E tmerrshme: Dy qytetarë sulmohen nga qentë endacakë në oborrin e QKUK-së në Prishtinë

Dy persona janë sulmuar nga qentë endacakë në Qendrën Klinike Universitare të Kosovës (QKUK) të martën.

Gazetari Bujar Vitija përmes një shkrimi në Facebook tha se rastet kanë ndodhur në afërsi të Klinikës së Ortopedisë, ku një qytetar u sulmua paradite, ndërsa një teknike e Klinikës së Radiologjisë pasdite.

Sipas tij, të dy personat pësuan lëndime si pasojë e tentativave për t’iu ikur sulmeve të qenve.

“Të dy me lëndime nga kafshimet e qenve dhe nga përpjekja për të ikur”, shkruan ai.

Ai ka bërë thirrje për veprime të menjëhershme nga autoritetet lokale dhe qendrore për të zgjidhur problemin e qenve endacakë, duke paralajmëruar për rrezikun që mund të sjellë një neglizhencë e mëtejshme.

“Komuna e Prishtinës, por edhe niveli qendror, duhet të marrin masa sa më parë që të mos ketë pasoja më të rënda”.

Lulzim Peci: E turpshme që Policia arrestoi politikanin serb vetëm pse fikshëlleu

Drejtori i KIPRED, Lulzim Peci, ka thënë se arrestimi i sotëm i aktivistit serb Aleksander Arsnijevic për shkak të fishkëllimës është një akt i turpshëm i Policisë së Kosovës.

Peci ka thënë se me këtë veprim, Policia e Kosovës e ka zhbërë rrëfimin për rend dhe ligj në atë pjesë, gjë për të cilën Peci thotë se propagandon Qeveria e Kosovës. Pastaj, ejani dhe bindeni dikë që institucionet e tona i respektojnë të drejtat e njeriut dhe që i respektojnë te drejtat e komuniteteve jo-shumicë”, ka shkruar ai.

Ai në reagim ka thënë se me këtë qasje të institucioneve të Kosovës ndaj serbëve lokalë, do të kërkohet Asociacioni por s’do të mund të gjendet.

Reagimi i plotë:

Me arrestimin e politikanit Arsenijevic per shkak te fishkellimes gjate vizites se Kryeministrit Kurti ne Mitrovice eshte nje akt i turpshem i Policise se Kosoves.

Me kete akt jo vetem qe Policia e ka privuar nga liria nje qytetar qe ka protestuar ne menyre joviolente, por me kete e ka be edhe zhberjen e narrativit te rendit e ligjit te cilen me aq ze te larte e propagon Qeveria e Kosoves.

Pastaj, ejani dhe bindeni dike qe institucionet e tona i respektojne te drejtat e njeriut dhe qe i respektojne te drejtat e komuniteteve jo-shumice.

Me kete qasje irracionale dhe anti- kushtetuese, keni me e kerkuar Asociacionin, por nuk keni me e gjete!

Shoqerise civile dhe partive opozitare nuk ju bene nder heshtja kur shkelen te drejtat e njeriut, e aq me teper kur kjo ju behet pjestareve te komuniteteve joshumice. Heshtja nuk eshte asgje me shume e as me pak se sa pranim i akteve te tilla, dhe bashkepjesemarrje ne rrenimin e liberal demokracise ne vendin tone!

Arrestimi i politikanit serb në veri, deputeti i PDK-së del kundër: Policia të turpërohet…

Deputeti nga Partia Demokratike e Kosovës, Rashit Qalaj, ka dënuar aktin e arrestimit të politikanit serb në veri, Aleksandar Arsenijeviq, duke thënë se kjo përbën kufizim të të drejtave të njeriut.

Qalaj në “RTK Prime” ka thënë se duhet të sigurohemi që ligji të zbatohet në mënyrë të barabartë për të gjithë.

“Sot është vërejtur që situata nuk është normale. Më brengosi arrestimi i një politikani të ri atje, i cili i ka fishkëllyer prezencës së kryeministrit atje. Kur flasim për rend e ligj duhet të sigurohemi që rendin e ligjin ta zbatojnë edhe pushteti, institucionet, qytetarët”, ka thënë ai.

Ai ka thënë se me veprime të tilla nuk mund të shtrihet sovraniteti në veri të vendit.

“Policia e Kosovës duhet të turpërohet nga veprimi, nëse arrestimi është për fishkëllima, ngase ka të drejtë çdokush në këtë vend të shpreh përkrahjen ose kundërshtimin për çka do”, ka deklaruar deputeti i PDK-së.

Vdes kirurgu i njohur

Shërbimi Spitalor dhe Klinik Universitar i Kosovës, njofton për ndarjen nga jeta të Prof. Dr. Dalip Limani.

ShSKUK shkruan se dr.Limani ishte një nga figurat më të respektuara në fushën e mjekësisë dhe kirurgjisë në Kosovë.

“Gjatë karrierës së tij të shquar, ai la gjurmë të pashlyeshme në mjekësinë shqiptare dhe ndërkombëtare, duke kontribuar jo vetëm me aftësitë e tij të jashtëzakonshme si kirurg, por edhe me përkushtimin e tij për edukimin dhe udhëheqjen e gjeneratave të reja”, thuhet në njoftim.

Teuta Selimi bën ndryshimin e madh në pamje, ja si duket

Teuta Selimi, këngëtarja e dashur për publikun shqiptar, është rikthyer fuqishëm në vëmendjen e fansave me ndryshimet e saj të fundit në pamje.

E njohur për zërin e saj të ëmbël dhe për hitet që kanë lënë gjurmë në skenën muzikore shqiptare, Teuta është gjithashtu e admiruar për stilin dhe elegancën që sjell në çdo paraqitje të saj publike.

Në fotot e fundit të ndara në rrjetet sociale, Teuta shfaqet me një pamje krejtësisht të re dhe të freskët.

Këngëtarja, e cila ka qenë gjithmonë e njohur për bukurinë natyrale, këtë herë ka vendosur të bëjë një ndryshim të guximshëm, duke u shndërruar në bionde.

Ndjekësit e saj nuk kanë vonuar të vërejnë këtë transformim, duke e komentuar dhe përgëzuar për paraqitjen e saj mahnitëse.

Në fotot ku ajo shfaqet e veshur tërësisht në të bardha, Teuta rrezaton me një hijeshi të veçantë. Fustani i bardhë, që thekson elegancën dhe hijeshinë e saj, është kombinuar në mënyrë perfekte me flokët bionde, duke krijuar një pamje të sofistikuar dhe moderne. Kjo paraqitje e re ka ngjallur shumë komente pozitive nga fansat e saj, të cilët e kanë përgëzuar për guximin dhe stilin e saj të veçantë.

Shiko foton:

Përjashtimi nga kombëtarja e Kosovës, Muslija thyen heshtjen

Florent Muslija ka pranuar se ka shkelur rregullat e përfaqësueses së Kosovës në futboll.

Muslija është njëri prej tre lojtarëve që të dielën u larguan nga grumbullimi i përfaqësueses së Kosovës. Franco Foda për ndeshjen e së hënës ndaj Qipros nuk llogariti as në Edon Zhegrovën e Aro Muriqin.

Muslija nuk luajti as ndaj Rumanisë dhe tani ka pranuar gabimin e bërë gjatë grumbullimit.

“Kam bërë një gabim për të cilin, natyrisht marr përgjegjësinë. Dy ditë para ndeshjes me Qipron, kam lënë hotelin e ekipit pa leje. Megjithatë, nuk kam dalë për të festuar deri vonë në klub – por për të shkuar për darkë. Thjesht me dalë jashtë pak”.

“Padyshim nuk ishte ideja më e mirë dhe më e zgjuar e jetës sime. Sepse sporti i skuadrës funksionon vetëm kur të gjithë ndjekin rregullat e përbashkëta. Nuk e kam bërë këtë dhe për këtë kam kërkuar falje, te trajneri dhe sigurisht edhe te bashkëlojtarët e mi. Diçka e tillë nuk duhej të ndodhte. Dhe diçka e tillë nuk do të ndodhë më”, ka shkruar lojtari ofanziv.

Haradinaj: Veprimet e Kurtit në veri, po ia sjellin Kosovës dy gjëra të dëmshme

Anëtari i Kryesisë së Aleancës për Ardhmërinë e Kosovës, Daut Haradinaj, ka thënë se kryeministri Albin Kurti po “e mbanë gjallë lanin patriotik” për të fituar vota, përmes ndërhyrjeve policore në veri të vendit.

Sipas tij, këto veprime të Qeverisë së Kurti janë duke ia sjell Kosovës dy gjëra të dëmshme për të ardhmen e saj.

Ai ka theksuar se ndërhyrjet policore mund t’i japin Serbisë argumente shtesë për të kërkuar një Asociacion të Komunave me Shumicë Serbe me më shumë kompetenca ose një formë të autonomisë së zgjeruar, duke krijuar një opinion ndërkombëtar që paraqet Kosovën si një vend që mbështetet vetëm në forcat e sigurisë për të menaxhuar situatën në veri.

“E vetmja rrugë për më e mbajt gjallë atë lanin patriotik janë ndërhyrjet policore në pjesën veriore. E që prapë e përsëri që jemi pro zbatimit të ligjit, institucionet e sigurisë duhet me krye detyrën e vetit por jo me bë politike skajshëm me pjesën e veriut. Unë mendoj që janë dy gjëra që kanë me i ndodhë Kosovës; e para jemi duke i dhënë argumente shtesë Serbisë që me kriju opinion ndërkombëtarë për një Asociacion plus ose autonomi plus sepse po i thonë botës që këta vetëm me autoblinda e kallashnikovë se sa mënyrë tjetër të jetës. Dhe e dyta po e izolojmë vetën dhe po e bëjmë partner jo serioz në atë rrugën e famshme euroatlantike. Të dyja këto janë të dëmshme për Kosovën”, ka thënë Haradinaj ne Debat plus.

Bajrami: Hekuran tregoji Albinit ku i ke marrë paratë për shtesa, se s’po merr vesh në ekonomi

Deputetja nga radhët e LDK-së, Hykmete Bajrami, i ka reaguar ministrit të Financave, Hekuran Murati, i cili më herët listoi rritjen e shtesave për nënat dhe fëmijët.

“Gjithmonë ka shpresë”, Osmani i fton deputetët që ta trajtojnë Projektligjin për Parandalim të Vetëvrasjes

Shqipëria publikon formacionin kundër Gjeorgjisë

Kombëtarja e Shqipërisë me fillim nga ora 20:45 në “Air Albania” do të përballet kundër Gjeorgjisë, në ndeshjen e dytë të UEFA Nations League.