Don Xhoni është ndër reperat më të dashur për publikun dhe jo vetëm.
Ai ka marrë vëmendjen e rrjetit me imazhin që ka publikuar së fundmi në instastory.
Don Xhoni shihet përkrah me një vajzë në një ambient mjaftë romantik, shkruan Kosovarja.
A është kjo një pjesë e videoklipit apo një nxitje mediatike?
Ministri në detyrë i Financave, Hekuran Murati, ka reaguar për herë të parë pas ndarjes nga jeta të babait të tij, përmes një postimi emocional në facebook.
Murati ka bërë të ditur se sot është përmbyllur e pamja, duke ndarë me ndjekësit disa nga momentet dhe kujtimet prekëse të këtyre ditëve të rënda për familjen e tij, shkruan IndeksOnline.
Në postim, ai shpreh mirënjohjen për të gjithë ata që iu bashkuan familjes së tij për të ndarë dhimbjen dhe për të nderuar jetën e të ndjerit.
Postimi i plotë:
Pusho i qetë bab!
Sot u kry edhe e pamja.
Familjarë, miq e dashamirë nga të gjitha anët erdhën për të shprehë ngushëllime e për të nda dhimbjen me ne.
Erdhën shokët e shkollës e të studimeve. Na treguan se kishe qenë prej më të mirëve, por ndanë me ne edhe vështirësitë e asaj kohe – nga ecja me kilometra të tëra në këmbë nga Kishnapolja e thellë, e deri te marrja e bukës për një javë nga shtëpia, e cila ishte e ftohur pas ditës së parë e shpesh e mykur në ditën e pestë – sepse kushtet ekonomike ishin të tilla.
Erdhën kolegët me të cilët kishit punuar bashkë si mësimdhënës, por edhe nxënësit tuaj që tashmë shumica veçse kishin flokët e thinjura. Na treguan se përveçse e zotëroje mirë lëndën që ligjëroje asokohe, ti ishe edhe pedagog i mirë duke inkurajuar secilin të bëhej versioni më i mirë i vetes.
Erdhën edhe kolegët e punës nga fabrika e vajit të cilët na treguan për bashkëpunimin e mirë që kishit. Pati edhe tregime se si në disa raste ti e kishe pësuar me mos-avancim për shkak të integritetit e qëndrimeve parimore që mbaje. Na treguan edhe për kohën kur të gjithë u larguat nga puna nën masat e dhunshme.
Erdhën edhe kolegët nga ministria e financave, të cilët sot janë edhe kolegë të mi.
Nuk e lanë pa ardhë as shokët e shumtë me të cilët ke kalu kohë tash në vitet e pensionimit. Na treguan për diskutimet e shumta, planet që kishit bërë bashkë, por edhe barcoletat që tregonit. Na thanë që të kishin njohur si njeri i urtë, të cilit askush nuk ia kujton qoftë edhe një fjalë të keqe që rëndon.
Këto tregime janë vetëm disa copëza të karakterit tënd, por që këto ditë na bënë të ndihemi mirë sepse e kuptuam që edhe të tjerët kishin arritur sadopak të të njihnin ashtu siç të kemi njohur ne, fëmijët e tu.
Nana edhe ti bab, na latë më herët sesa që e prisnim. Kishim ende plane bashkë. Por dijeni që ju e keni përmbushur misionin sa na përket neve. Kurse neve, fëmijëve tuaj, na mbetet që të vazhdojmë rrugën me shpresën që do të mësohemi me dhimbjen.
Ju duam, dhe do t’ju kujtojmë përherë!
PS. Mos harro bani t’fala nanës kur e takon.
Rastet e zjarrvënies po bëhen gjithnjë e më të shpeshta, duke shkaktuar panik dhe dëme serioze në komunitete. Përveç pasojave të drejtpërdrejta, kjo dukuri dëmton besimin publik në sigurinë dhe funksionimin e rendit, shkruan Gazeta Sinjali.
Një ngjarje e rëndë është raportuar mëngjesin e sotëm në fshatin Isniq të Deçanit, ku rreth orës 09:20 është përfshirë nga zjarri objekti i Pallatit të Kulturës.
Burime të Sinjalit bëjnë të ditur se në vendin e ngjarjes kanë dalë menjëherë zjarrfikësit dhe patrullat policore, të cilët kanë arritur të lokalizojnë dhe shuajnë zjarrin para përhapjes së mëtejshme.
Në lidhje me rastin është intervistuar një person në cilësinë e dëshmitarit, ndërkohë që në vendin e ngjarjes kanë dalë njësitë hetimore dhe forenzika, të cilat kanë kryer ekzaminimin e terrenit.
Sipas deklarimit të ankuesit, dëmi material i shkaktuar nga zjarri vlerësohet në rreth 50 mijë euro, ndërsa shkaktari i zjarrit aktualisht mbetet i panjohur.
Me urdhër të Prokurorit të Shtetit në Pejë, rasti është iniciuar si “Zjarrvënie” dhe hetimet janë duke vazhduar për zbardhjen e plotë të rrethanave.
Gjatë qëndrimit në ‘Big Brother VIP Albania’ Rizarta kishte një raport mjaftë të afërt me Aldo Markun.
Por pas përfundimit të këtij reality shou nuk u panë më bashkë, shkruan “Kosovarja”.
Kurse pak orë me pare Rizarta është lajmëruar në ‘Tik-Tok’ ku shprehet se tashmë është në një romancë me ish banorin, por nuk ka zbuluar ndonjë detaj tjetër, duke i lënë publikun të kuptoj më shumë në emisionin ‘Pushimet on top’.
Andaj mbetët të kuptohet ditëve në vazhdim në lidhje me këtë situatë.
Ndiqeni në video për më shumë:
Gazetari Vehbi Kajtazi ka deklaruar se Kosova ndodhet në një gjendje të mjerueshme politike, duke e cilësuar Albin Kurtin si uzurpator të pushtetit. Ai foli edhe për raportin me Shqipërinë që sipas tij është “fake”, por edhe me interesat në Greqi.
Sipas Kajtazit, Kosova aktualisht po përballet me një izolim të thellë ndërkombëtar.
Ai theksoi se Albin Kurti e ka dhënë dorëheqjen si kryeministër për të bërë betimin si deputet në Kuvend, por sipas Kushtetutës dhe ligjeve në fuqi, nuk i lejohet që të vazhdojë të ushtrojë funksionin e kryeministrit njëkohësisht si deputet.
Kështu, Kajtazi e ka cilësuar Kurtin si “uzurpator të pushtetit”.
“Jemi në një gjendje të mjerueshme politike. Kosova është e izoluar. Udhëhiqet nga një uzurpator i pushtetit sepse Kurti ka dhënë dorëheqje si kryeministër, si akt, për tu betu si deputet por nga ana tjetër nuk i lejohet as me ligj as me kushtetutë me ushtru funksionin e kryeministrit derisa është deputet. Është uzurpator i pushtetit këtu dhe kërkush ska çka i bën këtij njeriu me shku me tërheq apo me largu prej zyrës ku qëndron ilegalisht. Kushtetuta dhe ligji që e ka miratu vet nuk e lejojnë një gjë të tillë”, u shpreh Kajtazi në Rubikon.
Ai shtoi se Kurti tashmë është bërë përfaqësuesi më i mirë i mjerimit në të cilin ndodhet vendi.
“Nëse e sulmojmë Shqipërinë nga këndi i Albin Kurtit, fatkeqësi është për neve. Ka arrit me na mbyt me mjerimin e tij dhe ka arrit me na mbyt edhe logjikën tonë të shëndosh, edhe sytë edhe pamjen edhe gjithçka. Ka arrit për shumë vjet”, tha Kajtazi.
Ai theksoi faktin se që nga ardhja në pushtet, Kurti nuk i ka kaluar pushimet asnjëherë në Shqipëri, por gjithmonë në Greqi – një vend që, sipas tij, përfaqëson interesa të tjera të lidhura me pushtetin e Kurtit.
“Ky patrioti që neve na ka ardh në pushtet për bashkim kombëtar a e dini që prej se është kryeministër kurrë nuk ka kalu pushime në Shqipëri. Gjithmonë i ka kalu në Greqi. Kjo na flet shumë. Sepse Kurti raportin me Shqipërinë e ka “fake”. Se ai nuk është patriot qysh na shitet, se në Greqi ka gjetur interesa tjera. Interesat që lidhen me pushtetin e Albin Kurtit dhe Greqinë janë konfirmu edhe në hetimet penale që i ka zhvillu Prokuroria Speciale e Kosovës. Interesat ekonomike që lidhen me energjinë elektrike dhe në mesazhet e Dejona Mihalit. Pra kjo është gjendja e Kosovës, e përfaqësuar nga Kurti tash”, shtoi Kajtazi.
Një fotografi e publikuar nga profesori, Nexhmedin Spahiu, ku shfaqet në zyrën e ministrit të Punëve të Jashtme të Serbisë, Marko Gjuriq, ka ngjallur reagime të shumta në media dhe skenën politike në Prishtinë, transmeton Insajderi.
Spahiu, në një deklaratë për gazetën Danas, ka sqaruar se takimi me ministrin serb ishte krejtësisht informal. Ai tha se ishte ftuar për një kafe nga Gjuriq, me të cilin ka një njohje të vjetër, sapo ky i fundit kishte kuptuar se Spahiu ndodhej në Beograd.
“Thjesht isha në një konferencë në Beograd. Ministri mori vesh që jam aty dhe më ftoi për një kafe. Diskutuam për marrëdhëniet ndëretnike, për dialogun dhe shkëmbyem mendime. Asgjë e jashtëzakonshme”, deklaroi Spahiu.
Ai shtoi se reagimet në Prishtinë ishin të pritshme dhe të motivuara politikisht.
“Është ngritur shumë zhurmë sepse opozita në Prishtinë pretendon se kam qenë aty për të siguruar vota për Albin Kurtin, gjë që është krejtësisht e pavërtetë. Nuk kemi folur fare për atë temë”, theksoi ai.
Spahiu vlerësoi bisedën si të dobishme për të dy palët.
“Ishte një bisedë joformale për çështje që rëndojnë shoqërinë kosovare dhe raportet Kosovë-Serbi. Nuk do të ishte korrekte të zbuloj detaje, por mund të them se e vlerësoj Marko Gjuriqin si një nga politikanët më largpamës në qeverinë serbe – ai e di çfarë kërkon dhe për çfarë punon”, tha ai.
Aktorja dhe personazhi i njohur i ekranit, Arjola Demiri, ka ndarë me ndjekësit e saj një lajm të dhimbshëm: ndarjen nga jeta të gjyshit të saj të dashur, Baba Shaban.
Me një postim të mbushur me emocion dhe dashuri, Arjola e kujton atë si një figurë emblematike në jetën e saj — një baba i dytë, mik, mësues dhe frymëzim.
“Një shpirt i pastër që më ka dhuruar dashuri pa kushte,” shkruan ajo ndër të tjera, duke rrëfyer mirënjohjen për kujtimet dhe mësimet që ai i ka lënë. Arjola thekson se është me fat që fëmijët e saj patën mundësinë të njihnin një burrë të tillë të mbushur me dashuri, fisnikëri dhe krenari.
Në rreshtat e saj prekës, ajo e përshkruan ndarjen si të vështirë, por me një zemër plot dashuri dhe respekt. “Kam qenë, jam dhe do të jem gjithmonë vajza e gjyshit,” shkruan Arjola, duke i dhënë lamtumirën e fundit një prej njerëzve më të rëndësishëm të jetës së saj.
Ajo mbyll postimin me fjalët prekëse: “Për jetë, Lolpacolia jote”, një nofkë personale që tregon lidhjen e veçantë mes tyre.
Ngushëllime të sinqerta Arjolës dhe familjes së saj për këtë humbje të madhe.
Numërimi i votave nga diaspora po shkon drejt përfundimit, gara në qarkun e Tiranës po rezulton më e ngushtë dhe më e paparashikueshme se pritej, duke sjellë surpriza të mëdha për Partinë Socialiste, shkruan Gazeta Sinjali.
Rezultatet paraprake tregojnë se 11 figura të rëndësishme të kësaj force politike janë jashtë listës fituese për momentin dhe rrezikojnë të mos jenë pjesë e legjislaturës së re që pritet të nisë në shtator.
Bëhet fjalë për emra të njohur të politikës shqiptare, përfshirë ish-ministra, deputetë me përvojë dhe personalitete të spikatura në jetën parlamentare të PS-së. Kjo situatë ka krijuar jo pak tension dhe diskutim brenda radhëve të partisë, ndërsa pritet që rezultati përfundimtar të sjellë qartësi për formacionin e ri politik në Kuvend.
Pandeli Majko
Mimi Kodheli
Klotilda Bushka
Ermonela Felaj
Xhemal Qefalia
Toni Gogu
Arben Pëllumbi
Etjen Xhafaj
Etilda Gjonaj
Plarent Ndreca
Blerina Gjylameti
Autoriteti i Konkurrencës thotë se pas inspektimeve në disa furra në Prishtinë dhe Gjakovë kanë ardhur në përfundim se shtrenjtimi i çmimit të bukës është bërë me marrëveshje dhe me koordinim. Ndaj shkelësve të Ligjit për Mbrojtjen e Konkurrencës (marrëveshje të ndaluara – kartele), pos hetimeve formale, Autoriteti i Konkurrencës po e analizon mundësinë e masës së përkohshme që nënkupton mbylljen e operatorit ekonomik deri në 6 muaj.
Kosova është shtet demokratik dhe ekonomia funksionin mbi parimin e tregut të lirë.
Shteti nuk mund të vendosë se sa kushton një produkt por vepron kur tregtarët e bukës për shembull, në një qytet, vendosin që çmimi për një bukë nga 50 centë të bëhet 60 centë. Shembull për këtë ishte Gjakova, para dy javësh.
Kjo është konstatuar pas inspektimeve në dy qytete. Këtë e kanë konfirmuar nga Autoriteti i Konkurrencës.
“Pas inspektimeve të zhvilluara, Autoriteti ka identifikuar shkelje të nenit 5 të Ligjit Nr. 08/L-056 për Mbrojtjen e Konkurrencës (marrëveshje të ndaluara – kartele) nga subjekte të sektorit të bukës në Komunën e Gjakovës dhe atë të Prishtinës. Këto shkelje lidhen me bashkërendimin e çmimeve mes furrtarëve për produkte të ndryshme, çka përbën shkelje ligjore për koordinim të tillë në treg.”, kanë deklaruar nga AKK për RTV Dukagjini.
Për këto raste janë duke u ndërmarrë hapat procedurale për nisjen e hetimeve formale, në përputhje me ligjin.
Autoriteti i Konkurrencës thotë se është duke e analizuar mundësinë e vendosjes së masave të përkohshme sipas Ligjit për Mbrojtjen e Konkurrencës. Masat e përkohshme nënkuptojnë mbylljen e operatorit ekonomik deri në 6 muaj.
Nën llupën e AKK-së janë mbi 20 produkte ushqimore, përfshirë edhe në sektorin e gastronomisë.
“…Është një monitorim edhe në produktin e kafes, edhe tek kafja e kemi pas një shqetësim, në sektorin e gastronomisë, me theks të veçantënë rritjen e çmimit të kafesë, është në vëzhgim prej autoritetit. Inspektorët e autoritetit çdo ditë tani më janë në terren dhe po zhvillojnë në qytete të ndryshme intervista dhe po mbledhin të dhëna prej ndërmarrjeve për arsyejet e ngritjes së këtyre çmimeve” deklaroi Adrian Mustafa – U.d. i shefit të Departamentit të Analizës dhe Metodologjisë.
Arsyetimi kryesor të cilin e kanë dhënë furrtarët por edhe gastronomët për shtrenjtimin e çmimit të bukës dhe kafesë është shtrenjtimi i çmimit të rrymës. Megjithatë çmimet janë ngritur disa javë para se KEDS të nis faturimin me tarifa të reja.
Kryeministri në detyrë i Republikës së Kosovës, Albin Kurti, mori pjesë në Forumin me temë “Liberalizimi i tregut të energjisë elektrike: efektet dhe masat lehtësuese”, organizuar nga Këshilli Kombëtar për Ekonomi dhe Investime.
Në këtë forum, i cili u hap nga Sekretari i Këshillit Kombëtar për Ekonomi dhe Investime, Artan Mehmeti, u diskutua për ndikimin e liberalizimit të tregut të energjisë dhe mënyrat e bashkëpunimit për përballimin me sukses të kësaj sfide, e cila është paraparë me Ligjin për Energji Elektrike të miratuar në vitin 2016. Kryeministri u shpreh se janë të vetëdijshëm se bizneset që preken nga liberalizimi mund të përballen me rritje të kostos, veçanërisht ato prodhuese.
Me këtë rast, ai siguroi që Qeveria e Republikës së Kosovës do të qëndrojë pranë prodhuesve vendorë për të dëgjuar brengat kryesore dhe nevojat e tyre për përkrahje lidhur me procesin e liberalizimit të tregut.
“Qëllimi ynë i përbashkët është i qartë: të sigurojmë një kalim të menaxhueshëm dhe të drejtë drejt tregut të lirë, ku askush nuk mbetet pas dhe ku konkurrenca dhe investimet nxisin zhvillim. Si Qeveri, do të qëndrojmë gjithmonë pranë prodhuesve tanë dhe do të sigurojmë që edhe ky proces të shoqërohet me masa konkrete mbështetëse, në mënyrë që prodhuesit vendorë të mos mbeten të pambrojtur dhe të mund të vazhdojnë rritjen, zhvillimin dhe gjithashtu depërtimin gjithnjë e më të madh përmes eksportit në tregje të jashtme të prodhimeve tona”, u shpreh kryeministri Kurti, njofton Zyra e Kryeministrit.
Ai përmendi hapat konkretë të ndërmarrë për tejkalimin e kësaj sfide, duke përfshirë: dizajnimin e skemave të granteve për efiçiencë të energjisë dhe burime të ripërtërishme, për të ulur konsumin e energjisë elektrike, me mbështetje konkrete e që do të rritet me rishikimin e buxhetit; hapjen e thirrjeve publike përmes KIESA-s për subvencionimin e Ndërmarrjeve Mikro, të Vogla dhe të Mesme për blerjen e makinerive prodhuese dhe përpunuese, me një buxhet të planifikuar prej 5 milionë eurosh; si dhe mbështetjen për të bërë auditime energjetike, që të bëhet ulja e konsumit dhe kostove të energjisë elektrike.
Ndër të tjera, kryeministri Kurti veçoi edhe përkrahjet e tjera gjatë katër viteve të qeverisjes, sikurse rritja e kapitalit të lirë, tregjeve të reja, infrastrukturës moderne, fuqisë punëtore të kualifikuar dhe të motivuar, si dhe lehtësimin e barrës administrative.
Ndërkaq, ministrja në detyrë e Ekonomisë, Artane Rizvanolli, tha se liberalizimi i tregut të energjisë elektrike është obligim që rrjedh nga pjesëmarrja në komunitetin e energjisë dhe integrimi në tregun rajonal dhe evropian, të cilin tanimë e kanë zbatuar edhe më herët dhe në masë shumë më të madhe shtetet e rajonit.
Ajo, ndër të tjera, theksoi se është duke u punuar në një skemë të re mbështetëse për biznese për efiçiencë të energjisë.
“Aktualisht jemi duke e përfunduar një skemë të re mbështetëse për bizneset prodhuese me përkrahjen e LuxDev Development. Brenda kësaj skeme do të përkrahim efiçiencën e energjisë përmes investimeve në izolim të ndërtesave, sisteme solare fotovoltaike (FV, për prodhim të energjisë elektrike), sisteme solare termike (për ngrohje të ujit), bateri për sisteme solare FV, si dhe pajisje si rregullatorët e fuqisë reaktive për të rritur efiçiencën e pajisjeve që prodhuesit tashmë i kanë në përdorim.”
Në këtë forum morën pjesë edhe zëvendëskryeministri në detyrë Besnik Bislimi, ministrja në detyrë e Ekonomisë, Artane Rizvanolli, ministrja në detyrë e Industrisë, Ndërmarrësisë dhe Tregtisë, Rozeta Hajdari, prodhues, përfaqësues të bizneseve, përfaqësues të Odave Ekonomike dhe përfaqësues të Këshillit Kombëtar për Ekonomi dhe Investime.
