Lajmi i Fundit
PAMJE/ Dëmtohet varri i Astrit Deharit, flet nëna e tij
Rikthimi i Limajt në PDK? Deklarohen nga kjo parti
Bajrami ia kujton Kurtit: Erdhe në pushtet me gojën plot për luftimin e mafias energjetike, e shtrenjtove tri herë
Djali i Jakup Krasniqit sërish kandidon për deputet
Hetemi lë komunën e Leposaviqit: Isha gati edhe të vritem
Këta janë kandidatët për deputetë të propozuar nga LDK
Ndërron jetë në QKUK i dyshuari për vrasje – (EMRI)
Lladrovci i do këto figura brenda PDK-së
Haradinaj premton pagë mesatare 1100 euro dhe pensione 500 euro
AAK nominon kandidatin për kryeministër
Trazohet Universiteti Shtetëror i Albany, nga të shtënat me armë, një i vrarë e disa të plagosur
Gazeta Imazhi LAJME
Trazohet Universiteti Shtetëror i Albany, nga të shtënat me armë, një i vrarë e disa të plagosur

Universiteti Shtetëror i Albany u mbush me vallëzime, brohoritje dhe festime të shtunën pasi Golden Rams fituan në ndeshjen e universitetit për rikthimin në shtëpi.

Disa orë më vonë, nga të shtënat në kampusin e shkollës në Gjeorgjinë jugperëndimore mbeti i vrarë një person dhe shumë të tjerë të plagosur, thanë zyrtarët e universitetit, shkruan CNN, transmeton Klankosova.tv.

“Jemi informuar se gjashtë persona kanë pësuar lëndime. Mjerisht, njëri është raportuar i vdekur”, tha universiteti të dielën në një deklaratë.

Disa lagje të kryeqytetit pa ndriçim, ja çfarë thonë nga Komuna
Gazeta Imazhi LAJME
Disa lagje të kryeqytetit pa ndriçim, ja çfarë thonë nga Komuna

Është zonë brenda kampusit universitar ndonëse nuk arrihet të shihet.

Gjatë ditës qarkullohet shumë e natën, mungesa e ndriçimit publik është arsyeja e cila detyron qytetarët të marrin rrugë të tjera.

E shqetësime mbi sigurinë e qytetarëve orëve të mbrëmjes, kanë arritur në redaksinë e Dukagjinit.

Jetoj në lagje të Muhaxherëve e konstant me bie me kalu aty, pasi që është forma më e shkurtër sa herë kthehem nga puna. Mirëpo në momentin që bie terri, nuk mundem të kaloj nga ajo pjesë për shkak se mungon ndriçimi. Unë shumicën e kohës jam pasdite në punë dhe me duhet të kalojë në anën tjetër në mënyrë që të arrijë e sigurt në banesë. Krahas kësaj edhe prezenca e qenëve e bënë më shqetësuese këtë pjesë.

Zakonisht dal me shokë shpesh aty ka parku, kohëve të fundit e kemi vrejt që po mungojnë dritat , edhe s’është se kemi mundur të rrimë ashtu deri vonë për shkaqe sigurie.

E po të njëjtat shqetësime i janë shprehur televizionit edhe në një pjesë të Arbërisë, atë të parkut.

Ndonëse Parku i Arbërisë vizitohet nga qytetarë të shumtë gjatë ditës, natën thuajse aspak. E kjo ngase qytetarët ndihen të rrezikuar nga mungesa e ndriçimit në shtegun e ecjes.

Për kampusin, nga komuna thonë se procesi ka ngecur si shkak i vonesës nga Organi shqyrtues i Prokurimit.

”Njëra pjesë e kampusit është e ndriquar nga komuna, edhe pse është përgjegjësi e universitetit mirëpo ne, që mos t’i lëmë qytetarët në terr disa vite më herët…tash është e paraparë edhe pjesa tjetër e kampusit të ndriçohet sepse për shkak të qytetaeëve, s’kemi kohë ta presim kampusin sepse është pjesë për të cilën kemi ankesa çdo ditë. Mirëpo kontratat janë duke u shqyrtuar në Organin shqyrtues për Prokurorim Publik. Kur të përfundojnë shqyrtimi i kontratave, ne do ta realizojmë ndriçimim edhe në atë pjesë”, ka thënë Bashkim Sadiku, Zyrtar i lartë i energjetikës në Komunën e Prishtinës.

Pa ndriçim mbetet edhe një pjesë e parkut afër QKUK-së për të cilën, Sadiku thotë se janë vendosur shtylla të reja që pritet të funksionalizohen.

”Pjesa tek fakulteti e deri te QKUK do të finalizohet brenda vitit mirëpo për dy të tjerat, varet nga prokurimi publik dhe afatit ligjor për ankesa. Nëse nuk kemi ankesa të vazhdueshme dhe lirohet kontrata, shpresojmë se pjesë do kryhet. Nëse ka ankesa dhe vazhdon me muaj të tërë deri në lidhjen e kontratës së re, kur të lidhet kontrata do kryhen shërbimet”, ka htënë Bashkim Sadiku, zyrtar i lartë i energjetikës në Komunën e Prishtinës.

Në maj të këtij viti, Komuna ka larguar shtyllat e vjetra të ndriçimit publik duke i zëvendësuar me tjera. Ndërkaq, në muajin shkurt, e njëjta nënshkroi kontratë në vlerë 200 mijë euro për ndriçim publik.

Prezantuesja shqiptare: Besoni ose jo, Cristiano Ronaldo më ka shkruajtur
Gazeta Imazhi SHOWBIZ
Prezantuesja shqiptare: Besoni ose jo, Cristiano Ronaldo më ka shkruajtur

Alesia Bami ka lëshuar së fundmi një tjetër deklaratë të fortë, teksa ishte pjesë e një loje me pyetje-përgjigje në “E diell” së bashku me kolegun e saj Edi Manushi, ajo zbuloi një detaj që u duk i pabesueshëm edhe nga të pranishmit në studio.

Gjatë lojës Alesia zbuloi diçka nga jeta e saj private, ajo duhet të tregonte emrin e një futbollisti që i kishte shkruar disa herë, ose kushte dalë për darkë.

“Betohem është njëri, por nuk ja mbaj mend emrin”, tha ajo.

Por më pas, shtoi me shaka se i kishte dërguar mesazh ylli i futbollit, Kristiano Ronaldo.

Ish-imami bëhet kryetar i klubit të Vushtrrisë: Çdo të premte pas jacisë luaj futboll
Gazeta Imazhi SPORTI
Ish-imami bëhet kryetar i klubit të Vushtrrisë: Çdo të premte pas jacisë luaj futboll

Një rast i rrallë ka ndodhur futbollin kosovar.

Befasia erdhi dje nga qyteti i Vushtrrisë.

Ish-kryetari i BIK-ut Shemsi Rrahimi, është zgjedhur kryetari i klubit të futbollit që mban emrin e këtij qyteti.

Vet Rrahimi në emisionin Sports Show në Klan Kosova, ka treguar se si erdhi deri tek kjo ide.

Ai shpjegoi se është merakli i madh i futbollit.

“Ne imamët çdo të premte pas namazit të jacisë luajmë futboll. Imamët mes vete dhe largojmë stresin javor, për të pushuar në vikend dhe për të vazhduar prapë të hënën”, tha Rrahimi në Klan Kosova.

Tutje ish-kreu i Bashkësisë Islame në Vushtrri shpjegoi se ky vendim ishte pritur goxha mirë nga opinioni publik.

Punime në rrjet, këto vende do mbesin pa rrymë të hënën
Gazeta Imazhi LAJME
Punime në rrjet, këto vende do mbesin pa rrymë të hënën

Kompania për Distribuimin e Energjisë Elektrike në Kosovë (KEDS) njofton se më 21.10.2024 do të kryhen punime të domosdoshme për siguri të sistemit energjetik.

Si i rezultat i kësaj, në disa lokalitete do të ketë ndërprerje të rrymës.

Ky është orari sipas rajoneve:

Pejë

Punime të domosdoshme për siguri të sistemit

1.

Nga TS 110/10(20)kV Istogu do të ndërpritet

Dalja 10kV J02-Istogu 1 (kodi: 54000008) prej orës 11:00- 15:00.

Vendet: Istogu i Poshtëm,Muzhevin Arifaj, Muzhevin Blakaj, Muzhevin Gateri, Muzhevin 1, Ukaj, Dragolevci i Ulët, Luga Kulla, Dragolevc Gateri, Shpatoll, Muzhevin Balaj Kabashte Tomoc, Sylaj Balaj LLuga, Istogu ETC, Muzhevin Jahaj Dragolevc e Reja,si dhe HC” Burimi” Istog.

Arsyeja: Mirëmbajtje preventive, bartje, shtrëngim i përçuesve, pastrami i trasesë në degëzimin e Llugave dhe Muzhevinës.

2.

Nga TS 110/10kV Deçani do të ndërpreitert:

Dalja 10kV Juniku (kodi: 53000007) prej orës 10:30 – 15:00.

Vendet: Lloqan, Dranoc, Sllup, Voksh, Polana, Poberxh, Prilep, Rastavic, Baballoq, LA Ramadani, Junik, Jasiq dhe Gjocaj.

Arsyeja: Mirëmbajtje preventive dhe pastrimi i trasesë.

3.

Nga TS 110/10(20)kV Peja 2 do të ndërpritet:

Dalja 10kV Leshani (kodi: 51000005) prej orës 09:30-10:30 dhe nga ora 13:30-14:30.

Vendet: Fshatrat: Ramon, Gllaviqicë, Leshan, Jabllanicë, Rosuja dhe Cvërk e Thatë.

Arsyeja: Ndërprerje për siguri, testimi i Scadas në stabiliment.

4.

Nga TS 110/10(20)kV Peja 2 do të ndërpritet:

Dalja 10kV Zahaqi (kodi: 51000010) prej orës 11:30 deri në ora 12:30.

Vendet: Qyshk, Pavlan, Zahaq, një pjeës e Llabjanit, Deponia, Ramuni nje pjesë, Gllaviqica, Kërstovci, Leshan, Klinqin, Sverka e Thatë, Jabllanica e Leshanit dhe Rosujat.

Arsyeja: Ndërprerje për siguri, testimi i Scadas në stabiliment.

Prizren

Punime të domosdoshme për siguri të sistemit

1.

Nga TS 35/10 kV Dragash do të ndërpritet:

Dalja 10kV Bresana (kodi: 30036007) prej orës 12:30- 13:30.

Vendet: Fshatrat : Blaq, Brodosanë, Buzezë, Kuk, Kuklibeg, Zaplluxhe, Afariste : N.P.T “Mulliri”  Buzez, N.T.P. Qumështorja Sharri Kuk dhe Restorant Opoja.

Arsyeja: Ndërprerje për siguri,testimi i Scadas në stabiliment.

2.

Nga TS 35/10 kV Zhuri do të ndërpritet:

Dalja 10kV Zhuri (kodi: 30035003) prej orës 15:30 – 16:30.

Vendet: Zhuri, Shkoza, Dobrushtë, Milaj, Gorozhubi,Planeja dhe Vërmica .

Arsyeja: Ndërprerje për siguri,testimi i Scadas në stabiliment.

****

Punime në projekte investive

1

Nga TS 110/35/10 kV Prizreni 1 do të ndërpritet:

Dalja 10[kV] Arbana (kodi: 30000001)nga ora 09:00- 16:00.

Vendet:Lagjja Arbana dhe Lagjja Jeta e Re.

Arsyeja: Projekte investive, punime në projekt investiv Arban.a ,Ortakollio 1 ne Lot 15 (Ngritja e shtyllave dhe energjizimi i rrjetit të ri nëntokësor të tensionit të mesëm)

Ferizaj

Punime të domosdoshme për siguri të sistemit

1.

Nga TS 110/35/10kV Ferizaj 1 do të ndërpritet:

Dalja 10kV J02-Fshatrat (kodi: 40000002) prej orës 10:30- 15:00.

Vendet: Fshati i Vjetër, Dardania, Sojeva, Mirosala, Bibaj dhe Zllatari.

Arsyeja: Mirembajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

Mitrovicë

Punime të domosdoshme për siguri të sistemit

1.

Nga TS 110/10 kV Mitrovica do të ndërpritet:

Dalja 10kV Bajri (kodi: 70000004) prej orës 10:30- 15:00.

Vendet: Një pjesë e qytetit, lagjja Bajr dhe Frashëri.

Arsyeja: Mirëmbajtje preventive, ndërrimi i shtyllave dhe pastrimi i trasesë.

Gjilan

Punime të domosdoshme për siguri të sistemit

1.

Nga TS 35/10 kV Gjilani IV do të ndërpritet:

Dalja 10kV J11 Bregu i thatë (kodi: 60063011) prej orës 10:00-10:15 dhe nga ora 13:45-14:00.

Vendet: Lagjja Dheu i Bardhë dhe rrugët: Reshat Ymeri, Evlia Çelebia, Avdulla Presheva, Isa Kastrati, Ahmet Gashi, Vëllezërit Frashëri, Fatmir Ibishi, Agim Rashiti dhe Mbretnesha Teutë.

Arsyeja: Krijimi i kushteve të punës pa tension, manipulim me ndarësa të tensionit të mesëm.

2.

Në TS 35/10 kV Gjilani IV

Nga dalja 10kV Bregu i Thatë do të ndërpritet:

TS 10/04kV Bregu i Djegur (kodi: 60063011019) prej orës 10:00- 14:00.

Vendet: Arbëri

Arsyeja: Ndërprerje për siguri- Ndërrimi i ndërprerësit tëë djegur me ndërperës të ri magneto-termik 1250.

3.

Nga TS 35/10kV Artanë do të ndërpritet:

Dalja 10kV J04-Bunjakët (kodi: 60024002) prej orës 10:30 deri në ora 15:00.

Vendet: Fshatrat: Bunjak (një pjesë) dhe Marevc.

Arsyeja: Mirembajtje preventive dhe pastrimi i trasesë.

4.

Nga TS 35/10 kV Kllokot do të ndërpritet:

Dalja 10kV J12-Tërpeza (kodi: 61065012) prej orës 10:30 deri në ora 15:00.

Vendet: Zhiti, Tërpezë, Çifllak, Devajë, Kravaricë, Ballancë, T.S Privat 1.

Arsyeja:Mirëmbajtje preventive dhe pastrimi i trasesë.

5.

Nga TS 110/20(10) kV Kamenica do të ndërpritet:

Dalja 10kV Hogoshti (kodi: 62000001) prej orës 14:30- 15:30.

Vendet: Kopërnica, Hogoshtë, Ploçikë, Desivojsë, Shipashnicë e Ulët, Shipashnicë e Epërme, Trenidell (antenat), Dazhnicë, Kostandincë, Kolloleq, Tërsten, Laçiç, Vriçevcë, Lisockë, Gjyrishevcë, Zhujë, Air Energy – Kitka, Velegllavë, Marovcë, Sotllar, AIR-ENERGY SH.P.K.  Sait Ali Vokshi

Arsyeja: Ndërprerje për siguri, testimi i Scadas në stabiliment.

Nesër mbahet testimi për ushtarët e rinj të Kosovës
Gazeta Imazhi LAJME
Nesër mbahet testimi për ushtarët e rinj të Kosovës

Nga nesër do të nisë testimi për kandidatët të cilët kanë aplikuar për ushtarë aktiv të Ushtrisë së Kosovës. Për 300 vende të hapura kanë aplikuar 1658 persona.

Kandidatët do të testohen fizikisht nga data 21 deri më 24 tetor në Kazermën “Skënderbeu” në Ferizaj.

Sipas njoftimit që kishte bërë publik Ministria e Mbrojtjes e Forca e Sigurisë së Kosovës grupi i parë i aplikantëve për këtë test duhet të paraqiten në kazermë jo më vonë se ora 07: 30 minuta ndërsa grupi i dytë jo më vonë se ora 11: 30 minuta.

Testimi i kandidatëve për ushtarë të Forcës së Kosovës do të bëhet në tri disiplina: pompa, barkore e vrapim.

Kandidatët që do t’i nënshtrohen testit rekomandohet që të jenë të hidratuar 24 orë para fillimit të testimit fizik.

Ndërkohë të gjithë kandidatët e ftuar në ditën e testimit duhet të kenë me vete kodin e aplikimit, letërnjoftimin apo dokument identifikimi  ndërsa kandidatët e ftuar në ditën e testimit duhet të paraqiten me veshje sportive.

Brenda katër viteve FSK-ja ka hapur katër konkurse për pranimin e ushtarëve dhe katër të tjerë për pranimin e kadetëve.

Numri total i të rekrutuarve në Forcën e Sigurisë së Kosovës përgjatë periudhës 2021-2024 ka arritur në 2271, duke dyfishuar kështu pothuajse numrin total të ushtarakëve të FSK-së.

 

Skandal: Ja si e quan UNMIK-u sulmin terro’rist në Banjskë
Gazeta Imazhi LAJME
Skandal: Ja si e quan UNMIK-u sulmin terro’rist në Banjskë

Misioni i UNMIK’ut, në raportin e fundit e ka cilësuar sulmin terrorist në Banjska të 24 shtatorit 2023 si vetëm “incident”.

Në këtë raport, thuhet se ky “incient, i cili pa përleshje të armatosura mes sulmuesve dhe Policisë së Kosovës. Në atë sulm ishte vrarë polici Afrim Bunjaku.

Në këtë raport, tregohet për padinë që Prokuroria Speciale ngriti ndaj Milan Radojçiqit dhe 44 pjesëtarëve tjerë të dyshuar në grupin e tij.

“Radoiçiq dhe 44 të tjerë u paditën nga Prokurori Special i Kosovës më 11 shtator për përfshirjen e tyre të dyshuar në incidentin e sigurisë të 24 shtatorit 2023 pranë fshatit Banjska/Banjskë në veri të Kosovës. Ky incident, i cili pa përleshje të armatosura mes sulmuesve dhe policisë së Kosovës, rezultoi me vdekjen e një polic, të plagosur dy të tjerë dhe me vdekjen e tre sulmuesve të armatosur. Ndërsa Radoiçiq më vonë pranoi përfshirjen e tij dhe dha dorëheqjen nga posti i tij politik, Serbia e ka përjashtuar ekstradimin e tij”, thuhet në këtë raport.

Detaje shokuese nga vrasja mizore e Marigona Osmanit, çka thotë aktgjykimi i gjykatës?
Gazeta Imazhi LAJME
Detaje shokuese nga vrasja mizore e Marigona Osmanit, çka thotë aktgjykimi i gjykatës?

19 faqe më shumë sesa aktgjykimi i parë, është aktgjykimi i dytë dënues ndaj Dardan Krivaqës e Arbër Sejdiut, të shpallur fajtor për vrasjen e Marigona Osmanit.

Rreth dy muaj pas shpalljes së aktgjykimit, kryetari i trupit gjykues ka përpilua edhe vendimin e plotë, me të cilin dënoi me burgim të përjetshëm Dardan Krivaqën e 15 vjet Arbër Sejdiun.

Në arsyetimin e gjykatës së Ferizajt thuhet se Krivaqa me dashje dhe në mënyrë mizore ka goditur deri në vdekje 18 vjecaren me të cilën ishte duke bashkëjetuar.

“Sa i përket të akuzuarit D.K., nga provat e administruara gjykata ka konstatuar përtej dyshimit të bazuar se në veprimet e tij janë prezentë të gjitha elementet objektive dhe subjektive të veprës penale Vrasje e rëndë nga neni 173 par.1 nënpar.1.4 të KPRK-së, si në kohën, vendin dhe mënyrën e përshkruar si në dispozitivin e këtij aktgjykimi, me ç, rast i akuzuari me dashje, në mënyrë mizore duke e goditur me një kabllo të mbushjes së telefonit dhe me një shkop të zi e ka privuar nga jeta tani të ndjerën M.O., me të cilën ka qenë duke bashkëjetuar, ku vdekja e saj ka qenë e ngadalshme, si pasojë e përdorimit të forcës fizike në mënyrë graduale, kohë pas kohe për një periudhë kohore prej së paku prej 48 orëve, duke i shkaktuar dhembje të mëdha fizike dhe psikike. Se i akuzuari D.K. ka ushtruar dhunë posaçërisht të rëndë-ekstreme të rëndë ndaj të ndjerës M.O., vërtetohet edhe nga raporti i autopsisë nr.ref.MA21-… të dt.23.08.2021 të përpiluar nga eksperti mjeko-ligjor Prof. Dr.N.H., në të cilin raport janë të përshkruara në detaje të gjitha lëndimet e shkaktuara të shumëfishta trupore dhe shkaku i vdekjes së sajë.”

Gjykata e Apelit e kishte kthyer në rigjykim këtë rast, me arsyetimin se nuk ishte vërtetuar mjaftueshëm mizoria e kësaj vrasje, derisa në aktgjykimin e dytë përmenden hapat që ka ndërmarr gjyqtari për këtë.

“Andaj, nga e gjithë kjo që është konstatuar nga eksperti mjeko ligjor, si në raportin e autopsisë në të cilin raport në detaje janë shënuar të gjitha lëndimet trupore që i akuzuari ia ka shkaktuar të ndjerës për së gjalli, e të cilat lëndime kanë qenë të shumëfishta të quajtura në gjuhën mjekësore si politraumë, e të cilat lëndime janë sqaruar dhe konfirmuar nga eksperti mjeko-ligjor edhe në shqrtimin gjyqësor, ku nga këto lëndime të shumëfishta të shkaktuara për së gjalli dhe në mënyrë graduale, eksperti ka konstatuar se viktima ka përjetuar dhembje posaçërisht të rënda dhe dhimbje të rënda, trupi gjykues vlerëson se në këtë rast mizoria është e pa kontestueshme.”

Asnjë rrethanë lehtuese nuk ka gjetur as këtë herë, Gjykata në Ferizaj, për Dardan Krivaqën, kur vendosi ti shqiptojë dënim kapital, derisa rrethana rënduese kishte shumë.

“Mënyrën dhe rrethanat në të cilat është kryer vepra penale, – ne mënyrën me barbare me privimin gradual nga jeta ne një ambient te mbyllur ne banese, ku e ndjera ka qenë krejtësisht e pa mbrojtur. I akuzuari ka qenë edhe më pare i dënuar me aktgjykime të shumta të formës së prerë për vepra penale të natyrave të ndryshme, Andaj, të gjitha këto veprime të të akuzuarit në unitetin e tyre tregojnë shkallën e lartë të pjesëmarrjes dhe shkallën e lartë të dashjes në kryerjen e veprës penale, ku nga kjo vepër penale janë shkaktuar pasoja të rënda në familjen e të ndjerës dhe është shkaktuar shqetësim i madh edhe tek qytetarët e Republikës së Kosovës..”

Krivaqa u shpall fajtor dy herë për veprën penale vrasje e rëndë, e Arbër Sejdiu për ndihmë në kryerjen e veprës penale vrasje e rëndë.

18 vjeçarja Marigona Osmani vdiq më 22 gusht të vitit 2021./RTVDukagjini/Q

Sot Harris feston ditëlindjen, ja sa vjet i mbushi
Gazeta Imazhi LAJME
Sot Harris feston ditëlindjen, ja sa vjet i mbushi

Kamala Harris, kandidatja për postin presidencial në SHBA, mbush sot 60 vjeç.

Ajo ka pasur një karrierë të përkushtuar pasi nga të qenit vajza e emigrantëve deri tek synimi për të qenë në Shtëpinë e Bardhë, ajo është bërë shembull për shumë emigrantë në SHBA.

E lindur në Oakland, Kaliforni, Harris u rrit në një familje me ndikime të ndryshme kulturore, pasi nëna e saj ishte nga India dhe babai i saj nga Jamaica.

Jeta Familjare dhe Personale

Kamala Harris është e martuar me Doug Emhoff, një avokat dhe profesor, që është gjithashtu i njohur për angazhimin e tij në mbështetje të çështjeve sociale. Ata u martuan në vitin 2014 dhe kanë ndërtuar një marrëdhënie të ngushtë, duke mbështetur njëri-tjetrin në karrierat e tyre.

Harris nuk ka fëmijë, por bashkëshorti i saj ka dy, Cole dhe Ella, të cilët kanë qenë një pjesë e rëndësishme e jetës së saj personale. Sipas Living,al ajo shpesh flet për vlerën e familjes dhe për momentet e kaluara me ta, duke theksuar se si ata e mbështesin në sfidat e saj profesionale.

Synimi për presidencën

Që nga viti 2021 si zv/presidente e Joe Biden, Harris ka shënuar emrin e saj në histori si gruaja e parë, e para afrikano-amerikane dhe e para aziatike amerikane që mban këtë pozicion të vlerësuar.

Pas një gare fillestare për nominimin presidencial të demokratëve në vitin 2020, Harris u bë kandidatja e Bidenit, duke udhëhequr biletën e tyre drejt fitores.

Me miratimin e Biden, Harris ka nisur zyrtarisht fushatën e saj për zgjedhjet presidenciale të vitit 2024, duke zgjedhur guvernatorin e Minesotës Tim Walz si zëvendësin e saj, ndërsa ajo vazhdon të lundrojë në peizazhin kompleks të politikës amerikane dhe të përpiqet për të ecur para.

Edona James jep preferencën e saj për këtë banorë: Kur s’e shtinën para 1 viti – aty kisha…
Gazeta Imazhi SHOWBIZ
Edona James jep preferencën e saj për këtë banorë: Kur s’e shtinën para 1 viti – aty kisha…

Ish ylli i Big Brother VIP Kosova 2, Edona James, ka shprehur preferencën e saj për banorët aktualë të edicionit të tretë të shout më të madh televiziv shqiptar.

Ajo përmendi Drilonin specifikisht, për të cilin shprehu dëshirën madje sikur ai të ishte brenda shtëpisë që vitin e kaluar, transmeton klankosova.tv.

”Kur s’e kanë shti para 1 viti mrenda qet Drilonin”.

”Ah.. Santianee…”

”Aty kisha…”

”Driloni, shumë djalë i bukur. Teper..”.