëvizja Vetëvendosje nuk ka siguruar përkrahjen e nevojshme, pasi është kundërshtuar nga partitë opozitare, të cilat e kanë cilësuar atë si një figurë përçarëse dhe kanë kërkuar nga VV të propozojë një emër tjetër.

Presidentja Osmani, më herët, kishte shprehur gatishmërinë për të zhvilluar takime me krerët politikë, nëse ata do ta konsideronin të nevojshme një qasje të tillë.

Gjermania kërcënoi me sanksione, Rusia kundërpërgjigjet me këtë veprim

Rusia nisi dhjetë dronë drejt Ukrainës gjatë natës, të gjithë të cilët u rrëzuan nga njësitë e mbrojtjes ajrore të Ukrainës, konfirmoi të martën forca ajrore ukrainase.

Sulmi erdhi pasi Gjermania kërcënoi Rusinë me sanksione të reja dhe më të ashpra nëse ajo nuk do të binte dakord për një armëpushim deri në mesnatë të mbrëmshme.

“Ora po ecën – kemi ende 12 orë deri në fund të kësaj dite”, tha zëdhënësi i qeverisë Stefan Kornelius të hënën, duke konfirmuar se Berlini ishte koordinuar me partnerët evropianë për sanksione shtesë.

Ultimatumi u dha pasi Rusia refuzoi të angazhohej për një armëpushim 30-ditor pa kushte, një propozim i vënë fillimisht në tryezë nga SHBA-të në mars.

Mbyllet kompania paralele e ujësjellësit “Ibar” në Mitrovicë të Veriut

Sot është mbyllur kompania paralele e ujësjellësit “Ibar” në Mitrovicën e Veriut, me kërkesë të Njësisë për Monitorimin e Ndërmarrjeve Publike të Ministrisë së Ekonomisë.

Kështu ka konfirmuar Artane Rizavnolli, ministre në detyrë e Ekonomisë.

“Ky është një hap konkret që i shërben sundimit të ligjit dhe funksionalizimit të shërbimeve publike nga institucionet e shtetit tonë”, tha ajo.

“Në përputhje me marrëveshjen e nënshkruar në janar të këtij viti mes KRU Mitrovicës dhe Komunës së Mitrovicës së Veriut, shërbimet e rregullta e më cilësore për qytetarët e Komunës së Mitrovicës së Veriut do të ofrohen nga KRU Mitrovica, me standarde më të larta dhe në përputhje të plotë me ligjet tona”.

Ngërçi politik, Memli del me një propozim

Memli Krasniqi ka marrë shembull vendimin e partisë demokrate në SHBA për ta ndërruar Joe Bidenin me Kamala Harrisin për garën presidenciale.

Ai ka thënë se është i pakuptimtë insistimi i Albin Kurtit për ta mbajtur Albulena Haxhiun si kandidate për kryetare të kuvendit.

“Unë shpreh keqardhjen për situatën në të cilën krejt institucionet kanë mbetur peng i VV-së, e cila përkundër insistimit tonë për ndërrim të kandidates, ani pse nuk e ka votën, ajo vazhdon. Në situata aktuale ndërrohen kandidatët në mes të garës. Edhe në SHBA në mes të garës partia demokrate ndërroi kandidatin për president, është e pakuptimtë insistimi i Kurtit për Haxhiun”, ka thënë Krasniqi.