Gjini i vendos kusht Kurtit: Pranoni gjashtë pikat ose s’ka takim

Për hir të transparencës ndaj qytetarëve, po e ndaj me ju përgjigjen zyrtare të Aleancës që sapo i është nisur Kryetarit të Lëvizjes Vetëvendosje, z. Albin Kurti.

Qëndrimi ynë mbetet ai i datës 26 qershor, i qartë, parimor dhe tërësisht publik, ka bërë të ditur kryetari, Ardian Gjini.

Ftesa e Kurtit, vjen përgjigjja e Bedri Hamzës

Kryetari i Partisë Demokratike të Kosovës, Bedri Hamza, ka pranuar ftesën e kryeministrit në detyrë, Albin Kurti.

Pas përfundimit të mbledhjes së kryesisë, Hamza ka deklaruar se ka pranuar ftesën e Kurtit për takim.

Ai ka bërë të ditur se takimi do të mbahet nesër me fillim nga ora 09:00.

Taulant Balla sulmon Egzon Azemin: Është mik i Besnik Mujecit, e arrestuam me 11 mijë doza ďrogë

Kreu i grupit parlamentar të Partisë Socialiste të Shqipërisë, Taulant Balla ka komentuar pjesëmarrjen e zyrtarit të Lëvizjes Vetëvendosje në Kosovë, ish-deputetit Egzon Azemi në protestën kundër qeverisë në Tiranë

Balla publikoi një video në Facebook, duke thënë se Azemi është edhe mik i Besnik Mujecit, aktivstit të LVV-së i cili ishte arrestuar në Shqipëri për shitje droge.

“Transparenca e Protestës identifikojmë sorra Kur unë flas për sorra inkubatorësh të urrejtjes nga Prishtina dhe Tetova, të cilët maskohen si shqiponja diaspore e kam fjalen për tipa si këta në video që sigurisht nuk kanë si të jenë pro qeverisë së Tiranës. Normal janë kundër Edi Ramës. Edhe kundër meje, pse jo. Sepse i kemi arrestuar me 11 mijë doza drogë”, shkroi Balla në postim.

Azemi para disa ditësh publikoi një video nga protesta në Tiranë.

“Sheshit të Shqipërisë së Re nuk i shihej as fillimi, as fundi. Nuk mund të mos i bashkohesha një thirrjeje kaq të sinqertë e energjike, që prej 35 ditësh me radhë po ushton kaq pastër e kaq fort! Shqipëria është atdheu i secilit shqiptar dhe kur tentohet të falet e të shitet, nuk do të heshtim kurrë”, kishte shkruar ai në një postim në Facebook.