“Nuk ka më institucione ilegale në veri”

Ministri i Administrimit të Pushtetit Lokal, Elbert Krasniqi ka komentuar mbylljen e institucioneve paralele serbe në veri të vendit, duke thënë se këto institucione apo struktura paralele serbe janë mbyllur nga Policia e Kosovës pas kërkesës së ministrisë që ai drejton.

Megjithatë, ai tha, se objektet e liruara do të shfrytëzohen për kërkesat e qytetarëve atje e po ashtu për nevojat që ata do t‘i kenë.

“Tashmë janë mbyllur këto 5 institucione ilegale në veri dhe u bashkohen edhe shtatë të tjerave të cilat janë mbyllur më herët me një veprim të përbashkët të institucioneve të Kosovës”, tha Krasniqi në RTK.

Tutje ka thënë ai se tashmë ato institucione ilegale nuk funksionojnë në Kosovë, sepse kanë vepruar jashtë kornizës ligjore dhe kushtetuese të Kosovës dhe nuk kanë më hapësirë të veprojnë në Kosovë.

Krasniqi tha se objektet e liruara janë kryesisht në pronësi të komunave të Kosovës dhe tashmë kanë institucionin që do të veprojë në objektin e liruar dhe aty do të veproj Qendra Rajonale e trajnimeve për Patentshoferë.

“Tashmë jemi duke punuar në nivel lokal dhe qendror që kërkesave të qytetarëve tu jemi sa më afër edhe me objekte të liruara në mënyrë që tu përgjigjemi sa më mirë qytetarëve atje”, tha Krasniqi.

Fitore Pacolli: Nuk ka më arsye të kemi ushtarë të KFOR-it në Urën e Ibrit

Deputetja e VV-së, Fitore Pacolli, deklaroi se ushtarët e KFOR-it nuk kanë më arsye të rrinë mbi urën e lumit Ibër.

Sipas saj, siguria në veri është e kënaqshme dhe nuk ka arsye për praninë e ushtarëve.

“Nuk ka arsye që ura të mbetet e mbyllur për vetura dhe nuk ka më arsye të kemi ushtarë të KFOR-it në urë, përderisa siguria në atë pjesë të territorit të Kosovës është e kënaqshme, si dhe Policia e Kosovës ka treguar që është e gatshme të mbrojë atë pjesë të territorit të Kosovës nga krimet që mund të ndodhin nga aktet e dhunshme si dhe t’i mbrojë qytetarët nga sulmet, vjedhjet e rëndomta…”, tha ajo në Tëvë1.

Ndërkohë, nuk ceki datë se kur ura mund të jetë e hapur, por tha që janë duke punuar intensivisht.

“Ne kemi thënë që do të punojmë intensivisht në hapjen e urës dhe këtë po e bëjmë. Tani janë kryer të gjitha punët teknike që kanë të bëjnë me urën dhe në ndërkohë jemi në konsultime të vazhdueshme me komunitetin ndërkombëtar që ta hapim urën”, deklaroi ajo.

Paralajmërimi për bllokim të kufijve nga serbët, i’u përgjigjen nga KFOR-i

Kryetari i të ashtuquajturit Asociacioni i Qytetarëve të Qarkut të Mitrovicës, Rasha Rojeviq, ka paralajmëruar se nga 6 shtatori, serbët do të organizojnë bllokada në të gjitha pikat kufitare me Kosovën.

Sipas tij, bllokada do të zgjasë derisa Policia e Kosovës të tërhiqet nga veriu i vendit.

Lidhur me këtë paralajmërim është deklaruar KFOR-i.

Në një përgjigje për Klankosova.tv, thuhet se “është e rëndësishme të shmangen veprime që mund të krijojnë tensione të panevojshme”.

“Ky është çelësi për sigurinë e qëndrueshme në Kosovë dhe për stabilitetin rajonal”, thuhet në përgjigjen e KFOR-it për Klankosova.tv.

Misioni paqeruajtës i NATO-s në Kosovë thotë se po i ndjek nga afër zhvillimet aktuale dhe vazhdon të zbatojë mandatin e tij të OKB-së për të kontribuar në një mjedis të sigurt për të gjithë njerëzit në Kosovë dhe lirinë e lëvizjes, në çdo kohë dhe në mënyrë të paanshme.

Ndërkaq, në përgjigje KFOR-i ka thënë se komente tjera lidhur me çështjen e paralajmërimit për bllokim kufijsh, mediat t’i drejtohen autoriteteve të Serbisë.

E zgjodhi gabimisht detyrën, Kurti tregohet i thjesht, u këkon falje nxënësve të shkollës fillore “Ali Hadri”

Kryeministri i Kosovës, Albin Kurti, u kërkon falje nxënësve të klasës së shtatë të shkollës “Ali Hadri”, për ekuacionin matematikor të cilin e zgjidhi gabim.

Kurti tha se në sekondën e parë i është dukur që ekuacioni ka zgjidhjen x=5, por thekson se po të mendonte pak do ta shihte se zgjidhja e saktë ishte x=0.

Tutje, Kurti thotë se u ndje i gëzuar që nuk ishte nxënës në ato momente.

“…më duhet të them që tash jam i gëzuar që nuk isha nxënës në atë çast, sepse nuk do të merrja notë kaluese”,shkruan Kurti.

Ai u thotë nxënësve se ekuacionin e ditën më mirë se kryeministri.

“Ju kërkoj falje. Zgjidhja e atij ekuacioni, ashtu qysh ju e dini më mirë se kryeministri i juaj, është x=0”, shkruan Kurti.

Postimi i tij i plotë:

Kërkimfalje nxënësve të klasës 7/1 të shkollës fillore “Ali Hadri”

Të dashur nxënës,

Ju falemnderit për mikpritjen e përzemërt në ndërtesën e re të shkollës suaj. Gëzimi juaj sot më mbushi me mall për bankat shkollore. Por, më duhet të them që tash jam i gëzuar që nuk isha nxënës në atë çast, sepse nuk do të merrja notë kaluese. Ekuacioni i thjeshtë matematikor m’u duk që në sekondën e parë që e ka zgjidhjen x=5; pra pesë, porsi pesëshet që ua dëshiroj juve. Po të mendoja pak, do ta shihja që zgjidhja e saktë është x=0, por në atë rast, nuk besoj që do të merrja mundin të merrja shkumësin e të shkruaja në dërrasën e klasës suaj. Ju kërkoj falje. Zgjidhja e atij ekuacioni, ashtu qysh ju e dini më mirë se kryeministri i juaj, është x=0.

Ju përshëndes e ju dua fort,

Albini

Kurti nuk kalon në matematikë, ia huq një detyre të thjeshtë por duartrokitet

Haradinaj shprehet i bindur: Do ta mundim Vetëvendosjen në zgjedhje

Kryetari i AAK-së, Ramush Haradinaj, ka thënë se të gjithë kryetarët e komunave nga radhët e AAK-së do të jenë në listë për deputet.Haradinaj ka thënë se është i bindur që AAK do ta mposhtë Vetëvendosjen në zgjedhje.

“Jam i bindur që do të fitojmë. Do ta mundim Vetëvendosjen në këto zgjedhje. Të gjithë kryetarët e AAK-së janë në listë”, ka thënë Haradinaj.

Ai ka shprehur bindjen e tij se AAK do të fitojë zgjedhjet e ardhshme dhe ka shtuar se si kandidat për kryeministër është për një qeveri të opozitës dhe për ndryshim.

“Ne kemi dakordim për mua për mandatar. Do të udhëheqim me qeverinë e vendit. Në cilindo variant do të përkrahi një qeveri opozitare. Do t’iu ofrohem partive opozitare për një qeveri opozitare”, ka thënë Haradinaj.

Haradinaj: Jam i bindur që Albin Kurti do të përfundojë në burg për korrupsion

Kreu i AAK-së, Ramush Haradinaj, ka shprehur bindjen e tij se kryeministri i Kosovës, Albin Kurti, do të përfundojë në burg për korrupsion.

Haradinaj thotë se janë nënshkruar qindra tenderë njëburimor në vazhdimësi dhe për një gjë të tillë thotë se Kurti do të përfundojë në burg.

Kreu i AAK-së ka thënë se edhe në rastet e aktakuzave, Kurti ka mbrojtur të korruptuarit dhe jo prokurorët.

“Po ky ka me përfundu në burg për korrupsion. Jam i bindur që Albin Kurti ka me përfundu në burg për korrupsion sepse në vazhdimësi, s’është vetëm një tender një burimor, por janë qindra tender burimor. Albini po i mbron edhe të korruptuarit. Ka me përfundu në burg për korrupsion”, ka thënë Haradinaj në T7.

Ekuacioni i Kurtit në Llap, Bajrami del me rezultat tjetër: Kështu i keni të llogaritura shifrat edhe në ekonomi

Deputetja e LDK’së, Hykmete Bajrami, ka reaguar pasi kryeministri Kurti e zgjodhi një detyrë matematikore në një shkollë në komunën e Podujevës.

Bajrami ka publikuar edhe nëj fotografi ku shihet se detyra e zgjidhur tregon se X është 0, derisa Kurti e kishte bërë 5.

Ajo tha se “kështu i kanë llogaritur shifrat edhe në ekonomi”.

Postimi i Bajramit

Haradinaj: Kurti është agjent i Serbisë, pas vizitës së shefit të CIA-s i shymi dritat për hapjen e Urës së Ibrit

Kandidati për kryeministër dhe lideri i AAK-së, Ramush Haradinaj, në një intervistë për FROTNAL ka folur për veprimet e Qeverisë Kurti në Veri të vendit dhe për acarimin me aleatët.Sipas Haradinaj, Kurti jo vetëm që është duke ndjekur agjendën e Serbisë por “është agjent i Serbisë.

“Jo vetëm agjendë, por Kurti është edhe agjent i Serbisë, punon për ta”, ka thënë Haradinaj në FRONTAL të T7.

Tutje kreu i AAK-së ka thënë se në Kosovë mund të ketë ende njerëz që mund të besojnë se Kurti është patriot, megjithatë thotë se aleatët e Kosovës nuk i besojnë Kurtit meqë ata e dinë të dallojnë patriotin e vërtetë dhe mashtruesin.

“Kurtin ende mujn me e kuptu si patriot. Por aleatët tonë që i shërbjenë vendit vet dhe që vdesin për flamurin amerikan dhe që na rujnë qeh 25 vjet e na mbrojnë nuk po i besojnë Kurtit. Sepse dinë ta dallojnë patriotin e vërtetë dhe mashtruesin”, ka potencuar kreu i AAK-së.

Haradinaj ka thënë se nëse Kurti do të kishte dashur, ka mundur të përfundojë problemin e Veriut me planin e Amerikës, megjithatë thotë se diçka e tillë s’ka ndodhur, meqë “Kurti i ka shërby agjendës serbe e ruse”.

Lideri i AAK-së pretendon se këto veprime s’bëhen pa vetëdije.

. Këto s’ndodhin pa vetëdije. Me e largu kaq shumë Kosovën prej SHBA-së s’ndodh rastësisht”, ka potencuar Haradinaj.

Për temën e Urës së Ibrit, Haradinaj thotë se Kurti s’ka për qëllim që ta hapë të njëjtën, por vetëm për të nxitur përçarje mes Kosovës dhe aleatëve dhe “për t’u arsyetuar tek punëdhënësit në Beograd e Moskë”.

Lidhur me vizitën e shefit të CIA-s dhe synimin për hapjen e Urës së Ibrit, Haradinaj thotë se “Kurti i ka shymë dritat”.

“I ka shkym dritat për Urën, s’guxon me folë mo. Me e mlu marren e Urës, po i bon disa lëvizje atje”, ka thënë kreu i AAK-së

Kurti nuk kalon në matematikë, ia huq një detyre të thjeshtë por duartrokitet

Kryeministri i Kosovës, Albin Kurti, në tentim për të treguar aftësitë e tij në matematikë, ka bërë huqje në një detyrë e cila mësohet në shkollën fillore.

Ai e nisi mirë, por gaboi në diçka themelore. Kur numrat ndërrojnë anë, e ndërrojnë edhe shenjën, e ndonëse këtë e kishte parasysh te e panjohura, rregullin nuk e zbatoi edhe në anën tjetër.

Nga krahu i majtë +5, kur të del në krahun e djathtë bëhet -5 dhe në rastin në fjalë: 2+3-5 bëjnë 0.

Në fund e panjohura del të jetë 0 dhe jo 5 siç i doli kryeministrit tonë.

Në një video të publikuar, duket se edhe ministrja e Arsimit, Arbërie Nagavci është skeptike sa i përket zgjidhjes së detyrës.

Më poshtë, shihni zgjidhjen e saktë të detyrës:

Klikoni këtu për të parë videon

SBAShK-u takohet me Kusari-Lilën e VV-së, kërkohet ngritja e koeficientit të pagave “së paku 30%”

Përfaqësuesit e SBASHK-ut në krye me Rrahman Jasharaj, janë takuar me shefen e Grupit Parlamentar të Vetëvendosjes, Mimoza Kusari-Lila, në ambiente të Kuvendit.

Jasharaj në fillim të këtij takimi ka treguar për “kërkesat dhe detyrat konkrete që kanë dalë nga takimi i 30 gushtit me kryetarët e kuvendeve komunale të sindikatave të universiteteve, duke shtuar se në kuadër të angazhimeve kanë dërguar kërkesë zyrtare Kryeministrit Kurti dhe ministres Nagavci, që në mënyrë urgjente të ngritet vlera e koeficientit të pagave për së paku 30 % dhe kjo të vlejë që nga muaji shtator i këtij viti dhe të realizohet vendimi i Gjykatës Kushtetuese lidhur me kthimin e vlerës prej 0.5 % edhe për 15 vitet e para të përvojës së punës”.

Ndërkaq, koordinatori për organizim të brendshëm, Ymer Ymeri, e ka njoftuar Kusari-Lilën edhe me angazhimet e bëra lidhur me përgatitjen e draftit të Kontratës Kolektive të Arsimit.

“Po ashtu, u diskutua edhe për nismën qytetare për mbledhjen e numrit të duhur të nënshkrimeve për t’ia drejtuar deputetëve që të bëhen përmirësime në ndryshimet e Ligjit për Skemat Pensionale të financuara nga shteti, gjegjësisht që të kthehet pika 6 e nenit 8, e cila arsyeshëm ua njihte vitet e 90-ta si vite kontributpaguese, e po ashtu që si vite kontributdhënëse të njihet e tërë koha nga janari i vitit 1990 e deri në gushtin e vitit 2002, kur ka filluar të funksionojë Trusti Pensional. SBASHK ka kërkuar mbështetjen e deputetëve të VV-së që ta votojnë këtë kërkesë, e po ashtu të ndihmojnë për dialog e negocim me MASHTI-n lidhur me Kontratën Kolektive të Arsimit”.

Shefja e Grupit Parlamentar të VV-së ka kërkuar që çështja e iniciuar për Ligjin e Skemave Pensionale të financuara nga shteti t’u dërgohet edhe me shkrim, duke u shprehur se do të angazhohen edhe për dialogun lidhur me Kontratën Kolektive të Arsimit.

“Në këtë takim është biseduar edhe për çështje të tjera në arsimin e Kosovës. Në këtë bashkëbisedë, kontribut kanë dhënë edhe deputetet znj. Arjeta Fejza, znj. Arjeta Rexhepi dhe deputeti Ardian Gola”, ka njoftuar SBASHK.