KFOR-i dhe Policia e Kosovës shtojnë patrullimet në veri

Komanda rajonale e KFOR-it – Lindje ka njoftuar se së bashku me Policinë e Kosovës ka shtuar patrullimet e saj në veri të Kosovës.

Siç thuhet në njoftim, KFOR-i vazhdon të kontribuojë për sigurinë dhe sigurinë e të gjitha komuniteteve në Kosovë.

“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i është siguria e tretë përgjigje, pas Policisë së Kosovës dhe misionit të BE-së për sundimin e ligjit (Euleks)”, thuhet në deklaratën e KFOR-it.

Motra e Bardhit kunatë shembull, i bën dhuratën speciale Sarës

Sara dhe Bardhi krijuan historinë e tyre të dashurisë gjatë qëndrimit në “BBVA”.

Edhe pas daljes dyshja mbajtën raportin dhe madje nga dashuria e tyre po sjellin në jetë një vajzë.

Këtë raport të shëndoshë Sara e ka edhe me familjen e të dashurit.

Me anë të një fotografie në “Instastory”, zbuloi se kunata (motra e Bardhit) i ka bërë dhuratë një unazë ari.

“Te dua broski” shkroi blogerja duke etiketuar Afërditën.

Rizvanolli dhe Krasniqi përcillen sërish me fishkëllima në Mitrovicë të Veriut

Sërish nuk janë mirëpritur në Mitrovicë të Veriut, ministrja e Ekonomisë, Artane Rizvanolli dhe ministri i Pushtetit Lokal, Elbert Krasniqi.

Pjesëtarë të partisë “Demokracija Serbe” i kanë priturme fishkëllima duke përçuar mesazhin që, sipas tyre, nuk janë të mirëpritur në veri.

VIDEO

Moderatorja e njohur pjesë e ‘Big Brother VIP Kosova’

Sezoni i tretë i Big Brother Vip Kosova-3 ka zgjuar kureshtje të madhe tek audienca se kush do jetë banor.

Burime të Indeksonlinet bëjnë të ditur se aktorja, moderatorja e influencerja e njohur Nura Alkhazali do të futet në këtë reality-show.

Ajo ka një karrierë dhe është mjaft e njohur për publikun ku sigurisht do kujdeset të krijojë “zhurmë” në shtëpi.

“Në Serbi sulmi i Banjskës po përkujtohet si akt heroik”

Avokati serb Çedomir Stojkoviq ka shpërndarë një stendë përmes së cilës në Serbi po përkujtohet sulmi i para një viti në Banjskë të Zveçanit, ku u vra rreshteri i Policisë së Kosovës, Afrim Bunjaku.

“Në përvjetorin e sulmit terrorist në Kosovë/Banjskë të organizuar nga Aleksandar Vuçiq, në Serbi ai sulm festohet si akt heroik, organizuar nga partia në pushtet: ‘Të kujtojmë! Lavdi heronjve nga Banjska’”, shkroi ai në një postim në “X”.

“Qëllimi është i njëjtë me atë kur udhëheqja palestineze e feston terrorizmin e Hamasit: ta ruajë urrejtjen për konfliktet e ardhshme”, shtoi Stojkoviq.

Sot u bë një vit prej kur paramilitarët serbë e sulmuan Policinë e Kosovës në Banjskë të Zveçanit.

Krerët e shtetit në Kosovë thonë edhe bashkësia ndërkombëtare e di se sulmi u bë me urdhër politik të Aleksandar Vuçiqit.

Postimi i avoktatit:

Klea Huta në gjendje jo të mirë shëndetësore, tregon nga çka po vuan

Klea Huta po kalon një periudhë delikate me
shëndetin e saj.

Dje, ajo bëri një postim në ku shfaqet me maskën e aerosolit dhe tregon gjithë kalvarin e shqetësimeve të këtij tremujori të vështirë.

‘Më duhet ta pranoj që këto 3 muajt e fundit nuk kanë qenë në favorin tim. Jo Mërkuri në retrogradë, por të gjithë planetët u përmbysën. Nuk gjeta rehat sikur 1 javë të plotë. Fluturime të vonuara, valixhe të humbura, mes i thyer, gjunjë të vrarë, trup e shpirt të sakatuar, streptokok dhe tani qershia mbi tortë: Covid. Kam 2 javë e izoluar në shtëpi. Të premten dola e vajta në teatër, dje prapë në shtëpi dhe sot një xhiro në breg të detit. Dhimbja e kokës, e tmerrshme. Hundët e pamundur të mbushesh me frymë. Provova avull me gjethe dafine, thitha raki me hundë, ujë fiziologjik me shiringë dhe prapë asgjë. E fundit më mbeti aerosoli. Të shohim si do të shkojë’

U pezullua nga shkolla shkaku i shamisë, Prokuroria në Pejë nis hetimet për rastin

Prokuroria Themelore e Pejës ka filluar hetimet lidhur me rastin e një nxënëseje nga Gjimnazi “Bedri Pejani” në Pejë, e cila u pezullua nga shkolla për shkak të bartjes së shamisë.

Lajmin e ka konfirmuar zëdhënësi i kësaj prokurorie, Shkodran Nikçi.

“Pasi kemi pranuar informatat përmes email-it zyrtar për rastin në fjalë, çështja i është ndarë një prokurorit të shtetit , i cili do ta trajtoj rasti se a ka elemente të veprës penale “Shkelja e statusit të barabartë të shtetasve dhe banorëve të Republikës së Kosovës”, nga neni 190 të Kodit Penal të Republikës së Kosovës. Pasi t’i ndërmerr të gjitha veprimet e nevojshme, atëherë prokurori i shtetit do vendos lidhur procedurat e mëtutjeshme”, thuhet në njoftim.

Një nxënëse e klasës së 11 e cila u largua nga gjimnazi ‘Bedri Pejani’ në Pejë shkaku i vendosjes së shamisë, i kishte njoftuar paraprakisht drejtorinë, mësimdhënësit dhe gjithë stafin e shkollës për vendimin që kishte marrë lidhur me bartjen e shamisë.

Në letrën e saj drejtuar shkollës dhe institucioneve arsimore, nxënësja ka theksuar se dëshiron të ushtrojë të drejtën e saj për të zgjedhur veshjen fetare.

Sipas saj, vendimi për pezullim është në kundërshtim me nenin 55 të Kushtetutës së Kosovës, i cili përcakton se të drejtat dhe liritë kushtetuese mund të kufizohen vetëm përmes ligjeve, dhe jo përmes udhëzimeve administrative.

S’shihen lëvizje nga Qeveria për CEFTA-n, kërcënim i ri nga Gjermania: Kosova rrezikon…

Qeveria nuk ka lëvizur, ndërkohë që nga Gjermania janë përsëritur kërcënimet për përjashtimin e Kosovës nga CEFTA dhe Procesi i Berlinit nëse nuk hiqet ndalesa për mallrat e prodhuara në Serbi. I dërguari gjerman për Ballkanin Perëndimor, Manuel Sarrazin, pasi erdhi dy herë në Prishtinë për këtë çështje, tash thotë se vendi rrezikon izolim të thellë.

Gazeta Express

Kosova mund të mbetet jashtë marrëveshjes për tregti të lirë, CEFTA dhe Procesit të Berlinit, iniciativës që Gjermania e nisi nga viti 2015 për zgjerimin e Bashkimit Europian me shtetet e Ballkanit Perëndimor.

I dërguari i Gjermanisë për Ballkanin Perëndimor, Manuel Sarrazin e ka përsëritur kërcënimin për përjashtimin e Kosovës nga CEFTA dhe Procesi i Berlinit.

Kosova mund të përballet me thirrje për përjashtim nga Marrëveshja e Europës Qendrore për Tregtisë të Lirë dhe ndëshkime të tjera, nëse vazhdon t’i ndalojë importet serbe, i tha Sarrazin BIRN-it sot, siç raportoi Balkan Insight.

Këtë kërkesë, ai ia ka bërë edhe kryeministrit Albin Kurti, ndërsa së fundmi për këtë erdhi dy herë në Kosovë.

Sarrazin ka thënë se ndalimi i mallrave të prodhuara në Serbi që prej qershorit të vitit të kaluar është kundër parimeve të CEFTA-s dhe në këmbim të heqjes së ndalesës, ka ofruar që Kosova të përfaqësohet në CEFTA me emrin e saj, me fusnotë, dhe jo përmes Misionit të Organizatës së Kombeve të Bashkuara në Kosovë (UNMIK).

Ndërsa kryeministri Albin Kurti nuk u duk i bindur, Qeveria tha të premten përmes zëdhënësit Përparim Kryeziu se po punon për zhbllokimin e CEFTA-s.

“Në drekën e ftuar dje nga Presidentja e Komisionit Evropian, Ursula von der Leyen, kryeministri Kurti ka shprehur angazhimin e tij dhe të Qeverisë së Republikës së Kosovës për marrëveshje të reja në kuadër të këtij procesi, dhe në të njëjtën kohë theksoi rëndësinë e zbatimit të plotë të katër marrëveshjeve të mobilitetet të nënshkruara në Berlin dhe Tiranë”, tha Kryeziu për RTK-në, ndërsa Kurti ishte në Bruksel.

Gjermania po përgatitet ta presë samitin e Procesit të Berlinit më 14 tetor, duke shënuar dhjetëvjetorin e platformës për bashkëpunim të nivelit të lartë ndërmjet shteteve të Ballkanit Perëndimor. Dhe ndërsa Kryeziu i tha RTK-së se sa ka kontribuar Kosova, sipas tij, që nga Procesi i Berlinit të dalin rezultate, Sarrazin tha se vendi rrezikon izolim më të thellë.

Sarrazin ka thënë se “do të jetë shumë keq” nëse Procesi i Berlinit “nuk arrin të ofrojë rezultate konkrete në tregun e përbashkët rajonal”.

“Nuk do të ndalemi vetëm pse Kosova po bllokon. Kosova mund të bllokojë vetëm veten. Do të adoptojmë mundësi tjetër për një mekanizëm të përkohshëm, jo CEFTA”, paralajmëroi ai më 5 shtator, në një intervistë në Interaktiv të KTV-së.

Kjo sjellje e Kosovës, sipas tij, po i shtyn vendet tjera të rajonit “të bëjnë marrëveshje bilaterale, si ‘Ballkani i Hapur’”.

“Nëse nuk doni që të rikthehet “Ballkani i Hapur” nga hiri, ju duhet të keni vullnet politik për të bërë një kompromis edhe atëherë kur mbase nuk është gjëja që donit të bënit”, ka thënë ai.

Ministrja e Gjermanisë për Europën dhe Klimën, Anna Luhrmann, ka paralajmëruar gjatë një vizite në Kosovë më 16 shtator se bllokada në CEFTA ” rrezikon ta dështojë Procesin e Berlinit dhe ta parandalojë më tej bashkëpunimin rajonal”.

E bujshme: Etrit Berisha në Barcelonë?

Një lajm i bujshëm vjen nga Spanja, teksa një prej mediave kryesore spanjolle, e cila është shumë pranë klubit katalanas, “El Mundo Deportivo”, ka publikuar lajmin se portieri i kombëtares shqiptare, Etrit Berisha shikohet si një prej alternativave të mundshme për zëvendësimin e e Ter Stegenit.

Padyshim lajmi më i keq për katalanasit pavarësisht suksesit ndaj Villareal, ishte dëmtimi shumë i rëndë që pësoi portieri i tyre Marc Andre Ter Stegen.

Pas vizitave mjekësore ditën e sotme, nga mediat bëhet me dije se se sezoni i portierit të kombëtares gjermane mund të konsiderohet tashmë i mbyllur. Në këto kushte tek Barçka ka nisur menjëherë puna për gjetjen e zëvendësuesit të tij.

El Mundo Deportivo ka publikuar ditën sotme një listë të 10 portierëve, të cilët janë aktualisht pa ekip, mes së cilëve është edhe portieri shtatlartë i kombëtares tonë, Etrit Berisha.

Berisha është një portier me eksperiencë e me një karrierë të gjatë kryeisht në Serie A dhe me kombëtaren shqiptare. Skuadra e tij e fundit ishte Empoli, thuhet në këtë artikull nga media spanjolle.

Berisha është aktivizuar me skuadra të rëndësishme në Itali, si Lazio, Atalanta, Torino dhe së fundmi Empoli. Ai vijon të jetë në pritje të ndonjë oferte dhe vetëm fakti se ai shikohet si një alternativë për një klub të madh e me shumë histori si Barcelona është një vlerësim shumë i madh që i bëhet 35 vjeçarit.

Mes emrave të përfolur për afrimin tek Barcelona spikasin ato të ish portierit të Real Madrid, Keylor Navas, gjermanit Loris Karius apo Pavlenkës.

Asamblisti jep dorëheqjen nga të gjitha funksionet e tij në VV, publikon mesazhet me këtë figurë të rëndësishmë të partisë

Asamblisti i Kuvendit Komunal të Drenasit, Selman Qallapeku, ka dhënë dorëheqje të parevokueshme nga të gjitha funksionet e tij në Lëvizjen Vetëvendosje.

Ai thotë se së bashku me të, kanë dhënë dorëheqjet edhe dhjetëra anëtarë, simpatizantë dhe aktivistë të Lëvizjes. Në këtë mënyrë, sipas Qallapekut, pothuajse shuhet nëndega në Terstenik.

Postimi i plotë:

DORËHEQJE….!

Të nderuar miq, shokë, bashkëvendës, dhe përkrahës të rrugëtimit tim politik, përmes këtij shkrimi ju njoftoj se jap dorëheqje të parevokueshme nga të gjitha funksionet e mia në Lëvizjen Vetëvendosje. Së bashku me mua, kanë dhënë dorëheqje edhe dhjetëra anëtarë, simpatizantë dhe aktivistë të Lëvizjes. Në këtë mënyrë pothuajse shuhet nëndega në Terstenikë  këtë e them me bindje të plotë si ish-kryetar i saj.

Dorëheqja ime është e mirë menduar dhe vjen pas një konsultimi të gjerë me përkrahësit dhe bashkëpunëtorët që më kanë mbështetur gjithnjë.

Arsyet e largimit tim nga Dega e Lëvizjes Vetëvendosje janë:

1. Instalimi i një dukurie negative në degë, ku nuk vlerësohet puna, aktiviteti dhe përkushtimi.

2. Papërgjegjësia totale e kryetares së Degës, znj. Egzona Terdevci, e cila erdhi në krye të Degës përmes një zarfi nga qendra, duke mos respektuar statutin, normat dhe rregulloret e Lëvizjes.

3. Punësimet në institucione publike dhe emërimet politike pa meritë.

4. Shuarja e aktivitetit në degë, mungesa e trajtimit të aktivistëve dhe humbja e rreth 70% të anëtarësisë.

5. Egzona Terdevci, si kryetare e Degës, ishte në dijeni se asambleisti D. Halilaj është punësuar në Ministrinë e Mbrojtjes, gjë që e bën të pamundur mbajtjen njëkohësisht të postit në Ministri dhe të postit të asambleistit. Duke e ditur që isha i radhës për të marrë atë detyrë, të cilën e fitova përmes votave të qytetarëve, për një kohë më mohuan të ushtroj këtë funksion pa dhënë llogari, deri sa u konfirmua nga institucionet përkatëse.

Këto janë disa nga arsyet që e pamundësojnë qëndrimin tim në Lëvizjen Vetëvendosje. Por, mbi të gjitha, preokupimi im kryesor mbetet pyetja se pse ju pengonte prania ime në Kuvendin Komunal, kur dihej që isha një nga kandidatët më të votuar në listën për asamble.

Lëvizja Vetëvendosje duhet të dijë se shkaku kyç i dorëheqjes sime është Egzona Terdevci, një aventuriere politike, e cila erdhi rishtazi në Vetëvendosje përmes iniciativës së Xhavit Drenorit, pasi ai ishte “mësuesi” i saj politik. Egzona Terdevci madje ishte kandidate për asamble nga lista e tij në vitin 2017. Tani çfarë ka ndodhur? Ajo vetëm ka ndërruar mësuesin, dhe mësuesi i saj i ri dihet kush është. Kështu që Egzona duhet të mbajë përgjegjësi për gjendjen në të cilën e ka sjellë degën.

Në seancën e fundit të Kuvendit Komunal, e ashtuquajtura kryetare e degës në Drenas, Egzona Terdevci, ka pohuar se unë isha i parëndësishëm për Lëvizjen Vetëvendosje (VV). Atëherë, përse më ke thirrur dhjetëra herë në telefon dhe më ke shkruar pa ndërprerje nëse unë kam qenë i parëndësishëm? Kjo është e turpshme, veçanërisht nëse i atribuoni ato të pavërteta një kryetari të një nëndege të madhe, siç është ajo e Terstenikut.

Ndërsa sa i përket disa fjalëve që Egzona Terdevci i tha, se gjoja unë jam shitur apo jam kërcënuar, dua të sqaroj se nëse do isha shitur, do kisha qëndruar tek ju, pasi më keni bërë oferta të ndryshme, duke më lutur që të qëndroj dhe të hap telefonin. Por, sa i përket kërcënimeve, dua të them se kërcënimet tek unë nuk pinë ujë. Ndërsa ju, mund të jeni edhe e kërcënuar edhe e shitur, dhe këtë e dëshmojnë lëvizjet tuaja në subjekte politike.

Të nderuar qytetarë, unë jam po i njëjti, por nuk mund të vazhdoj të qëndroj në një vend ku nuk respektohet kontributi, ku fyhen aktivistët, ku vlerësohen injorantët, dhe ku cenohet fjala e lirë – vlera themelore e demokracisë, për të cilën Lëvizja kishte dikur prioritet. Ne jemi zotuar dhe kemi punuar për të arritur rezultate të shkëlqyera, ndaj unë, Selman Qallapeku, ju garantoj se do të jem zëri i të gjithëve pa dallim në Kuvendin Komunal, pa anime dhe me ndërgjegje.

Me respekt,

SQ

Postimi i plotë: