Shqetësuese për qytetarët, shtrejtohet buka edhe në Prishtinë, ja sa u shit një bukë sot

Pas Gjakovës ku çmimi i bukës është bërë 70 centë edhe në disa furra në Prishtinë nga 50 centë çmimi për një bukë është ngritur në 60 centë, ndërsa byreku po kushton 1.50 centë. Barrën e shtrenjtimit të rrymës, që ende as nuk është në fuqi, po e paguajnë qytetarët ndërsa nga institucionet nuk u tha se kanë një plan për zbutjen e kësaj situate.

Ngritjen e çmimit të bukës nga e premtja e ka nisur Gjakova, nga 60 centë buka është shtrenjtuar për 10 centë, pra 70 centë.

Karvani i shtrenjtimit të çmimit të bukës ka arritur edhe në disa furra në Kryeqytet. Në disa prej tyre, një bukë sot është shitur 60 centë, ndërsa një byreku kushton 1.50 centë.

Shtrenjtimi i çmimit të rrymës është faktori kryesor, dhe kjo na u konfirmua nga pronarët e furrave të cilët nuk deshën të identifikohen.

Për barrën me të cilën po përballen qytetarët, Ministrja në detyrë e Industrisë, Ndërmarrësisë dhe Tregtisë, Rozeta Hajdari, nuk është deklaruar.

“Sot është dita e pronësisë intelektuale, prita që po më pyet për ditën e pronësinë intelektuale….”, deklaroi Hajdari.

Që institucionet nuk janë në hap me ngritjen e çmimeve e dëshmon edhe Autoriteti Kosovar i Konkurrencës.

“…Autoriteti është duke monitoruar me kujdes zhvillimet në sektorin e prodhimit të bukës. Aktualisht, jemi në fazën e mbledhjes së informatave, me qëllim të vlerësimit nëse rritjet e çmimeve janë rezultat i:

 

 

faktorëve të ndryshëm ekonomikë (rritje kostosh prodhimi, çmime më të larta të energjisë, lëndës së parë etj.), apo

ndonjë praktike të ndaluar, si marrëveshje të bashkërenduara ndërmjet ndërmarrjeve konkurrente për rritjen e çmimeve (e ndaluar sipas nenit 5 të ligjit për konkurrencën]”, thuhet nga Autoriteti Kosovar i Konkurrencës

Edhe për çmimin e bukës por edhe të kafes nëpër kafene Autoritet i Konkurrencës thotë se është në proces të grumbullimit të informacioneve, inspektimeve e nëse lind nevoja edhe të hetimeve për të gjetur shkeljet e mundshme.

Përkundër interesimit, nga Shoqata e Mullisëve të Kosovës nuk u shprehën të gatshëm të flasin për prodhimin e grurit e miellit si dhe ndikimin që vërtetë ka tek furrtarët shtrenjtimi i rrymës që përcillet nga ta si furnizues./RTV Dukagjini

Kurti jep detaje, ky është propozimi i tyre për kryeparlamentar nesër

Një ditë para vazhdimit të seancës, Kryeministri në detyrë, Albin Kurti, ka dhënë sinjale se edhe nesër propozimi i tyre, Albulena Haxhiu për kryeparlamentare, s’do të ndryshojë.

Në hapjen e zyrave të reja të Postës së Kosovës në Leposaviq, Kurti duke qeshur ka thënë se ndoshta do t’u dërgojë partive një letër me kërkesën që ta votojnë Haxhiun

“Nashta me ua cu ka një letër edhe partive opozitare “votone Albulenën”, ka thënë Kurti duke qeshur.

Seanca nesër do të vazhdojë në orën 10:00. Nuk dihet nëse VV i ka siguruar numrat për Haxhiut. Në të gjitha votimet e deritashme, ajo ka marrë vetëm 57 vota nga 61 sa nevojiten.

Partitë qe disa herë i kanë kërkuar VV’së që ta ndërrojë kandidaten. Madje, janë përmendur disa emra që deputetë të partive tjera kanë shprehur gatishmërinë t’i votojnë. VV po instiston në emrin e Haxhiut.

Egli del bllof, bëhet virale videoja e saj ku fliste për Marion dikur: Është një njeri shumë i afërt i imi…

Ditët e fundit në media u diskutua për Eglin, dhe thashethemet për një lidhje të saj të mundshme me një instruktor palestre, para hyrjes së saj në BBVA.

Deklaratat e Eglit kanë ndryshuar me kohën, dikur thoshte se ai ishte një person me rëndësi në jetën e saj, kurse në Post BigBrother deklaroi se ai ishte vetëm instruktori i kunatit të saj, e këto deklarata të saj janë bërë virale në rrjetet sociale.

Madje ajo thoshte se nuk kishte punuar me të asnjëherë në të njëjtën palestër, por është publikuar një foto ku të dy shihen bashkë duke ushtruar.

Foto tjera të shumta të dyshes janë publikuar, e si duket Egli ka harruar se çfarë ka deklaruar në intervistën e mëparshme.

Mario nuk e ka lënë me kaq, ai ka reaguar në llogarinë e tij në Instagram, duke thënë:

“Është e diel, je ‘instruktor palestre’, jeta është e bukur”, një kunj e drejtëpërdrejtë ndaj Eglit.

Tani dyshja kanë bërë “unfollow” mes tyre, duke ndërprerë çdo lidhje që mund të kenë pasur dhe duke lënë gjithçka pezull.

Video:

Me daljen e diellit, Egli jep lajmin më të bukur

Këngëtarja e njohur Egli Tako ka përshëndetur ndjekësit e saj me një mesazh plot energji pozitive.

Në një postim në rrjete sociale, ajo shkroi:

“Me shumë dashni për ju, e me daljen e diellit, a jemi gati vetëm për gjëra të bukura?”

Me këtë mesazh plot dritë dhe optimizëm, Egli duket se i fton të gjithë admiruesit e saj ta nisin ditën me buzëqeshje dhe besim në të bukurën që sjell çdo e re./Indeksonline/

Pak ditë pasi u shpall fitues, Gjesti bën veprimin e papritur

Gjesti vetëm pak ditë më parë u shpall fitues i edicionit të katërt të Big Brother VIP Albania.

Ai tani po shijon jetën e re jashtë mureve të shtëpisë së famshme, ku edhe ka nisur me angazhimet e tjera në karrierë.

I njëjti në Instagram ka fshirë të gjitha postimet që i kishte deri më tani, por që akoma nuk ka një arsye.

Krahas kësaj, artisti pejan ka ndërruar edhe fotografinë e profilit, duke vënë një të re.

Mbase po fillon çdo gjë nga e para, ndonëse ka filluar përgatitjet edhe për projekte të reja.

Këngëtari tanimë ka mbajtur edhe koncertin e parë që pas daljes nga Big Brother VIP.

Vlen të ceket se ka paralajmëruar edhe disa bashkëpunime me emra të njohur në estradë

Lidhja me Eglin, deklarohet Gjesti – ja çka thotë ai

Fituesi i “Big Brother VIP Albania 4”, Besart Kelmendi, i njohur me emrin e artit si Gjesti, ka pasur mbrëmjen e djeshme daljen e tij të parë publike pas mbylljes së spektaklit. Pas triumfit në natën finale të 19 prillit dhe çmimit prej 100 mijë eurosh, Gjesti ishte i ftuar special në emisionin e humorit “Portokalli”, ku u përball me një pyetje provokuese nga aktori Visjan Ukcenaj.

Në rolin e “Minionit”, Visjani e pyeti: Bëre gjë me Eglin tani që dole?

Reagimi i Gjestit ishte i menjëhershëm: “U kry”! Kjo përgjigje konfirmoi afrimin e tij me Eglin, duke shkaktuar të qeshura dhe një atmosferë të ngrohtë mes fansave dhe shikuesve.

Ky moment shënoi një hap të ri në jetën e tij sociale pas eksperiencës së tij të paharruar në “BB VIP”. Gjatë kohës në shtëpi, Gjesti dhe Egli kishin krijuar një lidhje të veçantë, duke mbështetur njëri-tjetrin në momentet e vështira dhe duke zhvilluar biseda interesante. Kjo ka shtuar spekulimet për një lidhje më të thellë mes tyre.

Në intervistën e tij, Gjesti ka konfirmuar se është i lumtur për afrimin e tij me Eglin dhe ata janë duke e njohur më mirë njëri-tjetrin jashtë kamerave. Ky zhvillim ka shkaktuar reagime pozitive nga fansat, të cilët janë të emocionuar për këtë çift të ri të dashuruar në ekranin shqiptar.

Megjithatë, Gjesti tha se ata janë ende duke u njohur dhe se nuk dëshiron të nxitohen për të vendosur etiketa. Ai shtoi: “Pse të nxitohesh? Jeta është e bukur kur je duke eksploruar.”

Ndahen çifti i Big Brother?

Tashmë është bërë pjesë e pandarë e fytyrave publike “heqja nga rrjetet sociale”.

Edhe çifti Kevin e Ana kanë marrë vëmendje me veprimet e tyre në Instagram, shkruan Indeksonline.

Dyshja nuk ndjekin më njëri-tjetrin në këtë platformë, duke lenë pikëpyetje të shumta te ndjekësit e tyre.

Kjo nuk është hera e parë që ata bëjnë këtë veprim sidoqoftë urojmë të mos jetë ndonjë gjë serioze.

Ndërron jetë ish-komandant fytyra

Ka ndërruar jetë njëri ndër ushtarët më të hershëm të Brigadës 121, Naser Shala i njohur si “Ftyra”.

Kështu ka njoftuar familjari i tij Fatmir Surdhaj përmes një postimi në rrjetin social Facebook.

Shala ishte edhe kryeshef i Agjencisë së Pronës

Njoftimi i plotë:

Ju njoftojmë se pas një sëmundjeje të shkurtër ndërroi jetë daja e bashkëluftëtari im.

Naser Bislim Shala- “Ftyra”

Njëri ndër ushtarët më të hershëm të Brigadës 121 Ismet Jashari- Kumanova, i organizuar në UÇK me Mujë Krasniqin e Rexhep Selimin, bashkëluftuar i komandant Kumanovës, Fatmir Limajt, Haxhi Shalës, Ajet Kastratit e shume luftarëve dhe dëshmorëve të kombit.

Naseri si epror i shtabit brigades kreu shumë detyra të rëndësishme në organizimin ushtarak të njësive të UÇK-së, me devotshmëri të lartë e heroizëm të pashoq qëndronte me shokët luftëtar nëpër vijat e para të frontit.

Njihej me nofkën e luftës “FTYRA” ishte shumë i dashur me shokët dhe besnik në çdo rrethanë luftarake të kohës.

E kam pasur fatin të ishim bashkë nip e dajë në vijat e para të frontit me forcat armike, por, “Ftyra” qëndronte heroikisht bashkë me shokët.

E paq të lehtë dheun e Kosovës dajosh, e ke krye detyrën për atdheun me përkushtim sipas edukimit të nanës Qamile e Dajës Bislim që na i vranë forcat serbe, më 1998.

Ngushëllime Familjes Shala, miqve, farefisit, bashkëluftarëve e shoqërisë.

Lavdi jetës e veprës tënde atdhetare daja im bashkëluftëtari im “Ftyra” i UÇK-së!/

Sot varroset 15 vjeçarja që humbi jetën tragjikisht mbrëmë, familja jep njoftimin

Dje më 27 prill 2025, në moshën 15-vjeçare, ka ndërruar jetë Rahime (Mentor) Geci.

Ceremonia e varrimit do të mbahet sot, më 28 prill 2025, në orën 15:00, në varrezat e lagjes Geci në Llaushë të Skenderajt.

Familja Geci ka shpreh pikëllimin e thellë për humbjen e më të dashurës së tyre.

Zbulohet “misteri” i flamurit që u vendos tek “Rrethi me Flamur” në Prishtinë

Instituti ‘Friedrich Ebert Stiftung’ ka bërë të ditur se flamuri i vendosur tek rrethi kryesor i Prishtinës, i njohur si “Rrethi me Flamur”, simbolizon jelekun e punës së punëtorëve.

Nga ky institut bëjnë të ditur se flamuri kombëtar është zëvendësuar me këtë flamur në nder të Ditës Botërore të Përkujtimit të Punëtorëve, shkruan Insajderi.

SHIH EDHE:

“Sot, në Ditën Botërore të Përkujtimit të Punëtorëve (28 Prill), në qendër të Prishtinës, zëvendësuam Flamurin Kombëtar me një jelek pune.

Ky jelek është një simbol universal i të gjithë punëtorëve: të ndërtimit, policëve, punëtorëve të rrugëve, dhe shumë të tjerëve. Me këtë akt, kujtojmë dhe nderojmë të gjithë ata që kanë humbur jetën në vendin e punës dhe në kushte të rënda pune.

Instalacioni është një thirrje për reflektim dhe për të menduar për sigurinë, jetën dhe dinjitetin e çdo punëtori”, thuhet në postimin e institutit.