Përmbytje në Sahara për herë të parë në gjysmë shekulli

Reshjet e dy ditëve të shtatorit në disa zona të rajonit të Saharasë në Marokun juglindor tejkaluan mesataret vjetore dhe shkaktuan përmbytje, njoftuan zyrtarët e agjencisë meteorologjike të vendit.

Tagunit, një fshat rreth 450 kilometra në jug të kryeqytetit Rabat, regjistroi më shumë se 100 mm shi në 24 orë.

Pamjet satelitore të NASA-s tregojnë se liqeni Iriki, i thatë prej 50 vitesh, po mbushet me ujë.

 

 

“Kanë kaluar 30 deri në 50 vjet që kur kemi pasur kaq shumë shi në një periudhë kaq të shkurtër kohore,” i tha AP Husine Juabeb, një zyrtar i agjencisë meteorologjike të Marokut.

Këto shira, të cilat meteorologët i quajnë një stuhi ekstratropike, mund të ndryshojnë kushtet e motit në rajon në muajt dhe vitet e ardhshme.

Përmbytjet në Marok muajin e kaluar vranë 18 njerëz dhe efektet u përhapën në rajonet që u goditën nga një tërmet vitin e kaluar. Pati gjithashtu raporte të rezervuarëve të bllokuar në rajonin juglindor të rimbushjes me një ritëm rekord gjatë shtatorit.

“Deal-i” në korridorin e gjykatës, polici viktimë i kërkon aktivistit të VV-së që t’ia ndërrojë njësitin policor

Më 3 shtator 2024, Egzon Azemi i Lëvizjes Vetëvendosje doli në gjyq i akuzuar për sulm ndaj policëve të Kosovës.

Ky sulm, gjithherë sipas Prokurorisë, kishte ndodhur në vitin 2015, kur Lëvizja Vetëvendosje po protestonte kundër demarkacionit me Malin e Zi dhe Asociacionit të Komunave me Shumicë Serbe.

Egzon Azemi, bashkë me Kushtrim Avdimetajn, Veron Hasanin, Luan Hotin, Ardian Hulin dhe Naim Bunjakun, akuzohen se gjatë protestës kishin sulmuar policët e Kosovës, duke i goditur me gurë, pllaka betoni dhe mjete tjera të forta.

Si pasojë e kësaj, pjesëtarëve të Policisë së Kosovës u janë shkaktuar lëndime të lehta trupore, ku të dëmtuar kishin mbetur Ismail Sadiku, Ekrem Vllasa dhe Naim Berisha. Ky i fundit, si palë e dëmtuar, po përballej me Egzon Azemin, që sipas Prokurorisë, e kishte sulmuar para gati 9 vjetëve.

Armiqësia e tyre në rrugë para gati 9 vjetëve, tash që Vetëvendosja është në pushtet, është shndërruar në bashkëpunim në mes Egzon Azemit dhe Naim Berishës.

Në seancën gjyqësore të 3 shtatorit 2024 ndaj Egzon Azemit dhe të tjerëve, për shkak të sqarimit të një rrethane, gjyqtari Eroll Gashi, vendosi për një pauzë dhjetëminutëshe.

Gjatë kësaj pauze i akuzuari Azemi dhe i dëmtuari polici Berisha, shkuan në korridorin e gjykatës për të zhvilluar një bisedë private.

Derisa gazetarët dhe kamerat po qëndronin në sallën e gjyqit duke pritur të vazhdojë seanca gjyqësore, në korridorin e gjykatës, polici Naim Berisha ia kërkoi një favor Egzon Azemit të Vetëvendosjes.

Gjatë intervistës, Azemi u përsërit duke thënë se kërkesa e policit qenë të degradohet, por nëse ka “ushtrim të ndikimit” është i gatshëm të paraqitet para drejtësisë.

“Edhe siç e përmend ai vetë në intervistë (bisedë), ai thotë unë më pak paguhem, nëse shkon qatje ku ka kërku. Ai kërkon me shku polic i thjeshtë e është një ndër njësitet kryesore”, shprehet Egzon Azemi.

“Absolutisht nuk besoj se ka konflikt (interesi). Thelbin mos e harroni. Pra nuk kërkon ngritje, për arsye familjare kërkon të ulet në pozitë…”, ka thënë Azemi. /Betimi për Drejtësi/

Puthje pasionante/ Zbulohet i dashuri i ri i Gres Hotit, qenka DJ i njohur

Nga personalja e bukuroshes Gresë Hoti ka të reja.

Modelja, njëherësh ish-banorja e BBVK1 është në një lidhje dashurie dhe për këtë nuk ka më dilema.

Ka qenë partneri i saj ai që ka ndarë një video duke u puthur mbrëmë vonë pas mesnate në rrjetet e tij sociale.

E kush është partneri do pyesni, me të drejtë?

Ai është DJ-i italian Carmine Conte, i njohur me nofkën artistike ‘Mrak’.

Raporti i Gresës dhe Contes ka disa muaj që është ngjizur si dashuri dhe përgjatë kësaj kohe ata kanë qenë thuajse të pandarë nga njëri-tjetri në udhëtime e punë.

Conte është 42 vjeçar dhe jetën personale e ka pasur shpesh në fokus të medias për lidhjet e dashurisë me bukuroshe italiane.

Nis asfaltimi i rrugës së shumëpritur në Prishtinë

Drejtori i Investimeve Kapitale në Prishtinë, Krenar Xhaferi, ka bërë një njoftim të rëndësishëm ditën e sotme, për qytetarët e kryeqytetit.

Ai ka bërë të ditur se ka filluar asfaltimi në rrugën ‘’Nekibe Kelmendi’’.

Kjo rrugë do të ketë dy korsi, shteg për biçikleta e trotuar dhe gjelbërim.

Postimi i plotë:

Zbulohen detaje të reja nga BBVK, ja sa banorë do të hyjnë në natën e parë

Prezantuesi i Big Brother VIP Kosova, Alaudin Hamiti ka bërë të ditur se në kastin e edicionit të tretë të këtij formati, fillimisht do të hynë 17 banorë.

Ai shton se që nga nata e parë do të ketë përdredhje, andaj prisni të papriturën.

“Do të ketë spektakël, nata e parë është festë ku do të prezantohen banorët, dhe nuk do të jenë hiç më pak se vitin e kaluar që kemi qenë. Zakonisht Big Brother nis me 12 ose 14 banorë, ndërsa tani jemi pesë më shumë se ky numër që i them. Qysh natën e parë do të ketë përdredhje. Prisni të papriturën, prisni emocion, kaos, ashtu siç iu ofron Big Brother”, tha Hamiti në Sol të Klan Kosova.

TË NGJASHME:

Këta do të jenë banorët e Big Brother Vip Kosova?

Konfirmohet edhe moderatorja tjetër e Big Brother Vip Kosova

Tashmë është zyrtare!

Moderatori i njohur Alaudin Hamiti dhe moderatorja Jonida Vokshi do të udhëheqin sërish “Big Brother VIP Kosova”, për edicionin e tretë që nis më 18 tetor 2024.

“Jemi shumë të lumtur që do të kthehemi përsëri së bashku për këtë sezon të ri. Kemi krijuar një harmoni të veçantë gjatë dy edicioneve të mëparshme dhe mezi presim të sjellim emocione të reja për audiencën,” tha Hamiti gjatë një interviste ekskluzive për SOL.

Këtë sezon, ndryshimet janë të shumta dhe premtojnë të sjellin një format të rifreskuar, njofton Klankosova.tv.

Olsa Muhameti, e njohur për përvojën e saj të gjatë si producente, do të marrë drejtimin e produksionit.

“Ne kemi plane të mëdha për këtë edicion. Do të ketë shumë surpriza dhe ndryshime që do ta bëjnë programin edhe më interesant dhe konkurrues,” u shpreh Muhameti gjatë një bisede me Adelina Hasanin në SOL.

Për sa i përket opinionistëve, këtë herë do të shohim fytyra të reja. Milaim Zeka, analisti i njohur, është konfirmuar si një prej opinionistëve, ndërsa emri i opinionistit të dytë ende nuk është zbuluar.

Ndërkohë, ka pasur spekulime në rrjetet sociale për emrat e mundshëm të banorëve, por Muhameti e ka bërë të qartë se këto janë thjesht thashetheme.

“Asnjë nga emrat që po përfliten nuk është i saktë. Lista e banorëve të vërtetë do të zbulohet vetëm në natën e parë të spektaklit,” deklaroi ajo.

Pritjet janë të larta që “Big Brother VIP Kosova” të thyej rekordet e shikueshmërisë. Me një ekip të rifreskuar dhe energji të re, spektakli synon të ofrojë një eksperiencë unike për shikuesit, duke i lënë të ngujuar para ekranit.

Vuçiq e Dodik me flamuj serbë e rusë në përballjen Zvicër-Serbi, politikani serb: Turp, hajde në Prishtinë shpalose flamurin rus

Sulmohet brutalisht ish-kryetari i Listës Srpska, Goran Rakiq

Mbrëmë rreth orës 02:30, në rrugën “Sutjeska” në veri të Mitrovicës, është sulmuar brutalisht ish-kryetari i Listës Serbe, Goran Rakiq, bëjnë të ditur burime të Ekonomia Online. Rasti ka ndodhur para banesës së tij, ku besohet se personat që e kanë sulmuar ishin duke e pritur.

Sipas të njëjtit burim, rasti nuk është raportuar në Policinë e Kosovës dhe duket se po tentohet të mbahet i fshehur.

Se PK nuk është në dijeni për këtë rast e ka konfirmuar edhe zëvendësdrejtori i Policisë së Kosovës në veri, Veton Elshani.

Rakiqi ka kërkuar ndihmë mjekësore në spital, ku është regjistruar, por dyshohet se ka pasur përpjekje për ta fshirë rastin nga regjistri.

Sipas burimeve, kryetari i Listës Serbe, Zlatan Elek dyshohet se po ndihmon në fshirjen e rastit.

Mësohet se Rakiq, tashmë deputet në Parlamentin e Serbisë, i është thyer një dorë dhe i është qepur koka si pasojë e sulmit të mbrëmshëm.

Te njejtat burime bëjnë të ditur se dyshohet se e gjithë kjo ka ndodhur si pasojë e përçarjes mes Rakiqit dhe terroristit Milan Radojiçiq.

E trishtë: Ky është i riu që vdiq tragjikisht në Prizren

Një ngjarje tragjike ka ndodhur , ku një 34-vjeçar nga Malisheva ka mbetur i vdekur.

Mësohet se i ndjeri është Visar Ramaj, i cili ndërroi jetë, pasi ditën e djeshme teksa ishte duke punuar në fshatin Piranë ka rënë në kontakt me rrymën, përcjell Jepi zë

Lajmin e ka konfirmuar zëdhënësi i Policisë së Prizrenit, Shaqir Bytyqi.

Sipas tij, ngjarja kishte ndodhur gjatë ditës së shtune, ndërsa sot është njoftuar nga spitali i Prizrenit për vdekjen e pacientit.

Këto janë ndeshjet e sotme në Ligën e Kombeve

Liga e Kombeve do të vazhdojë edhe sot me disa përballje tjera.

Ndonëse nuk do të ketë ndeshje të Ligës A, do të jenë disa duele shumë interesante, shkruan Gazeta Express.

Anglia do të ndeshet në udhëtim me Finlandën nga ora 18:00, ku do të kërkojë këndelljen pas humbjes befasuese nga Greqia.

Norvegjia e Erling Haaland do të udhëtojë për t’u ndeshur me Austrinë e papërshtatshme.

Këto janë të gjitha ndeshjet e sotme në Ligën e Kombeve: