Lajmi i Fundit
Tërheqja e Trustit, vjen premtimi i madh
Haradinaj tregon si ia “mbledhi ‘betë’” Radojçiqit
Arrestohen disa zyrtarë të lartë për keqpërdorim të detyrës, në mesin e tyre edhe një kryetar gjykate
Aksion i madh i Policisë, arrestohen disa persona
Ekskluzive: Arrestohet ish-ministri
KOSTT kërkon nga qytetarët të ulet konsumi, paralajmëron reduktime
Veturat e blera nga Evropa, Kurti jep lajmin e mirë
Kurti rikthehet te gjuha e ashpër, ‘kunja’ për Hamzën dhe Abdixhikun: Kush i ka dhënë mësim, ndoshta kanë ikur prej orës
Hykmete Bajrami i reagon VV-së: Mashtruesit po lavdërohen për heqjen e masave
Vdes çętniku serb, simbol i rrethimit famëkeq të Sarajevës
Ushqimet që nuk duhet t’i kombinoni kurrë me njëra-tjetrën
Gazeta Imazhi LAJME
Ushqimet që nuk duhet t’i kombinoni kurrë me njëra-tjetrën

Disa kombinime ushqimore, edhe pse të zakonshme, mund të kenë efekte negative në tretje dhe në shëndetin tonë në përgjithësi.

Disa ushqime janë më të vështira për t’u tretur kur hahen së bashku, duke çuar në simptoma të pakëndshme si fryrje, gazra, lodhje dhe parehati të përgjithshme. Edhe pse shumë nga këto shpesh kombinohen, është mirë të shmangni pesë kombinimet e mëposhtme, në mënyrë që të mbështesni më mirë funksionimin e sistemit tretës:

Dy burime të larta proteinash
Kombinimi klasik i vezëve dhe proshutës mund të jetë i shijshëm, por të dyja janë të pasura me proteina, gjë që i bën ato të vështira për t’u tretur kur hahen së bashku. Trupi e ka të vështirë t’i trajtojë ato në të njëjtën kohë, ndaj preferoni t’i konsumoni proteinat në vakte të ndryshme.

Drithëra me qumësht dhe lëng portokalli

Shumica e njerëzve shijojnë një mëngjes me drithëra dhe lëngje, por acidet në portokall mund të ndërhyjnë në tretjen e karbohidrateve në drithëra. Përveç kësaj, lëngu mund të shkaktojë që qumështi të thahet, duke e bërë të vështirë tretjen. Është mirë të pini lëng një orë para ose pas mëngjesit.

Banane dhe qumësht

Ky kombinim konsiderohet “i rëndë” dhe ngadalëson tretjen, duke rezultuar në prodhimin e toksinave në trup. Nëse ju pëlqen smoothie me qumësht dhe banane, preferoni të përdorni banane shumë të pjekura dhe shtoni erëza si kardamom ose arrëmyshk për tretje më të mirë.

Frutat pas vaktit
Edhe pse fruti është një ëmbëlsirë e shpeshtë, nuk është zgjidhja më e mirë menjëherë pas ngrënies. Frutat përmbajnë sheqerna që treten shpejt, ndërsa ushqimeve të tjera u duhet më shumë kohë për t’u tretur. Kjo mund të shkaktojë fermentim dhe parehati në stomak. Konsumoni frutat vetëm ose pak kohë para vaktit.

Djathë dhe pije të ftohta

Shumë pëlqejnë pica ose makarona, djathë dhe një sodë të ftohtë, por ky kombinim e rëndon sistemin tretës. Pijet e ftohta e bëjnë më të vështirë prishjen e djathit, duke shkaktuar shpesh fryrje dhe dispepsi. Është mirë të shmangni pijet e ftohta kur konsumoni vakte me djathë.

Karbohidratet me proteina

Një kombinim i zakonshëm është mishi me patate ose oriz, por karbohidratet dhe proteinat kërkojnë kushte të ndryshme të tretjes. Karbohidratet treten më shpejt, ndërsa proteinat zgjasin më shumë. Kur konsumohen së bashku, mund të rëndojnë stomakun dhe të shkaktojnë fryrje dhe gazra. Është mirë që këto kategori ushqimesh të hani në vakte të ndryshme ose me një diferencë të mjaftueshme kohore.

Domate me kastravecKombinimi i domates dhe kastravecit është i zakonshëm në shumë sallata, por është treguar se këto dy perime nuk funksionojnë mirë së bashku gjatë tretjes. Kastraveci është alkalik dhe domatja është acid, gjë që ndikon në përthithjen e lëndëve ushqyese dhe ngadalëson tretjen. Është mirë që t’i konsumoni veçmas ose me kombinime të tjera perimesh.

Vdes babai i Robin Krasniqit, boksieri shkruan fjalë prekëse
Gazeta Imazhi LAJME, SHOWBIZ
Vdes babai i Robin Krasniqit, boksieri shkruan fjalë prekëse

“Më Coptove në shpirt o Babë!

U ndave nga jeta shumë heret dhe na le me mallë për ty, përgjithmonë!

Ti ishe mbështetesi dhe kshilltari i jetës time më i madhi dhe më i veçanti, ishe pas meje në çdo hap të jetës time! Shpresoj se të kam bërë krenar. Çdo gjë që e kam shpalos nga jeta ime, buronte nga miresija e burrërija e jote Babë!

Unë jam shumë krenar dhe falendërues se jam biri ytë dhe e falenderoj Zotin për çdo moment se të kisha ty pranë.”

Daut Haradinaj tregon kush i ndali benifitet për veteranët
Gazeta Imazhi LAJME
Daut Haradinaj tregon kush i ndali benifitet për veteranët

Anëtari i Kryesisë së Aleancës për Ardhmërinë e Kosovës (AAK), Daut Haradinaj, ka thënë se pushteti përmes bashkëpunimit me Milan Radoiçiqin, kanë arritur me ndalu një benefit të merituar nga veteranët.

Haradinaj, përmes një postimi në Facebook, ka thënë se ne bashkë në një kohë i kemi zmbrapsur shefat e tyre që ishin shumë herë më të fuqishëm dhe pa asnjë benefit.

“Të çmuar bashkëluftëtarë, e di që jeni mërzitë nga komunikimet publike mes pushtetit dhe terroristit serb në kërkim Radoiçiq, edhe unë jam i mërzitur!

Përmes këtij bashkëpunimi, e vërtetë që kanë arrit me e ndalu një benefit të merituar nga ju, por mos harroni se ne bashkë në një kohë i kemi mundur e zmbrapsur shefat e tyre që ishin shumë herë më të fuqishëm dhe pa asnjë benefit”, ka thënë Daut Haradinaj.

Ai ka shtuar se soji i tyre janë pengesë e vogël krahasuat me atë që kemi pasur dikur.

“Soji i tyre duhet të jenë pengesë shumë e vogël në krahasim me atë që ne kemi jep dhe jepim për vendin tonë”, është shprehur ai

Çka punojnë dhe sa paguhen qytetarët e Kosovës në Gjermani?
Gazeta Imazhi LAJME
Çka punojnë dhe sa paguhen qytetarët e Kosovës në Gjermani?

Sektorët e ndërtimtarisë, tregtisë dhe prodhimit në Gjermani punësojnë pjesën më të madhe të kosovarëve që jetojnë atje. Por, me kalimin e viteve është rritur edhe numri i punëtorëve në sektorë të ndryshëm, si shëndetësi, edukim dhe informim e komunikim.

Në bazë të të dhënave së prezantuara nga Instituti GAP, del se numri më i madh i kosovarëve që punojnë në Gjermani janë të angazhuar në sektorin e ndërtimtarisë, tregtisë dhe prodhimit.

 

 

Numri i punëtorëve nga Kosova që kanë punuar në Gjermani në vitin 2019/Grafika REL

Në vitin 2023, paga mesatare në Gjermani për kosovarët ishte 2,822 euro, shumë më e lartë në krahasim me pagën mesatare prej 468 eurosh në Kosovë.

Sektori i ndërtimtarisë prin me 32,238 kosovarë të punësuar, ndërsa ata që punojnë në tregti dhe prodhim ndjekin me 17,774 dhe 17,702 punëtorë përkatësisht.

Përveç këtyre sektorëve, gjithashtu një numër i konsiderueshëm është i angazhuar në hoteleri dhe gastronomi (12,434 punëtorë), si dhe në fusha të tjera.

Numri i punëtorëve nga Kosova që kanë punuar në Gjermani në vitin 2023/Grafika REL

Sa i përket pagave, sektori i informimit dhe komunikimit në Gjermani ofron pagën më të lartë për kosovarët, rreth 3,762 euro, krahasuar me vetëm 930 euro në Kosovë. Ndërkohë, sektori i gastronomisë ofron pagën më të ulët në Gjermani, me 1,867 euro, por ende shumë më të lartë se paga mesatare për këtë sektor në Kosovë, që është 348 euro.

Ky raport thekson dallimin e madh ekonomik mes pagave në Gjermani dhe Kosovë, me një rritje të vazhdueshme të emigrimit të fuqisë punëtore kosovare drejt tregut gjerman, sidomos në sektorët e ndërtimtarisë dhe shërbimeve./REL

“Uragani Milton” po bën ‘gërrdin’ në Florida, kaq shkon numri i të vdekurëve
Gazeta Imazhi LAJME
“Uragani Milton” po bën ‘gërrdin’ në Florida, kaq shkon numri i të vdekurëve

Të paktën nëntë persona kanë vdekur nga uragani Milton në Florida.

Të mërkurën, zyrtarët në qarkun St. Lucie raportuan të paktën katër vdekje nga Spanja Lakes Country Club, një komunitet i moshuar në Fort Pierce.

 

 

Ndërkohë, dy vdekje janë konfirmuar në Shën Petersburg, ku shefi i policisë Anthony Holloway tha të enjten se njëra ishte një vdekje mjekësore dhe tjetra ishte “dikush që u gjet në një park”.

Në qarkun Volusia, sherifi Michael J Chitwood konfirmoi se tre persona vdiqën, duke përfshirë një person i cili u vra pasi një pemë ra mbi ta, raporton NBC.

Shikoni LIVE uraganinin që ka goditur Floridën, po fryjnë erëra jashtëzakonisht të forta

 

Lladrovci: Ishalla s’e çon Zoti dikë me më shty ose godit sepse nuk e dimë ku përfundojmë
Gazeta Imazhi LAJME
Lladrovci: Ishalla s’e çon Zoti dikë me më shty ose godit sepse nuk e dimë ku përfundojmë

Pas tensioneve të ndodhura sot në mbledhjen e kryetareve të komunave, ka reaguar kryetari i Drenasit, Ramiz Lladrovci, i cili shihet se është përfshirë në këtë incident.

Lladrovci u pyet se a e ka shtyrë fizikisht kryetarin e Kamenicës, Lladrovci.

Ai tha se nuk ka goditur e as shtyrë dikë.

“Unë shpesh herë them që jam bulldozher dhe kush me del përpara e marr pas vetes, por nuk është e vërtetë që e kam shtyrë. Unë kam kërkuar nga ta sepse sikur ata kanë të drejtë të dalin të pengojnë zhvillimet e punimeve të kuvendit, edhe ne që jemi shumica kemi të drejtë t’u themi largohuni dhe na lëshoni ne ta mbajmë kuvendin, sepse ne i kemi lënë punët tona sot nëpër komuna për të shkuar për ta mbajtur kuvendin. Unë kam dëgjuar në media që ne kemi pasur edhe konfrontim fizik, por unë jam mirë, nuk e di që e kam goditur ose shtyrë dikë, nuk kam nevojë, ishalla s’e çon Zoti dikë me më shty ose godit sepse nuk e dimë ku përfundojmë”, tha ai.

Haradinaj: Kosova po qeveriset nga një mentalitet krejt antikombëtar që flet shqip e abuzon shqip
Gazeta Imazhi LAJME
Haradinaj: Kosova po qeveriset nga një mentalitet krejt antikombëtar që flet shqip e abuzon shqip

Kryetari i AAK-së, Ramush Haradinaj ka kritikuar qeverinë Kurti përmes një postimi në rrjetin social Facebook.

Ai thotë se qeveria kurrë nuk e ka nderuar një komandant të UÇK-së, dhe sipas tij, edhe vizitat nëpër varret e dëshmorëve “ata” i bëjnë sepse nuk janë të gjallë.

“Po të ishin gjallë do t’i quanin kriminelë”, shkruan kreu i AAK-së.

“Kurrë nuk e kanë dashur asnjë të arritur të Kosovës ku ata s’kanë qenë protagonistë. Kurrë s’e kanë dashur UÇK-në as trashëgiminë e saj. Kurrë s’e kanë nderuar një komandant të UÇK-së që nuk u nevojitet për kauzat e tyre të mbrapshta të pushtetit. Edhe kur vizitojnë varret e dëshmorëve, i vizitojnë sepse nuk janë të gjallë. Po të ishin të gjallë, do t’i quanin kriminelë. Kosova po qeveriset nga një mentalitet krejt antikombëtar që flet shqip e abuzon shqip, por asgjë shqiptare nuk ka”, ka thënë Haradinaj.

Shikoni LIVE uraganinin që ka goditur Floridën, po fryjnë erëra jashtëzakonisht të forta
Gazeta Imazhi LAJME
Shikoni LIVE uraganinin që ka goditur Floridën, po fryjnë erëra jashtëzakonisht të forta

Uragani Milton, më i forti në njëqind vitet e fundit, goditi Florida. Edhe pse u dobësua nga Kategoria 5 në Kategorinë 2 në prag të mbërritjes së tij në brigjet e Floridës, uragani lë shkatërrime pas tij.

Më shumë se një milion njerëz janë evakuuar, zona të shumta tashmë janë përmbytur, niveli i detit po rritet, sasia ekstreme e shiut dhe erërat me shpejtësi 200 kilometra në orë janë regjistruar.

LIVE ⬇️
https://www.youtube.com/watch?v=Yu9hC5MokCA

Shikoni LIVE uraganinin që ka goditur Floridën, po fryjnë erëra jashtëzakonisht të forta
Gazeta Imazhi LAJME
Shikoni LIVE uraganinin që ka goditur Floridën, po fryjnë erëra jashtëzakonisht të forta

Uragani Milton, më i forti në njëqind vitet e fundit, goditi Florida. Edhe pse u dobësua nga Kategoria 5 në Kategorinë 2 në prag të mbërritjes së tij në brigjet e Floridës, uragani lë shkatërrime pas tij.

Më shumë se një milion njerëz janë evakuuar, zona të shumta tashmë janë përmbytur, niveli i detit po rritet, sasia ekstreme e shiut dhe erërat me shpejtësi 200 kilometra në orë janë regjistruar.

Zonat më të goditura janë Napoli, Fort Myers dhe Tampa.

Pjesë të Floridës janë përmbytur, me Napolin dhe Fort Myers veçanërisht në gjendje të rëndë.
Autoritetet në Florida thanë se ishte tepër vonë për të evakuuar dhe i drejtuan njerëzit në strehimore.
CNN: Ka shume vdekje në Florida, shtëpitë e tyre me ta brenda u shkatërruan
Gazeta Imazhi LAJME
CNN: Ka shume vdekje në Florida, shtëpitë e tyre me ta brenda u shkatërruan

Shumë njerëz kanë vdekur në kontenë St. Lucie si pasojë e stuhisë, tha Sherifi Keith Pearson për “CNN News Central”, megjithëse ai nuk mund të thoshte saktësisht se sa.

“Fatkeqësisht, më duhet të raportoj se kemi shumë vdekje,” tha ai.
Pearson tregoi se një “komunitet shtëpiak modular” për banorët 55 vjeç e lart u godit nga një tornado.
“Të gjitha shtëpitë e tyre me ta brenda u ngritën, u zhvendosën, u shkatërruan. Dua të them se çdo gjë në uragan ose në rrugën e këtij tornado është zhdukur.”
Agjencia e Pearson mbetet e fokusuar në operacionet e shpëtimit dhe “të shpëtojmë sa më shumë njerëz që mundemi”, tha ai, duke vënë në dukje se reaguesit e parë kanë përfunduar deri më tani shpëtimin e të paktën 25 personave. /CNN