Haradinaj: Qeveria urgjentisht t’iu rritë rrogat ushtarëve, shumica prej tyre kryejnë 2-3 puna për me mbajtë familjen

Ish deputeti i AAK-së, Daut Haradinaj në një intervistë për IndeksOnline ka folur situaten e sigurisë në vend.

Sipas Haradinaj, Kosova nuk e ka shfrytëzuar mjaftueshëm sulmin në Banjskë, kjo pasi gjithë ky sulm ka qenë orkestrim nga Qeveria e Serbisë.

Haradinaj ka thënë se beson shumë në institucionet e sigurisë.

“Njësia Speciale e Kosovës janë elitarë, të gatshëm me u përballë me çdo situatë, sidomos me Serbinë”

Haradinaj poashtu ka lavduar ushtrinë e Kosovës.

“Ushtria e Kosovës super e trajnuar, çdo qytetarë ushtar i vendit të vet”, tha ai.

“Duhet me i rritë kushtet, logjistikën, konsideratë për pagesë, me ju rritë rrogat pasi shumica e ushtarëve i mbajné 2-3 puna për me mbajtë familjen”, theksoi ai

Dy deputetë “ndahen” nga VV-ja, Kusari-Lila tentoi t’i bind të votojnë

Ambasada e ShBA-së mohon t’i ketë anuluar trajnimet për Policinë e Kosovës

Abdixhiku: Prishtina është gati për zgjedhje, nga 5 dege janë propozuar 20 kandidatë për deputetë

Kreu i LDK-së, Lumir Abdixhiku, përmes një postimi ka bëre të ditur se në 5 degë të Lidhjes janë propozuar 20 kandidatë për deputetë.

Kurti: Lidhjet diplomatike dhe ekonomike me Greqinë kanë shënuar rritje në këto tri vjet e gjysmë, sidomos pas liberalizimit

Kryeministri Albin Kurti është takuar në New York me Kryeministrin e Greqisë, Kyriakos Mitsotakis, me të cilin ka thënë se ka pasur një takim të mirë.

Ia doli! Nëna e Çiljetës fiton betejen me kanćerín: Faleminderit Allahut

Këngëtarja shqiptare, Çiljeta Xhilaga kishte një brengë të madhe në jetën e saj.

Nëna e saj po luftonte me kancerin tash e sa kohë.

LEXO EDHE:

• Sot martohet Shkenda Dubova me biznesmenin e njohur
• Festë në shtëpinë e Ermal Fejzullahut

Por lajm i mirë erdhi sot nga këngëtarja.

Ajo shprehet se nëna e saj e ka fituar betejën me jetën.

“E fitove betejën për jetën. Faleminderit Allahut”, ka shkruar artistja.

Sa janë pagat në Zvicër?

Natyrisht, paga juaj do të varet jo vetëm nga vendi ku jetoni në Zvicër, por edhe nga lloji i punës që bëni dhe pozicioni juaj brenda kompanisë. Por statistikat zbulojnë disa fakte për qytetet ku (në përgjithësi) pagat priren të jenë më të lartat.

Studimi ‘City Statistics’, i publikuar nga Zyra Federale e Statistikave (FSO), ofron disa pamje interesante në aspekte të ndryshme të jetës në 10 qytetet më të mëdha të Zvicrës, transmeton albinfo.ch.

LEXO EDHE: 

• Zbulohen dy ditët e javës kur çmimet e biletave të avionëve janë më të ulëta
• Shteti ku paraja nuk ka asnjë vlerë

Midis tyre është një krahasim se ku pagat mesatare janë më të larta dhe më të ulëta.

Vendet e përdorura për studim janë Cyrihu, Bazel, Berna, Biel/Bienne, Gjenevë, Lozanë, Lucern, Lugano, St. Gallen dhe Winterthur.

FSO e bazoi analizën e saj në të ardhurat mesatare vjetore të tatueshme për taksat federale, të deklaruara nga secili banor, shkruan thelocal.

Këto janë gjetjet:

Ndoshta nuk është për t’u habitur që Cyrihu kishte pagën më të lartë – mesatarisht 70,394 franga të ardhura të tatueshme.

Por atëherë të dhënat janë më befasuese: ndërsa mund të prisni që Gjeneva të jetë në vendin e dytë për sa i përket pagave, qyteti është, në fakt, në vendin e katërt – pas Bazelit (66,923) dhe Luganos (62,339).

Gjeneva është më pas me 60,989 franga, e ndjekur nga Lucerne (59,827), Winterthur (57,253), Berna (57,064), Lozana (54,397), St. Gallen (53,351) dhe Biel/Bienne (44,973).

Ka dy gjëra që duhen mbajtur parasysh: këto të ardhura të tatueshme janë të vitit 2021; pagat janë rritur mjaft që atëherë (paga mesatare në Zvicër në vitin 2024 është rreth 80,000 franga në vit).

Megjithatë, këto janë statistikat me të cilat FSO ka punuar për studimin e saj.

Gjithashtu, këto shifra janë vetëm për qytetet; nëse përfshini statistikat nga aglomoracionet, shifrat janë më të larta – për shembull, ndërsa në qytetin e Gjenevës, paga vjetore renditet si rreth 61,000 franga, nëse shtohen zonat periferike, ky numër shkon në 72,640.

Është e njëjtë për të 10 qytetet.

A nuk janë pagat në qytetet e mëdha zvicerane më të larta se shifrat në studim?

Shumë varet nga lloji i kritereve dhe metrikave të tjera që përdoren në llogaritjen e pagave.

Kjo mund të jetë arsyeja pse jeni mësuar të shihni numra të ndryshëm.

Dhe ka një pjesë më interesante të të dhënave në studimin e FSO

Kjo nuk ka lidhje me pagat. Por FSO gjithashtu shikoi përqindjen e banorëve në çdo qytet që flasin anglisht në shtëpi.

Këto janë rezultatet:

Cyrih 15.8 për qind

Bazel dhe Gjenevë: 13.7 për qind

Lozana 9.9 për qind

Luzern 8.4 për qind

Bernë 8.2 për qind

Winterthur 6.5 për qind

Biel/Bienne 5.2 për qind

St. Gallen dhe Lugano 4.8 për qind.

Xhaxhai i Afrim Bunjakut: Kjo ishte gjëja që Afrim Bunajku bënte çdo herë para se të nisej në Veri

Xhaxhai i heroit Afrim Bunjaku, Gani Bunjaku, së fundmi ka treguar detaje nga bisedat që ka pasur me nipin e tij, tashmë të ndjerë.

LEXO EDHE:

Pamje të reja të Afrim Bunjakut në veri

Djali i babës, Jetlum Afrim Bunjaku i hap dyert e shtëpisë në njëvjetorin e rënies heroike të babait

Sipas tij, Afrim Bunjaku e parandjente rrezikun sa herë vishte uniformën dhe nisej drejt veriut.

“Çdo herë në prezencë të fëmijëve… çdo herë ka thënë ‘që s’e kuptojnë që çdo herë përshëndetna për të fundit herë kur nisna për atë drejtim’. Mua më kanë thënë dhe i kam thënë mos të diktojnë fëmijët. Ajo është puna jote”, është shprehur Gani Bunjaku.

Mes tjerash, ai ka treguar edhe për emocionet që Afrim Bunjaku kishte shfaqur kur policia patrulluese ishte pajisur me armë të gjata.

“Kur u furnizua me armë të gjata, kah vjen, e kish pas marrë dhe ish gëzu shumë. Thojke ta pagujmë veten, me një pishtole s’mujm me ba kurgja, a ky rrok gjon. Sytë i keshnin që ia kishin dhënë armën. Çdo herë ka thënë se ‘nuk besoj që shkoj gjakhumbur’. Dhe shokët ia kanë marrë hakun aty për aty”, ka thënë xhaxhai i Afrim Bunjakut në Klan.

Publikohen një video e paparë: Afrim Bunjaku duke patrulluar, pak para s’ulmit në Banjskë

Deputetja e AAK-së i reagon Korenicës, e kritikon se po e riaktualizon çështjen e shamisë meqë do të marr vëmendje

Deputetja e AAK-së, Albana Bytyqi, i ka reaguar kolegut të saj deputet nga Lëvizja Vetëvendosje, Visar Korenica, pasi ky i fundit ka thënë se s’do të marrë pjesë në votimet në Kuvend deri të kthehet në shkollë një vajzë me shami nga qyteti i Pejës.

LEXO EDHE:

• Deputeti i VV’së e përmend çështjen e nxënëses me shami, Konjufca: Nga 6-7 janari nis fushata, keni kohë me i ngrit të gjitha
• Vendoset kamerë te varri i Faton Hajrizit, vëllai i tij tregon arsyen

Bytyqi e ka kritikuar Korenciën se po e ngre zërin me vonesë, duke ia kujtuar ndryshimet për Udhëzimin Administrativ që Lëvizja Vetëvendosje i ka premtuar.

Deputetja e AAK-së ka aluduar se Korenica e ka aktualizuar pikërisht këtë temë, meqë e di që do të marrë vëmendje.

“Ok, krejt në rregull Visar, por ku ishe ti që sa vjet për të fol e ngritur zërin për ndalesën nëpër shkolla që u është bërë vajzave me shamia vazhdimisht pikërisht për shkak të udhëzimit që partia jote ka premtuar se do të bëjë ndryshime. Apo, duke e pas të qartë shumë mirë se një temë si kjo merr gjithmonë vëmendje, e paske filluar fushatën qysh tash. Pse nuk veprove edhe më herët kështu? Mundësinë e ke pas por thjesht nuk të ka interesu, deri sot, sigurisht!”, ka shkruar Bytyqi.

Specialja merr vendim për Haxhi Shalën

Dhomat e Specializuara të Kosovës (DhSK) në Hagë, kanë marrë vendim që të hudhet poshtë kërkesa e Haxhi Shalës për rishikim të vendimit, me të cilin i vazhdohej paraburgimi.

LEXO EDHE:

• Aksion i madh i Prokurorisë dhe Policisë, arrestohen tre persona, janë “peshqi të mëdhenjë”
• Kush është dëshmitari i 91-të në Speciale ndaj ish-krerëve të UÇK-së?

Kjo është bërë e ditur përmes konferencës javore nga zëdhënësja e DhSK-së, Angela Griep.

“Më 19 shtator, kryetarja Ekaterina Trendafilova caktoi Panelin e Gjykatës Supreme për të vendosur mbi kërkesën e Haxhi Shalës për rishikim të vendimit të Gjykatës Supreme, në të cilin u hodh poshtë kërkesa e z. Shala për mbrojtjen e ligjshmërisë në lidhje me vazhdimin e paraburgimit të tij”, tha Griep.

Zëdhënësja tha se Paneli i Supremes ka konstatuar se nuk kishte shkelje të konsiderueshme të procedurës nga ana e gjyqtarit të procedurës paraprake, i cili fillimisht e vazhdoi paraburgimin e as nga Paneli i Apelit, i cili e konfirmoi atë vendim.

“Paneli i Gjykatës Supreme konstatoi se nuk kishte shkelje të konsiderueshme të procedurës nga gjykatësi i procedurës paraprake, i cili fillimisht urdhëroi vazhdimin e paraburgimit, ose nga Paneli i Apelit i cili e konfirmoi vendimin. Duke qenë se z. Shala kërkon rishikim të vendimit të mëparshëm, kryetarja (Trendafilova) caktoi të njëjtit gjykatës: Ekaterina Trendafilova, Kristinë van de Vajngart dhe Daniel Fransen”, tha ajo, raporton Betimi për Drejtësi.

Ajo tha se në këtë çështje gjyqësore, gjykimi pritet të fillojë më 11 nëntor, ndërsa dëshmitari i parë pritet të dëgjohet në mes datave 11 dhe 15 nëntor 2024.