Fero bëhet për doktor, kjo është arsyeja

Reperi i njohur Fero, i cili është gjithmonë në qendër të vëmendjes për projektet e tij muzikore dhe stilin e jetesës, së fundmi ka ndarë një moment interesant me ndjekësit e tij.

Ai ka publikuar një fotografi nga vizita e tij tek dentisti personal, duke treguar se përveç muzikës, ai kujdeset maksimalisht edhe për pamjen e tij, veçanërisht për buzëqeshjen.

Në postimin e publikuar në rrjetet sociale, Fero shihet duke qeshur pranë dentistit të tij, teksa shkruan disa fjalë falënderimi për kujdesin dhe profesionalizmin e tij.

Ky gjest tregon se për artistin, pamja dhe shëndeti dentar janë po aq të rëndësishme sa muzika e tij, duke bërë që fansat ta përgëzojnë për përkushtimin ndaj detajeve të vogla që lidhen me paraqitjen e tij.

Fansat nuk kanë ngurruar të komentojnë duke i komplimentuar buzëqeshjen e tij të përkryer, e cila tashmë është bërë pjesë e imazhit të tij publik.

Si një figurë që ndikon te shumë të rinj, Fero dërgon gjithashtu një mesazh të rëndësishëm për kujdesin e përditshëm ndaj shëndetit dhe higjienës dentare.

Në një botë ku pamja luan një rol të madh për personazhet publike, Fero vazhdon të tregojë se kujdesi për detajet është një aspekt thelbësor për suksesin dhe imazhin e tij, duke i qëndruar besnik stilit të tij të veçantë dhe origjinal./InfoKosova/

Shiko foton:

Këto janë “masat e famshme” të Vuçiq, njëra ndër to formimi i Asociacionit

Presidenti i Serbisë, Aleksander Vucic, në konferencën për media ka përmendur kërkesat e tij lidhur me Veriun e Kosovës, shkruan Gazeta Express.

Në kërkesën e parë ka kërkuar shpallje të zgjedhjeve lokale në Veri me pjesëmarrje të OSBE-së dhe kontroll të BE-së.

Si kërkesë të dytë ka thënë se duhet të zbatohet neni 9 i marrëveshjes së Brukselit, për formimin e Drejtorisë Rajonale në Veri, e ku policët do të jenë nga komuniteti serb.

Gjithashtu ka kërkuar kthimin e gjyqtarëve dhe prokurorëve në funksionet e tyre.

Si kërkesë të katërt ka pasur që të tërhiqen forcat speciale të Policisë së Kosovës nga bazat e ndërtuar në Veri të Republikës së Kosovës që sipas Vuçiq janë ndërtuar “ilegalisht” dhe largimi nga të gjitha pikat kontrollues dhe institucionet.

Gjithashtu ka kërkuar formimin e Asociacionit pa vonesa dhe ka thënë se duhet të formohet Asociacioni për të vazhduar bisedimet.

Si pikë të gjashtë ka kërkuar lirimin e të gjithë “të burgosurve politikë” të arrestuar nga Policia e Kosovës. Ai ka kërkuar arrestimin e 86 personave që kanë qenë në barrikada.

Si pikë të 7-të, Vuçiq ka kërkuar ofrimin e shërbimeve postare pa pengesë dhe me pagesë për dinarë.

Vuçiq del me masa të Serbisë për Kosovën

Presidenti i Serbisë, Aleksandar Vuçiq, ka thënë të premten se nuk ekziston asnjë zgjidhje e kënaqshme për serbët për, siç ka thënë ai, “problemin e Kosovës”, teksa ka paralajmëruar marrjen e masave për këtë gjë.

“Nuk ekziston ai mrekullibërës që mund t’u sjellë serbëve një zgjidhje të mirë për Kosovën. E pranoj. Edhe pse jam presidenti që ka zhvilluar më së shumti bisedime”, ka thënë Vuçiq në një fjalim drejtuar popullit, të paralajmëruar ditë më parë.

Sipas një dokumenti që u është shpërndarë mediave para nisjes së fjalimit të presidentit serb, Serbia kërkon “heqjen e pasojave kryesore të veprimeve të njëanshme dhe të pakoordinuara” të Qeverisë së Kosovës, të udhëhequr nga kryeministri i Kosovës, Albin Kurti.

Siç theksohet, ky është “parakusht i domosdoshëm për një përparim të kuptimshëm” në procesin e dialogut mes Kosovës dhe Serbisë.

Sipas dokumentit, Beogradi do të nisë, “fushatë globale diplomatike” për të arritur plotësimin e kërkesave.

Pak para adresimit të Vuçiqit, kryeministri i Kosovës, Albin Kurti, ka thënë se Serbia, në vend që të pendohet për krimet që ka kryer gjatë luftës së fundit në Kosovë, ajo ka vendosur të përsërisë kërcënime dhe ultimatume ndaj Kosovës, në koordinim me Rusinë.

Përmes një postimi në Facebook, Kurti ka thënë se qasja e pushtetit në Serbi ndaj Kosovë është “tejet dëshpëruese”, por që Kosova nuk trembet nga kërcënimet.

“Krimet makabre që Serbia para 25 vjetëve i kreu në Kosovë, sot po përsëriten nga Rusia në Ukrainë dhe po synohen që të kthehen prapë në rajonin e Ballkanit”, ka thënë mes tjerash Kurti.

Gjatë luftës në Kosovë janë vrarë rreth 13.000 njerëz, janë zhvendosur mbi 800.000, ndërsa janë zhdukur rreth 6.000, prej të cilëve mbi 1.600 janë ende të pagjetur.

Qindra trupa të shqiptarëve të vrarë të Kosovës janë gjetur në varrezat masive në Serbi./REL

Shqipe Hysenaj po bashkëjeton ish-banorin e BBVIP?

Ish konkurrentja finaliste e Big Brother VIP Kosova, Shqipe Hysenaj ka ironizuar me një koment në mediat sociale.

Një ndjekës i Shqipes ka aluduar se ajo dhe Bledi Mane po bashkëjetojnë prej kohësh.

“Bledi, zemra ku je? Unë sapo mbërrita në shtëpi, hajde se kemi gatu makarona sot”, shkroi pos tjerash Shqipja, duke bashkëngjitur edhe disa emoji duke qeshur.

E storien e Shqipes e ripostoi edhe Mane.

Getinjo poston fotografi nga xhamia

Reperi i njohur, Getinjo, disa herë e ka bërë publik dedikimin e tij ndaj fesë.

Ai shpeshherë publikon ajete të librit të shenjtë, teksa edhe shkon dhe falet në xhami, shkruan Indeksonline.

Njëjtë ka bërë edhe sot reperi nga Ferizaji, duke publikuar fotografi nga namazi i drekës në xhami.

Ai është shfaqur i buzëqeshur në një “selfie”, teksa pas shpinës së tij vërehen lutje të shkruara në gjuhën arabe.

Ish-banori i Big Brother Vip bëhet baba për herë të parë, publikon foton e ëmbël

Një nga momentet më të bukura në jetën e Kledi Hysës dhe Evi Recit sapo ka ndodhur!

Çifti, të njohur për pjesëmarrjen e tyre në showbizin shqiptar, kanë ndarë lajmin e madh dhe emocionues: ata janë bërë prindër për herë të parë, duke mirëpritur në jetë djalin e tyre, të cilin e kanë quajtur Aster.

Lajmi i bukur u ndanë përmes një postimi të veçantë në rrjetet sociale, ku Evi Reci publikoi një foto të ëmbël që dokumenton këtë moment të paharrueshëm për çiftin.

Në foton e ndarë, shihet dora e vogël e Asterit duke u mbajtur me dashuri nga prindërit e tij. Evi e shoqëroi këtë foto me një mbishkrim emocionues:

“Mëngjesi i shtatorit na gjeti kështu, me një mrekulli të vogël. 13/9/2024. Mirë se erdhe në jetë, Aster Hysa.”

Kjo ngjarje ka sjellë gëzim të madh jo vetëm për çiftin e ri prindër, por edhe për ndjekësit e tyre të shumtë, të cilët i kanë përgëzuar përmes komenteve dhe mesazheve të dashura.

Shiko foton:

Kërcënimet e Vuçiqit, deklarohet Kurti

Kryeministri i Kosovës, Albin Kurti ka thënë se ‘presidenti serb, Aleksandar Vuçiq në koordinim me Rusinë, mbi varrezat masive, po përgatit kërcënime dhe ultimatume të reja ndaj Kosovës’.

Kurti ka listuar veprimet që duhej të ndërmerrte Serbia për të vrarët në luftën e fundit në Kosovë, të dhunuarit, të dëbuarit në vend që të jepte ultimatum e që të vazhdonte me kërcënime.

Postimi i plotë:

25 vjet pas gjenocidit në Kosovë, me 186 masakra, rreth 500 varreza masive në Kosovë, 5 varreza masive në Serbi, ku mbetën të vrarë mbi 13 mijë njerëz (1392 fëmijë; 1739 gra; 1882 të moshuar), rreth 20 mijë gra e vajza të dhunuara dhe keqtrajtuara, dhjetëra mijëra qytetarë të persekutuar, mbi 860 mijë të dëbuar nga Kosova dhe qindra mijëra të tjerë që nga malet shihnin qysh po ju plaçkiten e digjen shtëpitë (gjithsej 119,855 sosh), dhe ende 1595 persona të zhdukur me dhunë, qindra familje që jetojnë me ankth e dhembje, ndërsa i mbanë të fshehura informacionet për vendndodhjen e të paktën 11 varrezave masive brenda territorit të saj, Serbia e drejtuar nga ministri i Millosheviqit, në bashkëpunim me Rusinë, po përgatitin kërcënime dhe ultimatume të reja në drejtim të Kosovës.

Serbia flenë mbi varreza masive nga gjenocidi i kryer në Kosovë. 950 civilë të paarmatosur u masakruan, ua rrëmbyen kufomat dhe i futën në varreza masive në Serbi, përfshirë këtu kamionë frigoriferë që dolën nga fundi i liqeneve atje. Dëshmitë e gjenocidit janë të freskëta gjithandej në Kosovë e Serbi, por kjo nuk po e pengon Presidentin e Serbisë për të kërcënuar sërish.

Në vend që Serbia:

▪️të pendohet për krimet, të kërkojë falje për to dhe të mos i mohojë ato;

▪️t’i hapë arkivat e luftës të policisë dhe ushtrisë jugosllave, sidomos të brigadës së motorizuar 37;

▪️të paguajë dëmshpërblimet;

▪️të bashkëpunojë për të vendosur drejtësi për viktimat e gjenocidit;

▪️të angazhohet për pajtim e paqe duke reflektuar mbi përgjegjësinë që ka;

ajo ka zgjedhur anën e kundërt, duke përsëritur kërcënimet dhe ultimatumet, ndaj Kosovës dhe qytetarëve të saj, në bashkëpunim dhe koordinim të afërt me Rusinë. Krimet makabre që Serbia para 25 vjetëve i kreu në Kosovë, sot po përsëriten nga Rusia në Ukrainë dhe po synohen që të kthehen prapë në rajonin e Ballkanit.

Qasja e pushtetit në Serbi ndaj Kosovës është tejet dëshpëruese. Fillimisht u normalizua pandëshkueshmëria dhe fushatat propaganduese. E tash po synohen të normalizohen sulmet paramilitare dhe terroriste (Banjska, 24 shtator 2023), kërcënimet dhe ultimatumet, të cilat arsyetohen me lajme të rrejshme dhe fushata dezinformuese, para syve të botës demokratike.

Sot, Kosova është më e fortë se kurrë më parë, nuk trembet nga kërcënimet. Ne mbrojmë të gjithë qytetarët tanë dhe liritë e të drejtat e tyre, integritetin territorial dhe sovranitetin shtetëror të vendit tonë, progresin demokratik e socio-ekonomik të popullit dhe institucioneve tona. Mirëpo, kjo që po ndodhë aktualisht, tregon se sa larg është Serbia nga vlerat demokratike dhe njerëzore dhe sa e mishëruar mbetet me gjenocidin e kryer në vitet e ‘90-ta.

Bajrami thotë se VV-ja do t’i fitojë mbi 50 për qind: Besimi i qytetarëve do të jetë më i lartë se më 2021

Alban Bajrami, deputet i VV-së, është pyetur në lidhje me zgjedhjet e reja parlamentare, që janë caktuar të mbahen më 9 shkurt të vitit 2025.

Në një intervistë në ATV, Bajrami tha se besimi i qytetarëve do të jetë më i lartë se në vitin 2021, duke pretenduar se VV-ja do t’i fitojë më shumë se 50 për qind të votave.

“Unë besoj dhe jam shumë i sigurt që besimi i qytetarëve do të jetë më i lartë sesa në vitin 2021. Kjo për shkak edhe të nevojës të nevojës që ky vend ka për të ecur në tempon e njëjtë siç është duke ecur deri më tani. Rikonfirmim dhe shtim të besimit, duke analizuar zgjedhjet e viti 2021” – tha ai.

Dafina Zeqiri tregon se sot është ditë shumë e veçantë për të

Rundi i ri i dialogut, media serbe raporton se të martën vazhdojnë takimet në Bruksel

Në Bruksel, javën e ardhshme mund të mbahet rundi i ri i dialogut në nivel të kryenegociatorëve, Besnik Bislimit dhe Petar Petkoviq – raportime këto që ende nuk janë konfirmuar.

Siç raporton agjencia shtetërore serbe e lajmeve “Tanjug”, takimi është caktuar për të martën e javës së ardhshme (17 shtator).

Më tej sipas mediumit, pretendohet se Kosova e ka refuzuar takimin trepalësh.

Ndryshe, ka një vit që kryeministri i Kosovës, Albin Kurti dhe presidenti i Serbisë, Aleksandar Vuçiq, nuk janë ulur përballë njëri-tjetrit, ndonëse pro bisedimeve shprehen të dy.

Ata janë takuar për herë të fundit më 14 shtator të vitit 2023.

Dhjetë ditë pas atij takimi ka ndodhur sulmi i armatosur në Banjskë, ku grupe të armatosura serbësh kanë vrarë një polic të Kosovës.

Një përpjekje e Bashkimit Evropian për t’i ulur bashkë në tryezë, në muajin qershor, ka dështuar, për shkak të, siç është thënë, disa kushteve që ka nxjerrë Kurti, e që Vuçiq i ka kundërshtuar.

Kryeministri u pyet për një mundësi të tillë edhe nga gazetarët, gjatë një vizite në Mitrovicë të Veriut më 10 shtator, por tha se “nuk e di nëse do të ketë takim”.

“Edhe nëse do të ketë, nuk e di se kur dhe cilat do të jenë temat. Duhet të dimë më shumë për të dhënë një përgjigje”, tha Kurti, raporton rel.

Në të njëjtën ditë në Beograd, Vuçiq u tha gazetarëve se “Serbia është gjithmonë për dialog” dhe u shpreh “i gatshëm të shkojë të bisedojë me Kurtin që sot”.

BE-ja vazhdimisht u kërkon atyre që çështjet e hapura t’i zgjidhin me dialog.

Përderisa një takim i ri mes Kurtit e Vuçiqit nuk duket në horizont, Lajçak tha javën e kaluar se është arritur pajtim për një rund të ri bisedimesh midis kryenegociatorit të Kosovës, Besnik Bislimi, dhe atij të Serbisë, Petar Petkoviq, por datë specifike nuk dha.