Lajmi i Fundit
Xhavit Haliti: Kurti duhet të trajtohet për shëndet mendor
Nuk ka vend për Agim Veliun në LDK-në e Lumir Abdixhikut
LDK hynë fuqishëm në zgjedhje, i bashkon forcat edhe me këtë parti
LDK nënshkruan koalicion parazgjedhor me këtë parti
NATO i kundër-përgjigjet Putinit që e kërcënoi me luftë Evropën
AAK nuk ndalet, bashkon forcat edhe me këtë parti
Befasi para zgjedhjeve? Limaj pjesë e PDK-së, flasin nga PDK-ja
Kërkohet shkarkimi i Sami Kurteshit dhe Alban Krasniqit nga KQZ-ja
Gashi e LVV: Kosovarët kurrë s’kanë pasë më shumë para sesa sot
Vendimi për moscertifikimin e Listës Serbe, reagojnë nga Beogradi
Bajrami: Hekuran tregoji Albinit ku i ke marrë paratë për shtesa, se s’po merr vesh në ekonomi
Gazeta Imazhi LAJME
Bajrami: Hekuran tregoji Albinit ku i ke marrë paratë për shtesa, se s’po merr vesh në ekonomi

Deputetja nga radhët e LDK-së, Hykmete Bajrami, i ka reaguar ministrit të Financave, Hekuran Murati, i cili më herët listoi rritjen e shtesave për nënat dhe fëmijët.

Përmes një postimi në Facebook, Bajrami tha se shtesat për fëmijë kanë ardhur si rezultat i tatimeve të larta që prindërit e këtyre fëmijëve kanë paguar, duke paguar çmimet e rritura të gjësendeve.

Bajrami ka thënë se përkundër kësaj, Qeveria nuk ka mbajtur premtimin për ndërtimin e 160 çerdheve të reja, për 4 mijë banesat për çiftet e reja, për 5 shtëpitë për të moshuarit, e kështu me radhë.

“Hekuran, mos na trego neve ku i ke marrë paratë për shtesa, tregoi Albinit se ai po shihet që s’po merr veshë në ekonomi fare. Shtesat për fëmijë kanë ardhë nga tatimet me të larta që prindërit e këtyre fëmijëve kanë pagu pasi që çmimet në qeverisjen e juaj janë rritë gati dyfish.

Por, çka me premtimet tjera:

– 160 çerdhe?

– 4 mijë banesa për qiftet e reja?

– 5 shtepi për të moshuarit?

– shportë më të lirë të komnsumit?

– energji më të lirë?

– çka me i bë deficitit tregtar?

– ku janë projektet kapitale?

Çka me krejt dhe drejt” shkroi Bajrami.

“Gjithmonë ka shpresë”, Osmani i fton deputetët që ta trajtojnë Projektligjin për Parandalim të Vetëvrasjes
Gazeta Imazhi LAJME
“Gjithmonë ka shpresë”, Osmani i fton deputetët që ta trajtojnë Projektligjin për Parandalim të Vetëvrasjes

Presidentja e Kosovës, Vjosa Osmani, i ka ofruar përkrahje peticionit të qytetarëve për Projektligjin për Parandalim të Vetëvrasjes.

Mbi 13 mijë qytetarë tashmë e kanë nënshkruar këtë peticion.

Osmani, në Ditën Botërore të Parandalimit të Vetëvrasjes, tha se “ne të gjithë bashkërisht duhet ta rikujtojmë një të vërtetë të fuqishme: gjithmonë ka shpresë!”.

“Vetëm përmes përpjekjeve të përbashkëta, ne mund ta thyejmë heshtjen, ta çrrënjosim stigmën dhe të tregojmë se askush nuk duhet të ndihet i vetëm në çfarëdo sfide apo beteje”, tha Osmani.

E para e shtetit të Kosovës, i ka ftuar deputetët e Kuvendit që këtë nismë ta trajtojnë me prioritet që në fillim të sesionit vjeshtor.

“Pas miratimit të këtij ligji, Republika e Kosovës do ta ketë një kornizë ligjore e cila trajton këtë plagë të shoqërisë dhe shtetit tonë dhe do t’u ofrojë përkrahjen e nevojshme të gjithë atyre që janë duke u përballur në këtë betejë”, tha ajo.

Paralajmërimi i Vuçiqit se brenda 72 orësh do t’i përgjigjet Kosovës, vjen kundër-përgjigja nga Kurti
Gazeta Imazhi LAJME
Paralajmërimi i Vuçiqit se brenda 72 orësh do t’i përgjigjet Kosovës, vjen kundër-përgjigja nga Kurti

Kyreministri i vendit, Albin Kurti, nuk ka komentuar fare paralajmërimet e presidentit serb, Aleksandar Vuçiq i cili tha se brenda 72 orësh do përgjigjet ndaj Kosovës me masa serioze.

Nga veriu, Kurti tha para gazetarëve se ai nuk i komenton do lajmet, e lëre më paralajmërimet.

”Ju e dini që unë nuk parapëlqej t’i komentoj as lajmet, e lëre më paralajmërimet”, është shprehur Kurti.

Kujtojmë se përmes këtij adresimi, ai edhe konfirmoi se qeveria që ai drejton është e gatshme ta hapë Urën e Ibrit siç kishin paralajmëruar.

Ndryshe, ja deklarata e plotë e Vuçiqit:

”Ne do të përgjigjemi me masa serioze në 72 orë. Serbia është gjithmonë pro dialogut, unë jam gjithmonë i gatshëm për të, por Serbia nuk do të lejojë persekutimin e popullatës serbe”.

Paralajmëron Gjini: Diçka ka me eskalu, Serbia ka me bo diçka
Gazeta Imazhi LAJME
Paralajmëron Gjini: Diçka ka me eskalu, Serbia ka me bo diçka

Ardian Gjini nga Aleanca për Ardhmërinë e Kosovës ka dhënë një deklaratë, për të cilën u shpreh se do kontribuojë në favor të pushtetit.

Gjini tha në DPT Fidani në Klan Kosova, se kjo ndodhë edhe në vendet e kontinenteve të tjera.

”Diçka ka me eskalu, Serbia ka me bo diçka derisa të mbahen zgjedhjet”.

”Qytetarët e Kosovës duhet me fillu me pa. Çfarë do krize përreth që shkaktohet në kohë të zgjedhjeve, ka tendencë me iu ndihmu atyre në pushtet”.

”Po flas edhe për kontinentet tjera, jo vetëm në rajon. Seriozisht jam duke besu që shumica dërmuese e qytetarëve po mbërrin me pa”.

Smakiqi për Kurtin: Si beson as QUINT-it vetëm militantëve të tij
Gazeta Imazhi LAJME
Smakiqi për Kurtin: Si beson as QUINT-it vetëm militantëve të tij

Avokati dhe njohësi i çështjeve politike, Xhevdet Smakiqi i ftuar në emisionin Raport deklaroi se kryeministri Albin Kurti iu beson vetëm militantëve të tij, raporton Gazeta10.

“Kryeministri Kurti aktualisht nuk është as partner i QUINT-it dhe nuk i beson as QUINT-it vetëm militantëve të tij dhe e ka shëndrruar Kosovën para ndërkombëtarëve si një shtet agresiv”, deklaroi Smakiqi.

Tutje Smakiqi mes tjerash tha se komuniteti serb në veri ka të drejtën e fishkëllimës.

Lirohen dy serbët e arrestuar sot në Veri
Gazeta Imazhi LAJME
Lirohen dy serbët e arrestuar sot në Veri

Para pak çasteve janë liruar politikanët serbë, Aleksandar Arsenijeviq dhe Ivan Orloviq, që u arrestuan sot në Veri.

Lajmi është konfirmuar për IndeksOnline nga zëvendësdrejtori i Policisë në Veri, Veton Elshani.

Mësohet se ata janë gjobitur për prishje të rendit dhe qetësisë publike.

Në media u raportua se Arsenijeviq u arrestua pasi i fishkëlloi kryeministrit Albin Kurti.

Hapja e urës së Ibrit, deklarohen nga KFOR-i
Gazeta Imazhi LAJME
Hapja e urës së Ibrit, deklarohen nga KFOR-i

KFOR-i ka bërë të ditur se qëndrimi i tyre për hapjen e Urës së Ibrit për qarkullim të automjeteve ka qenë transparent dhe konsistent gjatë gjithë kohës.

Një zëdhënës i misionit ka thënë më tej se çdo vendim në këtë drejtim duhet të merret përmes dialogut, në kohë dhe në koordinim efektiv me komunitetin ndërkombëtar.

“Në ndërkohë, KFOR-i do të mbajë prezencën e tij fikse në urë dhe do të vazhdojë të kryejë patrullime të rregullta në zonat përreth”, ka thënë ky zëdhënës.

Tutje, ai ka deklaruar se aktivitetet e fundit të kryera në urë nga ushtarët janë pjesë e aktiviteteve trajnuese.

“Këto ishin pjesë e aktiviteteve tona të rregullta të dizajnuara për të testuar procedurat operacionale afatgjate dhe për të ruajtur standardin më të lartë të gatishmërisë së trupave tona”.

“KFOR-i vazhdon të monitorojë situatën. Ne jemi të vendosur mirë për të adresuar çdo skenar sigurie dhe për të vazhduar zbatimin efektiv të mandatit tonë të OKB-së”, ka thënë zëdhënësi i KFOR-it.

“Calit” i ulet dënimi me burgim
Gazeta Imazhi LAJME
“Calit” i ulet dënimi me burgim

Paneli i Gjykatës së Apelit në Dhomat e Specializuara të Kosovës ia ka ulur dënimin me burgim Salih Mustafës, prej 22 vjet në 15 vjet burgim.

Ndaj Mustafës janë shqiptuar dënimet individuale për krimet e luftës të ndalimit arbitrar, torturës dhe vrasjes së paligjshme prej 8, 13 dhe 15 vjet burgim si dhe i është shqiptuar dënimi i njësuar prej 15 vjetësh burgim, duke llogaritur edhe kohën në paraburgim.

Vendimi është marrë sot.

“Më 10 shtator 2024, Paneli i Gjykatës së Apelit në çështjen Prokurori i Specializuar kundër Salih Mustafës shqiptoi dënimet individuale ndaj z. Mustafa për krimet e luftës të ndalimit arbitrar, torturës dhe vrasjes së paligjshme prej tetë, 13 dhe 15 vjet burgim si dhe ia shqiptoi dënimin e njësuar prej 15 vitesh burgim, duke llogaritur dhe kohën në paraburgim”, thuhet në njoftim.

Ish-komandanti i Ushtrisë Çlirimtare të Kosovës, Salih Mustafa, ishte dënuar në dhjetor të vitit 2022 Gjykata Speciale, me seli në Hagë, me 26 vjet burgim për vrasje të paligjshme, ndalim arbitrar dhe torturë. Gjykata e Apelit ia kishte zbritur dënimin pastaj në 22 vjet burgim.

Salih Mustafa u arrestua dhe u transferua në njësinë e paraburgimit të Dhomave të Specializuara të Kosovës më 24 shtator 2020.

Paralajmërimi i Vuçiqit për “masa serioze” kundër Kosovës, Kurti deklarohet nga Veriu
Gazeta Imazhi LAJME
Paralajmërimi i Vuçiqit për “masa serioze” kundër Kosovës, Kurti deklarohet nga Veriu

Kryeministri i Kosovës, Albin Kurti, është pyetur sot nga gazetarët për paralajmërimin e lëshuar nga presidenti i Serbisë, Aleksander Vuciq, se Serbia do të marrë “masa të serioze” ndaj Kosovës në 72 orët e ardhshme.

Kurti s’ka pranuar që të flasë për një deklarim të tillë të Vuçiq që ka ardhur pas takimit me Lajcakun sot në Beograd.

“Ju e dini që unë nuk parapëlqej t’i komentoj lajmet e lërë më paralajmërimet”, ka thënë Kurti para gazetarëve.

Vuciq tha sot se Serbia do të marrë “masa të serioze” ndaj Kosovës në 72 orët e ardhshme.

“Ne do t’ju përgjigjemi me masa serioze në 72 orët e ardhshme. Serbia është gjithmonë pro dialogut, unë jam gjithmonë i gatshëm për të, por Serbia nuk do të lejojë persekutimin e popullatës serbe”, ka shkruar Vuçiq.

Albin Kurti parakalon nëpër urën e Ibrit
Gazeta Imazhi LAJME
Albin Kurti parakalon nëpër urën e Ibrit

Kryeministri i Kosovës, Albin Kurti bashkë me dy ministrat Xhelal Sveçlen dhe Elbert Krasniqin kanë qëndruar sot në veri të Kosovës.

Ata në një moment janë parë teksa kalojnë duke ecur mbi urën e Ibrit, transmeton IndeksOnline.

Treshja shihet se teksa kalon mbi urë në të dy anët ka edhe truprojat.

Rikujtojmë se sot është vënë gurthemeli i stacionit policor në Leshak e ku i pranishëm ishte edhe kryeministri.