Kurti: PDK-së i duhet edhe një mandat në opozitë, mezi e nxorrëm në opozitë

Kryeministri në detyrë dhe lideri i Lëvizjes Vetëvendosje, Albin Kurti, ka deklaruar se Partisë Demokratike të Kosovës (PDK) i duhet edhe një mandat në opozitë, prandaj siç thotë ai, nuk i ofron koalicion. Kurti e quajti “lajm” kthimin e Fatmir Limajt në Kuvend, duke përmendur nofkën e tij gjatë luftës. Ai la të hapur mundësinë e bashkëpunimit me të.

“Kosova ka qeveri, por nuk ka Kuvend. Sepse Kuvendi është thelbësor për të kontrolluar qeverinë dhe për të mbikëqyrur ndërmarrjet publike. Paradoksalisht, opozita po e lë Kosovën pa mbikëqyrje të ekzekutivit dhe pa shtëpinë e saj – Kuvendin”, ka thënë Kurti në RTK të martën në mbrëmje. 

Ai përmendi se koalicioni me LDK-në dhe pakicat joserbe do të ishte stabil sepse numri i deputetëve do të ishte 77, e me përfshirjen e Nismës arrin në 80. Sipas tij, kjo është rruga më e mirë përpara, duke përjashtuar idenë për një qeveri teknike apo tranzicionale.

“Jam kundër qeverive teknike që e lënë vendin pa opozitë. Në një demokraci, opozita është thelbësore. PDK-së i duhet edhe një mandat në opozitë. Mezi pas 20 vjetëve e nxorëm në opozitë dhe nuk e kuptoj pse ka zell për ta rikthyer në pushtet nga ata që janë në opozitë e nuk janë pjesë e PDK-së”, u shpreh Kurti.

Kurti tregon arsyen pse s’u arrit marrëveshja me Limajn për koalicion

Kryeministri në detyrë, Albin Kurti, ka thënë se Limaj jo vetëm që u kthye në kuvend dhe ia mundësoi kalimin e pragut AAK-së.

“Fatmir Limaj, komandant Çeliku u kthye në Kuvend dhe jo vetëm që u kthye në Kuvend por ia kaloi pragun AAK-së”, tha ai në RTK.

Kurti konfirmoi takimet me Limajn, për çka tha se nuk ka pasur marrëveshje, teksa tha se s’mund t’ia japë postin e kryeparlamentarit një partie me 3 deputetë.“Kam pasur takime me Fatmir Limajn, kanë kaluar në atmosferë ku është rritur besimi, por s’ka pasur marrëveshje. Unë s’mund t’ia jap postin e kryeparlamentarit një partie me 3 deputetë sepse e dëmton koalicionin që e kam me Guxo dhe Alternativën. Ai mund të ketë ministri në qeveri por jo postin e kryeparlamentarit”, tha Kurti.

Kurti lavdëron Fatmir Limajn: Kthimi i Komandant Çelikut është lajm i mirë për Kuvendin

Kryeministri në largim, Albin Kurti, ka folur lidhur me raportet e krijuara me kryetarin e Nismës Socialdemokrate, Fatmir Limaj.

Ai bëri të ditur se Limaj ia kishte kërkuar pozitën e kryekuvendarit, mirëpo që Kurti ia kishte refuzuar.

 

 

“Është lajm që Komandant Çeliku është kthyer në Kuvendin e Kosovës, që Nisma Socialdemokrate që do duhej të jetë parti simotër… Ia mundësoi AAK-së Fatmir Limaj që ta kalojë pragun. Pa Nismën AAK-ja do të ngelej pa prag. Unë e di që AAK-ja ankohet për Nismën.

Prandaj, domethënë, Nisma është në Kuvendin e Republikës unë kam pasë takime, takimet kanë kaluar në një atmosferë ku është rritur mirëbesimi, mirëpo s’ka pasur marrëveshje thjesht për shkak të insistimit si një lloj parakushti për bashkëpunim në të ardhmen me pozitën e kryeparlamentarit. Unë jam në koalicion parazgjedhor me partinë ‘Guxo’”, deklaroi Kurti.

Kurti: Ofrova koalicion qeveritar me LDK-në, por u refuzua ashpër

Kryeministri në detyrë Albin Kurti, i cili prej kohësh është duke iu shmangur pyetjeve të gazetarëve dhe paraqitjeve në emisione televizive, sonte është duke dhënë një intervistë në RTK. Ai fillimisht u pyet se çka pritet nesër në vazhdimin e 19-të të seancës konstituive të Kuvendit të Kosovës. Në këtë pyetje, ai ndër të tjera tha se “nuk duhet imponuar njëri-tjetrit propozimet”, referuar propozimit të tij për Albulena Haxhiun në postin e kryeparlamentares. Por, nuk e përmendi që vet kundërshtonte emrin e Kadri Veselit në kohën e PAN-it.

Gjithsesi, Kurti tha se synuan 500 mijë vota në zgjedhje.

“Kemi besuar që do ta kemi konstituimin e Kuvendit më shpejtë, kemi propozuar Albulena Haxhiun si gruan më të votuar. Me bindjen qe 25 mijë vota bësoj që është propozimi i duhur. 57 deputetë ishin për Albulenën, nevojiten 61. Në mesin e 57 kemi dy boshnjakë, dy turq, një serb, një ashkali dhe një rom, nuk arritëm ti kemi 61. Provuam disa herë…”, tha Kurti ndër të tjera në RTK, transmeton Express.

“Duke parë se nuk i kemi 61 vota, provuam që zgjidhjen të na jap presidentja, konkretisht kryesuesi i senacës Avni Dehari, i dërgoi letër dhe ajo tha ju duhet ta gjeni zgjidhjen. Kaluam nga votimi i hapur në të fshehtë. 10 herë është refuzuar komisioni për zgjedhjen me votim të fshehtë”.

Sipas tij “ajo çka kemi tash është jo emri i Albulena Haxhiut më, kemi kundërshtimin për votimin e feshtë”.

“Unë provova të mblidhem me kryetarin e PDK-së dhe LDK-së të dalim nga ky ngërç. Sepse edhe ata i kanë nënkryetarët….”, shtoi ai.

“Unë besova që ta bëjmë bashkë, takimi trilateral përfundoi në bilateral dhe pa sukses. Zgjidhja e duhur është të mos ja imponojmë propozimet njëri-tjetrit”, tha ai.

“Nga LDK më thanë që nuk është vendi i koha për procedurë, por për marrëveshje politike, i ofrova koalicion qeveritar që u refuzua mjaftë ashpër”, shtoi ai.

“Nesër është në pyetje komisioni për votimin e feshtë, nëse opozita janë të sigurt që nuk kalon Albulena Haxhiu, le ta provojnë votimin e fshehtë”, tha ai.

Kurti jep detaje, kjo është pozita e re për Glauk Konjufcën në Kurti 3

Kryeministri në detyrë, Albin Kurti, tha se opozita nuk i beson që “i ka 61 vota për formimin e qeverisë”, prandaj i kërkon opozitës ta testojnë.

“Ata nuk besojnë që i kam 61 vota, unë ju them testomni, e kanë në dorë të më testojnë….Nëse unë dështoj, kjo do të ishte fitorja për ta”, tha Kurti në RTK, transmeton Express.

Sipas tij, në rast se bëhet Qeveria Kurti 3, Glauk Konjufca do të bëhet ministër.

“Glauk Konjufca jemi marrë vesh në Lëvizjen Vetëvendosje që do të bëhet anëtar të Qeverisë, në Qeverinë Kurti 3. Glauku po vjen në Ekzekutiv, Albulena po kthehet në Legjislativ”, tha Kurti, transmeton Gazeta Express.

Do jetë njëri nga ministrat? E pyeti gazetari.

“Po”, iu përgjigj Kurti duke mos zbuluar planin se cilën ministri do ia lënë në udhëheqje Konjufcës, në rast se bëhet Qeveria Kurti 3.

Kurti: Do t`i kemi 61 vota për qeveri, por më parë konstituimi i Kuvendit

Kryeministri ë detyrë Albin Kurti në një intervistë ekskluzive për RTK-në ka zbuluar qëndrimet e tij që kanë të bëjnë me konstituimin e Kuvendit të Kosovës, që nesër do të jetë tentimi i 19-të me radhë. Kurti tha se besuan që konstituimi i legjislativit do të bëhej shpejt, derisa për emrin e Albulena Haxhiut, e cila nuk ka arritur t’i marrë deri tash votat e nevojshme për t’u ngjitur në krye të Kuvendit, tha se është propozimi i duhur.

“Ne kemi besuar që do ta kemi konstituimin e kuvendit shumë të shpejt. Kemi propozuar Albulena Haxhiun që është gruaja më e votuar si deputete në legjislaturën e nëntë. Besoj që është propozimi i duhur, përveçse ne jemi të obliguar që ta kemi propozimin si parti fituese. 57 deputetë ishin për Albulena Haxhiun, nevojiteshin 61, në mesin e tyre nuk janë vetëm të koalicionit LVV- Alternativa e Guxo por edhe deputetë të pakicave. Nuk arritëm t’i kemi 61, provuam disa herë”, tha Kurti derisa një për një foli se si dështoi fillimisht formimi për komisionin për verifikimin e mandateve, e që sipas tij më vonë ata që e kundërshtuan e kuptuan se e kishin gabim.

Kreu në detyrë i qeverisë tha se duke parë se nuk i kishin 61 vota, provuan që zgjidhjen t’ua jap presidentja.

“Kryesuesi, Avni Dehari i dërgoi letër presidentes dhe ajo tha se ju vetë duhet ta gjeni zgjidhjen. Kaluam nga votimi i hapur në përpjekje për votim të fshehtë, mirëpo tash jemi në këtë pikë ku 10 herë është refuzuar komisioni për zgjedhjen me votim të fshehtë. Është për të ardhur keq, meqë aktgjykimi i Kushtetueses në pikat 124 dhe 125  thotë se me votim të hapur ose të fshehtë duhet të bëhet zgjedhja. Ne kaq kemi mundësitë tona, por ajo çfarë po ndodhë është e paprecedentë sepse po pamundësohet kuorumi, sepse aktgjykimi gjithashtu thotë se të gjithë deputetët, secili e secila duhet të votojë për, kundër ose të abstenojë. Por, ajo çfarë kemi tash, jo emri i Albulena Haxhiut tashmë, por kundërshtimin e votimit të fshehtë përmes pamundësimit të kuorumit që është shkelje e aktgjykimit”, tha ndër të tjera, Kurti.

Ai ka përmendur ftesat që u bëri PDK-së e LDK-së në tentim për të dal nga ngërçi, që sipas tij, takimi trelateral përfundoi me bilateral dhe pa sukses.

Kurti tha se zgjidhja nuk është t’i imponohet propozimet njëri-tjetrit.

“Unë besoj që zgjidhja e duhur përpara është që të mos ia imponojmë propozimet njëri- tjetrit, por zgjedhja e kryetarit e nënkryetarëve të shkojë bashkë në paketë e të fillojë numërimi te poshtë për formimin e qeverisë, sepse tash po shkon numërimi përpjetë”, tha Kurti.

Tregoi se LDK-ja e cila nuk iu përgjigj takimit i kishte thënë se nuk ishte vendi e koha për marrëveshje për procedurë, por se duhej  marrëveshje politike, prandaj i ofroi koalicion qeveritar LDK-së,  gjë që sipas tij, u refuzua ashpër.

“Nesër nuk është në pyetje Albulena që është propozimi ynë, por është në pyetje pikërisht komisioni për votim të fshehtë. Nëse opozita janë të sigurt që Albulena nuk fiton përsëri le ta provojnë me votim të fshehtë. Porsa të konstituohet kuvendi, si kryetar i partisë që ka fituar zgjedhjet, do t’i kem 61 vota minimum për qeverinë e re, por paraprakisht na duhet një kuvend i ri”, tha ai.

Kryeministri në detyrë tha se gjatë mandatit të tij katër vjeçar ka pasur edhe sovranitet shtetëror edhe integritet territorial, e edhe mirëqenie sociale e rritje ekonomike sipas tij, të paparë më herët.

“6 për qind mesatarisht në vit,asnjëherë pa rënë nën 4 për qind të bruto produktit dhe tash ka ardhur radha ta kemi edhe kuvendin e ri për qeverinë e re në legjislaturën e nëntë. Ne kemi synuar 500 mijë vota siç dihet. Kemi pasur rezultat të mirë me rreth 400 mijë vota, me 48 deputet”, tha Kurti në intervistë për RTK-në.

Fejohet Dua Lipa?

Dua Lipa ka rikthyer vëmendjen e publikut dhe mediave, pasi ka ndarë me ndjekësit një moment të ëmbël dhe mjaft të veçantë me partnerin e saj, aktorin britanik Callum Turner. Për herë të parë, këngëtarja shqiptare ka treguar edhe unazën e fejesës, duke ushqyer spekulimet për një hap të ri në marrëdhënien e tyre.

29-vjeçarja ka publikuar në Instagram një përmbledhje fotosh nga jeta e saj personale, ku spikasin çaste romantike me Callumin dhe qenushin e tyre besnik, Golo. Në një nga imazhet më të komentuara, ajo shihet duke buzëqeshur me një gotë martini në dorë, ndërsa Turner – 35 vjeç, i njohur për rolin në “Fantastic Beasts” – e puth në faqe plot përkujdesje.

Një tjetër fotografi e tregon çiftin të relaksuar në një shëtitje në bar, të shoqëruar nga Rottweiler-i i tyre, ku nuk kalon pa u vënë re unaza vezulluese në dorën e majtë të Dua-s, që tërhoqi menjëherë vëmendjen e fansave.

Në një selfie të afërt, unaza shfaqet sërish në mënyrë të dukshme, duke shtuar edhe më shumë dyshimet për një fejesë tashmë të konfirmuar, ndonëse pa një deklaratë zyrtare nga çifti.

Krahas jetës private, këngëtarja mahniti edhe me stilin e saj në një tjetër paraqitje ku kishte veshur një fustan të shkurtër rozë dhe një këmishë me vija – kombinim që dëshmoi edhe njëherë ndjeshmërinë e saj për modën.

Dua Lipa dhe Callum Turner janë bashkë prej disa vitesh dhe janë parë shpesh në evente të rëndësishme, por ky postim i fundit duket se shënon një faqe të re në historinë e tyre të dashurisë.

Lushi: Kurti është shqiptari më i padijshëm që kam njohur, s`ka haber as me qeverisje e as me menaxhim

Ish-eprori i UÇK-së, UK Lushi, i cili jeton dhe vepron në ShBA, e ka kritikuar ashpër kryeministrin në detyrë Albin Kurti.

Ai ka vlerësuar se Kurti është shqiptari më i padijshëm që ka njohur në jetën e tij.

Duke komentuar veprimin e Kurtit që sot ka vendosur gurthemelin e objektit për banim të përballueshëm në Podujevë, ai ka thënë se kjo politikë e qeverisë nuk ka logjikë.

Sipas tij, Kurti nuk ka haber as me qeverisje e as me menaxhim.

Albin Kurti është shqiptari më i padijshëm që kam njohur në jetën time. Ky njeri, që nuk ka pasë punë tjetër përpos politikës gjatë gjysmë shekulli prej kur ka lindur, nuk ka haber as me qeverisje e as me menaxhim. Ky injorant është duke i kushtuar kombit shqiptar miliarda me padijeninë e tij të thellë të alokimeve të gabuara të buxhetit dhe djersës së qytetarëve të Kosovës. Siç e dinë tashmë edhe fëmijët, Republika e Kosovës i ka 182 000 banesa të pabanuara dhe nën dry. Në vend se të vendosë taksim për këto banesa, çfarë do të debllokonte relacionin natyror ofertë-kërkesë në tregun e banesave, i pamësuari Kurti çohet dhe do të ndërtojë edhe më shumë banesa apo gjoja banesa të përballueshme ku pronar do të jetë shteti gjegjësisht taksapaguesit. Banesa këto që do të krijojnë enklava të parazitizmit dhe varfërisë, në vend se këta banorë të incentivizohen dhe stimulohen të punojnë dhe blejnë banesat ku dhe si duan vetë”, ka shkruar Lushi.

Ai e ka ftuar kryeministrin Kurti që të ndryshojë qasje.

“Njerëzit nuk duan lëmoshë nga shteti, por duan mundësi dhe punë. Duan zhvillim dhe treg të lirë ku qindra mijëra shqiptarë nga Diaspora kanë marrë peng sektorin e patundshmërive duke bërë mbi 10 miliardë euro kapital të vdekur. Albin injoranti, nëse do të ndihmosh të rinjët, çiftet dhe pensionistët, takso banesat që nuk banohen më shumë se 6 muaj në vit dhe të gjitha grupet do të mund të kenë banesat e veta pa pretenduar ti se po jep sadaka dhe ndërkohë krijon qytetarë të varur! Jemi me fat shumë të keq që e kemi alokues të parave tona një populist teveqel. Zoti e ndihmoftë dhe çliroftë Kosovës sa më shpejt nga ky i padijshëm!”, ka shkruar Lushi.

Vdes stomatologu i njohur

Një lajm i trishtë ka prekur sot Vushtrrinë dhe komunitetin mjekësor në vend. Ka ndërruar jetë Dr. Bashkim Vatovci, stomatolog i njohur dhe i respektuar nga ky qytet.

I ndjeri, i cili ishte vëllai i të ndjerit Agim Vatovci, ka qenë një prej profesionistëve më të dalluar në fushën e stomatologjisë në Kosovë, duke lënë pas një trashëgimi të pasur profesionale dhe njerëzore.

Gjatë gjithë jetës së tij, Dr. Vatovci u dallua për përkushtimin e palëkundur ndaj profesionit dhe kujdesin ndaj pacientëve.

Ceremonia e varrimit do të mbahet nesër, më 21 maj 2025, në fshatin Novolan të Vushtrrisë.

Kjo ishte puna e Teuta Krasniqit para se të bëhej e famshme – nuk do ta besoni!

Teuta Krasniqi sot është një nga artistet më të dashura dhe më të njohura.

Rrugëtimi për të marrë këtë epitet nuk ishte i lehtë për aktoren.

Ajo para se të ishte aktore dhe personazh publik ka punuar në një butik në qendër të Prishtinës.

Teuta është shembull ideal që me punë dhe mund të arrihet gjithçka, shkruan “Kosovarja”.

A e keni ditur se çfarë punon Tringa, reja e Mihrije Brahes?