Nis verifikimi nëse ka fëmijë që nuk jetojnë në Kosovë e i marrin shtesat

Proces verifikues për prindër që përfitojnë nga shtesa për fëmijë, ka nisur Ministria e Financave. Në njoftimin nga ky institucion thuhet se ky verifikim shtesë kërkohet për të vërtetuar që përfituesit jetojnë në Kosovë. Përgjegjësia për administrimin e dokumenteve të nevojshme u është bartur Qendrave për Punë Sociale. E në këto institucione ankohen se nuk kanë mjaftueshëm staf për këto përgjegjësi.

Ministria e Financave, Punës dhe Transfereve ka nisur një proces verifikues për disa nga përfituesit e shtesave për fëmijë.

Në emailin që Ministria ua ka dërguar disa prindërve thuhet se përkohësisht pezullohet pagesa e shtesave për fëmijë, deri kur në Qendrën për Punë Sociale (QPS) të komunës ku jetojnë të dërgojnë dokumente për verifikim.

Ministria ka kërkuar nga përfituesit që në QPS të dërgojnë këto dokumente: kopjen e letërnjoftimit, një faturë të shërbimeve publike, si dhe për fëmijët nga mosha 0-6 vjeç librezën e vaksinimit, e për ata mbi 6 vjet vërtetimin nga shkolla.

“Programi i spër fëmijë është i dedikuar për të gjithë fëmijët që janë shtetas të Republikës së Kosovës dhe jetojnë në Kosovë. Bazuar në të dhënat që posedon sistemi ynë, rezulton se llogaria juaj ka nevojë për verifikim shtesë, për të siguruar që ju dhe fëmijët jetoni në Kosovë”, thuhet në e-mailin e Ministrisë.

Ministria e drejtuar nga Hekuran Murati nuk u është përgjigjur pyetjeve të KOHËS se sa prindërve iu ka shkuar ky email, për cilat arsye dhe a ka dyshime që këto beneficione po keqpërdoren edhe nga persona që e kanë nënshtetësinë, por që nuk jetojnë në Kosovë.

Përgjegjësia për t’i pranuar këto dokumentacione u është bartur Qendrave për Punë Sociale, gjë që ka hutuar edhe udhëheqësit e këtyre institucioneve por edhe qytetarët.

Abaz Xhigoli, drejtor i QPS-së në Fushë-Kosovë, ka thënë se si qendër përballen me volum të lartë të punës dhe me staf të pamjaftueshëm.

Xhigoli tha se disa prindër nuk po mund ta kalojnë procesin e verifikimit.

“Kemi situata kur ka familjarë të cilët nuk kanë arritur t’i regjistrojnë fëmijët që kanë sëmundje të natyrave të ndryshme, sepse shkollat nuk e kanë pranuar një fëmijë 6-vjeçar, edhe për këtë duhet një shkresë, sepse atij nuk iu ka mundësuar ta vazhdojë mësimin”, theksoi Xhigoli.

E një prind që të mërkurën u paraqit në njërën nga qendrat për punë sociale në kryeqytet, në kushte anonimiteti, u ankua për procedurën të cilën tha se do të mund ta kryenin në mënyrë elektronike.

“Stafi nuk ishin të njoftuar me këtë proces dhe si rezultat kanë kërkuar që të gjithë prindërit prezentë të kthehen mbrapa dhe të paraqiten në QPS javën e ardhshme, me shpresën që deri atëherë sqarohen me MFPT-në”, ka thënë ai.

E profesori i ekonomisë, Artan Nimani, tha se nga pakujdesia institucionale po keqpërdoret paraja publike edhe përmes skemave të tjera.

“Edhe për libra, kam mjaft informacione që qytetarë kanë aplikuar, i kanë marrë mjetet, por nuk janë shfrytëzuar për qëllimin që janë ndarë. Sepse ka raste kur sistemi ka lejuar mundësinë që të përfitojnë edhe prindër që nuk i kanë fare fëmijët e regjistruar në sistemin arsimor në Kosovë”, ka thënë Nimani.
Qeveria e Kosovës ndan 20 euro në muaj për fëmijë deri në 16 vjet.

Në rast se prindi ka 3 fëmijë e më shumë, atëherë pagesa për secilin është nga 30 euro në muaj.

Sipas Ministrisë së Financave nga kjo skemë përfitojnë 400 mijë fëmijë.

Bëhen virale – Këto janë batutat dhe fyerjet në debatin Trump-Harris

Për 90 minuta zv.Presidentja Kamala Harris dhe ish-Presidenti Donald Trump janë përballur në debatin e parë që mund të jetë edhe i fundit para garës së 4 nëntorit për Shtëpinë e Bardhë.

Top Channel sjell një përmbledhje të debatit, batutave, akuzave dhe fyerjeve që dy kandidatët lëshuan në drejtim të njeri tjetrit të martën në mbrëmje.

Fansja tejkalon rojet e sigurimit për ta takuar Angelina Jolien, reagimi i aktores bëhet viral

Ylli i kinematografisë Angelina Jolie, është përballur me një turmë fansash tejet entuziastë, të cilët kaluan edhe përtej sigurimit për të takuar aktoren e famshme.

Jolie ndaloi në Festivalin Ndërkombëtar të Filmit në Toronto të dielën mbrëma, ku prezantoi filmin e saj të ri, “Without Blood”, në të cilin është regjisore.

Por, mbrëmja saj pothuajse u ndërpre kur një turmë fansash që kërkonin autografe e rrethuan në këtë ngjarje të industrisë kinematografike.

Në videon e publikuar nga TMZ, shihet një fanse që e teproi duke tejkaluar sigurimin dhe e përqafoi aktoren e famshme.

Por, pavarësisht kësaj Angelina mbeti e qetë gjatë gjithë situatës dhe madje inkurajoi sigurimin e saj që të jenë “të sjellshëm” kur ata tentuan t’i largojnë fansat.

Kuvendi i Malit të Zi, institucionet e Kosovës i quan “të përkohshme”

Kryetari i Kuvendit të Malit të Zi, Andrija Mandiq ka pritur në një takim gjatë ditës së sotme ambasadorin e Serbisë në Podgoricë, Nebojsha Rodiq, ku si temë diskutimi kanë pasur edhe Kosovën.

E në njoftimin zyrtar për këtë takim, të publikuar në ueb-faqen e parlamentit malazez, institucionet e Republikës së Kosovës janë cilësuar si “institucione të përkohshme”.

Kjo, edhe përkundër faktit se Mali i Zi e ka njohur Kosovën si shtet të pavarur më 9 tetor, 2008.

Në komunikatë është përfolur biseda mes dyshes në takim, pa asnjë citat, dhe Kosovës i është referuar me terminologjinë që e përdor shteti serb, i cili nuk pranon të njohë mëvetësinë e Kosovës.

“Ambasadori posaçërisht theksoi se qëllimi i vetëm që ka kreu i institucioneve të përkohshme në Kosovë, z. Albin Kurti, është t’ua pamundësojë jetën serbëve në Kosovë, jo vetëm në komunat në veri, por në të gjithë territorin”, thuhet ndër të tjera në këtë komunikatë.

E sjellim të plotë komunikatën e Parlamentit të Malit të Zi për takimin Mandiq-Rodiq:

Kryetari i Kuvendit bisedoi me ambasadorin e Serbisë 

Presidenti Mandiq, para së gjithash, mikut të shtrenjtë të vendit tonë, ambasadorit Rodiq, i dëshiroi mirëseardhje në Kuvendin e Malit të Zi, duke shprehur i kënaqur për takimin mes tyre.

Ambasadori, në kontekstin e raporteve më të mira mes Serbisë dhe Malit të Zi, dhe në pajtim me politikën zyrtare të Jashtme të Republikës së Serbisë, e cila dëshiron të njohë vendet mike, mes të cilave është edhe Malin e Zi, por edhe ato që mendojnë ndryshe, sot kryetarin e njoftoi për, siç tha, sjelljen diskriminuese të një politike të pakuptimtë e cila po zhvillohet ndaj serbëve në veri të Kosovës, duke paralajmëruar se BE-ja nën patronazh të çuditshëm lejon që kjo të ndodhë.

Ambasadori posaçërisht theksoi se qëllimi i vetëm që ka kreu i institucioneve të përkohshme në Kosovë, z. Albin Kurti, është t’ua pamundësojë jetën serbëve në Kosovë, jo vetëm në komunat në veri, por në të gjithë territorin.

Me këtë rast, Rodiq ka dashur të njoftojë dhe njohë kryetarin e Kuvendit, si person i parë i institucionit më të rëndësishëm në Mal të Zi, me qëndrimin zyrtar të Republikës së Serbisë, i cili pasqyrohet në disa pika për zgjidhjen e problemit ekzistues jashtëzakonisht të rëndësishëm të krizës së rëndë në Kosovë, ndër të cilat janë:

– Që zgjedhjet e lira të organizohen sa më shpejt në komunat në veri të Kosovës, ku pushtetin tash e ushtrojnë individë që nuk kanë bazë në vullnetin e qytetarëve të atyre komunave.

– Kthimi urgjent i 700 policëve të nacionalitetit serb në shërbim të institucioneve të përkohshme që duhet të rikthejnë sigurinë dhe paqen në komunat në veri, sepse atje këto ditë po kërcënohen të drejtat elementare të njeriut.

– Zgjidhja e problemit që u ngrit në fushën e drejtësisë, sepse që nga ardhja e kreut të institucioneve të përkohshme në Kosovë, z. Albin Kurti në pushtet, nuk flet më për rikthimin e gjyqtarëve dhe prokurorëve në sistemin gjyqësor, i cili u nënshkrua nga Marrëveshja e Brukselit

– Formimi i Asociacionit të Komunave Serbe,

– Lirimi i të gjithë personave të burgosur për arsye politike, duke vënë në dukje se këta persona fillimisht ndalohen dhe vetëm më pas akuzohen për krimin që dyshohet se kanë kryer.

– Gjetja e zgjidhjes së bllokadës së importit të produkteve nga Republika e Serbisë në territorin e Kosovës, sepse tashmë janë bërë 14 muaj nga fillimi i asaj ndalese, ndërsa BE-ja, e cila qëndron për qarkullimin e lirë të njerëzve, informatave dhe mallrave, nuk ka bërë asgjë për të zgjidhur këtë problem

Presidenti Mandiq ka falënderuar ambasadorin Rodiq për informacionin që ka dhënë, duke theksuar se në këtë moment gjëja më e rëndësishme është ruajtja e paqes dhe stabilitetit në rajon. Ai shtoi se shpreson se do të gjendet një zgjidhje paqësore që do t’u mundësojë serbëve dhe të gjithë popujve të tjerë të jetojnë të qetë në vatrat e tyre shekullore.

Në fundjavë parashihet të bie borë në Kosovë

Pas reshjeve intensive që sollën sadopak lehtësim nga thatësira ekstreme dhe temperaturat e larta, të enjten do të kemi përkohësisht përmirësim të motit dhe ngritje të ndjeshme të temperaturave. Pra, presim mot kryesisht me diell dhe temperaturat maksimale në rang vendi pritet të arrijnë deri në 29°C.

Për dallim nga ne, tashmë Evropa Perëndimore është pushtuar nga masat e ftohta polare.

Në ndërkohë, në Evropën Qëndrore dhe në Ballkanin Perëndimor, përfshirë Shqipërinë e Mal të Zi, do të fillojë gradualisht përkeqësimi i motit, kjo si pasojë e depërtimit të qendrave me presion të ulët që vijnë paraprakisht nga masat e ftohta polare nga veriperëndimi i kontinentit.

Kështu, duke sjellur intensifikim të reshjeve e shkarkesa të forta rrufesh, përderisa në Shqipëri e Mal të Zi, do të fillojnë kryesisht orëve të pasditës dhe mbrëmjes, ndonëse jo aq të shtrira.

Nga dita e premte, zonat me presion të ulët apo cikloni do të lëvizë mbi rajon, duke sjellur rrebeshe lokale shiu e shkarkesa rrufesh edhe në Kosovë, e njëkohësisht edhe temperaturat do të pësojnë ulje. Në Shqipëri e Mal të Zi do të vazhdojnë kohë pas kohe reshjet intensive e shkarkesat e forta elektrike.

Në fundjavë, masat e ftohta polare do të shtrihen përfundimisht mbi rajonin tonë, duke sjellur ulje drastike të temperaturave. Nën këto kushte, parashihet të ketë reshje lokale shiu, e në zonat e larta malore, konkretisht në perëndim të vendit, mund të paraqiten edhe fjollat e para të borës. Temperaturat maksimale në Kosovë pritet të lëvizin prej 9 deri në 15°C. /MeteoKosova/

Ramadani pyet: Si është e mundur që vila e Radojçiçit të ndërtohet në vitin 2021, kur ai s’kishte të drejtë të hynte legalisht në Kosovë

Ramadani ka thënë që nga viti 2018 Milan Radojçiq nuk ka hyrë legalisht në Kosovë, pasi ka pasur fletarrest.

Ai tha se i është tërhequr fletarresti në shkurt 2019 por i është rikthyer në maj të atij viti.

Në këtë mënyrë, Ramadani pyeti sesi është e mundur që vila e Radojçiqit të ndërtohet në vitin 2021 e 2022, duke iu referuar aktakuzës së Prokurorisë.

“Radojçiqi prej nëntori vitit 2018 nuk ka hy në Kosovë në mënyrë legale, më 23 nëntor vitit 2018 banesa në veri e Radojçiqit është bastisur prej Policisë Speciale të Kosovës, atëherë ju ka ngritur aktakuza. Në shkurt 2019 i është tërhequr fltetarresti, në maj 2019 i është kthyer fletarresti e kurrë më s’ju ka tërheq. Prej nëntorit 2018 ky terrorist nuk ka hyrë legalisht në Kosovë”, ka thënë ai.

“Por, si është e mundur që vila në pronën e Ministrisë së Bujqësisë është ndërtu në vitin 2021 e 2022, sepse kështu po e thotë dokumenti i Prokurorisë”, ka pyetur Ramadani në Pressing.

Parashikimi i motit- Në fundjavë goditja polare sjellë borë në këto zona

Pas reshjeve intensive që sollën sadopak lehtësim nga thatësira ekstreme dhe temperaturat e larta, të enjten do të kemi përkohësisht përmirësim të motit dhe ngritje të ndjeshme të temperaturave. Pra, presim mot kryesisht me diell dhe temperaturat maksimale në rang vendi pritet të arrijnë deri në 29°C.

Për dallim nga ne, tashmë Evropa Perëndimore është pushtuar nga masat e ftohta polare.

Në ndërkohë, në Evropën Qëndrore dhe në Ballkanin Perëndimor, përfshirë Shqipërinë e Mal të Zi, do të fillojë gradualisht përkeqësimi i motit, kjo si pasojë e depërtimit të qendrave me presion të ulët që vijnë paraprakisht nga masat e ftohta polare nga veriperëndimi i kontinentit.

Kështu, duke sjellur intensifikim të reshjeve e shkarkesa të forta rrufesh, përderisa në Shqipëri e Mal të Zi, do të fillojnë kryesisht orëve të pasditës dhe mbrëmjes, ndonëse jo aq të shtrira.

Nga dita e premte, zonat me presion të ulët apo cikloni do të lëvizë mbi rajon, duke sjellur rrebeshe lokale shiu e shkarkesa rrufesh edhe në Kosovë, e njëkohësisht edhe temperaturat do të pësojnë ulje. Në Shqipëri e Mal të Zi do të vazhdojnë kohë pas kohe reshjet intensive e shkarkesat e forta elektrike.

Në fundjavë, masat e ftohta polare do të shtrihen përfundimisht mbi rajonin tonë, duke sjellur ulje drastike të temperaturave. Nën këto kushte, parashihet të ketë reshje lokale shiu, e në zonat e larta malore, konkretisht në perëndim të vendit, mund të paraqiten edhe fjollat e para të borës. Temperaturat maksimale në Kosovë pritet të lëvizin prej 9 deri në 15°C.

“U kallxu kapadai me SHBA-në, i hupi milionat”, Ardian Kastrati për Albin Kurtin

Deputeti i PDK-së, Ardian Kastrati, tha se kryeministri Kurti ka humbur miliona për shtetin për shkak të sjelljes si “kapadai ndaj SHBA-së dhe aleatëve”.

Deputeti Kastrati tha në Pressing në T7 se qëllimi i Kurtit është t’i bindë militantët.

“ Minus 300 milionë euro qiky Albin Kurti për shkak të trajektores së kapadaisë në raport me Shtetet e Bashkuara dhe aleatët tanë e ka pru këtë situatë. E mos të flas për gjuhën qortuese të SHBA-së, të QUINT-it e Francës”, tha Kastrati.

“Qëllimi i tij është i qartë t’i bind vetëm militantët, t’i bind vetëm ata që ky i ka quajtur analfabetë funksionalë, se s’dua t’i ofendojë qytetarët e mi…”, tha deputeti.

Nuk do ta besoni – Arbana Osmani kaq vite është më e madhe se burri i saj

A e dini sa vjeç është Arbana Osmani dhe sa vite është më e madhe se burri i saj?

Ish-moderatorja e realiti shou “Big Brother VIP Albania”, Arbana Osmani, është një ndër figurat më të njohura të ekranit shqiptar, e cila ka mbledhur një numër të madh ndjekësish.

Në muajin maj të këtijë viti, moderatorja festoi ditëlindjen e saj, për të gjithë kuriozët, Arbana ka lindur më 7 maj të vitit 1983 dhe moderatorja ka mbushur plot 40-vjet.

Në të njëjtën datë ka lindur dhe i dashuri i saj Eduarti, por ai ka lindur plot 4 vite me pas.

Zeka zbulon bisedën me Radojçiqin: I thash ti je kriminel…!

Gazetari Milaim Zeka në Politiko tregoi bisedën telefonike me Milan Radoiçiqin, një prej personave të cilëve Prokuroria Speciale e Kosovës u ngriti aktakuzë, raporton Gazeta10.

“Në një restaurant në Tifani, në tavolinë me disa miqë po vjen Fatmir Sheholli me telefon në dorë. Më tha qe se njëri do të flas me ty. E mora telefonin dhe thash urdhëroni në shqip. Më tha unë jam Radoiçiqi, tha hallall të qoftë se vetëm ti më ke quajtur kriminel nga faltorja e parlamentit. Shqip më ka thënë”, bëri të ditur Zeka.

 

 

“ I thash unë të kam thënë kriminel dhe të them prap kriminel edhe kriminel je, por më kriminel se ti janë ata që kanë bashkëpunuar me ty”, shtoi tutje Zeka./ Gazeta10

Këtu është intervista e tij