“Merkato” e mirë nga Limaj, ish-ministri me dy shokë aderojn në NISMA

Ish-ministri i Ambientit, Fatmir Matoshi, dikur pjesë e Aleancës Kosovare, ka aderuar para zgjedhjeve, te Nisma Socialdemokrate, bashkë me dy të tjerë nga Gjilani, Ismet Hajdini dhe Lulzim Hajduni.

Matoshi thotë se iu bashkua partisë së Fatmir Limajt, për arsye të qeverisjes së mirë sa ishin pjesë e Qeverisë së Kosovës, në periudhat e ndryshme.

Ndërsa Hajdini, bashkimin me Nisman, e ndërlidh me kujdesin e Limajt për Anamoravën që e kishte sa ka qenë në postet ekzekutive. Prurjet e kësaj partie vijnë disa muaj para mbajtjes së zgjedhjeve Nacionale, të caktuara nga Presidentja, Vjosa Osmani, më 9’të shkurtit të vitit 2025.

Milaim Zeka kritika çiftit Hati-Jashar: “Ku i gjejnë paratë, prokuroria duhet t’i…”

Pak ditë më parë u bë viral lajmi se policia e Tiranës kishte gjobitur çiftin e njohur të rrjeteve sociale, Hatixhe dhe Jashar Stojku.

Shkak ishte tejkalimi i shpejtësisë tej normave të lejuara.

Videot me shpejtësi ekstreme ata i postonin në “TikTok”, nga dhe ku u nis policia për t’i ndaluar.

Por për gazetarin e njohur, Milaim Zeka, autoritetet nuk kanë bërë sa ç’duhet.

I ftuar në emisionin “Ftesë në 5”, në Top Channel, ai tha se në shtetet perëndimore, kur policia të ndalon për shpejtësi të madhe, jo vetëm që përfundon në burg, por prokuroria nis hetimet mbi të ardhurat, në rast se kapesh me makina luksoze.

Zeka bëri edhe një ironi, duke thënë se kur kalon nga “gamilja në shkretëtirë” në makina luksoze, e “hup krejt orientimin”.

“Unë mendoj se në rastin konkret kemi dy fenomene.

E para, kur je i kurdisur që në bark të nënës për të hipur mbi një deve, atje në shkretëtirën e Saharasë dhe pastaj hip në një makinë të shtrenjtë, normale që të humb orientimi.

Nëse ti nuk ke pika krahasuese në jetë, nëse ti i jep makinës 400 km/h dhe anash nuk ke lisa, nuk ke plepa, të humb komplet orientimi siç është rasti konkret.

Dhe unë fajin më të madh ia vë Policisë së Shtetit shqiptar dhe Prokurorisë.

Pse? Njerëzit e tillë përpos se duhet të futen në burg, jo t’u merret patenta e shoferit.

Jashtë nëse ti e nget makinën 60-70 përtej limitit të fusin në burg dhe Prokuroria hap hetime prej nga i ke marrë këto të ardhura, e ke paguar tatim, prej nga e ke blerë këtë makinë të shtrenjtë”, tha Milaim Zeka.

“Të dashuruar si kurrë më parë”- Ja krah kujt shfaqet ne shtrat Dea Mishel

Dea Michele, ditën e sotme ka publikuar një postim ku ju bën thirrje të gjithë ndjekësve të saj të marrin një mace.

Ish-banorja BBV shihet ta postoj shpesh macen e saj në rrjete sociale, duke shprehur një përkujdesje të madhe ndaj saj.

Në “InstaStory”-in e postuar teksa shfaqet me macen Dea shkruan:

“Në vazhdojmë të dashuruar si kurrë më parë. Merrni dhe ju një mace. Ju zbukuron ditën!”

Shiko foton:

Nuk do ta njihni – Me ndërhyrjet në fytyrë, kaq ndryshe po duket Xhuli

Edhe pse në BBVK kemi pasur rastin ta shihnim natyrale thuajse çdo ditë, pas daljes nga ky format fytyra e Xhulit ka ndryshuar tërësisht.

Ajo ka bërë ndërhyrje me anë të të cilave ka formësuar shumë pjesë të fytyrës.

Mirëpo, jo gjithmonë kanë efekt të mirë e këtë e shohim edhe në daljen e sotme.

Ajo ka postuar një fotografi në lift, ku paraqitja e saj lë shumë për të dëshiruar.

Shiko foton:

Parashikimi i motit për nesër

Mendimi për motin – 17.09.2024

Të reshura shiu përfshinë pjesë të madhe të vendit, orëve të mëngjesit dhe nga mesdita e ditës së mërkurë. Pasdite pritet të pushojnë, e mund të paraqiten si rrebeshe lokale. Frynë erë e lehtë dhe mesatare nga lindja e verilindja, 3-9m/s. Temperaturat minimale më të larta se sot, zbresin në 12C e 14C, derisa ato maksimale shkojnë në 16C e 19C.

Ky është kushti që e qiti serbia në dialog për hapjen e urës së Ibrit

Hovenier: Mbështetja jonë për Kosovën është e çeliktë dhe nuk ndryshon

Ambasadori Jeff Hovenier në ceremoninë e mbajtur për shënimin e 25 vjetorit të Institutit Kombëtar Demokratik (NDI), ka thënë qeveria e SHBA-së është e palëkundur në mbështetjen e saj ndaj Kosovës.

Në fjalën e tij para të pranishmëve, Hovenier ritheksoi se qëndrimin e Qeverisë së SHBA-së për Kosovën.

“E bëj sepse nuk mendoj se është shumë e rëndësishme për të mos pasur keqkuptime apo keqinterpretime të qëndrimit të SHBA-së. Më 2008, SHBA e njohu Kosovën si shtet të pavarur e sovran”.

“E bëmë këtë mbi bazën e përkushtimit të fuqishëm nga autoritetet e Kosovës në atë kohë që do të t’i implementojnë përkushtimet e bëra në Planin e Ahtisaarit për themelimin e një shtetit demokratik, multi-etnik dhe gjithëpërfshirës. Qëndrimi i ShBA-së nuk ka ndryshuar, është i palëkundur dhe nuk do të ndryshojë”, potencoi ambasadori amerikan.

“Ne nuk e pranojmë si të vërtetë asnjë përpjekje që vë në pikëpyetje statusin e Kosovës apo institucioneve të tij. Më lejoni të jem i qartë: Kushtetuta e Kosovës është legjitime dhe jemi krenarë për rolin tonë në mbështetje të popullit të Kosovës teksa e zhvilluan atë. Më lejoni të jem i qartë: Institucionet e shtetit të Kosovës janë krejtësisht legjitime dhe jemi krenarë që kemi ndihmuar në krijimin dhe konsolidimin e atyre institucioneve, përfshirë edhe asistencën nga NDI dhe partnerët tjerë”, deklaroi Hovenier.

“Dua të ritheksoj edhe një pikë kyçe: premtimi i Kosovës është si shtet i pavarur, sovran e multi-etnik, me mbrojtje të veçantë për të drejtat e pakicave, dhe jemi krenarë me rolin që kemi luajtur për të ndihmuar partnerët e Kosovës për të avancuar këtë vizion, dhe vazhdojmë përpjekjet tona për të punuar me qeverinë aktuale në kërkim të bashkëpunimit më të afërt për të parë se ky vizion është realizuar. Vizioni ynë mendoj se është shumë i qartë: Kosova gëzon një shoqëri në të cilën të gjithë qytetarët jetojnë në kushte të dinjitetshme dhe të sigurta, përfshirë edhe ato nga komunitetet pakicë”.

“Dua të jem i qartë: Ne kemi qenë pjesë e procesit tuaj për të ndërtuar dhe mbështetur një shtet të suksesshëm, sovran, demokratik, multi-etnik. Përkushtimi ynë ndaj kësaj është e palëkundur, është e çeliktë. Një nga manifestimet më të mira për këtë është mbështetja jonë ndaj NDI-së dhe partneriteti ynë për të parë atë që po arrihet”, tha ai, teksa falënderoi NDI-në për punën e saj dhe përfaqësimin e ShBA-së në mënyrën më të mirë të mundshme në Kosovë.

Serbia kërkon zgjerimin e territorit të Mitrovicës së Veriut si parakusht për hapjen e urës

Kryenegociatori i Serbisë, Petar Petkoviq, ka insistuar në demarkimin e kufijve kadastral si parakusht për hapjen e urës mbi lumin Ibër. 

Petkoviq pas takimit në Bruksel ka insistuar në demarkimin në zonën e Suhodollit.

“Ne kërkojmë respektimin e marrëveshjes, ku insistojmë demarkimin në zonën e Suhodollit si parakusht për hapjen e urës”, tha Petkoviq nga Brukseli , transmeton “Kossev”.

Të martën është mbajtur rundi i radhës i dialogut Kosovë – Serbi, në nivel të kryenegociatorëve.
Petkoviq ka akuzuar se zëvendëskryeministri i Kosovës, Besnik Bislimi nuk ka dashur të ketë takim trepalësh. Ngjashëm Bislimi e ka akuzuar Petkoviqin se nuk deshi takim trepalësh.

“Ai ka refuzuar të takohet me përfaqësuesit e Beogradit, sepse ne kemi insistuar në tema si AKS-ja, shërbime postare dhe çështjet e zbatimit të Marrëveshjes së Ohrit. Paramendoni kur ai nuk do të flasë për këto gjëra të rëndësishme”, tha Petkoviq.

Petkoviq e Bislimi patën takime dypalëshe me emisarin e BE-së për dialogun Kosovë – Serbi, Miroslav Lajçak.

Petkoviq tha se ia ka prezantuar Lajçakut masat e paralajmëruar nga presidenti i Serbisë, Aleksandar Vuçiq.

“Këto janë masa mbrojtëse gjithëpërfshirëse për popullin serb në Kosovë dhe masa për të ringjallur procesin e dialogut që na duhet dëshpërimisht. Vetëm përmes dialogut mund të gjejmë një zgjidhje kompromisi”, tha Petkoviq.

Ai po ashtu tha se ia ka dorëzuar Lajçakut “listën e të gjithë serbëve të arrestuar, të burgosurve politikë”.

“Edhe pse kemi pasur garanci nga SHBA-ja dhe BE-ja se askush që ka qenë në barrikada nuk do të arrestohet, ka ndodhur e kundërta”, tha Petkoviq.

Petkoviq ka thënë se sot do të ketë edhe një takim me përfaqësuesit e NATO-s lidhur me urën mbi lumin Ibër.

“Do të flasim për temën e urës, por nga prizmi i sigurisë, sidomos për të vënë në dukje, në një prezantim të veçantë, të gjitha rreziqet që ekzistojnë nëse Kurti fillon ta hapë urën në mënyrë të njëanshme. Kjo është e pamundur, sepse NATO është e pranishme në atë urë dhe prandaj është e rëndësishme të bisedohet me ta”, tha Petkoviq.

Vuçiq kërkoi kthimin e serbëve në polici dhe gjyqësi, i përgjigjet Presidentja

Presidentja Vjosa Osmani ka thënë kërkesat e presidentit serb, Aleksandër Vuçiq për kthimin e serbëve në institucionet e Republikës së Kosovës nuk janë të sinqerta, por si retorikë për ta hequr vëmendjen nga përpjekjet e Serbisë për destabilizim.

“Unë jam e bindur se kur Vuçiqi flet për rikthim të serbëve në polici, në gjyqësi, në parlament, ai në fakt po i prezanton këto vetëm si fjalë e si retorikë për ta hequr vëmendjen e botës demokratike nga ajo çfarë po ndodh në të vërtetë, e që janë përpjekjet e tij, qeverisë së tij, ushtrisë së tij në trajnimin e vazhdueshëm të forcave paramilitare të cilat kanë qëllim vetëm dhunën”, tha Osmani para mediave pas ceremonisë së hapjes së Qendrës Rajonale të Ekselencës për Gratë, Paqen dhe Sigurinë.

Tutje e para e shtetit theksoi se Kosova është e interesuar që serbët të jenë në institucione.

“Ne jemi të interesuar që serbët të jenë në institucione, gjë që ju takon edhe me Kushtetutë edhe me pako të Ahtisarit. Kosova është multietnike jo përse thotë Vuçiqi, por që u takon me Kushtetutë. Në asnjë moment nuk besoj që Vuçiqi e ka atë qëllim. Ai duket ser po punon vetëm në destabilizim të rajonit dhe kthim në vitet e 90-ta”, u shpreh Osmani.

Duke folur për dialogun në Bruksel, presidentja tha se Kosova ka treguar vazhdimisht përkushtim jo vetëm në zbatim të marrëveshjes të Brukselit, të cilat janë ligjërisht të zbatueshme po në të njëjtën kohë ka treguar përkushtim për paqe.

“Ky dialog ka kohë të gjatë që nuk po dëshmon se po organizohet në përputhje me parimin e barazisë së palëve. Në asnjë moment nuk shihet që të dy palët po trajtohen të barabarta. Në qoftë se dikush bën dialog për urën e Ibrit me Serbinë, kjo është shkelje e sovranitetit, Kushtetutës së Republikës së Kosovës, dhe në asnjë moment nuk është interes të Kosovës që kjo temë të jetë pjesë e dialogut me Serbinë”, tha ajo.

Sipas Osmanit, kjo temë patjetër duhet të diskutohet e të dialogohet me partnerët e sigurisë sepse, sipas saj, edhe vetë marrëveshjet e Brukselit e kërkojnë një gjë të tillë.

Tutje presidentja e vendit u shpreh se Kosova nuk ka pasur frikë nga Serbia as në vitet e 90-ta, kur Kosova nuk ka qenë shtet e që nuk ka pasur institucionet demokratike dhe të fuqishme që janë tani.

“Institucionet tona të sigurisë janë të gatshme që në çdo moment ta mbrojnë çdo cep të territorit të Kosovës dhe çdo qytetarë pavarësisht etnisë. Kosova ka katërfishim të prezencës së NATO-s në kufirin mes Kosovës dhe Serbisë, gjë që tregon edhe përkushtimin e forcave të NATO-s e partnerëve të Kosovës për ta mbrojtur paqen dhe sigurinë në Kosovë”, tha presidentja.

Tutje ajo tha se me prezencë të mjeteve ushtarake të cilat i shfrytëzon NATO-ja, me armatimin e blerë dhe me forcimin e çdo ditshëm e institucioneve të sigurisë, Kosova është shumë më e fortë seç ka qenë më parë.

Osmani u shpreh se mbi të gjitha është vendosmëria dhe vullneti i palëkundur i Republikës së Kosovës që me çdo çmim ta mbrojë territorin, shtetin, sovranitetin dhe pavarësinë, e cila është fituar me shumë sakrificë. /RTK/

Njeriu më i komentuar i momentit pjesë e Big Brother VIP Kosova?

Fillimi i sezonës së re të Big Brother Vip Kosova 3 po afrohet.

Këtë e ka konfirmuar së fundmi edhe faqja zyrtare e BBVK.

E natyrisht, si show televiziv në Kosovë është shumë i përfolur, bashkë me të edhe emrat që po aludohet lartë e poshtë se mund të jenë banorë të tij në sezonin e ardhshëm.

Mirëpo kush pretendohet të jetë pjesë e tij?Lajmi.net ekskluzivisht nga burime të sigurta ka arritur të konfirmojë se sërish pjesë e sezonit të ardhshëm do të jetë një emër tejet i përfolur që vie nga Shqipëria.

Pra, banorin e parë të edicionit.

Personi në fjalë është aktori e këngëtari i njohur, Bes Kallaku.

Kallaku sidomos gjatë këtij viti ka qenë jashtë mase temë e mediave rozë për jetën e tij private.

Ai përveç projekteve të reja, u komentua shumë edhe për ndarjen më këngëtaren Xhensila Myrtezaj.

Por kjo nuk është risia e vetme e këtij BBVK.

Veçanti tjetër e këtij sezoni do të jetë një tjetër emër i përfolur.

Olsa Muhameti, e njohur shumë për programin e “Përputhen“ në Shqipëri që theu kufinj të shikueshmërisë, vie këtë radhë në Kosovë si producente ekzekutive e sezonit të ardhshëm të Big-ut.

Po ashtu, po qarkullojnë lajme se emra të tjerë të njohur si Adnan Blaku, Diona Fona, Mevlan Shaba, Kaltrina Selimi, Miran Ramadani e të tjera fytyra të njohur të botës së showbizit mund t’i bashkohen edicionit, por që deri më tani asgjë e konfirmuar.

Kjo mbetet të shihet tutje./Lajmi.