Kryetari i Aleancës për Ardhmërinë e Kosovës, Ramush Haradinaj, sërish e ka kritikuar dhe akuzuar kryeministrin e Kosovës, Albin Kurti.
Në një lidhje direkte për “Shqipëria Live”, Haradinaj tha se Kurti e ka larguar Kosovën nga ndërkombëtarët, sidomos me SHBA-në, për shkak të sjelljeve të tij.
Duke komentuar lëvizjet në veri të Kosovës, Haradinaj tha se janë të gjitha skenare të kryera në bashkëpunim nga Kurti dhe Vuçiqi.
“Kurti me dinakëri i ka ik kësaj kontrate dhe asaj të Europës. Kurti nuk është prit asnjëherë në Shtëpinë e Bardhë gjatë qeverisë së tij. Kurti e largoi Kosovën, ndëshkohemi për shkak të sjelljeve të tij nga SHBA dhe aleatë të tjerë. Nuk do te ketë ma Kurti qeveri, por vetëm një kujtesë e keqe për Kosovën. Kosova di me i bërë zgjidhet e duhura, nuk do të ketë qeveri Kurti më”.
“Kurti dhe Vuçiç kanë marrëveshje, merren vesh me ndihmu njëri tjetrin. Sa herë Serbia lëviz trupa në veri, këto lëvizje bëhen me ndihmu Kurtin. Kur humb Vuçiç, bën lëvizje Kurti. Këto janë skenarë që ne i dimë dhe praktikohen që 20 vite. Kjo ja heq mundësinë Kosovën në ecjen përpara të anëtarësimit në Europë. Nuk besoj se Vuçiç ka ministër më të mirë se Kurtin. Është njeriu i Serbisë. Ky punon për Serbinë”.
Sot ka ndërruar jetë Arif Neziri nga Prekazi i Epërm i Skenderajt, i njohur për dashurinë e tij të madhe për futbollin dhe për emocionet që përcolli përmes një interviste televizive, ku u shfaq duke luajtur futboll në fushat e Drenicës.
Baci Arif ishte shumë i dashur nga komuniteti dhe përmes fotove të realizuara nga Sefer Aliqkaj, që vërshuan rrjetet sociale, ai solli gëzim dhe emocion në zemrat e shumë njerëzve.
Lajmin për vdekjen e tij e ka bërë të ditur për portalin DrenicaOnline, nipi i tij nga Llausha, Haki Zyhrani. Varimi i bacit Arif do të bëhet sot në vendlindjen e tij, në Prekazin e Epërm, në orën 17:30.
Të prehesh në paqe, baci Arif, dashuria jote për futbollin dhe emocionet që përcille do të mbeten të paharruara!
Janë publikuar katër biseda të Mimoza Kusari-Lilës me Sllavko Simiqin, të cilat zbulojnë përpjekjet e shefes së Grupit Parlamentar të Lëvizjes Vetëvendosje për koordinim me Listën Serbe.
Bisedat në WhatsApp dëshmojnë “kapitullimin” e LVV-së para Listës Serbe për kalimin e ligjeve në kuvend dhe për çështjen e energjisë elektrike në veri, ku Kusari-Lila e quan vëlla Simiqin.
Të dy merren vesh për caktimin e një takimi të Simiqit me kryeministrin Kurti. Kusari-Lila pranon ftesë për vizitë te Radoiçiqi në Kopaonik.
Mimoza Kusari-Lila po përpiqej të krijonte aleancë me Listën Serbe për çështje të agjendës legjislative të mazhorancës.
Për këtë qëllim, shefja e Grupit Parlamentar të Lëvizjes Vetëvendosje kishte krijuar raporte miqësore me ish-shefin e Grupit Parlamentar të Listës Serbe, Sllavko Simiq, me të cilin komunikonte përmes platformës WhatsApp.
Ajo, përpiqej t’i bashkërendonte veprimet me Listën Serbe për miratimin e ligjeve të rëndësishme në kuvend.
Në katër biseda të realizuara përmes WhatsApp-it, të cilat i ka siguruar Paparaci, Kusari-Lila dhe Simiq bisedonin edhe për vizitat e deputetëve të Listës Serbe te Millan Radoiçiqi në Kopaonik.
Këto biseda dhe të tjera janë në duart e Policisë së Kosovës.
Në bisedën e parë Kusari-Lila – Simiq, të realizuar më 29 janar të vitit 2022, Kusari-Lila pranon një përshëndetje nga Kopaoniku dhe një ftesë që pretendohej se i vinte nga Millan Radoiçiqi për vizitë në resortin turistik ku qëndronte ai, përtej kufirit me Kosovën.
“Ja një përshëndetje nga Kopaoniku [qesh]”, i shkruan Simiq, Kusari-Lilës duke i propozuar asaj që shkonte për vizitë në Kopaonik, ku Radoiçiq zotëron një hotel në të cilin qëndronte asokohe. “Pra, të jemi shëndosh dhe ti vjen këtu në mal”.
Kusari-Lila, e cila kishte krijuar raporte gati miqësore me Simiqin, aty për aty nuk e refuzon ftesën.
“Shefja e Grupit Parlamentar të VV-së në Kopaonik [qesh]”, i përgjigjet ajo ftesës së Simiqit, tregon biseda e parë mes tyre.
“E pse jo?”, ia kthen Simiqi.
Nga ftesa për vizitën në Kopaonik, ata kalojnë direkt në temë. Bisedojnë për çështjen e energjisë elektrike në veri. Kusari-Lila e pyet ish-shefin e Grupit Parlamentar të Listës Serbe për kohën se “kur do të gjejmë zgjidhje për rrymën në veri”.
Të dy bien në ujdi që të gjejnë një zgjidhje për këtë çështje.
“Kur gjejmë zgjidhje për rrymën në veri [qesh]”, i shkruan Kusari-Lila, Simiqit.
Simiq, ia kthen pozitivisht.
“Bën”, i përgjigjet Simiqi. “Mbaje në mend çfarë ke thënë”.
“Çfarë kam thënë?!”, pyet me habi Kusari-Lila.
“Aaaaa të vij ta bëjmë zgjidhjen për rrymë”, përgjigjet sërish Simiq.
“Po natyrisht”, pohon ajo.
“U morëm vesh”, e mbyll bisedën Simiq.
Në një bisedë tjetër, Kusari-Lila dhe Simiq flasin për shqyrtimet e disa ligjeve në një seancë plenare të Kuvendit të Kosovës.
Biseda, e zhvilluar më 8 shkurt të vitit 2022, dëshmon urgjencën e Kusari-Lilës për koordinim me Listën Serbe.
Shefja e deputetëve të LVV-së interesohet nëse deputetët e Listës Serbe do të shkonin në seancën që do të mbahej të nesërmen.
Simiq ia konfirmon vendimin e partisë për të mos marrë pjesë në seancë. I arsyetohet me shpjegimin se 12 deputetët e Listës Serbe ishin infektuar me koronavirus gjatë një vizite te Radoiçiqi në Kopaonik.
“Përshëndetje Sllavko, a do të vini nesër në seancën e Kuvendit?”, interesohet Kusari-Lila për vendimin e Grupit Parlamentar të Listës Serbe. “Vazhdimi është nesër në orën 11:00”.
“Përshëndetje, Ishim te ai shoku në Kopaonik, për ta vizituar, ai është me koronë, dhe të gjithëve na infektoi me koronë, të gjithë 12 deputetëve”, ia kthen Simiqi, Kusari-Lilës.
Kusari-Lila e kupton se Radoiçiq, kryetari faktik i Listës Serbe, nuk po i lejonte deputetët të merrnin pjesë në seancë. Por, ajo insiston të informohet nëse dy deputetët e komuniteteve të tjera, Adem Hodza e Fadil Gashi, do të shkonin në seancë.
“Si bre 12 deputetë përsëri me koronë”, përgjigjet me habi ajo. “A e keni marrë Bajramin dhe Ademin me veti? Më fal, Fadilin dhe Bajramin?”.
Simiq ia kthen: “Të gjithë për Zotin [qesh]”.
Në bisedën e tretë mes tyre, të dy merren vesh që të caktojnë një takim për Simiqin me kryeministrin Albin Kurti.
Simiq, i cili planifikonte të shkonte në takim në katër sy me Kurtin, e njoftonte Kusari-Lilën përmes mesazheve në WhatsApp se “kishte marrë dritën e gjelbër” për takim me kryeministrin.
Kusari-Lila ia konfirmonte se do të angazhohej që takimi të ndodhte. Më vonë, e njoftonte Simiqin për orën e takimit.
“Kolege, kam marrë dritën e gjelbër që të shihem me Kryeministrin dhe të bisedojmë. Nëse bën nesër, për mua është OK”, e informon Simiqi, Kusari-Lilën.
“Super, do të të lajmëroj për kohën e saktë”, i përgjigjet Kusari-Lila.
Pak kohë më vonë, gjatë asaj bisede, Kusari-Lila ia konfirmon Simiqit terminin e takimit me kryeministrin.
“Në orën 11:00 nesër te Kryeministri”, pohon ajo.
Në bisedën e katërt dhe të fundit mes tyre, dëshmohet se sa të afërta dhe miqësore ishte komunikimi mes Kusari-Lilës dhe Simiqit.
Kusari-Lila, e quan “vëlla” Simiqin, në një bisedë në maj të vitit 2022, në të cilin të dy diskutojnë për Projektligjin për Pagën Minimale.
Në këtë bisedë, të zhvilluar në maj të vitit 2022, rreth një muaj para se Projektligji i cili do t’i përjashtonte veteranët nga paga minimale do të votohej në lexim të parë Ligji për Pagën Minimale, Kusari-Lila dhe Simiq negocionin për seancën kur do të hidhej në shqyrtim ky projektligj.
“A do të jeni nesër në seancë? Duhet të bisedojmë. E kemi shqyrtimin e jashtëzakonshëm të buxhetit për 2022 dhe projekt-propozimin për pagën minimale”, i kallëzonte Kusari-Lila, Simiqit për punimet e kuvendit.
“Kur?”, e pyeste Simiqi.
“Po nesër vëlla”, i përgjigjej ajo, ish-shefit të Grupit Parlamentar të Listës Serbe dhe i lutej atij ta informonte paraprakisht.
“Rreth orës 10:00 Vazhdimi i seancës. Të lutem bisedo dhe më lajmëro”, i shkruante Kusari-Lila, Simiqi.
Biseda e parë
Sllavko Simiq: Ja një përshëndetje nga Kopaoniku (qesh)
Sllavko Simiq: Pra, të jemi shëndosh, dhe ti të vjen këtu në mal
Mimoza Kusari-Lila: Shefja e grupit parlamentar të VV-së në Kopaonik (qesh)
Sllavko Simiq: E pse jo
Mimoza Kusari-Lila: Më herët kam shkuar në Mavrovë
(E pse jo)
Mimoza Kusari-Lila: Kur gjejmë zgjidhje për rrymën në Veri (qesh)
Sllavko Simiq: Bën, Mbaj mend çfarë ke thënë
Mimoza Kusari-Lila: Çfarë kam thënë?!
Mimoza Kusari-Lila: Aaaaa të vij ta bëjmë zgjidhjen për rrymë
Mimi: Po natyrisht
Sllavko Simiq: Po
Sllavko Simiq: U morëm vesh
Biseda e dytë
Mimoza Kusari-Lila: Hajde jam në zyre
(8. shkurt 2022)
Mimoza Kusari-Lila: Përshëndetje Sllavko, a do të vini nesër në seancën e Kuvendit?
Mimoza Kusari-Lila: Vazhdimi është nesër në orën 11:00
Sllavko Simiq: Përshëndetje, Ishim te ai shoku në Kopaonik, për ta vizituar, ai është me koronë, dhe të gjithëve na infektoi me koronë, të gjithë 12 deputetë
Mimoza Kusari-Lila: (habitet) Si bre 12 deputetë përsëri me koronë
Mimoza Kusari-Lila: A e keni marrë Bajramin dhe Ademin me veti ?
Mimoza Kusari-Lila: Më fal, Fadilin dhe Bajramin?
Sllavko Simiq: Të gjithë për Zotin (qesh)
Mimoza Kusari-Lila: Atëherë, shpresoj që do ta kaloni lehtë këtë virus
(nuk u realizua thirrja në orën 12:47)
Biseda e tretë
(18 prill 2022)
Mimoza Kusari-Lila: Eja te unë në zyre
Sllavko Simiq: Hajde, vetëm të kryej diçka dhe po vij
Sllavko Simiq: A bën?
Mimoza Kusari-Lila: Bën
(nuk u realizua thirrja në orën 15:08)
Sllavko Simiq: Kolege, Kam marrë dritën e gjelbër që të shihem me Kryeministrin dhe të bisedojmë. Nëse bën nesër, për mua është OK.
Mimoza Kusari-Lila: Super, do të të lajmëroj për kohën e saktë.
Sllavko Simiq: Në rregull
Mimoza Kusari-Lila: Në orën 11:00 nesër te Kryeministri
Sllavko Simiq: Në rregull
Biseda e katërt
Mimoza Kusari-Lila: Përshëndetje Sllavko,
Sllavko Simiq; Përshëndetje
Mimoza Kusari-Lila: Gëzuar festën, vetëm edhe të kisha ditë se cila festë është sot
Mimoza Kusari-Lila: A do të jeni nesër në seancë?
Mimoza Kusari-Lila: Duhet të bisedojmë
Mimoza Kusari-Lila: E kemi shqyrtimin e jashtëzakonshëm të buxhetit për 2022
Mimoza Kusari-Lila: Dhe projekt-propozimin për Pagën minimale
Sllavko Simiq: Kur
Mimoza Kusari-Lila: Dmth ajo që do të dyfishohet
(Sllavko Simiq: Kur)
Mimoza Kusari-Lila: Po nesër vëlla
Mimoza Kusari-Lila: Rreth orës 10:00
Mimoza Kusari-Lila Vazhdimi i seancës
Mimoza Kusari-Lila: Të lutem bisedo dhe më lajmëro
Sara Hoxha dhe Ledri Vula vazhdojnë të jenë në qendër të vëmendjes për arsye të raportit të tyre.
Në rrjet kanë qarkulluar pamje nga romanca e re e Ledrit ku shihet përkrahë Rina Zaitit.
Blogerja ka reaguar indirekt duke shlyer nga lista e miqve ish partnerin e saj, për këtë u komentua shumë nga ndjekësit.
Pas këtij veprimi Sarën përveç vajzës po e lidh edhe diçka me Ledrin, pasi ajo nuk ka shlyer ende fotot në ’instagram’ ku shihet përkrah reperit./kosovarja
Shefja e Grupit parlamentar të Lëvizjes “Vetëvendosje”, Mimoza Kusari-Lila ka konfirmuar largimin nga komisionet parlamentare të deputetëve: Drita Millaku, Visar Korenica dhe Eman Rrahmani.
Kjo, pasi, këta 3 deputetë kanë ndarë edhe zyrtarisht rrugën me partinë e Albin Kurtit.
Në një prononcim për Indeksonline-n, ajo ka thënë se është procedurë e rregullt që secili grup parlamentar të ketë përfaqësuesit e vet në komisione.
“Në momentin që deputetët tregojnë se janë ndarë me GP-në, atëherë grupi propozon zëvendësimin e tyre. E njëjta gjë do të jetë edhe me zonjën Millaku.
Prandaj, ne vetëm kemi dorëzuar pranë kryesisë së kuvendit, informatën edhe për seancën e radhës të rregullt të bëhet zëvendësimi i deputetëve. Arsyeja pastaj shkon edhe në çështje të mbrojtjes së politikave të Grupit parlamentar. Deputetët në fjalë, nga Komision për buxhet, kanë politika tjera. Kanë treguar orientim tjetër në raport më vendimmarrjen dhe si i tillë nuk përfaqëson qëndrimin e Grupit parlamentar të Lëvizjes Vetëvendosjes, ka thënë ajo.
Më tej, Kusari-Lila shtoi se deputetë janë informuar paraprakisht për vendimin.
“Për korrektësi i kemi informuar paraprakisht dhe kemi treguar këtë për shkak të lëvizjes së tyre jashtë grupit. Me dy deputetët, z. Rrahmani dhe z. Korenica ka pasur bisedë paraprake, janë informuar ndërsa në ndërkohë edhe ka ndodhur edhe largimi i zonjës Millaku në drejtim të LDK-së”, ka thënë ajo.
Kujtojmë se deputetët Eman Rrahmani e Visar Korenica i janë bashkuar koalicionit Lista për Familjen, të Aleancës Kosova e Re dhe Partisë së Drejtësisë. Ndërsa, Drita Millaku është bërë pjesë e LDK-së së Lumir Abdixhikut.
Politikani serb, Boban Bogdanoviq, ka folur për rrahjen e ish-liderit të Listës Serbe, Goran Rakiq, ku tha se kjo është bërë me urdhër të terroristit Millan Radoiçiq.
Bogdanoviq tha se ka pasur emër dhe mbiemër të njeriut që ka marrë pjesë në rrahjen e Rakiqit, teksa tha se në të ardhmen e afërt mund të ketë edhe vrasje të tjera politike në veri, siç ishte ajo e Oliver Ivanoviqit.
Ka pasur emër dhe mbiemër të njeriut që ka marrë pjesë në rrahjen e Rakiqit. Kjo është e padiskutueshme dhe ka lidhje me Millan Radoiçiqin”.
“Radoiçiqi është shumë keqbërës, por nuk është budalla. Qëllimshëm e ka bërë në Kosovë që të fajësohen shqiptarët dhe frikësohem që do të ketë edhe vrasje politike të reja”, tha ai në Klan Kosova.
Më tej, Bogdanoviq paralajmëroi se në periudhën prej tetorit deri në shkurt në veri të vendit do të ndodhin incidente me urdhër të presidentit serb, Aleksandar Vuçiq.
“Jam i bindur se nga periudha prej tetorit deri në shkurt, me siguri që do të ndodhin incidente me urdhër të Vuçiqit dhe të ekzekutuesit Radoiçiq. Apeloj tek MPB-ja, në shërbimet e sigurisë që të tentojnë t’i parandalojnë incidentet e reja, që planifikohen në Beograd”, tha ai.
Dhomat e Specializuara të Kosovës (DhSK) në Hagë, kanë marrë vendim për vazhdimin e masës së paraburgimit edhe për nga dy muaj të tjerë për ish-Presidentin Hashim Thaçi dhe ish-kryeparlamentarin Kadri Veseli, të cilët akuzohen për krime lufte së bashku me Rexhep Selimin dhe Jakup Krasniqin.
Vendimet e ndara për dy të akuzuarit janë marrë më 14 tetor 2024 nga kryetari i trupit gjykues, Charles Smith III, raporton “Betimi për Drejtësi”.
Në të dy vendimet, thuhet se nuk ka mjaftueshëm informacione që tregojnë se në rast që të akuzuarit lirohen nga paraburgimi, ata mund të arratisen nga drejtësia. Mirëpo, thuhet se ka rrezik që të pengojnë administrimin e drejtësisë dhe të kryejnë krime ndaj atyre që perceptohen kundërshtarë të Ushtrisë Çlirimtare të Kosovës (UÇK), si dhe ndaj dëshmitarëve.
“Paneli konkludon se në këtë moment nuk ka ende mjaftueshëm informacion që të justifikojë një gjetje se z. Thaçi (z.Veseli) mund të arratiset nga drejtësia nëse lirohet. Megjithatë, Paneli është i kënaqur, bazuar në standardin përkatës, se ekziston një rrezik i mjaftueshëm që z. Thaçi (z.Veseli) do të pengojë përparimin e procedurave të Dhomave të Specializuara dhe se ai mund të kryejë krime të tjera kundër atyre që perceptohen si kundërshtarë të UÇK-së, duke përfshirë dëshmitarët që kanë dhënë ose mund të japin dëshmi në këtë çështje dhe/ose pritet të paraqiten para Dhomave të Specializuara”, thuhet në vendimet ndaj tyre.
Ashtu si për Thaçin, edhe për Veselin, Zyra e Prokurorit të Specializuar (ZPS) ka parashtruar se rreziqet përkatëse që mund të dalin nga dy të akuzuarit, mund të menaxhohen në mënyrë efektive vetëm në objektin e paraburgimit.
Gjithashtu, në këto vendime thuhet se ZPS-ja ka parashtruar se sjellja e dy të akuzuarve paraqet rrezik të shtuar për shkak të zbulimit të vazhdueshëm të informacioneve të ndjeshme të dëshmitarëve lidhur me procesin gjyqësor.
“Sjellja e z. Thaçi tani paraqet një rrezik jashtëzakonisht të shtuar, aq sa edhe kufizimet dhe monitorimi standard i komunikimeve në Qendrën e Paraburgimit nuk janë të mjaftueshme. Prandaj, duke pasur parasysh zbulimin e vazhdueshëm të informacioneve të ndjeshme të dëshmitarëve të lidhura me procedurat aktuale gjyqësore, rreziqet themelore vazhdojnë të ekzistojnë”, thuhet në vendimin për vazhdimin e paraburgimit për Thaçin, e ngjashëm edhe në atë për Veselin.
Si rrjedhojë, tek këto vendime, Paneli ka rikujtuar se arsyeshmëria për vazhdimin e paraburgimit ndaj të akuzuarve duhet të vlerësohet bazuar në fakte të secilit rast dhe veçorive specifike të tij.
Tek rasti i Thaçit, si veçori specifike përmendet ndikimi dhe autoriteti e të akuzuarit, mundësia për t’u përballur me një dënim të gjatë me burg, rreziku që i akuzuari të kryejë krime të tjera, e të tjera.
“Veçoritë specifike të këtij rasti përfshijnë: (i) ndikimin dhe autoritetin e z. Thaçi; (ii) njohurinë e tij për akuzat dhe provat kundër tij, dhe mundësinë e një dënimi të gjatë me burg; (iii) rrezikun që z. Thaçi të pengojë procedurat e Dhomave të Specializuara; (iv) rrezikun e kryerjes, nxitjes ose ndihmës në kryerjen e krimeve të tjera; (v) faktin se masat kufizuese në rast lirimi nuk janë të mjaftueshme për të zbutur rreziqet; (vi) rëndësinë dhe kompleksitetin e akuzave kundër z. Thaçi; dhe (vii) faktin se gjyqi është në zhvillim, duke treguar një përparim të arsyeshëm të procedurave”, thuhet në vendimin për Thaçin.
Ndërsa, për Veselin, Paneli ka vlerësuar se ai akuzohet për dhjetë pika të krimeve ndërkombëtare, e në rast që shpallet fajtor mund të dënohet me një dënim të gjatë me burg.
“Sipas vlerësimit të Panelit, veçoritë specifike të këtij rasti përfshijnë: (i) z. Veseli është i akuzuar për dhjetë pika të krimeve të rënda ndërkombëtare, në të cilat ai dyshohet të ketë luajtur një rol të rëndësishëm; (ii) nëse shpallet fajtor, z. Veseli mund të përballet me një dënim të gjatë me burg; (iii) rreziqet sipas nenit 41(6)(b)(ii) dhe (iii) nuk mund të zbuten me ndonjë kusht; (iv) çështja kundër z. Veseli është komplekse; dhe (v) fakti që gjyqi është në zhvillim, duke treguar një përparim të arsyeshëm të procedurave”, thuhet në vendimin për Veselin.
Si rrjedhojë, Paneli ka konstatuar se vazhdimi i paraburgimit edhe për dy muaj të tjerë për dy të akuzuarit është i nevojshëm dhe i arsyeshëm kështu duke e urdhëruar vazhdimin e një mase të tillë.
Në fund të vendimeve, trupi gjykues ka urdhëruar edhe ZPS-në që të dorëzojnë parashtrimet e tyre mbi shqyrtimin e ardhshëm të paraburgimit ndaj Thaçit dhe Veselit deri më 22 nëntor 2024. ndërsa përgjigjet në këto parashtrime të dorëzohen sipas afateve të përcaktuara me Rregullore.
Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.
Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.
Sot ka nisur zyrtarisht sezoni ngrohës 2024/2025 në Prishtinë.
Kryetari i Prishtinës Përparim Rama së bashku me Kryeshefin Ekzekutiv të Termokos-it, Fisnik Osmani, Aksionarët dhe Bordin e Drejtorëve të ndërmarrjes kanë zhvilluat takim në këtë ndërmarrje.
Rama ka uruar një sezon të mbarë dhe të suksesshëm, duke falënderuar ekipin për punën e tyre të mrekullueshme.
“Nëpërmjet shërbimit të Termokos-it, po ndërtojmë një kryeqytet më të pastër dhe më miqësor për mjedisin. Ky rrjet ngrohjeje mbulon mbi 33 mijë njësi banesore, me rreth 25 mijë konsumatorë aktivë, që përfaqësojnë më shumë se 130 mijë banorë”, ka shkruar Rama në rrjetin social Facebook.
Sipas tij janë rreth 1 mijë objekte banesore të kyçura në rrjet, me një sipërfaqe totale prej rreth 2.800.000 m², nga të cilat rreth 2.200.000 m² janë aktualisht aktive.
