Lajmi i Fundit
Policia arreston pesë persona në Veri – kjo është arsyeja
Granit Plava tregon si u planifikua vrasja e Liridona Ademajt minutë pas minute
“Nuk po mundem me besu hala…” – Babai i Granit Plavës rrëfen për herë të parë pas vrasjes së Liridona Ademajt
Përleshje mes tifozëve kroatë e serbë tronditën Vukovarin
Serbia e arreston dhe më pas e liron ish-policin e Kosovës
Gjyqi i madh drejt finales, ja kur pritet të merret vendimi
Policia arreston dy persona në veri, penguan zyrtarët në detyrë duke e bllokuar rrugën me kamion
Bekim Jashari – Hedh dritë mbi origjinën e fotografive të Adem Jasharit dhe familjarëve të tij
Mësohet arsyeja banale që u plagos një person në Fushë Kosovë
Burri tentoi ta vriste të fejuarën, viktima në gjendje kritike
Aridan Kastrati: “Pse se bjen Kurti çiken me e ndi eren e WC-së si tjerët në shkolla publike
Gazeta Imazhi LAJME
Aridan Kastrati: “Pse se bjen Kurti çiken me e ndi eren e WC-së si tjerët në shkolla publike

Një përplasje ka ndodhur mes deputeti të PDK’së, Ardian Kastrati dhe aktivistes Zana Avdiu në emisionin Pressing në T7 lidhur me jetësen se ku e bëjnë familja e Albin Kurtit.

Ardian Kastrati: Pse ti nuk e bjen familjen tënde me përjetu këtë zhvillim të mirë, pse ti nuk e bjen çikën tonde në shkollë, aty ku i kom tre djemtë e mi, me përjetu erën e WC’së aty edhe me 42 nxënësa në klasë. Pse ti nuk e bjen, psh zot runa mu bo operacion në QKUK, si unë që jom bo që dy vjet. Nëse po thu ti që ka aq zhvillim, pse nuk po vini me jetu këtu.

Zana Avdiu: Nuk mund ai me pru kërkon me jetu këtu, se gruaja e vet është person madhor edhe vendos me jetu atje, edhe kryeministër t’kofsh. Qekjo nuk është gjuhë korrekte.

Vetëm sot rreth 100 persona u konvertuan në fenë katolike, mes tyre edhe ish-rektori i UP’së
Gazeta Imazhi LAJME
Vetëm sot rreth 100 persona u konvertuan në fenë katolike, mes tyre edhe ish-rektori i UP’së

Trendi i konvertime nga feja islame në atë katolike, po vazhdon të jetë në rritje.

Vetëm gjatë ditës së sotme rreth 100 persona janë kthyer në fenë katolike.

Njëri nga ta, edhe profesori dhe ish-rektori i Universitetit të Prishtinë, Mujë Rugova.“Urimet më të përzemërta profesorit dhe ish-rektorit të universitetit të Prishtinës, z. Mujë Rugova! Profesor, Zoti iu bekoftë sëbashku me të gjithë ata e ato, që sot, më datë 11 shtator 2024, në zemër të Alpeve të Rugovës, e kryen obligimin më të shenjtë kombëtarë, duke e rikthyer në jetën tonë, lavdinë e dikurshme të të parëve tanë’, ka shkruar Arbër Gashi për konvertimin e Mujë Rugovës.

Ish-kryeministri i Shqipërisë përfundon në spital
Gazeta Imazhi LAJME
Ish-kryeministri i Shqipërisë përfundon në spital

Ish-kryeministri i Shqipërisë, Fatos Nano, ka përfunduar sërish në spital për shkak të një problemi shëndetësor.

Kësaj here, Nano ka pësuar frakturë në qafën e femurit të këmbës së majtë, me ç’rast është duke u trajtuar në një spital privat, ndërsa nesër do t’i nënshtrohet një ndërhyrjeje kirurgjikale.

Më herët, ish-kryeministri i Shqipërisë i ishte nënshtruar një intubimi, pasi atij i ishte rikthyer një problem kronik respirator.

Këta janë terroristët e Banjskës në krye me Milan Radojçiqin
Gazeta Imazhi LAJME
Këta janë terroristët e Banjskës në krye me Milan Radojçiqin

Prokuroria Speciale e Kosovës e ka ngritur aktakuzën ndaj 45 personave për sulmin terrorist në Banjskë të Zveçanit. Nacionale e siguroi aktakuzën e plotë dhe sjell detaje.

Qysh nisi gjithçka?

Sipas aktakuzës, ishte ora 02:09 minuta kur filloi realizimi i planit për sulm. Në këtë orë, janë parë dy kamionë duke hyrë në fshatin Banjskë, të cilët grupi i ka përdorur si barrikada para fillimit të sulmit. Fotot më poshtë pasqyrojnë hyrjen e kamionëve në fshatin Banjskë/Zveçan.

Veç pak minuta pas hyrjes së kamionëve dhe vendosjes së tyre si barrikadë tek ura në fshatin Banjskë, sipas aktakuzës Policia e Kosovës pranon informatën se rruga është bllokuar me kamionë.

“Menjëherë niset me vetura e pastaj me automjete të blinduara për në vendin e ngjarjes, ku në një moment vërehet edhe sulmi ndaj automjetetit të blinduar të Policisë së Kosovës me armë të kalibrit të rëndë”. – thuhet në aktakuzë.

Por, para kësaj në aktakuzë specifikohet secila lëvizje e këtij grupi edhe para fillimit të sulmit. Pra, monitorimi i situatës nga ta.

“Automjeti Mercedes, ngjyrë e verdhë, ka monitoruar rrugën kryesore nga udhëkryqi i Zherovnicës deri tek rrethi i Fontanës në fshatin Banjskë, i cili më pas rreth orës 01:50 është ndaluar në pjesën e epërme të Manastirit (nga kjo veturë zbresin grupi i parë i personave të armatosur të cilët më pas shkojnë tek objekti i Bujtinës), pas disa minutave vetura largohet nga fshati Banjskë/Zveçan, ndërsa vetura Jeep Cherockee me ngjyrë të kaltërt, ka monitoruar rrugën nga pjesa e kufirit deri tek rrethi i Banjskës (kjo veturë për herë të parë vjen nga rruga që e kanë përdorur grupi i armatosur për hyrje në RKS). Po ashtu, vlen të ceket se roli i të pandehurve me këto vetura ka qenë monitorimi i situatës deri në vendosjen e barrikadave (kamionëve në urën e fshatit Banjskë) dhe më pas veturat largohen nga fshati Banjskë në drejtim të udhëkryqit Banjskë/Zveçan – Leposaviq apo në drejtim të fshatit Zherovnicë.” – thuhet ndër të tjera në aktakuzë sa i përket monitorimit të situatës nga të dyshuarit.

Në aktakuzë thuhet se automjeti Mercedes mërrin në hapsirat e Bujtinës te Manastirit dhe se ky automjet sjellë personat e armatosur dhe me uniforma.

Kastrati e quan Albulena Haxhiun “Miss non grata”: Po të ndiqej Radojçiq nuk do koordinohej as me Mimozën gjatë pushtetit tuaj
Gazeta Imazhi LAJME
Kastrati e quan Albulena Haxhiun “Miss non grata”: Po të ndiqej Radojçiq nuk do koordinohej as me Mimozën gjatë pushtetit tuaj

Deputeti i PDK’së, Ardian Kastrati derisa komentoi deklaratat e ministers së Drejtësisë, Albulena Haxhiu për Milan Radoiçiqin, që tha se “ndoshta nuk do të kishte ndodhur sulmi i Banjskës” po të mos tërhiqej urdhërarresti ndaj Radoiçiqit në vitin 2021.

Për këtë, Kastrati e quajti Haxhiun “Miss non grata”, duke shtuar se as shefja e grupit parlamentar të VV’së, Mimosa Kusari Lila nuk do të koordinohej me Radojçiqin nëse gjyqësia do ta kishte ndjekër atë më herët.

“Meqenëse e nise me këtë Miss non grata, prej momentit që i kanë thënë nuk ki me ardh më në SHBA, kjo nuk ka përjetuar më asnjë vizitë dypalëshe se le më me tepih të kuq për ndonjë marrëveshje. Edhe pas katër vitesh në pushtet e kanë të pamundur me dal prej lëkurës partiake as për 2-3 sekonda edhe me reflektu besim te institucionet e kësaj republike. Po thotë ta kishte ndjekur më herët gjyqësia nuk do të kishte ardhur deri tek sulmi i Banjskës.

Të përgjigjemi me retorika, psh po të kishte ndodhur që gjyqësia ta kishte ndjekur më herët Radojçiqin, nuk do të ishte ardh deri te koordinimi i Radojciqit me Mimoza Kusarin gjatë pushtetit të juaj”, tha Kastrati në emisionin Presing.

E vershuanë me komente ofenduse, Ronela reagon ndaj ndjekësve
Gazeta Imazhi LAJME
E vershuanë me komente ofenduse, Ronela reagon ndaj ndjekësve

Këngëtarja e njohur shqiptare, Ronela Hajati, ka bërë një reagim të gjatë në Instagram, duke adresuar kritikët e saj të cilët shpeshherë komentojnë për pamjen e saj fizike dhe muzikën që ajo krijon.

Në mesazhin e saj të drejtpërdrejtë, Ronela shpreh indinjatën ndaj atyre që sipas saj “harxhojnë kohë duke bërë komente” në vend që të fokusohen në jetën e tyre personale dhe detyrimet familjare.

Ronela, e njohur për deklaratat e saj të drejtpërdrejta, thekson se është krenare për punën e saj dhe për arritjet që ka bërë gjatë dy dekadave në industrinë muzikore. Ajo ironizon ata që i kushtojnë rëndësi peshës së saj, duke theksuar se “kam pasqyrë” dhe nuk ka nevojë për komente nga të tjerët mbi pamjen e saj fizike.

Mesazhi i saj i drejtohet gjithashtu atyre që kritikojnë muzikën e saj. Ajo i inkurajon ata që nuk e pëlqejnë muzikën e saj, që thjesht të mos e dëgjojnë, duke mbrojtur të drejtën e saj për të krijuar dhe performuar sipas stilit të vet.

Në fund, këngëtarja ndan një falënderim të veçantë për ata që e kanë mbështetur ndër vite. Ajo shpreh mirënjohjen për besnikërinë e tyre dhe për suksesin që ka arritur falë përkrahjes së tyre.

Ronela mbyll postimin me një mesazh të qartë për ata që i drejtojnë kritika: “Ju të tjerve, ishalla po keni punë!” Kjo është një thirrje për të gjithë që të fokusohen në punën dhe jetën e tyre personale në vend që të shqetësohen për jetën e të tjerëve.

Mblidhen 90 mijë euro për shërimin e Uvejs Fetahut, familja falenderon ata që ndihmuan, mbyllet aksioni
Gazeta Imazhi LAJME
Mblidhen 90 mijë euro për shërimin e Uvejs Fetahut, familja falenderon ata që ndihmuan, mbyllet aksioni

Lajmin e kanë bërë të ditur familjarët e Uvejsit, të cilët i kanë falendëruar të gjithë ata që ndihmuan dhe e shpallën aksionin e mbyllur.

”Të nderuar bashkatdhetarë! Duke qenë se opinioni u njoftua lidhur me sëmundjen e djalit tonë Uvejsit, menjëherë filluan donacionet për ta ndihmuar djalin tonë për t’u trajtuar jashtë vendit. Ju njoftojmë se shuma e duhur e parave për trajtim është mbledhur për një kohë rekorde.Ju falënderojmë thellësisht nga zemra të gjithë juve kontribues, shoqata, bamirëse dhe individë nga Kosova, diaspora dhe trojet tjera shqiptare. Njëkohësisht e shpallim të mbyllur aksionin humanitar dhe ua kthefshim me të mira. Familja Fetahu nga fshati Kuk.”, thuhet në njoftim.

https://www.facebook.com/photo.php?fbid=937527171746715&set=a.454951726670931&type=3&ref=embed_post

 

Maqedonci: Kosova është në rrugën e duhur me pajisjen e 246 raketave “Javelin”
Gazeta Imazhi LAJME
Maqedonci: Kosova është në rrugën e duhur me pajisjen e 246 raketave “Javelin”

Ministri i Mbrojtjes, Ejup Maqedonci, ka thënë se vendi është në rrugën e duhur që të pajiset me sistemin raketor “Javelin”.

Në një konferencë për media pas mbledhjes së Qeverisë, ai ka pohuar se deri në fund të këtij viti do të kryejnë këstin e dytë.

“Sa i përket sistemit “Javelin”, Ministria e Mbrojtjes është duke vazhduar me procedurat për prokurimin, pra interferimin e këtyre pajisjeve, sistemeve në Ministrinë e Mbrojtjes së Kosovës”.

“Në mars të këtij viti kemi ekzekutuar këstin e parë dhe pagesës për sistemin ‘Javelin’, deri në fund të këtij viti do të ekzekutojmë edhe këstin e dytë për sistemin ‘Javelin’ dhe mund të them me përgjegjësi të plotë se jemi në rrugën e duhur që të kemi këtë sistem në kohën e duhur në inventiarin e Forcës së Sigurisë së Kosovës”, ka thënë Maqedonci.

Më 11 janar, Departamenti Amerikan i Shtetit konfirmoi se Kosova ka bërë kërkesë për blerjen e raketave “Javelin”, që kap vlerën e 75 milionë dollarëve.

Nëse gjithçka do të shkojë mirë, Forca e Sigurisë së Kosovës do t’i ketë në radhët e arsenalit të vet, 246 raketa anti-tank “Javelin”, të prodhuara nga Shtetet e Bashkuara të Amerikës.

Molliqaj- Kurtit: Kryeministër jo i popullit, por i kapitalit!
Gazeta Imazhi LAJME
Molliqaj- Kurtit: Kryeministër jo i popullit, por i kapitalit!
Lideri i PSD’së, Dardan Molliqaj thotë se pikërisht në mandatin e kryeministrit Albin Kurti, mirëqenia po bie dhe bankave po i rriten fitimet.

Molliqaj përmes një shkrimi në Facebook thotë se ky kryeministër është i kapitalit dhe jo i popullit.

“Sa më shpejtë që kryeministri e lëshon karrigen e spektatorit dhe kujdeset për mirëqenien e qytetarëve, pra, e realizon detyrën e tij, aq më mirë edhe për të. Përndryshe, nëse vazhdon në krahun e bankave, le të paguhet nga fitimet e tyre, jo nga tatimet tona”, shkroi Molliqaj.

Krasniqi: Kurti, kryeministri i parë që shkoi në Leshak të Leposaviqit
Gazeta Imazhi LAJME
Krasniqi: Kurti, kryeministri i parë që shkoi në Leshak të Leposaviqit

Kryeministri i Kosovës Albin Kurti, bashkë edhe me ministrin e Brendshëm, Xhelal Sveçla dhe ministrin e Administrimit të Pushtetit Lokal, Elbert Krasniqi, kanë marrë pjesë në disa aktivitete në veri të vendit.

Atje u vendosën gurthemelet për ndërtimin e tre shtëpive në Cerajë dhe Bistricë si dhe në Leshak u vendos gurthemeli për ndërtimin e nënstacionit të policisë në Leshak të Leposaviqi.

Krasniqi e vlerësoi lart vizitën e Kurtit atje, ku tha se ai është kryeministri i parë kosovar që shkon atje.

“Është kryeministri i parë për 25 vjet që merr pjesë në një aktivitet të investimeve publike në Leshak të Leposaviqit. Nuk pat lajm për ketë”, tha Krasniqi në DPT TE FIDANI në Klan Kosova.