“Fenomeni Dubai” Producenti i “Logjikonomisë” i përgjigjet Benita Zanit e cila paralajmëroi padi për aktorët

Producenti i serialit “Logjikonomia”, Fisnik Ademi i ka reaguar influencerës, Benita Zana e cila paralajmëroi padi ndaj aktorëve lidhur me episodin që trajtoi fenomenin e “Dubait”

Ademi ka thënë se nuk ka qenë asgjë personale, por është trajtuar vetëm fenomeni, përcjellInsajderi.

“Na nuk jemi marr me një person të caktuar, jemi marr me fenomenin. Kemi marr karakteristika të plot personazheve. Nuk njihemi personalisht me asnjë nga këto vajzat por jemi marr me fenomeni. Ajo influenceria e kishte përmend në rast se bëjmë edhe një episode (do bëjë padi). Por unë dua me ia përcjell kujtdo, që nuk merremi personalisht me askënd, por me fenomenin”, tha producenti në Kosova Live.

Një ndër reagimet më të zëshme, pas publikimit të episodit erdhi nga influencerja Benita Zena e njohur në rrjete sociale për ndërhyrjet estetike, përfshirë dhëmbët e saj prej 14 mijë eurosh e cila në një intervistë shprehu pakënaqësinë ndaj përmbajtjes së episodit dhe paralajmëroi veprime ligjore.

Ajo deklaroi se do të padisë autorët e serialit nëse referenca të tilla ndaj saj përsëriten.

Vëllai i Festim Isufit rrëfen për takimin e fundit me të

Vëllai i Festim Isufit, dizjanerit i cili u gjet i vdekur me 9 maj në banesën e tij në Rrugëm B, ka rrëfyer për takimin e fundit që kishte me të ndjerin në muajin prill, vetëm pak kohë para se ai të ndërronte jetë në rrethana që ende po hetohen.

Ai ka hedhur dyshime mbi versionin që lidh vdekjen e Festimit me ndonjë gjendje të rënduar financiare apo vetëvrasje.

“Ai ka pasë me ardhë në Gjermani. Nëse ka pasur ndonjë telashe financiare, ai ka mujt me ardhë këtu. Në prill jam takuar me të, kam nejt me të, nuk kam vërejtur ndonjë shqetësim”, tha ai Kosova Today.

Familja, sipas tij, ende nuk ka pranuar zyrtarisht raportin e autopsisë dhe po pret sqarime të mëtejshme.

“Për me ardhë në qat pikë, e me mbytë veten për financa, nuk e besojmë këtë punë”, u shpreh ai me dyshim.

Ai kujtoi edhe një moment të veçantë me vëllain e tij gjatë një udhëtimi me makinë. “Isha duke vozitë shpejt dhe më tha: ‘Kadale, se nëse ty t’u ka mërzit jeta, mua jo’”, tha ai duke mohuar kategorikisht se Festimit mund ta ketë mbytur vetë.

Ndërkohë, ai ka mohuar se ata po fajësojnë bashkëshorten e tij, Rina Maloun për rastin, duke thënë se janë në pritje të përgjigjeve që duhen dhënë nga autoritetet.

Ish-deputeti i VV ndalohet nga Serbia në pikën kufitare të Merdarës

Sot paradite, më 26 maj 2025, Ministria e Punëve të Brendshme është njoftuar për ndalimin e ish-deputetit të Kuvendit të Republikës së Kosovës, z. Gramos Agusholli, nga autoritetet e Serbisë në pikën kufitare në Merdarë, ndërsa ishte në tranzit drejt Sllovenisë.

Lidhur me këtë rast, Zyra Ndërlidhëse e Republikës së Kosovë në Serbi ka njoftuar misionet diplomatike të shteteve të KUINT-it dhe Zyrën e BE-së në Beograd.

“Ministria e Punëve të Jashtme dhe Diasporës ka njoftuar menjëherë misionet diplomatike të shteteve të KUINT-it dhe Zyrën e BE-së në Kosovë, si dhe ka ndërmarrë hapat e nevojshëm për të siguruar informacione të plota dhe zyrtare në lidhje me rastin.
MPJD dënon fuqishëm këtë veprim arbitrar të autoriteteve serbe dhe i bën thirrje Bashkësisë Ndërkombëtare të reagojë menjëherë, duke kërkuar lirimin e menjëhershëm të z. Gramos Agusholli dhe ndalimin e praktikave të tilla represive, të cilat bien ndesh me parimet themelore të të drejtës ndërkombëtare dhe me konventat ndërkombëtare për të drejtat e njeriut.
Ministria e Punëve të Jashtme dhe Diasporës do të mbajë të informuar të gjithë partnerët ndërkombëtarë për çdo zhvillim të mëtejshëm në lidhje me këtë rast. Çdo informacion i ri do të shpërndahet menjëherë pas konfirmimit zyrtar” thuhet në njoftim.

Macron flet pas videos virale me gruan e tij

Presidenti francez Emmanuel Macron ka thyer heshtjen mbi videon që u bë virale në rrjete sociale, ku dukej se bashkëshortja e tij, Briggite, “e godet atë në fytyrë”, ndërsa çifti ishte duke mbërritur në Vietnam, një turne në Azinë Juglindore.

Në një video, Brigitte Macron dukej duke e shtyrë burrin e saj përpara se ai të zbriste nga avioni presidencial vonë të dielën, duke e detyruar atë të tërhiqej përpara se të rikuperohej dhe t’u bënte përshëndetje kamerave në pistën poshtë.

Megjithatë, kjo video e cila po bën tituj në media, është komentuar nga presidenti francez i cili tha për gazetarët se, “isha duke u ngacmuar, ose më saktë duke bërë shaka me gruan time, nuk është asgjë”.

Ai më tej ka thënë se kjo nuk është hera e parë në javët e fundit që përmbajtja e videove të tij është shtrembëruar nga njerëz që ai i përshkroi si “të çmendur”.

Shuplaka e papritur – Zonja e Parë e Francës godet Macron/Pamje

“Janë nis me të vra”, Presidentja sërish në qendër të kërcënimeve

Presidentja e Kosovës, Vjosa Osmani është kërcënuar sërish përmes një mesazhi të dërguar në adresën elektronike zyrtare të Presidencës, shkruan Gazeta Sinjali.

Në fotografinë të cilën e ka siguruar Gazeta Sinjali, shihet se çfarë mesazhi kërcënues i është dërguar asaj.

“Janë nis me të vra ku** dhe shpihunat e Serbisë, polici shka janë me armë të kontrabanduara”, thuhet në mesazhin kërcënues i cili siç mëson Gazeta Sinjali, ka arritur në adresë të presidentes Vjosa Osmani.

Ndryshe edhe javë më parë presidentja Vjosa Osmani ishte kërcënuar po ashtu përmes adresës zyrtare të institucionit që ajo drejton.

“Me tra nprit dekt me tlan partis dyt mundsin duhet deri tash kriminele antikushtetuese ordinere ti ha ropt tvraj”, ishte shkruar në mesazhin e mëhershëm kërcënues.

Prokuroria Speciale e Kosovës ditë më parë ka bërë të ditur se kanë nisur hetimet për identifikimin e kryerësit të mundshëm të kësaj vepre.

Konfirmohet? Kjo është lidhja e re e Santianës!

Ka disa ditë që në mediat rozë përflitet për një romancë të mundshme mes Santianes dhe Patrisit.

E “zjarr” më shumë hodhi postimi i Patrisit me rastin e ditëlindjes së modeles, shkruan Indeksonline.

Në një foto (ku jepet përshtypja që munden të jenë më shumë se miq) dyshja ka dalë të buzëqeshur ku Patrisi i ka vënë dorën në supe, ndërsa Santi ia ka vendosur dorën te fytyra.

“Shumë urime për ty”, shkroi ai duke ia bërë ditën edhe më të ëmbël me urimin.

Lori sot feston ditëlindjen, ja sa vite mbush

Këngëtarja e njohur Lori Kaçka sot feston ditën e lindjes.

Ajo mbush 42 vite jetë, shkruan “Kosovarja”.

E për këtë ditë këngëtarja ka pranuar urime të shumta nga miqtë, kolegët dhe familjarët.

Lori vazhdon të jetë një figurë e dashur dhe inspiruese, duke ruajtur elegancën dhe energjinë që e kanë karakterizuar ndër vite.

Deklarohet për herë të parë vëllau i Festim Isufit: Rina besoj e din të vërtetën, ajo është…

Dizejnatori Festim Isufi më 9 maj ishte gjetur pa shenja jete në banesën e tij. Me 24 maj raporti i autopsisë i është dorëzuar gjyqatres së rastit. Sipas burimeve të Insajderit, është konstatuar se në trupin e tij kanë qenë shtatë plagë, në zonën e qafës dhe fytit, dy prej të cilave kanë patur pasoja fatale. Njëra thikë është parë në duart e bashkëshortes së viktimës, Rina Maloku-Isufi, ndërsa thika tjetër është gjetur pranë këmbës së majtë të viktimës.

Lidhur me këtë rast tragjik, është deklaruar për herë të parë vëllai i të ndjerit, Festim Isufit.

Ai theksoi se nuk e fajësojnë Rinën, dhe se ajo është pjesë e familjes së tyre.

“Na e dim te vërtetën që ai ma nuk jeton, janë tu u marr policia e Prokuoria edhe besoj që shumë shpejt del rezultati. Familja nuk e fajëson Rinën edhe na nuk e kemi fajësu kërkon se nuk e dime çka ka ndodhë, absolut është e pa vërtete. Edhe sipas neve momentalisht Rina është pjesë e familjes tonë përderisa nuk ka diçka konkrete ajo ka me mete gjithmonë qashtu”, tha vëllau i Festim Isufit.

Tutje ai shtoi se Rina e di të vërtetën, dhe çkado që e din e ka tregu në Prokurori e Polici.

“Na kemi pas komunikim, nuk e dimë sen çka u bo, Rina besoj e din të vërtetën edhe ka fol me Prokurorinë”, thotë ai tutje në Kosova Today.

“I ke shkruar ish-it tim”, Xheneta shpërthen ndaj modeles

Ish-banorja e “Big Brother VIP Kosova” Xheneta Fetahu dhe modelja Sara Gjoka u përfshinë në një debat të ashpër të dielën pasdite, kur ishin të ftuara në rubrikën “Trotuar”, në “E diell”.

Xheneta e akuzoi Sarën se ka komunikuar me një djalë, gjatë kohës kur ky i fundit ishte në një njohje me të. Ndërkohë, Sara e mohoi këtë fakt. Diskutimi mes tyre vijoi me tone të larta.

Pjesë nga biseda mes tyre:

Xheneta Fetahu: Sara pse ju shkruan çunave kur e di që janë në një lidhje me një gocë? Po flas për një rast që më ka ndodhur mua dhe asaj.

Sara Gjoka: Çfarë rasti?

Xheneta Fetahu: Ti vitin e kaluar i ke shkruar çunit me të cilin kam qenë në një njohje.

Sara Gjoka: Cili është?

Xheneta Fetahu: Po ti e di se cili është, ai nuk është fytyrë publike. Ti më ke inçizuar mua kur unë kam folur me ty, e kam me fakte. Mos më bëj moralisten.

Sara Gjoka: Nuk jam dakord fare që ne të diskutojmë në publik këtë.

Shqipëria shpall listën për ndeshjet ndaj Serbisë dhe Letonisë

Kombëtarja shqiptare ka zyrtarizuar listën e futbollistëve për dy ndeshjet e radhës në kuadër të kualifikueseve për Kupën e Botës 2026.

Trajneri Silvinjo ka përzgjedhur 27 lojtarë për përballjet kundër Serbisë dhe Letonisë, që do të zhvillohen në muajin qershor.