Ky është moti për nesër

Gjatë natës dhe mëngjesit të hershëm të së dieles fillimisht nē Shqipëri, pastaj edhe në Kosovë priten zhvillime të fuqishne të vranësirave frontale me rrebeshe lokalisht intensive me vetëtima dhe bubullimë.

LEXO EDHE:

• Të hënën pritet të rrënohet objekti i ‘famshëm’(Pamje)

Këto zhvillime vijnë bashkë me frontin e fuqishëm të ftohtë ajror që sjellë tranzicion rapid nga vera në vjeshtë e në bjeshkët më të larta edhe në dimër kalimtar.

Gjatë ditës së diel priten vranësira e reshje e rrebeshe lokale shiu, por parashihen lokalisht edhe intervale kohore me diell sidomos në disa zona të Shqipërisë. Temperaturat shënojnë ulje të ndjeshme dhe ajo maksimale në Kosovë pritet deri në 17°C.

Boksierat kosovar nuk kanë të ndalur sot, një tjetër bën super meç

Boksieri nga Kosova, Altin Zogaj ka mbrojtur titullin IBO peshat e lehta.

Zogaj bëri luftë fantastike ndaj Joseph Maigwisya në “Ludwigsburg Arena”, shkruan Indeksonline

Me këtë fitore Altin Zogaj shkon në numrin e 15 meçeve pa humbje, 8 prej tyre i ka me nokaut.

Nipi i pamposhtur i Luan Krasniqit hip sonte në ring – këtu mund ta ndiqni meçin

Kujtojmë që pak më parë fitore kanë arritur dhe Ardian Krasniqi dhe Eris Bajra.

Nipi i pamposhtur i Luan Krasniqit hip sonte në ring – këtu mund ta ndiqni meçin

Nuk po e zhgënjen Luanin, Ardian Krasniqi fiton meçin e radhës me nokaut

Ardian Krasniqi ka shënuar fitore të madhe me nokaut, duke mbetur kampion i WBO Intercontinental.

Krasniqi mposhti me nokaut qysh në raundin e parë kundërshtarin e tij, Saul Ivan Male, shkruan Gazeta Imazhi.

LEXO EDHE:

Zhegrova s’ka të ndalur, përsëri protagonist për Lillen

Kjo është fitorja e 10-të me nokaut në po aq meçe për boksierin nga Juniku, Ardian Krasniqi.

Eris Bajra tregohet i madh, fiton titullin “IBO World Youth”

Fitore sonte siguruan edhe Eris Bajra dhe Altin Zogaj.

Lavrov paralajmërim Perëndimit: Mos kërkoni konfrontimin me Rusinë

Ministri i Jashtëm rus Sergei Lavrov u tha Kombeve të Bashkuara të shtunën se ishte e pakuptimtë të injorohen alternativat ndaj propozimeve të paqes të Ukrainës, duke paralajmëruar Perëndimin për rrezikun e përpjekjes për të “luftuar deri në fitore me një fuqi bërthamore”.

Duke iu drejtuar Asamblesë së Përgjithshme të OKB-së, zoti Lavrov kritikoi vendet që mbështesin Ukrainën dhe propozimin e paqes të Kievit.

Rusia sulmoi Ukrainën në shkurt 2022. Nëntë muaj më vonë, presidenti ukrainas Volodymyr Zelenskiy njoftoi një plan paqeje prej 10 pikash për t’i dhënë një fund të drejtë luftës, në bazë të Kartës themelore të OKB-së dhe ligjit ndërkombëtar. Moska e refuzoi propozimin.

“Unë nuk do të flas këtu se sa e pakuptimtë dhe e rrezikshme është vetë ideja e përpjekjes për të luftuar deri në fitore me një fuqi bërthamore, siç është Rusia”, tha Lavrov.

“Po aq e pakuptimtë, mbështetësit perëndimorë të Kievit zotohen se nuk ka alternativë ndaj negociatave të bazuara në formulën famëkeqe të paqes”.

Duke rikujtuar planet e aleatëve perëndimorë në vitet 1940 për të “shkatërruar” Bashkimin Sovjetik, ai akuzoi Perëndimin se po përpiqej për një “disfatë strategjike” të Rusisë në Ukrainë.

“Strategët aktualë anglo-saksonë nuk po i fshehin idetë e tyre. Tani për tani, është e vërtetë, shpresojnë ta mposhtin Rusinë duke përdorur regjimin e paligjshëm neo-nazist të Kievit, por ata tashmë po e përgatisin Evropën që ajo gjithashtu t’i futet kësaj aventure vetëvrasëse”, tha Lavrov.

Rusia është gjithashtu e shqetësuar për sulmin izraelit në Bejrut që vrau udhëheqësin e Hezbollahut dhe që të tilla “vrasje politike” janë bërë të zakonshme, tha Lavrov./VOA

Eris Bajra tregohet i madh, fiton titullin “IBO World Youth”

Eris Bajra arriti të fitojë titullin “IBO World Youth”, në kategorinë e peshave të lehta.

LEXO EDHE:

• Nipi i pamposhtur i Luan Krasniqit hip sonte në ring – këtu mund ta ndiqni meçin

Kosovari që ka nënshtetësi të Zvicrës, u rrah me Raul Ugueto, ndërsa gjatë ndeshjes shihej se godiste mirë me dorën e majtë.

Të dy boksierët u rrahën mirë dhe ndeshja ishte me vetëm pak pikë dallim në vlerësimin e gjyqtarëve.

23-vjeçari ka gjithsej shtatë fitore me këtë që e arriti sonte, dhe një humbje.

“Ajka” e meçeve të kësaj nate do të jetë kur nipi i Luan Krasniqit, Ardiani, do të hyjë në ring me synimin për të fituar titullin “WBO Intercontinental”.

Nipi i pamposhtur i Luan Krasniqit hip sonte në ring – këtu mund ta ndiqni meçin

Zhegrova s’ka të ndalur, përsëri protagonist për Lillen

Skuadra e Lille ka shënuar golin e tretë ndaj Le Havre në ndeshjen e javës së gjashtë në Ligue 1.

Golin për 3:0 e shënoi sulmuesi David në minutën e 79’të, shkruan Indeksonline

Për David ky ishte goli i tretë në këtë ndeshje, duke kompletuar hat-trikun e tij.

Asist te goli i tretë për sulmuesin kanadez e bëri sulmuesi i Kosovës, Edon Zhegrova që po kalon në një formë të jashtëzakonshme.

Video

A do t’i futet politikës? Halil Kastrati del me sqarim

Është aluduar tash e ca kohë se humanisti i njohur, Halil Kastrati, do t’i hyjë politikës në zgjedhjet e ardhshme.

Lidhur me këtë, ka reaguar vet Kastrati, duke mohuar një përfshirje të tij në politikë, tani apo në të ardhmen.

“Dua të sqaroj të gjithë shqiptarët kudo që janë se informacionet që po qarkullojnë në rrjetet sociale rreth përfshirjes sime në politikë janë të pavërteta. Nuk jam dhe nuk kam synim të jem pjesë e asnjë partie politike” ka deklaruar Kastrati.

Përmes një postimi në profilin e tij zyrtar në Facebook, Kastrati është shprehur se fokusi i tij mbetet në projekte të tjera që kanë të bëjnë me humanizmin dhe kontributin për të gjithë ata që kanë nevojë, shkruan IndeksOnline.

“Andaj ju lutem mos bini pre e lajmeve të rreme që bëhen vetëm për klikime. Faleminderit për mirëkuptimin!” ka qenë thirrja e tij.

Kujtojmë se zgjedhjet qendrore në vend do të mbahen më 9 shkurt.

Haziri: Thonin veç me ta do të vie ‘era shtet’, por po vjen erë hajnie

Nënkryetari i LDK-së, Lutfi Haziri thotë se dikur VV-ja thoshte se veç me ta do të vij ‘Era shtet’, por që sipas tij, po kundërmon erë hajnie.

Nënkryetari i LDK-së thotë se Serbia ka punuar shumë për tërheqjen e njohjeve të Kosovës dhe ani pse kjo fushatë ishte e ndaluar me Marrëveshjen e Washingtonit, kjo tashmë nuk mund të ndalohet pasi, sipas tij, punën e tyre po e bëjnë Kurti dhe ministrat e tij.

‘Era shtet’ – Kur të vidhet drita, buka e kripa

Serbia ka punuar shumë në ofanzivë diplomatike në disa shtete të oqeanit pacifik dhe nëpër skaje të botës për të tërhequr njohjet e Kosovës. Marrëveshjen e Washingtonit, e cila e ndalonte fushatën e Serbisë për tërheqjen e njohjeve, Qeveria Kurti nuk e zbatoi, por na e sollën marrëveshjen e Ohrit Kurti-Vuçiq. Tashmë s’ka nevojë të parandalohet Serbia në atë fushatë, sepse punën e tyre po e bëjnë Kurti dhe ministrat e tij”, tha Haziri.

Haziri përmes një shkrimi në Facebook thotë se kjo qeveri përmes GEN’it serb po vjedhin rezervat shtetërore.

“Çka me pritë prej tyre që shesin energji përmes GEN-it serb, vjedhin rezervat shtetërore e së fundmi, tentojnë me vjedhë edhe pasulin e FSK-së!

A po kuptoni, dritën, bukën e kripën po na e vjedhin. Maxhen e popullit. Kjo hajni ka emër se njëmend nuk do ndodhur deri sot. Nuk do t’ia falin sepse e propagandonin të kundërtën në kohën e mbledhjes së votave, praptonin realitete se veç me ta do të vie ‘era shtet’. Por, po kundërmon erë hajnie! Po e ritheksoj, ata që e kundërshtuan e s’e deshën Republikën e 17 shkurtit, sot po e udhëheqin në izolim deri në falimentim”, shkroi Haziri.

“Dueti me Mozzik, e lidhja me Lotinën”, Lutfi Haziri me bashkëshorten flasin për dhëndrin e ri

Para pak ditësh është martuar biznesmenja Shkënda Dubova.

• Na mbajti sekret, zbulohet kush është burri i Shkenda Dubovës (Foto)
• Martesa e vajzës së Lutës, Mozziku e “kall” atmosferen, kërcen valle

Ajo kurorëzoi dashurinë e saj në një dasmë të bukur, pjesë e të cilës ishin figura të shumta publike.

Ndër ta edhe politikani Lutfi Haziri, i cili tashmë është edhe vjehrri i reperit Mozzik.

Në një prononcim, ai është pyetur se si e ka pritur lidhjen e vajzës së tij Lotinës me reperin Mozzik.

Në lidhje me këtë ai është përgjigjur: atë çfarë kemi pa dhe kemi gjetë tek ai është ajo çfarë Lotina ka dashtë. Kur është fëmija i lumtur, ne fëmijët jem mbështetës. Unë jam roker, këngët e tij fort nuk i kam dëgjua por i kam përcjellë. Albumet e fundit i ka të jashtëzakonshme.

Ndërkaq, nëna e Lotinës e pyetur se a do të bënte bashkëpunim me dhëndrin e ri ka thënë “Nuk e di sa kombinohet repi me popullore, por pse jo”.

Vdes Reshat Behluli, figurë e rëndësishme në PDK

Pas një sëmundje të rëndë, në moshën 66-vjeçare ka ndërruar jetë Reshat Behluli, ish-sekretari i Gjimnazit Shoqëror “Zenel Hajdini”, Gjilan.

LEXO EDHE:

• E dhimbshme: Ndërron jetë i riu nga Peja
• E rëndë: Vdes papritmas i riu, le pas gruan me tre fëmijë

I ndjeri ka qenë dhe kryetar i nëndegës së PDK-së në Gjilan, transmeton Gazeta Imazhi.

Lajmin e ka bërë të ditur vet PDK-ja, duke i shprehur ngushëllime familjarëve dhe të gjithë atyre që e njohën Behlulin.

“Largimi i tij nga kjo botë është humbje e madhe për ne si bashkëpartiakë, e padyshim është humbje e madhe për familjarët, miqtë e gjithë kolegët” thuhet në njoftimin e PDK-së.

Varrimi i Reshat Behlulit do të bëhet nesër në Gjilan.

Ky është njoftimi i plotë i PDK-së:

Me pikëllim të madh morëm lajmin për humbjen e mikut tonë, aktivistit të devotshëm i cili njëherit ishte edhe kryetar nëndege, e qytetarit të nderuar nga secili prej nesh z. Reshat Behluli.

Largimi i tij nga kjo botë është humbje e madhe për ne si bashkëpartiakë, e padyshim është humbje e madhe për familjarët, miqtë e gjithë kolegët.

Ne do ta kujtojmë përherë për urtësinë e tij, qetësinë, bashkëpunimin e përkushtimin.

Ngushëllime familjarëve e gjithë atyre që patën fatin ta njohin Reshatin nga afër.

U prehsh në paqe!