Haradinaj me kritika të forta për Kurtin: Më pro-rus e pro-serb se Vuçiqi dhe Vulini

Kryetari i AAK-së, Ramush Haradinaj, ka kritikuar kryeministrin, Albin Kurti, për politikat dhe veprimet e tij, të cilat, sipas tij, kanë izoluar Kosovën nga aleatët e saj perëndimorë dhe kanë çuar në sanksione nga Bashkimi Evropian.

Haradinaj e konsideroi të papranueshme që Serbia, një vend tradicionalisht i afërt me Rusinë dhe i udhëhequr nga liderë që ruajnë lidhje të ngushta me Moskën, si presidenti serb Aleksandar Vuçiq dhe zëvendëskryeministri, Aleksandar Vulin, nuk është prekur nga sanksionet e BE-së, ndërsa Kosova, që ka qenë gjithmonë pro-perëndimore, po përballet me pasoja.

Kështu, ai e ka cilësuar Kurtin si më “pro-serb e pro-rus” se Vuçiqi e Vulini.

“Merreni me mend pas sulmit terrorist në Banjskë, Serbia, që është aleate e Rusisë, që Vulini shkon te Putini , që vjen ministri rus në Beograd ditën kur vjen Von der Leyen, nuk ka sanksione. Imagjinoni sa pro-rus e pro-serb duhet me qene Albin Kurti sa më shumë se Vulini e Vuçiq. Që më arrit ky më shti vendin e vet në sanksione të BE-së dhe NATO-s”, ka thënë Haradinaj.

Sipas tij, Kurti po vepron në mënyrë më anti-perëndimore sesa Vuçiqi dhe Vulini.

“Është dy herë më i efektshëm është kryeministri i Kosova në politika anti-perëndimore, anti-amerikane sesa Vulini e Vuçiq. Se Vulini e Vuçiq me krejt lidhjet e tyre, me Rusi e Kinë, e kanë shpëtuar vendin tyre pa sanksione. Kurti, duke qenë vendi  më pro-perëndimor, ka arrit më shti Kosovën nën sanksione si Rusia”, ka shtuar Kurti.

Remzia dhe Nexhati publikojnë këngën e re

Remzie dhe Nexhat Osmani, kanë publikuar projektin e tyre më të ri.

‘’Gocë prej Tirane’’, titullohet kënga që ka sjellë vëlla e motër sërish në duet.

Remzia dhe Nexhati kanë një mori bashkëpunimesh, e që secili është më i suksesshëm se tjetri.

Më poshtë mund ta dëgjoni këngën:

Kjo është këngëtarja që Dafina e zgjodhi ti këndojë në dasmë

Detaje të reja: Ky është i paraburgosuri që dyshohet se i dha fund jetës, ishte arrestuar para një muaji

Shërbimi Korrektues i Kosovës njoftoi më herët se në Qendrën e Paraburgimit në Prishtinë, rreth orës 19:00, është gjetur i vetëvarur me jelek të burgut në dhomën e tij i burgosuri me inicialet A.G.

“Menjëherë pas zbulimit të rastit, oficerët korrektues dhe stafi shëndetësor i Qendrës ndërmorën të gjitha përpjekjet e nevojshme, duke e nisur me shenja jete në Emergjencën e SHSKUK-së, por përpjekjet për ta rikthyer në jetë rezultuan të pasuksesshme” thuhet në njoftim të SHKK-së.

Burime të IndeksOnline pohojnë se i ndjeri ën fjalë është Aleks Gerbi.

Gerbi u arrestua një muaj më parë në Kliqinë të Pejës, nën dyshimin se ishte duke kultivuar sas të madhe të narkotikëve.

Gerbi dyshohet se kishte mbjellur mbi 1 ton drogë të llojit kanabis sativa, shkruan IndeksOnline.

Vlera e tyre dyshohet të jetë afro 5 milionë euro.

Momenti kur arrestohet i dyshuari për kultivimin e drogës në Pejë (VIDEO)

Dani ndan dhimbjen e humbjes së bashkëshortes dhe sfidat e të qenit prind i vetëm

Ramadan Krasniqi, i njohur për publikun si Dani, ka ndarë një rrëfim prekës për humbjen e gruas së tij gjatë intervistes në emisionin “Canapé”, të moderuar nga Shpend Lipa.

Në një moment emocional, Dani tregoi se humbja e bashkëshortes së tij e kishte lënë me një barrë të rëndë: kujdesin për fëmijët, të cilët kishin nevojë për prani prindërore.

“Kur m’ka vdekë gruaja, m’i ka lonë fëmijët e vegjël,” tha ai, duke përshkruar dhimbjen dhe vështirësitë që përballoi pas kësaj humbjeje të madhe.

Për të mësuar më shumë rreth rrëfimit të tij, klikoni në videon më poshtë nga /Gazeta Express/.

Vdes edhe një i burgosur

Shërbimi Korrektues i informoi sot se, pas një sëmundje të gjatë, vdiq i burgosuri M.R.

Ai ishte pranuar në Qendrën e Paraburgimit në Gjilan më 23.10.2024, në gjendje të rënduar shëndetësore, si pasojë e një sulmi ishemik në tru një vit më parë dhe po trajtohej në Njësinë Shëndetësore të Qendrës së Paraburgimit në Gjilan.

Më 26 tetor, me rekomandimin e mjekut të Njësisë Shëndetësore, ai ishte dërguar në Repartin e Neurologjisë të Spitalit Rajonal të Gjilanit, ku, pas trajtimit, ishte liruar me përmirësim të gjendjes shëndetësore. Gjatë transportit për në Stacionarin e Dubravës, gjendja e tij u përkeqësua, dhe ekipi mjekësor u detyrua ta dërgojë në Spitalin e Istogut. Fatkeqësisht, ai ndërroi jetë rreth orës 19:50, me vdekjen që u konstatua nga mjekët e Spitalit të Istogut.

Tragjike: Gjendet pa shenja jete i riu që po kërkohej që disa ditë

Djali 27-vjeçar Laurant Podrimaqku që u largua qe po kërkohej qe disa ditë, u gjet pa shenja jete gjatë ditës së sotme. Ky rast tronditi gjithë familjen, që s’dinin gjë për fatin e tij, nga mesdita e së shtunës.

U mësua se i riu është gjetur i vdekur sot në fshatin Gllaviçicë në Pejë, jo shumë larg veturës me të cilën kishte dalë nga shtëpia.

Bazuar në informacionet e para, 27-vjeçari dyshohet se i ka dhënë fund jetës.

Viktima, djali i një zyrtari të SHKK-së dhe vëllai i një zyrtari policor, ishte larguar nga shtëpia të shtunën pasi ishte kthyer nga Hungaria.

Për rastin ka raportuar Sinjali gjatë ditës së djeshme, pasi Policia nisi hetimin, kur babai i viktimës raportoi për dyshimet se i biri ia kishte marrë armën zyrtare.

Lidhur me rastin, Policia ka kryer ekzaminimet e nevojshme në vendin e ngjarjes.

ARTIKUJ TË NGJASHËM:

Ndahet nga jeta papritmas profesori i njohur kosovar

E dhimbshme: Ky është i riu që vdiq nga aksidenti tragjik

Një i paraburgosur në Burgun e Hajvalisë bën vetëvrasje

Një i paraburgosur në Qendrën e Paraburgimit në Hajvali u dërgua pa shenja jete në QKUK pasi dyshohet se ka bërë vetëvrasje sot në mbrëmje.

Viktima u dërgua pa shenja jete në Emergjencë, ku edhe u konstatua vdekja e tij nga ekipi mjekësor.

Sipas informacioneve të para, rasti ka ndodhur para rreth 2 orësh dhe trupi i pajetë pritet të dërgohet në IML për obduksion, raporton Sinjali.

Lidhur me rastin, Policia ka ndërmarrë veprimet e nevojshme në koordinim me Prokurorin e Shtetit.

“Rritja e pagave nga Qeveria është e jashtligjshme, nuk mund të realizohet”

Njohësi i çështjeve ekonomike, Mehdi Hashani, ka thënë që vendimi i kryeministrit Albin Kurti për rritjen e pagave është i jashtëligjshëm.

“Fillimisht vendimi që është marrë sot nga ana e kryeministrit Kurti [për rritjen e pagave] është një vendim i jashtëligjshëm dhe nuk mundet me u realizu”, ka thënë Hashani në Rubikon të Klan Kosovës.

“Nuk mund të realizohet për arsye se njësinë e koeficientit mundet me e rritë vetëm Kuvendi i Kosovës, ndërsa Qeveria e ka të drejtën me e rritë vlerën e koeficientit”.

“Ky është një vendim që është i jashtëligjshëm”, ka ritheksuar ai.

“Nuk duhet të ketë pagë nën 1 mijë euro”, thotë Haradinaj

Kryetari i Aleancës për Ardhmërinë e Kosovës (AAK), Ramush Haradinaj, ka shprehur shqetësimin e tij në lidhje me vendimin e Qeverisë së Kosovës për rritjen e pagave në sektorin publik.

Kreu i AAK-së e ka quajtur rritjen e pagave si të “turpshme” dhe ka theksuar se pagat në vend nuk duhet të jenë më të ulëta se 1,000 euro.

“E turpshme me vepru kështu. Besoj që shumë të punësuar në sektor publik do të dinë më ia kthy të njëjtin poshtrim që ky ua bën më këto. Pastaj shikoni si mashtrimi i tij, thotë 55 euro tani, në janar edhe thotë 11- euro në Korrik, në fakt nuk është 110 euro por edhe 55 euro të tjera. Rritja e pagave duhet të ndodh në sektorin publik, duhet të jetë kredibile. Koeficienti duhet të rritet i tillë, pra që mos me mbetet pagë nën 1 mijë euro. S’mund të vazhdojmë më një qasje që me kursye tek të punësuarit”, ka thënë Haradinaj në Debat Plus.

Kritika e Haradinajt vjen pas vendimit të kryeministrit Albin Kurti, i cili njoftoi se rritja e pagave do të jetë 55 euro që nga janari i vitit 2025.

Ai ka shtuar se rritja e dytë e pagave për 55 euro të tjera do të bëhet edhe verën e ardhshme.

Sa është i pasur Dani pas 52 viteve karrierë? Këngëtari jep përgjigjen e tij