Ky është moti për nesër

Nesër në Kosovë pritet të mbajë mot me diell dhe shtim të vranësirave të cilat vetëm në disa lokalitete mund të kushtëzojnë ndonjë rigë ose rrebesh kalimtar shiu të karakterit lokal. Në shumë vise nuk priten fare reshje. Temperaturat do të vazhdojnë të jenë të larta për shkak të rrymimeve të fuqishme ajrore nga jugu dhe ajo maksimale mund të shkojë deri në 24 gradë Celsius.

Në Shqipëri, Maqedoninë Veriore, Luginë të Preshevës dhe Mal të Zi të martën parashihen të mbajë mot me diell dhe shtim apo dendësim të madh të vranësirave në Shqipëri nga deti do të fillojnë rrebeshet e shiut të cilat do të përhapen në shumë vise tjera të Shqipërisë. Lokalisht priten rrebeshe intensive shiu me vetëtima dhe bubullimë sidomos në shumë vise të Shqipërisë dhe Malit të Zi. Rrebeshe shumë të pakta priten thellë në jug të Shqipërisë, shumicën absolute të territorit të Maqedonisë së Veriut, Luginës së Preshevës dhe veriut të Malit të Zi. Rrebeshet më intensive priten në veri-veriperëndim të Shqipërisë dhe jug të Malit të Zi.

Preket vëllai i Afrim Bunjakut – Këto ishin fjalët e fundit të heroit me vëllain e tij, para sulmit në Banjskë

Nesër, më 24 shtator 2024, bëhet një vit nga sulmi terrorist në Banjskë të Zveçanit në Kosovë, ku i vrarë mbeti rreshteri policor Afrim Bunjaku.

Vëllai i Afrim Bunjaku, Muj Binjaku në një lidhje të drejtpërdrejtë për “Shqipëria Live” në Top Channel, rrëfeu i prekur telefonatën e fundit me të vëllain dhe momentin kur mori vesh se kishte ndërruar jetë.

“Ishte një rast i rëndë, humbëm njeriun më të mirë, por jemi krenar që kishim vëlla Afrimin. Jemi shumë krenar që falë Zotit dhe popullit shqiptar, po na mban shumë.

Unë ndodhem aktualisht në Kosovë, edhe familja e vëllait jetojnë në Kosovë.”, u shpreh Muj Bunjaku.

Teksa u pyet se si e mori vesh lajmin e hidhur për të vëllain, ai u përgjigj duke thënë se “Ishte mëngjesi i datës 24 shtator, ora 05:30, kur më ka marrë në telefon djali i xhaxhait që jeton në Gjermani dhe më ka thënë që ‘kanë plagosur rëndë Afrimin’. Ishte shumë rast i rëndë. Mirëpo përkrahja ishte shumë e madhe nga shqiptarët kudo, i falënderoj se përkrahja ishte shumë e madhe, nga do anë.

“Jeta… është e vështirë t’i kthehesh normaliteti, është rast i rëndë. Afrimi nuk ishte vetëm i yni, por i të gjithë shqiptarëve.

Nesër bëhet 1 vit nga ndarja nga jeta e Afrimit. Do të ketë homazhe në varreza dhe tubim në Prishtinë. Ishalla vjen drejtësia në vend, autorët të dorëzohen para drejtësisë.

“Kam qenë shumë i lidhur e Afrimin, vetëm një vëlla kam pasur. Telefonata e fundit ka qenë një ditë përpara, kemi qenë shumë të lidhur.  E ka marrë në tel i ka thënë ‘mos të zgjova nga gjumi?’. “Jo, jo”, mu përgjigj. I kam thënë që situata s’ka qenë e mirë  dhe të ruhet, dhe ka thënë “s’kanë ku shkelin në tokën time, është e imja. Ishalla qoftë rasti i fundit ky i vëllait tim”.

Valon Syla i reagon ashpër Gold AG: Ti je prindi zero

Reperi, Arian Agushi i njohur me nofkën “Gold AG” ishte i ftuar sonte në emisionin ‘canapè’.

Ai dha një deklaratë sa i përket temës për “Prindi 1, Prindi 2” – të cilën mund ta shihni në videon e mëposhtme.

Kësaj deklarate i reagoj analisti Valon Syla, i cili u shpreh: Ky është prindi 0.

VIDEO

Lotina ia sheh ‘hajrin’ Mozzikut, i ndodh e papritura

Moderatorja kosovare Lotina Haziri ka pasur një audiencë të madhe në rrjetin social Instagram.

Mirëpo numri i ndjekësve është rritur akoma më shumë pasi zyrtarizoi lidhjen me reperin Mozzik.

Duke hulumtuar në profilin e saj shohim që ajo ka arritur gati 1 milion ndjekës.

Kujtojmë që dyshja po shijojnë çdo moment bashkë të cilat po i ndajnë më fansat e tyre./Indeksonline/

Shiko foton:

Osmani takohet me Clintonët: Faleminderit për gjithçka që keni bërë për Kosovën

Presidentja e Kosovës Vjosa Osmani, e ka takuar ish-presidentin e ShBA-së Bill Clinton dhe ish-sekretaren e Shtetit, Hillary Clinton.

Osmani i ka falënderuar ata “për gjithçka që kanë bërë për Kosovën”.

“Liria e popullit tonë mbanë edhe vulën e kontributit tuaj të pakrahasueshëm!”, tha Osmani.

E para e shtetit po qëndron në një vizitë zyrtare në Shtetet e Bashkuara të Amerikës.

Ajo në New York, po merr pjesë në punimet e Asamblesë Parlamentare të OKB-së.

Vjosa Osmani, ka takuar disa liderë botërorë gjatë këtyre ditëve, duke tentuar avancimin e raporteve mes Kosovës dhe vendeve tjera.

Tha se prindërit ishin kundër mbulesës së saj, reagon nëna e vajzës pas deklaratës së drejtorit

Një 18-vjeçare është përjashtuar nga shkolla “Bedri Pejani”, në Pejë, për shkak të bartjes së shamisë.

Drejtori i shkollës,“Bedri Pejani”, Musa Nikqi, në një intervistë dhënë për IndeksOnline, ka thënë se 18-vjeçarja nuk është përjashtuar nga shkolla, por ka vendosur vetë që të largohet. Duke shtuar se prindërit e vajzës ka qenë të njoftuar, por që sipas tij 18-vjeçarja nuk i ka dëgjuar as prindërit edhe pse ata ka qenë kundër.

Në lidhje me këtë deklaratë ka reaguar nënë e vajzës, ku tha për Indeksonline, se pretendimet e tij janë të pavërteta, duke shtuar se Nikqi është mundur ta bind vajzën e saj të heqë mbulesë.

“Nuk është e vërtetë që unë si prindi i vajzës kam qenë kundër mbulesës së vajzës time siç e ka cekur ai në komunikaten e tij. Nuk e di nga ku e ka shpikur këtë gjë ose vetem po e përdor për të arsyetuar vetveten, përkundrazi ai është munduar që të bind vajzën për të hequr mbulesën dhe ka insistuar që edhe une t’i ndihmoj për ta bindur”, ka thënë ajo për IndeksOnline.

Tutje ajo, ka thënë që vajza është e vetëdijshme për veprimet e saj, dhe do ta përkrahë në vendime e saj.

“Vajza ka arritur moshën dhe është e vetëdijshme për veprimin e saj pa ndikim të askujt, me vullnetin e saj të lirë. Une qendroj pas vajzës time dhe e perkrahi në çdo hap të saj, është bindja e saj e personale dhe e drejta e saj. Kjo është shpifje e drejtorit!

Po ashtu, ai nuk ka të drejtë të flas për jetën time personale”, është shprehur nëna e vajzës.

Nëna e Faton Hajrizit emocionon me rrëfimin thotë se birin e saj e vrau shteti

Shehrije Hajrizi, nëna e Faton Hajrizit, deklaroi se të birin ia vrau shteti.

Ajo në Frontal në T7 tha se kur Fatoni ka qëndru në burg e kanë ditë që është i sigurtë.

“Fatonin shteti na e ka vra. Fatoni nuk u ikë prej shtëpisë, Fatoni u ikë prej shtëpisë së shtetit. Kur Fatoni u kan në burg e kena ditë që është i sigurtë”, tha ajo.

VIDEO

Molliqaj: Nuk do të bëjmë koalicion me asnjë parti politike

Nëna e Faton Hajrizit: Ma dërgoi një fotografi nga arratia, lajmin për vrasjen e tij e mora vesh…

Shehrije Hajrizi, nëna e Faton Hajrizit tha se nga djali i saj kishte pranuar vetëm një fotografi në Viber, gjatë kohës sa ai ishte në arrati.

“Asnjëherë, asnjë komunikim s’e kam pasë. Veç një fotografi ma ka dërgu, ai brenda në një veturë u kanë  edhe nuk kemi pas asnjë komunikim, se e ka ditë që nëse e flet me neve na kena me lutë me u dorëzu”, tha ajo në Frontal në T7.

Ajo tha se s’ka mundur t’i shkruante diçka, sepse thotë se numri “u bllokua automatikisht”.

Lajmin për vdekjen e djalit të saj, Shehrije Hajrizi tha se e mori “përmes Facebook-ut”.

“Unë kam hy te çdo gazetë, dhe kurrgjë s’kam thënë tjetër veç jo, jo, jo. Fatkeqësisht ajo ishte e vërteta”, tha ajo.

“Atë ditë ishim vetëm unë me të shoqin”, rrëfen Shehrije Hajrizi, duke treguar se si burri i saj e kishte thirrur policinë, duke dashur ta telefononte ndihmën e shpejtë.

Pas lajmit se Faton Hajrizi e kishte vrarë një polic në Serbi, ajo tha se ishte në ankth.

“E vetmja lutje e jona u kanë që mos me ra në dorë të atyne i gjallë, veç qeta janë lutë”, tregoi ajo.

Nëna e Faton Hajrizit: Na lëndojnë ende thashethemet se është gjallë, unë e pashë trupin e tij, qëndrova gati 1 orë me të

Nëna e Faton Hajrizit ka rrëfyer në Frontal në T7 për kontaktin e fundit me djalin e saj dhe për momentin kur e pa trupin e pajetë të tij në Institutin e Mjekësisë Ligjore në Kosovë.

Shehrije Hajrizi thotë se kufoma “nuk ka qenë e dëmtuar”.

“Për qato 3 javë që u mbajtë kufoma në kushte jonormale nuk u kanë e dëmtume. Nuk u kanë e coptume qysh kanë thënë në disa media”, tha ajo.

Thashethemet që qarkulluan se Faton Hajrizi është gjallë, ajo tha se “edhe sot na rëndojnë”.

“Unë e kam pa trupin e tij”, thotë Shehrije Hajrizi.

“Kam qëndru shumë e fortë, 23 vjet jam shku në burg e kam pa, asnjë pikë lot s’e kam qitë as unë as ai edhe kur kemi folë në telefon më ka thënë ‘nanë, nuk du mërzi, nuk du lot’”.

Në IML, ajo tha se me trupin e pajetë të të birit qëndroi një orë.

“Për një orë gati kam bisedu… Shumë sene që kemi pasë me i realizu bashkë po na mbeten ëndërr. Ai ëndërrojke me dalë, me u martu, me pasë një fëmijë. Masi dul në vikend e pa çka është jeta, çka ka humbë. E kam përkthel, e kam puthë në ballë. ia kam puthë duart”, tha Shehrije Hajrizi.

Ajo tha se qëndroi e fortë “për hatër të fëmijëve tjerë”.