“Kurti u zotua se do ta vizitonte në Hagë, Thaçi pranoi vizitën e kryeministrit, por ai nuk shkoi”

I ftuari i radhës në Blic Interview ishte deputeti nga Partia Demokratike e Kosovës, Nait Hasani.

“Qytetarët që kanë votuar për mua, ma kanë dhënë besimin që të jem deputet dhe përfasues i tyre. Si përfaqësues i tyre ata kanë votu që unë të mos votoj për një koalicion PDK – LVV. Unë ju kom premtu, ju kam dhënë fjalën që nuk e votoj një koalicion të tillë, edhe kryeminsitër me qenë Bedri Hamza, edhe posti i kryeminsitrit për mua koalicion PDK – LVV nuk votohet“, tha ai.

Hasani gjithashtu si asnjëherë më parë, tregon se si kishte shkuar të bisedoj me Kurtin që ta realizoj një vizitë në Hagë tek ish presidenti Hashim Thaçi, ku i cili për hirë të shtetit dhe institucioneve ishte shprehur i gatshëm që ta priste në vizitë Kurtin.

Sipas tij Kurti si fillim kishte pranuar që ta vizitoj Thaçin në Hagë, ku ishte intersuar edhe për procedurat që duhet për të shkuar atje. Hasani tregon se kishte shpresuar që Kurti do ta realizonte këtë vizitë por i njëjti nuk e kishte bërë edhe përkundër faktit se në fillim kishte pranuar.

Pas kësaj Hasani thotë se nuk e ka takuar dhe as nuk ka kontaktuar më me të, ku nga ky rast Hasani ndjehet i zhgënjyer dhe thotë se Kurti nuk e meriton votën e tij për kryeministër dhe qeveri.

“Kryeministri në detyrë Kurti më ka mashtru mua drejt personalisht. Kam qenë vizitë në Hagë, kam kërku nga ish presidenti atje Hashim Thaçi, që ta pres në takim kryeminsitrin e Kosovës Albin Kurtin, ka pajtu për hirë të institucioneve dhe shtetit, ka pajtu që ta pres atje. Kur kam bisedu në zyrën e tij drejpërdrejtë, i kam thënë ‘je kryeminstër dhe të takon të shkosh ta vizitosh Thaçin atje’, ‘ai tha po do të shkoj cilat janë procedurat’, kjo ka ndodhur në tetor të vitit 2023 para se me fillu gjykimi. I kam thënë se duhet të shkosh para se të filloj procesi se në momentin që fillon procesi nuk ki të drejtë. Tha i kqyri proceduat se cilat janë dhe do të shkoj, e kam prit që do të shkoj, kam prit që për vitin e ri do të shkoj, ai nuk shkoj. Nuk e kam taku më, as nuk i kam shkru sepse ky ishte zhgënjim i drejtë për drejtë i imi. Këtu tregon se është jo mirënjohës dhe nuk e meriton votën time për qeveri dhe për kryeministër“, shprehet ai.Gjithashtu ai thotë se edhe nëse PDK shkon në koalicon me LVV votën time do ta ketë kundër.

“Edhe në zgjedhje, edhe pa zgjedhje vota ime nuk shkon për LVV. Edhe nëse PDK shkon në koalicon me LVV, votën time do ta ketë kundër. Unë jam pjesë e partisë dhe nuk dal prej partisë por unë jam kundër këtij koalicioni, vota ime është publike dhe drejtëpërdrejtë e hapur ka me qenë“, përfundoi Hasani.

E rëndë në Prishtinë: Theret me thikë në shpinë një 15-vjeçar

Një ngjarje e rëndë është regjistruar mbrëmjen e sotme në zemër të Prishtinës, në Sheshin “Zahir Pajaziti”, ku një i mitur ka mbetur i plagosur si pasojë e therjes me thikë.

Burime të sigurta nga Emergjenca bëjnë të ditur për Sinjalin se viktima është G.Q., 15 vjeçar. I mituri ka marrë një plagë në anën e majtë të shpinës dhe në momentin e gjetjes ka qenë në gjendje të vetëdijshme. Ai është dërguar menjëherë në QKUK për trajtim mjekësor.

Rrethanat e ngjarjes mbeten ende të paqarta, ndërsa autoritetet janë duke hetuar për zbardhjen e plotë të rastit. Gjendja shëndetësore e të miturit pritet të konfirmohet nga mjekët.

E njohim si Gjesti, por ky është emri i vërtet i fituesit të BBVA

E kemi njohur si Gjesti – djaloshi karizmatik, me stilin unik dhe qëndrimin që e dalloi menjëherë nga të tjerët në “Big Brother VIP Kosova 3”, dhe në të njëjtën kohë pastaj në Big Brother Albania. Por pas këtij emri që tashmë është bërë simbol për shumë të rinj, fshihet një identitet i vërtetë që pak e dinë: ai quhet Besart Kelmendi.

Fituesi i madh i këtij edicioni, Gjesti – ose më saktë, Besarti – nuk është vetëm një fenomen televiziv. Ai është një artist që e ndërtoi me kujdes figurën e tij publike, duke zgjedhur emrin “Gjesti” për ta kthyer në një markë personale, një mesazh dhe një prani që nuk kalon pa u vënë re, shkruan Gazeta Imazhi.

Me një zë të veçantë dhe një karakter të balancuar mes emocionit dhe maturisë, Besarti ka treguar se nuk është vetëm një konkurrent që luan fort, por një njeri me vlera, ndjenja dhe dinjitet, që u shfaq i pandryshuar nga fillimi në fund.

Fitorja e tij në Big Brother Vip Albania 4 ishte për shumëkënd e pritshme, sepse përveç lojës së ndershme, ai ndërtoi një lidhje të thellë me publikun. Por ajo që e bën më të veçantë këtë fitore është fakti se pas dritave të kamerave dhe emrit “Gjesti”, publiku po zbulon gjithnjë e më shumë njeriun e vërtetë: Besart Kelmendi, artisti që e pushtoi shtëpinë me thjeshtësi dhe zemër të madhe.

Tani që spektakli ka mbaruar, dhe Gjesti është kurorëzuar si fitues, fansat po njohin më shumë se kurrë jo vetëm figurën publike, por personin real pas saj. Dhe ky person, padyshim, ka lënë gjurmë.

Serbia dhe SHBA-të do të prodhojnë së bashku dronë luftarakë

Në ekspozitën SOF Week në Florida, kompania serbe PR-DC dhe kompania amerikane Raven Autonomous Technologies nënshkruan një marrëveshje për të krijuar një sipërmarrje të përbashkët në të ardhmen që do të zhvillojë dhe prodhojë dronin luftarak serb IKA Bombarder, i aftë të mbajë 12 predha mortaje 60 mm.

Siç u tha nga bashkëpronari i PR-DC, Miloš Petrašinović, qëllimi nuk është vetëm hyrja në tregjet e treta, por edhe prodhimi në Shtetet e Bashkuara.

Serbët presin që sipërmarrja e re e përbashkët të fitojë rreth 3 miliardë dollarë gjatë tre viteve të ardhshme, dhe ata janë veçanërisht të inkurajuar nga fakti që partneri amerikan po bashkëpunon me Departamentin e Mbrojtjes të SHBA-së.

Shpërthen rrjeti, merr kthesë tjetër raporti mes Gjestit dhe Eglit

Pas përfundimit të spektaklit “Big Brother VIP Albania”, marrëdhëniet mes dyshes Egli Tako dhe Gjesti që u përfolën si një çift të mundshëm, kanë marrë një kthesë të papritur. Dyshimet për tradhti që kanë shpërthyer në rrjetet sociale po përflasin një histori misterioze, e cila ka tërhequr vëmendjen e fansave dhe ndjekësve të tyre.

Pasi kaluan një kohë të ngushtë në shtëpinë e “Big Brother”, fansat ishin të sindikuar që ndoshta do të shihnin një zhvillim romancer mes dy të rinjve. Megjithatë, në vend të një lidhjeje të dëshmuar, tabloidet kanë nisur të raportojnë për një intrigë të mundshme që përfshin Gjestin dhe ish të dashurën e tij, Diellzën.

Disa ditë më parë, një gazetar nga “Kosova Today” publikoi një deklaratë që tronditi bazat e marrëdhënies mes Gjestit dhe Eglit, duke thënë se motra e Gjestit, e cila është shumë e afërt me Diellzën, ka ndikuar negativisht në situatën mes tyre. Sipas tij, kjo miqësi e ngushtë ka çuar në tensione mes dy të rinjve, duke lënë Eglin pa mbështetje nga familja e Gjestit.

Dhe siç duket, situata është komplikuar akoma më shumë kur u raportua se Gjesti kishte takuar sërish Diellzën dhe madje i kishte dhuruar një zinxhir. Ky veprim ka ngritur shqetësime se marrëdhënia e tij me Eglin mund të jetë në krizë, duke hedhur dritë mbi një pezullim të mundshëm në dashurinë e tyre.

Egli, sipas burimeve, ka qenë në dijeni të pakët për këtë takim të mistershëm, dhe ky zhvillim mund të ketë qenë gjithashtu një “pikë kyçe” që e ka shtyrë atë të distancohet nga Gjesti dhe rrethi i tij familjar. Rrethanat japin të kuptohet se, ndonëse ata ishin përcaktuar si një çift të njohur, tani kanë filluar të shpërbëhen si pasojë e keqkuptimeve dhe tradhtive të mundshme.

Dhe si të mos mjaftonte kjo, festimi i ditëlindjes së Gjestit ka sjellë edhe më shumë spekulime. Të shumtë ishin miqtë që morën pjesë në festë dhe figura publike që i uruan Gjestit, por asnjë shenjë nga Egli. Ajo kishte munguar totalisht, madje as në rrjetet sociale nuk kishte një mesazh urimi, një “like” apo një koment.

Kur lidhjet romantike shpesh shoqërohen me postime publike, heshtja e Eglit është ndjerë e fortë dhe e dhimbshme. Ky zhvillim krijon një atmosferë tensioni dhe paqartësie për fansat që kanë pritur me padurim një konfirmim të marrëdhënies mes çiftit. Dëshira e ndjekësve për të ditur më shumë rreth situatës është rritur, duke i bërë ata të pyesin nëse marrëdhënia, e cila ende nuk është përcaktuar qartë, ka marrë fund.

Megjithatë, për momentin, festa e ditëlindjes dukej se ishte e fokusuar vetëm në një person, Gjestin. E gjitha kjo ka lënë shpresa për një të ardhme të mundshme mes tij dhe Eglit në ajër. Valët e dyshimeve dhe frikës kanë filluar të kenë ndikim edhe në mendimet e ndjekësve, që tani pyesin: A është kjo fundi i një historie dashurie para se të fillonte vërtet?”

Vjen paralajmërimi: Dielli do të zhdukë jetën në Tokë, Marsi është shpresa e vetme e njerëzimit

Elon Musk nuk fokusohet vetëm në të nesërmen, por mendon për mijëra, madje miliona vite në të ardhmen. Themeluesi i kompanisë SpaceX ka kohë që ngre alarmin se njerëzimi duhet të evoluojë drejt një civilizimi shumëplanetar – dhe sipas tij, vendi më i arritshëm për të nisur këtë kapitull të ri është Marsi.

Në një intervistë të kohëve të fundit për Fox News me gazetarin Jesse Watters, Musk shprehu shqetësimin e tij të thellë për të ardhmen e Tokës. Ai tha se planeti ynë nuk do të mund të jetë përgjithmonë një strehë e sigurt për jetën, jo për shkak të konflikteve apo krizave klimatike, por për shkak të një kërcënimi shumë më të madh: vetë Diellit.

“Dielli po zgjerohet gradualisht dhe në një moment do të na duhet të bëhemi një qytetërim shumëplanetar”, tha Musk, duke shtuar: “Përfundimisht, e gjithë jeta në Tokë do të shkatërrohet”.

Sipas vizionit të tij, ndërsa Dielli plaket, ai rrit temperaturën dhe ndriçimin e tij në mënyrë të pandalshme. Brenda rreth 450 milionë vitesh, kjo rritje do të jetë aq intensive sa do të bëjë që oqeanet e Tokës të fillojnë të avullojnë dhe atmosfera të shpërbëhet – një proces që do të shënojë fillimin e fundit. Kulmi do të vijë pas afërsisht 5 miliardë vitesh, kur Dielli do të zgjerohet aq shumë sa do të përfshijë dhe zhdukë plotësisht Tokën.

I vetëdijshëm për këtë fund të pashmangshëm, Musk propozon Marsin si alternativën më të mirë për mbijetesën e njerëzimit. Ai beson se ky planet mund të bëhet një “strehë e sigurt për jetën”, jo vetëm për njerëzit, por për çdo formë tjetër të njohur të jetës.

SpaceX po punon për ta bërë këtë mision të realizueshëm përmes zhvillimit të Starship, një anije e madhe kozmike dhe e ripërdorshme që synon të transportojë njerëz drejt Planetit të Kuq.

Për Muskun, kjo nuk është një ide fantastiko-shkencore, por një nevojë ekzistenciale.

“Një biletë vajtje për përjetësimin e jetës,” siç e përshkruan ai këtë projekt ambicioz.

Bashkimi Evropian jep lajmin shpresëdhënës për Kosovën

Komisioni Evropian ka “nisur punën” drejt heqjes graduale të masave ndëshkuese ndaj Kosovës, është konfirmuar nga ky institucion.

Në një përgjigje me shkrim për mediat, nga zyra për shtyp e Komisionit Evropian theksohet se po punohet drejt heqjes graduale, të kushtëzuar dhe të kthyeshme të masave.

Konfirmohet gjithashtu se kësaj faze i ka paraprirë një shkëmbim qëndrimesh mes shteteve anëtare të BE-së gjatë takimit të ministrave të jashtëm në prill.

Siç merret vesh jozyrtarisht nisja e heqjes graduale, për momentin, është më shumë simbolike se sa substanciale.

Bashkimi Evropian ka zhbllokuar funksionimin e nënkomiteteve me Kosovën dhe ka rifilluar asistencën teknike nga Fondi i Investimeve për Ballkanin Perëndimor.

Sipas disa burimeve diplomatike në Bruksel, ky është maksimumi që BE mund të ofrojë aktualisht, pasi për heqjen e plotë të masave kërkohet pajtimi unanim i të gjitha shteteve anëtare. Për një konsensus të tillë, thuhet se nevojiten veprime të qarta të autoriteteve të Kosovës, në përputhje me konkluzionet e dhjetorit, ku u theksua se heqja e graduale e masave do të ndodhë paralelisht me hapat konkret të autoriteteve kosovare drejt uljes së tensioneve në veri të vendit./RTK

Tahiri i AAK-së: Ne duhet të themelojmë qeverinë që udhëhiqet nga Bedri Hamza

Nënkryetari i AAK-së, Besnik Tahiri ka folur rreth themelimit të Qeverisë së Kosovës.

Ai u shpreh se qeveria e ardhshme duhet të jetë e udhëhequr nga Bedri Hamza i PDK-së, e sipas tij, këtë qëndrim duhet ta ketë ish-opozita.

“Opozita sot nuk ka qëndrim të përbashkët. Qëndrimi i Aleancës, i PDK-së, i LDK-së është dashur të jetë qeveria e opozitës, këtë rast qëndrimi i PDK-së ish dashtë me qenë qeveria e Bedri Hamzës. Ne luftojmë që të konstituohet Kuvendi, dhe në momentin që dalim për të konstituuar qeverinë, dhe ne e marrim dhe ne e themelojmë qeverinë që në këtë rast është qeveria e udhëhequr nga zotëri Hamza”, tha Tahiri në “DPT te Fidani” .

Qeveria merr vendimin, fal gjobat e dhjetë viteve të fundit

Qeveria shqiptare ka miratuar ditën e sotme një vendim që fal një sërë gjobash dhe masash administrative të vendosura ndër vite ndaj qytetarëve dhe bizneseve.

Vendimi, i miratuar këtë të premte parashikon shfuqizimin e të gjitha masave administrative të paekzekutuara që janë vendosur gjatë periudhës 1 janar 2015 deri më 30 nëntor 2024.

Falja përfshin gjoba të vendosura nga një sërë institucionesh; nga inspektoratet vendore të mbrojtjes së territorit, Inspektorati Kombëtar i Mbrojtjes së Territorit (në vijim IKMT), Autoriteti Kombëtar i Ushqimit (në vijim AKU), Inspektorati Shtetëror Shëndetësor, Policia e Shtetit dhe Policia Bashkiake.

Procesi i heqjes/fshirjes së masave administrative, të shfuqizuara me ligjin nr.127/2024, dhe të paekzekutuara, sipas këtij vendimi, zbatohet vetëm për masat që janë vendosur ndaj individëve dhe/ose personave fizikë apo juridikë, të cilët:

a) kanë bërë ndërtime dhe/ose ndërhyrje pa leje apo njoftim paraprak, në:

-ndërtime për qëllime banimi;

-objekte ku kryhen veprimtari të prodhimit, magazinimit, përpunimit, ruajtjes dhe tregtimit të produkteve bujqësore dhe blegtorale;

-objekte që shërbejnë për mbajtjen e mjeteve të punës e input-eve bujqësore dhe blegtorale.

b) kanë objekt të aktivitetit të tyre prodhimin, përpunimin, ruajtjen dhe tregtimin e produkteve bujqësore dhe blegtorale në zonat rurale;

c) nuk kanë zbatuar rregullat e vendosura për administrimin e situatës Covid-19 gjatë periudhës së pandemisë.

Gjobat që do të falen përfshijnë, ndër të tjera, masat administrative të vendosura ndaj qytetarëve për shkelje të masave kufizuese gjatë pandemisë së COVID-19, si dhe gjoba të dhëna për ndërtime apo ndërhyrje pa leje për qëllime banimi apo bujqësie në zonat rurale. Po ashtu përfitojnë nga falja edhe subjektet që ushtrojnë aktivitet bujqësor apo blegtoral në këto zona.

Nëse pas këtij afati ndonjë qytetar apo subjekt rezulton ende me gjoba që përfshihen në këtë falje, ai ka të drejtë të paraqesë kërkesë për fshirje dhe, nëse kjo kërkesë refuzohet, mund të ankimojë vendimin në gjykatë.

    VENDIM PËR 

PËRCAKTIMIN E PROCEDURAVE QË NDIQEN PËR  SHFUQIZIMIN E MASAVE ADMINISTRATIVE TË PAEKZEKUTUARA

Në mbështetje të nenit 100 të Kushtetutës dhe të pikës 2, të nenit 3, të ligjit nr.127/2024, “Për shfuqizimin e masave administrative të vendosura nga data 1 janar 2015 deri më 30 nëntor 2024, inspektoratet vendore të mbrojtjes së territorit, Inspektorati Kombëtar i Mbrojtjes së Territorit, Autoriteti Kombëtar i Ushqimit, Inspektorati Shtetëror Shëndetësor, si dhe Policia e Shtetit e Policia Bashkiake”, me propozimin e ministrit të Brendshëm, të ministrit të Bujqësisë dhe Zhvillimit Rural, të ministrit të Shëndetësisë dhe Mbrojtjes Sociale dhe të ministrit të Shtetit për Pushtetin Vendor, Këshilli i Ministrave

        V E N D O S I:

1. TË PËRGJITHSHME
2. Përcaktimin e procedurave që ndiqen për realizimin e procesit të shfuqizimit të masave administrative të paekzekutuara, sipas përcaktimeve të ligjit nr.127/2024, nga inspektoratet vendore të mbrojtjes së territorit, Inspektorati Kombëtar i Mbrojtjes së Territorit (në vijim IKMT), Autoriteti Kombëtar i Ushqimit (në vijim AKU), Inspektorati Shtetëror Shëndetësor, Policia e Shtetit dhe Policia Bashkiake.
3. Procedurat e këtij vendimi, në kuptim të ligjit nr.127/2024, zbatohen për realizimin dhe përfundimin e procesit të shfuqizimit dhe heqjes/fshirjes së masave administrative të paekzekutuara deri në datën 15 janar 2025, të cilat janë vendosur nga data 1 janar 2015 deri më 30 nëntor 2024, nga:
4. a) inspektoratet vendore të mbrojtjes së territorit;
5. b) Inspektorati Kombëtar i Mbrojtjes së Territorit;
6. c) Autoriteti Kombëtar i Ushqimit;

ç) Inspektorati Shtetëror Shëndetësor;

1. d) Policia e Shtetit;
2. dh) Policia Bashkiake.
3. Procesi i heqjes/fshirjes së masave administrative, të shfuqizuara me ligjin nr.127/2024, dhe të paekzekutuara, sipas këtij vendimi, zbatohet vetëm për masat që janë vendosur ndaj individëve dhe/ose personave fizikë apo juridikë, të cilët:
4. a) kanë bërë ndërtime dhe/ose ndërhyrje pa leje apo njoftim paraprak, në:
5. ndërtime për qëllime banimi;
6. objekte ku kryhen veprimtari të prodhimit, magazinimit, përpunimit, ruajtjes dhe tregtimit të produkteve bujqësore dhe blegtorale;

iii. objekte që shërbejnë për mbajtjen e mjeteve të punës e input-eve bujqësore dhe blegtorale.

1. b) kanë objekt të aktivitetit të tyre prodhimin, përpunimin, ruajtjen dhe tregtimin e produkteve bujqësore dhe blegtorale në zonat rurale;
2. c) nuk kanë zbatuar rregullat e vendosura për administrimin e situatës Covid-19 gjatë periudhës së pandemisë.
3. Procedurat e heqjes/fshirjes së masave administrative, të shfuqizuara me ligjin nr.127/2024, dhe të paekzekutuara, ndiqen dhe zbatohen nga organet që kanë vendosur këto masa, përkatësisht, për:
4. a) subjektet në shkelje, sipas përcaktimeve në shkronjën “a”, të pikës 3, të këtij vendimi, nga:
5. inspektoratet vendore të mbrojtjes së territorit;
6. Policia Bashkiake;

iii. Inspektorati Kombëtar i Mbrojtjes së Territorit.

1. b) subjektet në kushtet e përcaktuara në shkronjën “b”, të pikës 3, të këtij vendimi, nga:
2. Autoriteti Kombëtar i Ushqimit;
3. Inspektorati Shtetëror Shëndetësor.
4. c) subjektet në shkelje, sipas përcaktimeve në shkronjën “c”, të pikës 3, të këtij vendimi, nga Policia e Shtetit.
5. PROCEDURAT QË ZBATOHEN NGA INSPEKTORATET VENDORE TË MBROJTJES SË TERRITORIT DHE POLICIA BASHKIAKE
6. Inspektorati Vendor i Mbrojtjes së Territorit dhe policia bashkiake e çdo njësie të vetëqeverisjes vendore, brenda 30 (tridhjetë) ditëve nga hyrja në fuqi e këtij vendimi, përgatisin listën e individëve dhe/ose personave fizikë apo juridikë ndaj të cilëve nga ky organ është vendosur, përkatësisht, masë administrative, e cila rezulton e paekzekutuar dhe që është shfuqizuar me ligjin nr.127/2024.
7. Një kopje e listës së hartuar sipas pikës 1, të këtij kreu, nënshkruar nga titullari i organit procedues, i përcillet menjëherë drejtorisë përkatëse të njësisë së vetëqeverisjes vendore, përgjegjëse për taksat dhe tarifat vendore, për kryerjen e procedurave për heqjen/fshirjen nga sistemi të masave administrative, të shfuqizuara.
8. Drejtoria përkatëse e njësisë së vetëqeverisjes vendore për taksat dhe tarifat vendore, brenda 30 (tridhjetë) ditëve nga administrimi i listës, kryen heqjen/fshirjen nga sistemi të masës administrative, sipas listës së përcjellë për secilin individ dhe/ose person fizik apo juridik.
9. Drejtoria përkatëse e njësisë së vetëqeverisjes vendore, pas përfundimit të heqjes/fshirjes nga sistemi, njofton, sipas listës së përcjellë, Inspektoratin Vendor të Mbrojtjes së Territorit dhe Policinë Bashkiake për fshirjen e detyrimit në sistem.
10. Çdo individ dhe/ose person fizik apo juridik, që pretendon se një masë administrative e vendosur ndaj tij dhe e shfuqizuar me ligjin nr.127/2024, nuk është hequr/fshirë në sistem, pas përfundimit të afatit të parashikuar në pikën 6, të këtij kreu, paraqet kërkesë, përkatësisht, pranë Inspektoratit Vendor të Mbrojtjes së Territorit ose Policisë Bashkiake për heqjen/fshirjen e masës.
11. Inspektorati Vendor i Mbrojtjes së Territorit ose Policia Bashkiake përkatëse verifikon pretendimet në kërkesë dhe, nëse plotësohen kriteret e parashikuara në ligjin nr.127/2024 dhe në këtë vendim, procedon me dërgimin menjëherë të të dhënave pranë drejtorisë përkatëse të njësisë së vetëqeverisjes vendore për taksat dhe tarifat vendore për heqjen/fshirjen e detyrimit nga sistemi. Në rast se nuk plotësohen kriteret për shfuqizimin e masës, sipas ligjit dhe këtij vendimi, Inspektorati Vendor i Mbrojtjes së Territorit ose Policia Bashkiake njofton brenda 5 (pesë) ditëve individin dhe/ose personin fizik apo juridik për refuzimin e kërkesës për heqje/fshirje nga sistemi, duke parashtruar edhe arsyet përkatëse. Kundër vendimit për refuzimin e heqjes/fshirjes së masës administrative, subjekti ka të drejtën e ankimit në gjykatë.

III. PROCEDURAT QË ZBATOHEN NGA INSPEKTORATI KOMBËTAR I MBROJTJES SË TERRITORIT (IKMT)

1. Strukturat përgjegjëse në nivel qendror dhe rajonal, në përbërje të Inspektoratit Kombëtar të Mbrojtjes së Territorit (IKMT), sipas ndarjes së tyre të përgjegjësive, brenda 30 (tridhjetë) ditëve nga hyrja në fuqi e këtij vendimi, përgatisin listat e individëve dhe/ose personave fizikë apo juridikë, ndaj të cilëve nga struktura përkatëse është vendosur masë administrative, e cila rezulton e paekzekutuar, plotësisht ose pjesërisht, dhe që është shfuqizuar me ligjin nr.127/2024, dhe ia përcjellin për miratim Kryeinspektorit.
2. Lista e përgatitur sipas pikës 1, të këtij kreu, konsiderohet përfundimtare, kur për çdo subjekt kundërvajtës dhe për masën administrative përkatëse, të evidentuar për çdo subjekt, aktet administrative të mbajtura nga strukturat inspektuese të IKMT-së, përfshirë procesverbalet e konstatimit të kundërvajtjes (në vijim PVKK), relacionet shpjeguese bashkëlidhur tij, si dhe vendimin e masës administrative dhe vendimin e prishjes, kanë të evidentuar qartësisht tipologjinë e ndërtimit pa leje apo njoftim paraprak, të cilat, në çdo rast, duhet të pasqyrojnë qartë se përmbushen kushtet për shfuqizimin e masës administrative, sipas kërkesave të nenit 2, të ligjit nr.127/2024.
3. Përjashtimisht nga sa përcaktohet në pikën 2, të këtij kreu, për rastet e masave administrative të paekzekutuara, plotësisht apo pjesërisht, për të cilat aktet administrative të mbajtura nga strukturat inspektuese të IKMT-së, siç janë PVKK-të, relacionet shpjeguese bashkëlidhur tij, si dhe vendimi i masës administrative dhe vendimi i prishjes, nuk kanë të evidentuar qartësisht tipologjinë e ndërtimit pa leje apo njoftim paraprak, e cila në çdo rast duhet të jetë sipas përcaktimit të nenit 2, të ligjit nr.127/2024, dokumenti shtesë që do të vërtetojë tipologjinë e ndërtimit pa leje apo njoftim paraprak do të jetë akti i ekspertimit të ndërtimit pa leje, i nënshkruar nga 3 (tre) ekspertë të licencuar të fushës. Në mungesë të këtij akti ekspertimi, vlerësimi për tipologjinë e ndërtimit pa leje apo njoftim paraprak, për masën administrative që shqyrtohet dhe vërtetimi i përmbushjes së kushteve për shfuqizimin e saj, sipas ligjit nr.127/2024, bëhet nga një komision i posaçëm, i krijuar me urdhër të Kryeinspektorit, që përbëhet nga punonjës të IKMT-së, specialistë të fushës dhe juristë.
4. Vendimet e Kryeinspektorit të nxjerra sipas pikave 1 dhe 3, të këtij kreu, për heqjen/fshirjen e masave administrative të shfuqizuara me ligjin nr.127/2024, administrohen nga strukturat përgjegjëse për ndjekjen e ekzekutimit të masave administrative, si dhe nga strukturat përgjegjëse për mbajtjen e regjistrave, ku evidentohen masat administrative të vendosura nga IKMT-ja, të cilat përkatësisht bëjnë heqjen ose fshirjen e tyre nga evidencat apo regjistrat, që ato disponojnë.
5. Çdo individ dhe/ose person fizik apo juridik, që pretendon se një masë administrative e vendosur ndaj tij dhe e shfuqizuar me  ligjin nr.127/2024, nuk është hequr/fshirë në sistem, paraqet kërkesë, përkatësisht pranë strukturave përgjegjëse në nivel qendror e rajonal, në përbërje të Inspektoratit Kombëtar të Mbrojtjes së Territorit (IKMT) për heqjen/fshirjen e masës.
6. Struktura përgjegjëse verifikon pretendimet në kërkesë dhe, nëse plotësohen kriteret e parashikuara në ligjin nr.127/2024 dhe në këtë vendim, procedon me dërgimin menjëherë të vendimit për shfuqizimin e masës administrative Kryeinspektorit. Në rast se nuk plotësohen kriteret për shfuqizimin e masës, sipas ligjit dhe këtij vendimi, struktura përgjegjëse njofton brenda 5 (pesë) ditëve individin dhe/ose personin fizik apo juridik për refuzimin e kërkesës për heqje/fshirje nga sistemi, duke parashtruar edhe arsyet përkatëse. Kundër vendimit për refuzimin e heqjes/fshirjes së masës administrative subjekti ka të drejtën e ankimit në gjykatë.
7. PROCEDURAT QË ZBATOHEN NGA AUTORITETI KOMBËTAR I USHQIMIT DHE INSPEKTORATI SHTETËROR SHËNDETËSOR
8. Strukturat përgjegjëse, në nivel qendror e rajonal, në përbërje të Autoritetit Kombëtar të Ushqimit ose të Inspektoratit Shtetëror Shëndetësor, sipas ndarjes së përgjegjësive të tyre, brenda 30 (tridhjetë) ditëve nga hyrja në fuqi e këtij vendimi, përgatisin listat e individëve dhe/ose personave fizikë apo juridikë ndaj të cilëve, nga struktura përkatëse, është vendosur masë administrative, e cila rezulton e  paekzekutuar, plotësisht ose pjesërisht, dhe që është shfuqizuar me  ligjin nr.127/2024.
9. Lista e subjekteve kundërvajtëse shoqërohet me kopjen e vendimeve përfundimtare të vendosjes së masës administrative, relacionin shpjegues për çdo masë të vendosur, si dhe informacionin për fazën, në të cilën ndodhet procesi i ekzekutimit, duke e shoqëruar me dokumentacionin përkatës.
10. Lista e përgatitur sipas pikave 1 dhe 2 të këtij kreu përcillet për miratim, përkatësisht, në Drejtorinë e Përgjithshme e AKU-së ose te Kryeinspektori i Inspektoratit Shtetëror Shëndetësor. Listat përfundimtare miratohen nga titullari institucionit brenda 30 (tridhjetë) ditëve nga data e përcjelljes për miratim.
11. Listat e miratuara nga titullarët e institucioneve, sipas pikës 3, të këtij kreu, për heqjen/fshirjen e masave administrative të shfuqizuara me   ligjin nr.127/2024, administrohen nga strukturat përgjegjëse për ndjekjen e ekzekutimit të masave administrative dhe nga strukturat përgjegjëse për mbajtjen e regjistrave, ku evidentohen masat administrative të vendosura përkatësisht nga Autoriteti Kombëtar i Ushqimit ose Inspektorati Shtetëror Shëndetësor. Strukturat përgjegjëse, përkatësisht, bëjnë heqjen ose fshirjen e tyre nga evidencat apo regjistrat që ato disponojnë.
12. Çdo individ dhe/ose person fizik apo juridik, që pretendon se një masë administrative e vendosur ndaj tij dhe e shfuqizuar me ligjin nr.127/2024, nuk është hequr/fshirë në sistem, paraqet kërkesë, përkatësisht pranë strukturave përgjegjëse, në nivel qendror e rajonal, në përbërje të Autoritetit Kombëtar të Ushqimit ose të Inspektoratit Shtetëror Shëndetësor, sipas ndarjes së tyre të përgjegjësive për heqjen/fshirjen e masës.
13. Struktura përgjegjëse verifikon pretendimet në kërkesë dhe, nëse plotësohen kriteret e parashikuara në ligjin nr.127/2024 dhe në këtë vendim, procedon me dërgimin menjëherë të vendimit për shfuqizimin e masës administrative për miratim në Drejtorinë e Përgjithshme të   AKU-së ose te Kryeinspektori i Inspektoratit Shtetëror Shëndetësor. Në rast se nuk plotësohen kriteret për shfuqizimin e masës, sipas ligjit dhe këtij vendimi, struktura përgjegjëse njofton brenda 5 (pesë) ditëve individin dhe/ose personin fizik apo juridik për refuzimin e kërkesës për heqje/fshirje nga sistemi, duke parashtruar edhe arsyet përkatëse. Kundër vendimit për refuzimin e heqjes/fshirjes së masës administrative subjekti ka të drejtën e ankimit në gjykatë.
14. PROCEDURAT QË ZBATOHEN NGA POLICIA E SHTETIT
15. Drejtoritë vendore të policisë, brenda 30 (tridhjetë) ditëve nga hyrja në fuqi e këtij vendimi, përgatisin listat e individëve dhe/ose të personave fizikë apo juridikë, ndaj të cilëve, nga struktura e tyre policore është vendosur masë administrative, të cilat rezultojnë të paekzekutuara, plotësisht ose pjesërisht, dhe që janë shfuqizuar me ligjin nr.127/2024.
16. Lista e subjekteve kundërvajtëse shoqërohet me kopjen e vendimeve përfundimtare të vendosjes së masës administrative, relacionin shpjegues për çdo masë të vendosur, si dhe informacionin për fazën, në të cilën ndodhet procesi i ekzekutimit për çdo masë.
17. Listat e përgatitura nga drejtoritë vendore të policisë, sipas pikave 1 dhe 2, të këtij kreu, së bashku me dokumentet shoqëruese, përcillen për miratim në Drejtorinë e Përgjithshme të Policisë së Shtetit.
18. Drejtoria e Përgjithshme e Policisë së Shtetit, pasi verifikon e konstaton plotësimin e kushteve ligjore për shfuqizimin e masave administrative të listuara, brenda 30 (tridhjetë) ditëve nga data e përcjelljes së tyre, për miratim, me vendim të drejtorit të Përgjithshëm ose të autorizuarit prej tij, miraton listat përfundimtare të masave administrative të shfuqizuara me ligjin nr.127/2024.
19. Drejtoria e Përgjithshme e Policisë së Shtetit dërgon në secilën drejtori vendore të policisë listat përfundimtare së bashku me vendimet përkatëse miratuese për heqjen/fshirjen e masave administrative të shfuqizuara.
20. Listat përfundimtare dhe vendimet miratuese për heqjen/fshirjen e masave administrative të shfuqizuara me ligjin nr.128/2024, administrohen nga strukturat e drejtorive vendore të policisë, përgjegjëse për ndjekjen e ekzekutimit të masave administrative, si dhe nga strukturat përgjegjëse për mbajtjen e regjistrave, ku evidentohen masat administrative të vendosura nga Policia e Shtetit, të cilat përkatësisht, bëjnë heqjen ose fshirjen e tyre nga evidencat apo regjistrat që ato disponojnë.
21. Çdo individ dhe/ose person fizik apo juridik që pretendon se një masë administrative e vendosur ndaj tij dhe e shfuqizuar me ligjin nr.127/2024, nuk është hequr/fshirë në sistem, paraqet kërkesë, përkatësisht pranë strukturave përgjegjëse në nivel vendor, për heqjen/fshirjen e masës.
22. Struktura përgjegjëse verifikon pretendimet në kërkesë dhe, nëse plotësohen kriteret e parashikuara në ligjin nr.127/2024 e në këtë vendim, procedon sipas pikave 3 dhe 4, të këtij vendimi. Në rast se nuk plotësohen kriteret për shfuqizimin e masës, sipas ligjit dhe këtij vendimi, struktura përgjegjëse njofton brenda 5 (pesë) ditëve individin dhe/ose personin fizik apo juridik për refuzimin e kërkesës për heqje/fshirje nga sistemi, duke parashtruar edhe arsyet përkatëse. Kundër vendimit për refuzimin e heqjes/fshirjes së masës administrative subjekti ka të drejtën e ankimit në gjykatë.
23. DISPOZITA TË FUNDIT
24. Institucionet e përmendura në pikën 2, të kreut I, të këtij vendimi, kryejnë njoftimin për heqjen/fshirjen e masave administrative të shfuqizuara nëpërmjet njoftimit publik me shpallje, në përputhje me parashikimet në Kodin e Procedurave Administrative të Republikës së Shqipërisë.
25. Procesi i heqjes/fshirjes nga lista e subjekteve të debitorëve, sipas këtij vendimi, përfundon brenda 60 (gjashtëdhjetë) ditëve nga hyrja në fuqi e tij, me përjashtim të rastit të parashikuar në pikën 3, të kreut III, për të cilin afati i përfundimit të procesit është 80 (tetëdhjetë) ditë.
26. Shpenzimet administrative për realizimin e procesit të heqjes/fshirjes së masave administrative të paekzekutuara dhe të shfuqizuara me ligjin nr.127/2024, të kryera sipas këtij vendimi, përballohen nga secili institucion.
27. Ngarkohen inspektoratet vendore të mbrojtjes së territorit, Inspektorati Kombëtar i Mbrojtjes së Territorit, Autoriteti Kombëtar i Ushqimit, Inspektorati Shtetëror Shëndetësor, Drejtoria e Përgjithshme e Policisë së Shtetit, Policia Bashkiake dhe njësitë e vetëqeverisjes vendore për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Prishtina spo gjen qetësi, të shtëna me armë zjarri në kryeqytet

Sot rreth orës 15:00, në rrugën “Astrit Rrushi” në Prishtinë, janë dëgjuar të shtëna me armë zjarri.

Rastin për IndeksOnline e ka konfirmuar zëdhënsja e Policisë për rajonin e Prishtinës, Flora Ahmeti, ku njoftoi se nuk raportohet për persona të lënduar.

“Rreth orës 15:00 kemi marrë informatën për të shtëna me armë zjarri, më rrugë “Astrit Rrushi” në Prishtinë.

Njësitet policore menjëherë kanë dalë në vendin e ngjarjes, nuk raportohet për persona të lënduar.

Aktualisht hetuesit policor kanë nisur një hetim lidhur me rrethanat e këtij rasti dhe po punojnë për arrestimin e personit të dyshuar i cili tashmë është identifikuar”, ka thënë Ahmeti.