Kryetari i ”Dardanëve” reagon pas përjashtimit të Zhegrov, Muricit e Muslijas

Kryetari i tifogrupit ”Dardanët”, Lulzim Berisha ka reaguar pas përjashtimit të Edon Zhegrovës, Arianet Muric dhe Florent Muslija.

Ai përmes një njoftimi në facebook ka shkruar: ”Kosova është më e madhe sesa të gjithë ne”, përcjell IndeksOnline.

Zhegrova, Muric e Muslija janë përjashtuar nga selektori Franco Foda me vëndim të përbashkët me Federatën e Futbollit të Kosovës.

Ky vendim ka ardhur për shkak të thyerjes së rregullores së ekipit kombëtar të vendosur nga përzgjedhësi dhe Federata.

Për masat e mëtejme ndaj futbollistëve në fjalë, do të vendoset nga Komiteti Ekzekutiv i FFK-së.

Detaje të reja, ja pse u përjashtuan tre yjet e kombëtares së Kosovës

Selektori i Kosovës, Franco Foda me vendim të përbashkët me Federatën e Futbollit të Kosovës, ka përjashtuar nga grumbullimi Arjanet Muric, Edon Zhegrova dhe Florent Muslija.

Ky vendim ka ardhur për shkak të thyerjes së rregullores së ekipit kombëtar të vendosur nga përzgjedhësi dhe Federata.

Burime të IndeksOnline bëjnë të ditur se këta tre futbollistë janë përjashtuar pasi mbrëmë janë kthyer në hotel pas orës 2 të mesnatës.

Po ashtu dyshohet se portieri Aro Muric ka tentuar të fuste femra në hotel para ndeshjes me Rumaninë, gjë që nuk u lejua nga sigurimi.

Për masat e mëtejme ndaj futbollistëve në fjalë, do të vendoset nga Komiteti Ekzekutiv i FFK-së.

FFK përjashton tre nga lojtarët kryesor nga grumbullimi

Me vendim të përbashkët të përzgjedhësit Franco Foda dhe Federatës, tre futbollistët: Arjanet Muric, Edon Zhegrova dhe Florent Muslija janë larguar nga grumbullimi i ekipit kombëtar.

Një gjë të tillë e ka njoftuar Federata e Futbollit të Kosovës, për shkak të thyerjes së rregullores së ekipit kombëtar të vendosur nga përzgjedhësi dhe Federata.

“Me vendim të përbashkët të përzgjedhësit Franco Foda dhe Federatës, tre futbollistët: Arjanet Muric, Edon Zhegrova dhe Florent Muslija janë larguar nga grumbullimi i ekipit kombëtar, për shkak të thyerjes së rregullores së ekipit kombëtar të vendosur nga përzgjedhësi dhe Federata. Për masat e mëtejme ndaj futbollistëve në fjalë, do të vendoset nga Komiteti Ekzekutiv i FFK-së. Ndërkohë, ekipit do t’ i bashkohet, portieri që ka qenë në listen e pritjes, Faton Maloku nga FC Drita”, thuhet në njoftim.

E njohu në serial, Feridja na prezanton burrin e saj, duket shumë më i moshuar

Şeyma Korkmaz, është aktore turke e cila është bërë pjesë e shumë serave të njohura.

Por, për publikun shqiptar ajo është bërë e njohur me rolin e Ferides në serialin, duke qenë se ka interpretuar njërin nga personazhet kryesore, Feridija arriti një sukses të jashtëzakonshëm në çdo vend ku seriali është transmetuar.

Përveç se është e suksesshme në jetën profesionale, Feridja është e lumtur edhe në jetën private.

Në fakt në xhirimet e serialit Me Fal ajo gjeti dashurinë e jetës.

Ajo është e martuar me aktorin, Cüneyt Mete.

Ajo çka bie në sy është se ai duket shumë më i vjetër se aktorja, e cila duket shumë e re në moshë krahasuar me të.

Shikoni foton më poshtë:

Diola feston ditëlindjen sot, ky është urimi romantik që i bëri Erolldi

Sot është dita e Diola Dostit, pasi feston ditëlindjen.

Prej disa ditësh ajo ndodhet në një udhëtim në SHBA, bashkë me partnerin e saj, Erolld Begollin. Dyshja kanë vizituar vendet më të bukura dhe pamjet i kanë ndarë në rrjetet sociale.

Për ditëlindjen e Diolës, Erolldi ka treguar sa romantik është dhe sa i dashuruar është me partneren përmes këtij mesazhi:

“Gezuar ditëlindjen, shpirt i bukur! Çdo moment
me ty eshte nje dhurate e çmuar, dhe ne kete dite te veçante, dua që te ndihesh e rrethuar me gjithë dashurine dhe lumturinë që e meriton. Ti je arsyeja e buzëqeshjes dhe qetesis sime çdo dite. Te dua dhe faleminderit”– shkruan Begolli krahas fotove të tyre.

Kujtojmë se lidhja e tyre u komentua shumë në media dhe në rrjetet sociale për shkak të diferencës së moshës. Po mesa duket të gjitha u lanë pas dhe dyshja treguan se dashuria triumfon mbi gjithçka!

Aktivisti godet Kurtin: “Shyqyr që është Hashim Thaçi gjallë, se përmendore i kishin vendosë për vota”

Aktivisti i shoqërisë civile në Podujevë, Shemsi Jashari, ka thumbuar partinë në pushtet, Lëvizjen Vetëvendosje, pas përurimit të shtatores së ish-presidentit Ibrahim Rugova në këtë komunë.

Jashari, me anë të një postimi në ‘Facebook’ ka thënë se VV’ja do ta shfrytëzonte politikisht edhe ish-presidentin Hashim Thaçi po të mos ishte gjallë.

“Rugovizmi i Vetëvendosjës. Shyqyr që është Hashim Thaçi gjallë se, edhe përmendoren e tij e kishin vendosë veç me fitu naj votë”, ka shkruar ai.

Lidhur me përurimin e shtatores së Ibrahim Rugovës ka pasur një sërë reagimesh ndaj partisë në pushtet

Policja që u bë virale para pak muajsh bëhet kampione e Kosovës në “bodybuilding”

Zyrtarja policore Besjana Jashari është shpallur kampione e Kosovës në bodybuilding.

Siç njofton Federata e Body-Building & Fitness e Kosovës, Besiana Jashari arriti ta zë vendin e parë në kategorinë “Women Wellnes Fitness”.

Këtë e njoftoi edhe vetë zyrtarja policore me anë të një postimi në ‘Facebook’.

Besjana Jashari u bë e famshme në rrjete sociale pas një fotografie të përbashkët me motrën e saj, Genta Jasharin, në uniformë policore.

Komuna e Prishtinës ndihmon qytetarët me sëmundje kronike dhe kancer me nga 250 euro në muaj

350 mijë euro është shuma e ndarë nga Komuna e Prishtinës për personat që vuajnë nga kanceri dhe sëmundjet tjera të rënda kronike. Kështu ka bërë të ditur Drejtori i Shëndetësisë, Izet Sadiku.

Sadiku ka thënë se ky vendim është marrë për t’u dalë sado pak në ndihmë qytetarëve të Prishtinës që vuajnë nga këto sëmundje të rënda.

Ai ka thënë se shuma që mund të përfitojë një qytetar është 250 euro në muaj, ndërsa e ka konsideruar të pamjaftueshëm buxhetin e ndarë.

“Ne e kemi ndarë një shumë ka qenë e rritur, 350 mijë sivjet shuma. Ne jemi munduar që me i përkrah sado pak personat që kanë sëmundje malinje dhe sëmundje të rënda kronike me komplikime dhe realisht është treguar që nevojat janë shumë të mëdha dhe ne prioritet u kemi dhënë personave me kancere të ndryshme, veçanërisht atyre me kancer të gjirit por edhe kancereve tjera dhe pastaj edhe sëmundje të rënda me komplikime të cilat i kanë pasur qytetarët”, ka thënë Sadiku, i cili ka konsideruar se ky buxhet është i pamjaftueshëm.

Tutje, Sadiku ka thënë që aplikimi ka filluar që nga janari i këtij viti.

“Është një grup punues që ne e kemi dhe në mënyrë të vazhdueshme po shqyrton kërkesat për ta shpenzuar këtë buxhet i cili është ndarë për qytetarët e Prishtinës. Jam i sigurt që është i pamjaftueshëm, por duke pasur parasysh fatkeqësisht që numri i qytetarëve që kanë nevojë për përkrahje financiare është i madh. Në janar ka filluar aplikimi dhe që shtatë muaj është komisioni që vazhdimisht ndanë grupet”, u shpreh Sadiku.

EO ka kontaktuar me Grupin Punues për të pyetur se sa është numri i aplikimeve dhe përfituesëve, por nuk ka marrë përgjigje.

Arrestohen dy serb në veri

Dy shtetas të Serbisë janë ndaluar pasi kanë hyrë nëpër rrugë ilegale nga Serbia në Kosovë.

Pas intervistimit, rasti procedohet në procedurë të rregullt.

“KALIM I PAAUTORIZUAR I KUFIRIT- Zernosek, Leposaviq  07.09.2024, 22:45. Njësiti policor ka ndaluar një automjet me targa të Serbisë në të cilën gjendeshin dy të dyshuar meshkuj serb shtetas të Serbisë të cilët kanë hyrë nëpër rrugë ilegale nga territori i Serbisë në Republikën e Kosovës. Pas intervistimit me vendim të prokurorit rasti procedohet në procedurë të rregullt.”

Kosova rrezikon të mbetet jashtë Procesit të Berlinit, shkak masa e sigurisë me Serbinë

Kosova mund të mbetet jashtë procesit të Berlinit nëse nuk reflekton në kërkesën që Manuel Sarrazin i’a bëri për përfaqësimin e saj në CEFTA.

Një mundësi të tillë e përmendi edhe vet emisari gjerman, i cili po kërkon heqjen e ndalesës së importit të mallrave serbe, si masë e sigurisë.

Brenda më pak se 10 ditësh, përfaqësuesi i Gjermanisë për Ballkanin Perëndimor Manuel Sarrazin vizitoi dy herë Kosovën.

Herën e dytë foli në publik për vendimmarrjen në CEFTA, që është bllokuar për shkak të mospajtimeve të Kosovës në lidhje me përfaqësimin e saj në këtë mekanizëm.

Ani pse duket që Kosova arriti një marrëveshje me Sarrazin në lidhje me këtë aspekt, kushti i Serbisë ndaj Kosovës për heqjen e ndalimit të importit të mallrave serbe, bllokoi prapë këtë marrëveshje.

Kështu, kishte thënë amabasadori gjerman në Kosovë Jorn Rohde që me anë të një postimi në platformën X tha se ka tërhequr vërejtjen se nëse është e nevojshme do të vazhdohet pa Kosovën në këtë proces.

Jeton Zulfaj, këshilltari i kryeministrit të Kosovës, Albin Kurti, ka thënë se në samitin që do të mbahet me 14 tetor, është e rëndësishme të ketë rezultate konkrete drejt synimeve të Procesit të Berlinit.

Duke folur për kritikat e emisarit special gjerman ndaj Kosovës në lidhje me CEFTA-n, Zulfaj thotë se Kosova është treguar konstruktive në këtë proces duke kontribuar për një zgjidhje kompromisi.

“Procesi i Berlinit nuk ka një listë të gjërave që janë vetëm në proces, por merr nga iniciativat e ndryshme, duke përfshirë edhe ato që janë në kuadër të tregut të përbashkët rajonal, por ndonjëherë kontribuon edhe në zgjidhjet e çështjeve bilaterale… Besoj se në këtë drejtim është deklarata e Sarrazin që lidhet me vendimet që udhët t’i marrin në CEFTA, ku shumica e tregut të përbashkët rajonal varet nga mënyra sesi funksionon CEFTA… Ka të bëjë me vendime që janë në CEFTA dhe janë një listë që po presin vendimmarrje”, tha ai.

Për të koordinuar agjendën e samitit në tetor, emisari gjerman Sarrazin ka qëndruar javën e kaluar dhe këtë javë në vendet e rajonit dhe në Kosovë.