Aktori i njohur Rezart Veleshnja ka vazhduar imitimet teksa në spektaklin ‘Prime’ ka imituar sërish këngëtarin Xuxi.
Imitimi i Rezit shkaktoi shumë të qeshura tek banorët por edhe në studio.
Për më shumë ndiqeni videon në linkun e më poshtëm.
Nesër mbarë shqiptarët ngrihen në këmbë për të shprehur zemërimin e tyre ndaj qeverisë. Kështu deklaroi kreu demokrat, Sali Berisha në fjalimin e përnatshëm nga ballkoni i shtëpisë së tij.
Në fjalën e tij, Berisha thekson se opozita shqiptare në mbarë vendin hidhet nesër e tëra në betejë për të marrë Shqipërinë në duart e saj.
“Mirëmbrëma dhe përshëndetjet më miqësore, mirënjohjen më të pakufishme ju, qëndrestarëve dhe qëndrestarëve të pamposhtur të kauzës së drejtë të çdo qytetari shqiptar. Të kauzës së identitetit, të lirisë së shqiptarëve, kauzës së interesit kombëtar. Të dashur miq, nesër në betejën tonë drejt fitores. Në betejën tonë për përmbushjen e misionit të rikthimit të votës së lirë në Shqipëri, të ndryshimit të pushtetit dhe fitores së opozitës. Opozita shqiptare në mbarë vendin hidhet e tëra në betejë, merr Shqipërinë në duart e saj! Nesër, mbarë shqiptarët ngrihen në këmbë për të shprehur zemërimin e tyre, për të shprehur urrejtjen e pakufishme të ligjshme të njerëzve të ndershëm, të njerëzve që jetojnë me mundin dhe djersën e tyre”.
Ai akuzoi Ramën se ka vjedhur shqiptarët dhe ka zbrazur vendin, ndërsa theksoi se revolta e nesërme do t’i japë mësimin historik kësaj qeverie që sipas tij ka bllokuar rotacionin e pushtetit.
“Të njerëzve që vidhen sa askush tjetër në Europë. Të njerëzve që shtypen dhe iu rrëmbehet vota. Të njerëzve që përjetojnë diktaturën, autokracinë të Edi Ramës të bazuar në bashkëpunim të ngushtë me krimin, drogën dhe vjedhjen e shqiptarëve. Shqiptarët në këmbë, duan t’i ndryshojnë me çdo kusht drejtimin Shqipërisë dhe kombit tonë. Drejtimi i Edi Ramës, është drejtimi i zbrazjes masive të Shqipërisë. Drejtimi i Edi Ramës, është drejtimi i ndërtimit të parajsës përrallore me fondet dhe pasuritë publike të vjedhura nga Edi Rama, familja e tij, organizata kriminale që quhet qeveri, Skrapi i partisë dhe organe të tjera të narkoshtetit. Revolta nesër është revoltë për t’i dhënë mësimin historik këtyre narkoqeveritarëve që vjedhin më shumë se sa kanë vjedhur në kohërat qeveritare të këtij vendi, më shumë se çdo qeveri tjetër në Europë, që me hanxharët e krimit, të drogës ka bllokuar rotacionin e pushtetit”, tha Berisha./A2
Rodri edhe zyrtarisht e ka fituar Topin e Artë për vitin 2024.
Futbollisti spanjoll fitoi garën ndaj Vinicius Junior, i cili deri sot ishte pretendet për këtë çmim, shkruan IndeksOnline.
Megjithatë braziliani u rendit i dyti, derisa ka refuzuar edhe të merr pjesë në këtë gala mbrëmje, ashtu si të gjithë të ftuarit e klubit të Real Madridit.
Jude Bellingham u rendit në vendin e tretë, ndërsa Dani Carvajal i katërti.
Në këtë mbrëmje u ndan edhe disa çmime tjera, e këto janë:
Aitana Botmati – Topi i Artë për femra;
Lamine Yamal – Futbollisti i ri më i mirë;
Harry Kane – Golashenuesi më i mirë;
Carlo Anceloti – Trajneri i Vitit,
Emma Hayes – Trajnerja e Vitit;
Emiliano Martinez- Portieri më i mirë;
Real Madrid – Klubi më i mirë i vitit te meshkujt;
Barcelona – Klubi më i mirë i vitit te femrat./IndeksOnline/
Historike, Granit Xhaka renditet në këtë pozitë në garë për Topin e Artë
Qeveria e Serbisë njoftoi të hënën se e ka miratuar një projektligj për siç e quajti ajo organizimin dhe kompetencën e autoriteteve gjyqësore serbe në ndjekjen e veprave penale të kryera në territorin e Kosovës.
Miratimi i këtij legjislacioni ishte paralajmëruar nga presidenti i Serbisë, Aleksandar Vuçiq, në fillim të shtatorit, duke thënë se një prokurori speciale dhe një trup gjykues special “do t’i ndjekin penalisht të gjithë ata që marrin pjesë në persekutimin e popullatës serbe” në Kosovë.
“Zgjidhjet e propozuara ligjore parashikojnë që juridiksionin në lëndët penale në shkallë të parë ta kenë Prokuroria e Lartë Publike dhe Gjykata e Lartë në Beograd, ndërsa për procedurën në shkallën e dytë Prokuroria Publike e Apelit dhe Gjykata e Apelit në Beograd”, tha Qeveria serbe.
Ajo tha se është planifikuar që në Prokurorinë e Lartë Publike në Beograd të krijohet një “departament special për ndjekjen e krimeve të kryera në territorin e ‘Kosovës dhe Metohisë’”.
Më 13 shtator, presidenti serb Vuçiq njoftoi se legjislacioni për organizimin e juridiksionit të organeve gjyqësore serbe për zonën e Kosovës do të miratohej nga Kuvendi i Serbisë brenda 45 ditëve. Siç tha Vuçiq asokohe, prokuroria do të ketë “detyrë të veçantë të hetojë dhe të ndjekë penalisht veprat penale dhe të kundërligjshme të punonjësve dhe zyrtarëve të institucioneve në Prishtinë”.
Serbia nuk e njeh pavarësinë e Kosovës, e shpallur më 2008, dhe rrjedhimisht as institucionet e saj.
Serbët e Kosovës, posaçërisht në veri, janë udhëhequr me dekada nga Beogradi dhe nga institucionet paralele serbe, përfshirë, bankat serbe, një sistem pensionesh dhe beneficionet.
Qeveria e Kosovës, e udhëhequr nga kryeministri Albin Kurti, ndërmori disa hapa këtë vit për t’i mbyllur institucionet paralele serbe në veri, në përpjekje për ta shtrirë autoritetin e Prishtinës në veri sa më shumë.
Qeveritë perëndimore i kanë kritikuar hapat e Kurtit duke thënë se ato janë ndërmarrë në mënyrë të “pakoordinuar” dhe në një kohë kur tensionet ende janë të larta në veri.
Në të njëjtën seancë të hënën, Qeveria serbe e ka miratuar edhe një projektligji për shpalljen e Kosovës si “zonë e mbrojtjes së veçantë sociale”.
Sipas saj, ky projektligj ofron mbështetje financiare për të papunët, gjegjësisht ata mbi 65 vjeç që nuk kanë ushtruar të drejtën e pensionit, “me qëllim të mbijetesës së tyre në atë territor dhe inkurajon ruajtjen e trashëgimisë kulturore dhe historike, me theks në zhvillimin demografik, ekonomik dhe kulturor”. /REL
