Punimet në rrjet, KEDS tregon se ku do të ketë ndërprerje të rrymës të mërkurën

Kompania për Distribuimin e Energjisë Elektrike në Kosovë (KEDS) njofton se më 02.10.2024 do të kryhen punime të domosdoshme për siguri të sistemit energjetik.

Si rezultat i kësaj, në disa lokalitete do të ketë ndërprerje të rrymës.

Ky është orari sipas rajoneve:

Prishtinë

Punime të domosdoshme për siguri të sistemit

1.

Nga TS 35/10kV Koliqi do të ndërprehet:

Dalja 10kV Keqekolla-Hjakobilla (kodi: 14016004) prej orës 10:30 deri në ora 15:00

Vendet: Keqekollë, Prapashticë, Hajkobillë, Dabishevc dhe Mutivodë.

Arsyeja: Mirëmbajtje preventive – ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

2.

Nga TS 220/35/10(20)kV Podujeva do të ndërprehet:

Dalja 10kV Fshatrat 2 (kodi: 14000010) nga ora 09:00 deri 14:00

Vendet: fshatrat: Sibofc, Lluzhan, Penuhë, Lupç i Epërm, Llugë, Majac dhe Popovë.

Arsyeja: Mirëmbajtje preventive.

3.

Nga NS 110/10(20)[kV] Prishtina 2 do të ndërprehet:

TS 10/0.4kV Rezervoari 3 (kodi: 11000079057) nga ora 10:00 deri 14:00

Vendet: rr. Isa Kastrati, rr. Dr.Lec Gradica, rr.Manastiri dhe Qëndresa.

Arsyeja: Ndërprerje për siguri, ndërrimi i ormanit të djegur 04 kV.

4.

Nga NS 110/10(20)[kV] Prishtina 5 do të ndërprehet:

LP 10kV Llukar (kodi: 13000004) nga ora 10:00 deri 13:00

Vendet: Llukar, Makovc dhe Sinidoll.

Arsyeja: Ndërprerje për siguri, pastrimi i trasesë.

5.

Nga TS 110/10(20)kV Prishtina 2 do të ndërprehet TS-i:

NS 10/0.4kV TS Blloku I parë  (kodi: 11000002005) nga ora 10:00 deri 15:30

Vendet: 166. rr. Mehmet Akif Ersoy p.n.

Arsyeja: Ndërprerje për siguri,  vendosja e shtyllave të tensionit të ulët, rr. Ali Hadri.

6.

Nga TS 110/10(20)kV Prishtina 2 do të ndërprehet TS-i:

NS 10/0.4kV TS Blloku I parë  (kodi: 11000002111) nga ora 10:00 deri 15:30

Vendet: 115. rr. Lidhja e Lezhës 70A.

Arsyeja: Ndërprerje për siguri,  vendosja e shtyllave të tensionit të ulët, rr. Ali Had

Ferizaj

Punime të domosdoshme për siguri të sistemit

1.

Nga TS 35/10kV Ferizaj III do të ndërprehet:

LP 10kV J03 Jezerci (kodi: 40042003) prej orës 10:30 deri në ora 15:00

Vendet: Manastirc, Nerodime e Ulët dhe e Epërme, Balaj, Jezerc dhe bizniset private

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

Pejë

Punime të domosdoshme për siguri të sistemit

1.

NS 110/35/10[kV] Peja 1 do të ndërprehet:

Dalja 10kV Radavci (kodi: 50000004) nga ora 10:30 deri 15:00

Vendet: Vitomiricë, Brestovik, një pjesë e Novosellës, Jabllanicë e Vogël, Jabllanicë e Madhe dhe BRRE-Hidrocentrali Radavci.

Arsyeja: Mirëmbajtje preventive, pastrimi i trasesë.

Vërejtje! Dalja ka BRRE.

2.

TS 110/10[kV] Deçan do të ndërprehet:

LP 10kV J26 Deçani (kodi: 53000003) nga ora 11:30 deri 14:30

Vendet: rrugët: Agush Gjoci (një pjesë), Bedri Shala (një pjesë), Bekim Berisha (një pjesë), Dëshmorët e Deçanit, Dëshmorët e Kombit, Dëshmorët e Kombit-Baballoq, e Demostratave, Haki Povataj, Himë Mushkolaj, Isa dhe Valdet Kuçi, Luan Haradinaj, Luigj Gurakuqi, Mehmet Ukaj, Mentor Tolaj, Nagip Cacaj, Qamëria, Rrustem Bruqi, Sadri Demukaj, Sali Hadergjonaj (një pjesë), Salih Çeku, Shaban Polluzha, Sheshi Mentor Tolaj, Skendërbeu dhe UÇK (një pjesë); fshatrat: Carabreg, Carabreg i Ulët, Carabreg i Epërm, Dobrunaj (një pjesë) dhe Lloqan (një pjesë).

Arsyeja: Ndërprerje për siguri, kontrollimi i ndarësit të kthinës J02 në Stabilimentin Shpërndarës “Te KEK-u”.

Punime nga palët e treta

1.

Nga TS 110/10(20)[kV]  Peja 2 do të ndërprehet:

LP 10kV J03 Leshani (kodi: 51000005) nga ora 09:00 deri 14:30

Vendet: fshatrat: Ramon, Gllaviqicë, Leshan, Jabllanicë, Rosuja dhe Cvërk e Thatë.

Arsyeja: Ndërrimi i përçuesit të mbetur nga shkyçja e kaluar, punimet do të bëhen sipas projektit të aprovuar.

Prizren

Punime të domosdoshme për siguri të sistemit

1.

Nga TS 35/10kV Zhuri do të ndërprehet:

LP 10kV J05 Poslishta (kodi: 30035006) nga ora 10:30 deri 15:00

Vendet: Poslishta, Grazhdaniku, Kobi I, Kobi II, Gurthyesi Renelual Tahiri, Poslishti I, Poslishti II, Vlashna I, Vlashna II dhe Muradema.

Arsyeja: Mirëmbajtje preventive e daljes 10 [kV] (shtrëngimi i përçuesve, ndërrim i shtyllave/izolatorëve të dëmtuar) dhe pastrimi i trasesë.

2.

Nga NS 35/10kV Pirana do të ndërprehet:

LP 10kV Hasi 2  (kodi: 30034003)  nga ora 10:00 deri 14:00

Vendet: fshatrat: Bregu i Drinit, Dedaj, Kabash i Hasit, Krajk (një pjesë), Kushnin, Lubizhdë e Hasit, Lukinaj (një pjesë) dhe Romajë.

Arsyeja: Mirëmbajtje preventive, kontrollimi i trafostacionit , ndërrimi i shtyllave/ shtrëngimi i përçuesve dhe pastrimi i trasesë.

Mitrovicë

Punime të domosdoshme për siguri të sistemit

1.

Nga TS 10kV Shupkovci do të ndërprehet:

LP 10kV J02 Betonjerka (kodi: 70000104) nga ora 09:00 deri 14:00

Vendet: Rahovë, Zhazhë, Vllahi, Zijaq, Dedi, Zabërgjë, Selac, Maxher, Melenic, Boletin, rr.Shemsi Ajeti, rr.Bislim Bajgora, Kelmend-Lipë, Brigada 141 Mehë Uka, Lisicë, rr.Kadri Bistrica, rr.Kemajl Ataturku, Lipë, rr.Hekurudhës dhe rr Brigada 142.

Arsyeja: Mirëmbajtje preventive, ndërrimi izolatorëve të dëmtuar, kontrollimi i trafostacionit.

Gjakovë

Punime të domosdoshme për siguri të sistemit

1.

Nga TS 35/10kV Gjakova II do të ndërprehet:

LP 10kV J07 Raqë-Moglica (kodi: 81000117) prej orës 10:30 deri në ora 15:00

Vendet: Varoshi,Gërlica,Komogllava,Rakaj dhe bizniset private

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe  pastrimi i trasesë.

2.

Nga TS 110/35/10kV Rahoveci do të ndërprehet:

Dalja 10kV Opterusha (kodi: 82000010) nga ora 10:00 deri 14:00

Vendet: fshatrat: Bellacërkë, Brestoc, Celinë, Hoçë e Vogël, Hoçë e Madhe, Nagavc, Opterushë, Velika Hoca dhe Zoçishtë.

Arsyeja: Mirëmbajtje preventive, ndërrimi i shtyllës në TM Rahovec Pataqan.

Gjilan

Punime të domosdoshme për siguri të sistemit

1.

Nga TS 110/10kV Gjilani 5 do të ndërprehet:

Dalja 10kV J11 Ferma (kodi: 63000011) prej orës 10:30 deri në ora 15:00

Vendet: Cernicë, Livoqi i Epërm dhe i Poshtëm, Marefcët, Gumnishtë, Vrapqiq dhe Dea.

Arsyeja: Mirëmbajtje preventive, pastrimi i trasesë.

Kjo është e moshuara nga Mitrovica që ka 115 vite jetë

I kishte pesë vjet kur nisi Lufta e Parë Botërore.

Gjatë 115 vjetëve të jetës së saj, priti e përcolli edhe luftëra të tjera që sollën vuajtje. Por, këto përjetime, Xhezide Gërxhaliut nuk ia humbën asnjëherë vullnetin për jetën.

Gruaja nga Mitrovica, më e moshuara në vend, më me ëndje kujton kohët e lumtura të rinisë.

Përveç mendjes së kthjellët, një nga 13 personat më të moshuar në botë, mysafirët që i ka për zemër del vet i përcjell te dera. E për këtë shëndet që e gëzon, sebep është edhe ushqimi.

Parashikohen “reshje të shumta shiu” në këtë pjesë të Kosovës, IHMK tregon a mund të ketë përmbytje

Instituti Hidrometeorologjik i Kosovës (IHMK) ka bërë të ditur se në pjesën perëndimore të Kosovës pritet të ketë reshje të shumta shiu përgjatë këtij vikendi, gjegjësisht më datat 4 dhe 5 tetor.

Në njoftimin e IHMK’së thuhet se mund të ketë edhe vërshime të shpejta në disa vende, por jo edhe përmbytje.

“Sipas disa parashikimeve, nga fundëjava, sidomos me datë 04 dhe 05 tetor 2024, rajoni dhe jo vetëm do të përfshihen nga reshjet të shumta të shiut, si pasojë edhe përmbytje të mundëshme nëpër disa vende. Parashikohet që pjesa perendimore e Kosovës, sidomos zona malore (Alpet Shqiptare), të kenë më shumë reshje 100 – 150 mm brenda 5 ditëve”, thuhet në njoftim.

“Ndërsa pjesa e Rafshit të Dukagjinit 50 – 70 mm, të cilat duke pasur parasyshë situatën e deri tanishme hidrometeorologjike e karakterizuar me thatësi të tejëzgjatur, ku lumenjtë aktualisht janë nën vlerat e tyre mesatare, prandaj nuk parashikohet që të ketë përmbytje lumore. Për qfardo ndryshimi, do të ju njoftojmë me kohë”, vijon njoftimi.

---

TË NGJASHME:

Nga 10 nëntori hyn në fuqi ETIAS-i/ Për të udhëtuar drejt Evropës duhët të plotësojm këto kritere

Djali i vdiq tragjikisht vite më parë, ndërron jetë Habibe Istrefi, nëna e Rrezon Istrefit

Një lajm i pikëllueshëm vjen nga familja Istrefi nga Sfaraqku i Vushtrrisë.

Siç njoftojnë familjarët ka ndërruar jetë Habibe Istrefi, nëna e Rrezon Istrefit, i cili humbi jetën vite më parë deri sa ishte në punë.

Njoftimi i plotë nga familjarët:

Te Allahut jemi dhe tek ai do te kthehemi

Ju njoftojm se ka vdek gruaja e axhit Habibe Istrefi gruaja e Mehdi Istrefii dhe nena e te ndjerit Rrezon Istrefi varrimi behet neser me daten 02.10.2024 me drek ora 13:30 ne varrezat e fshatit Nadakofc

TË NGJASHME: 

E rëndë: Vdes papritmas i riu, le pas gruan me tre fëmijë

 

 

 

 

Kim Kardashian me urim të veçantë për ditëlindjen e djaloshit me prindër shqiptarë

Mario Dedivanovic është malazezi me prindër shqiptarë, që korri famë e bujë në SHBA.

Artisti i njohur i makijazhit ka pikturuar fytyrat e shumë VIP-ave, teksa tash e një kohë është grimer personal i Kim Kardashian, shkruan IndeksOnline.

E kjo e fundit, në ditëlindjen e tij të 41-të, ka bërë një urim të veçantë për Marion.

“Urime ditëlindjen mbreti i grimit. Të dua shumë Mario” ka shkruar Kim në disa fotografi të publikuara. Ajo ka ndarë portrete me Marion, nga dsia evente të ndryshme në të cilat ia ka besuar “look-un” grimerit.

TË NGJASHME:

Selena e “ndez” rrjetin, publikohen momente intime me një mashkull

 

 

Buzhala habitë me deklaratë: S’kam pikë emocioni kur luan Shqipëria

Serbia dhe Shqipëria do të bashkëorganizojnë Kampionatin Evropian për meshkuj U-21 në vitin 2027.

UEFA tha të enjten (26 shtator 2024) se vetëm oferta Serbi-Shqipëri përmbushi një afat të fundit këtë javë për të paraqitur planet e detajuara të turneut.

LEXO EDHE:

• Joshua suspendohet nga boksi, kjo është arsyeja

Gazetari Viktor Buzhala deklaroi në Politiko se me veprimet e federatës së futbollit në Shqipëri ndjenjat e tij ndaj asaj skuadre janë zbehur, teksa thotë se tashmë ska asnjë pikë emocioni, raporton gazeta10.

“Unë kam qenë fans i flakët i Shqipërisë deri kur është kirjuar kombëtarja e Kosovës, pastaj kur ka luajtur Lorik Cana, e ato ndjenja me kalimin e kohës duke e pa dekontruktivitetin e Federatës Shqiptare ndaj Kosovës, ato ndjenja janë zbeh dhe sot nuk kam pikë emocioni kur luan Shqipëria”, tha Buzhala.

“Unë emocione kam kur luan Kosova e në sport ekziston një dashuri”, shtoi ai.

TË NGJASHME:

“Armand Duka ka votuar kundër pranimit të Kosovës në UEFA”

Deliu: Të dhemb zemra kur sheh ushtarët e FSK-së që s’kanë ushqim të mjaftueshëm

Deputetja e Partisë Demokratike të Kosovës (PDK), Blerta Deliu, ka thënë se është nivel i ulët që qeveria ta kthejë Forcën e Sigurisë së Kosovës në një pozitë të tillë që të bëhen fokus i mediave, për shkak të shujtave.

“Ne kemi qenë krenar me mënyrën se si FSK-ja ka operuar ndër vite, është nën çdo nivel që sot qeveria me politika ad hoc ta kthejë ushtarin e Kosovës në një pozitë të tillë që ata të bëhen fokus i mediave vendore e ndërkombëtare se si po ushqehet ushtari i FSK-së,” ka thënë Deliu në emisionin “FIVE” të TV Dukagjinit.

Tutje, Deliu kritikoi qeverinë Kurti për ushqimin e pamjaftueshëm të ushtarëve të Forcës së Sigurisë së Kosovës.

“Të dhemb zemra kur sheh ushtarë të FSK-së, që më kanë shënuar për gjendjen e rëndë që ata sot janë, të privuar nga shujta. Fokusi kryesor duhet të jetë sot si do të ushqehen ushtarët e FSK-së, mburremi me FSK-në, por kjo mburrje po shihet që është e pamjaftueshme kur sfidat brenda këtij institucioni janë të rënda. Për keqardhje niveli i qeverisjes e mungesa e empatisë ndaj djemve dhe vajzave, burrave dhe grave që i kanë shërbyer me nder e pëkushtim Forcës së Sigurisë së Kosovës,” shtoi Deliu.

E dhimbshme: Vdes një 35-vjeçare, Policia jep detaje

Një ngjarje tragjike ka ndodhur sot paradite në një fshat të Suharekës, ku një 35-vjeçare ka vdekur në rrethana dhe për motive akoma të panjohura, raporton Gazeta Sinjali.

Rasti i rëndë ka ndodh në fshatin Krushic e Epërme, në Suharekë, sot rreth orës 11:00.

Lajmin e ka konfirmuar edhe Policia Rajonale në Prizren, e cila ka njoftuar se sipas deklaratave të familjes, gruaja ishte rrëzuar nga shkallët dhe kishte mbetur pa ndjenja.

Viktima është dërguar menjëherë në Spitalin Rajonal të Prizrenit dhe aty rreth orës 11:50, ka ndërruar jetë.

Policia është duke kryer hetimet për rastin, ndërsa në konsultim me Prokurorin është iniciuar rast.

“Është bërë shikimi i vendit të ngjarjes dhe dyshohet se viktima ka rënë nga ballkoni i shtëpisë në lartësi rreth 6 metra”, njofton Policia e Prizrenit për Gazetën Sinjalin.

Me urdhër të Prokurorit, trupi i pajetë i të ndjerës është dërguar në Institutin e Mjekësisë Ligjore në Prishtinë për obduksion.

TË NGJASHME:

E rëndë: Vdes papritmas i riu, le pas gruan me tre fëmijë

 

Mënyra më e rrezikshme e konsumimit të kafesë sipas mjekëve

Kafja është një nga pijet më popullore në botë dhe zakonisht konsumohet nga shumica e njerëzve.

Sipas studimeve rreth 65% e kësaj pije konsumohet që me mëngjes ndaj shpesh edhe flitet për vlerat dhe dëmet që shkakton në organizëm.

Një studim i fundit hedh dritë mbi rrezikshmërinë që një lloj përgatitje e kafes ka.

Çfarë duhet të dini

Në një studim të publikuar në Revistën Evropiane të Kardilogjisë Preventive thuhet se, kafja e pafiltruar përmban substance të cilat rrisin kolesterolin e keq në gjak.

Sipas drejtuesit së këtij studimi Dag Thelle, professor në Universitetin e Gothenburgut në Suedi, përdorimi i filtrave ndihmon në shëndetin e mirë të të gjithë organizmit.

Te gjitha llojet kafesë edhe ajo turke apo lloje të tjera përmbajnë sasi të larta të substancave si kafestol dhe kahueol.

Kimikate që gjenden në pikat e vajit  si pjesë përbërëse e kafesë duke u kthyer kështu në një dëm për shëndetin.

Studimet kanë treguar se këto substanca mund të rrisin nivelet e triglicerideve dhe nivelet e kolesterolit të keq.

Të dhënat e studimit

Për studimin e botuar në Revistën Evropiane të Kardiologjisë Preventive, studiuesit hetuan nëse ndonjë metodë e veçantë e përgatitjes së kafes ishte e lidhur me ndonjë rrezik më të lartë të vdekjes së parakohshme, sëmundjeve të zemrës dhe goditjes në tru.

Pjesmarrësit më shumë se 500,000 të rritur norvegjezë midis moshave 20 dhe 79 plotësuan anketa mbipërditshmërinë dhe shëndetine tyre për 2 dekada.

Gjatë kësaj periudhe kohore, afërsisht 12,000 pjesëmarrës vdiqën nga sëmundje të zemrës, 6,000 humbën jetën nga sëmundje ishemike e zemrës dhe pothuajse 3,000 të tjerë nga goditjet në tru.

Në fund studiuesit zbuluan se pjesëmarrësit që pinin kafen të filtruar kishin 15% më pak mundësi për një vdekje më të hershme.

Njerëzit që konsumonin nga një deri në katër filxhanë çdo ditë, patën nivelet më të ulëta të vdekshmërisë në përgjithësi.

Kjo shifër përfshin gjithashtu edhe ata që nuk konsumonin fare kafe.

Të dhënat si për ata që konsumonin kafe filtër dhe ata që nuk konsumonin fare kafe ishin thuajse të njejta dhe kjo sipas ekspertëve vërteton për ndihmën që kjo lloj përgatitje e kafes i jep organizmit.

Sidoqoftë edhe në këtë rast të kafesë më filtër mjekët nuk këshillojnë në asnjë rast më shumë se 5 filxhanë në ditë.

Sa orë gjumë i duhen njeriut për jetë të shëndetshme

 

“Në Kosovë flitet për luftë, në Serbi për zhvillim”, Vuçiq: Me Kurtin asnjëherë s’jemi përshëndetur

Presidenti i Serbisë, Aleksandar Vuçiq, ka akuzuar Kosovën se po flet për luftë dhe nuk po do dialog.

LEXO EDHE:

• Tensionet e Vuçiqit në New York: 7 ditë luftë, pata biseda të vështira për Kosovën
• Vuçiq: Bisedimet për Kosovën nuk ishin të lehta, por e kuptova se kush qëndron pas veprimeve të caktuara të Kurtit

Sipas tij, në Prishtinë po flitet për luftë, kurse në Beograd vetëm për zhvillim. Sipas tij, dialog nuk ka sepse këtë nuk e deshi pala kosovare.

“Unë besoj se mundësitë do të ndryshojnë në të ardhmen dhe se dikush do të kuptojë se nga dialogu dhe zgjidhjet e kompromisit përfitojnë të gjithë. Zgjidhja e gjërave me kërcënime, spastrim etnik të serbëve, në radhë të parë nga veriu i Kosovës, nuk është politikë serioze dhe nuk do të sjellë rezultate”, theksoi Vuçiqi.

I pyetur nëse i ka dhënë dorën kryeministrit Albin Kurtit, ai është përgjigjur se nuk është përshëndetur me të.

Vuçiq: Bisedimet për Kosovën nuk ishin të lehta, por e kuptova se kush qëndron pas veprimeve të caktuara të Kurtit