Arrestohet zëvendësministri i Qeverisë Kurti, në gjendje të dehur goditi motoçiklistin

Ali Tafarshiku, Zëvendësministri i Zhvillimit Rajonal, është arrestuar pas një incidenti të rëndë në Gjakovë, ku dyshohet se ka goditur një person që ishte duke udhëtuar me motoçikletë, ndërsa ishte në gjendje të dehur.

Sipas raportimeve të Insajderit, gjendja e viktimës është e rëndë dhe është dërguar për trajtim mjekësor, përcjell “Jepi zé”

Ngjarja ka ndodhur mbrëmjen e kaluar, duke shkaktuar shqetësim të gjerë në komunitet. Tafarshiku është anëtar i partisë Alternativa, e cila drejtohet nga Mimoza Kusari.

Arrestimi i tij ka ngritur pyetje mbi përgjegjshmërinë e zyrtarëve publikë, veçanërisht në situata të tilla që përfshijnë shkelje të ligjit dhe rrezik për jetën e tjerëve.

Policia e Kosovës ka filluar një hetim të plotë mbi këtë rast. Kjo ngjarje vjen në një kohë kur tema e sigurisë në rrugë dhe ndjeshmëria ndaj alkoolit vazhdojnë të jenë çështje të rëndësishme në shoqërinë tonë./

Tre të arrestuarit për sulmin terrorist në Banjskë deklarohen të pafajshëm

Asnjëri nga tre të akuzuarit për sulmin terrorist në Banjskë të Zveçanit një vit më parë, nuk ka pranuar fajësinë.

Blagoje Spasojeviq, Vladimir Toliq dhe Dushan Maksimoviq kanë refuzuar të pranojnë se janë të fajshëm për akuzat ndaj tyre.

Me kaq ka përfunduar shqyrtimi fillestar dhe ka përfunduar seanca.

Blagoje Spasojeviq, Vladimir Toliq dhe Dushan Maksimoviq janë vetëm tre nga 45 personat që akuzohen për sulmin terrorist në Banjskë.

Aktorja e njohur zbulon se është diagnostikuar me kancer në gji

Aktorja e njohur amerikane, Jenna Fischer, ka zbuluar se në dhjetor të vitit të kaluar është diagnostikuar me kancer në gji.

Fischer, e cila njihet për rolin e saj në “The Office”, njoftoi se e mori vesh që ka kancer kur një kontroll i rregullt rezultoi me shumë dyshime të ngritura nga doktori, i cili vazhdimisht i kërkoi të bëjë analiza të tjera.

Nga ajo kohë, Fischer ka qenë duke marrë tretman mjekësor, përfshirë nënshtrimit të operacionit, kimioterapisë dhe rrezatimit.

Fischer tha se forma e saj e kancerit, ndonëse në fazë të parë, ishte agresive, por fatmirësisht e trajtueshme.

Në janar, ajo hoqi një pjesë të indit të gjirit, ndërkaq tani njofton se është më mirë.

Fischer arriti të mbajë këtë proces larg syrit publik, duke u shfaqur gjithnjë me paruke dhe kapela të ndryshme për të mos u vënë re.

Kurti nis ditën në veri, pritet…

Kryeministri i vendit, Albin Kurti po qëndron në pjesën veriore të vendit.

Ai ka vizituar Komunën e Leposaviqit ku pritet që të zhvillojë takim me kryetarin e kësaj komune, Lulzim Hetemi.

Po ashtu gjatë ditës Kurtit do të marrë pjesë në hapjen e pikës më të re të Interex-it, në Leposaviq.

I pari i qeverisë edhe para disa javësh kishte vizituar veriun e Kosovës. Vizita e tij është përcjell nga forca të shtuara të sigurisë.