Përleshje fizike në komunën e Prizrenit? Akuzat tronditëse nga asambleistja e VV-së

Asambleistja e Vetëvendosjes në Kuvendi Komunal Prizren, Dafina Alishani po pretendon për një përleshje fizike mes shefit të kabinetit të kryetarit të Shaqir Totajt, Nehat Elshanit dhe drejtorit të Shërbimeve Publike, Çelë Lamajt.

Dyshimet janë që Elshani e ka goditur me grushte Lamajn.

Në një postim në faqen e saj zyrtare në Facebook, Alishani ka alarmuar për sulmet që po ndodhin ndaj personelit zyrtarë të komunës nga shefi i kabinetit të kryetarit të Prizrenit.

Sipas saj, kryetari Totaj po frikësohet të marrë masa ndaj shefit të kabinetit të tij, raporton IndeksOnline.

“Shaqir Totaj ka heshtur kur është kërcënuar zyrtarja në urbanizëm nga shefi i kabinetit.

Përsëri po hesht pas konfliktit të shefit të kabinetit të tij (Nehat Elshani) dhe drejtorit të Shërbimeve Publike (Çelë Lamaj). Bile ky rast i dytë nuk qenka vetëm konflikt verbal, por edhe fizik! Shaqir TUTAJ, mos u TUT”, ka shkruar ajo.

Tutje ajo ka akuzuar Totaj që është shndërruar në një kryetar ‘kukull’, pasi sipas saj, nuk po arrin me e mbrojtë ekzekutivin e tij nga sulmet që po vijnë shefi i kabinetit.

“Nëse nuk je në gjendje me e mbrojtë ekzekutivin tënd nga belaja e shefit tënd atëherë je vetëm një kryetar kukull asgjë më shumë.  Institucionet duhet të merren me këtë qeverisje që kur nuk realizohen interesat personale të tyre, kërcënojnë, sulmojnë, frikësojnë shërbyes civil dhe staf politik”, ka shkruar Alishani.

Këto pretendime i ka hedhur poshtë, drejtori i shërbimeve Publike, Çelë Lamaj. Ai në një prononcim për IndeksOnline ka thënë se ndodhet jashtë vendit dhe nuk ka pasur asnjë përleshje fizike me Nehat Elashanin.

“Nuk është e vërtetë që ka pasur as përleshje verbale e as fizike. Unë ndodhëm jashtë shtetit dhe pretendimet e tilla janë të pavërteta”, ka thënë Lamaj.

Ai ka thënë se në PDK nuk do të ndodhin kurrë këto përledhje, edhe pse sipas tij, të tjerët i dëshirojnë ato.

Momentet e fundit: Publikohen pamjet kur turisti 34-vjeçar humb jetën në detin e Durrësit

Janë publikuar pamjet e ngjarjes së ndodhur paraditen e së dielës kur dy turistë anglezë u aksidentuan me Jet Ski.

Siç duket në këtë video të siguruar nga Tv Klan, dy turistët anglezë presin të nisen me Jet Ski. Pasi ndihmohen nga punonjësi i pikës së dhënies me qira të mjeteve, ata nisën në orën 09:41.

Gjatë kësaj kohe miqtë e tyre, i filmojnë me telefon, për të dokumentuar xhiron e tyre në det.

Teksa dy turistët anglezë lundrojnë në det, dy efektivë të policisë kufitare paraqiten pranë biznesit për të kontrolluar dokumentacionin.

Tetë minuta pasi nisën nga bregu i detit, viktima Sylvester Obeng, i cili ishte drejtuesi i mjetit kreu një manovër me shpejtësi e për pasojë humbi kontrollin e mjetit duke përfunduar poshtë tij, ndërsa partnerja e tij në det të hapur.

Kjo skenë siç duket në pamje pikaset nga miku i tyre në breg të detit i cili lajmëron pronarin e biznesit dhe efektivët e policisë. Këta të fundit lajmërojnë në radio patrullën që ndodhej në det duke kryer kontrolle.

Mjeti lundrues i policisë kufitare niset me shpejtësi, por arrin 1 minutë më vonë pranë dy turistëve anglezë.

Ata përpiqen tu japin ndihmën e shpejtë, por 34-vjeçari nuk ia doli të mbijetojë. E gjithë dinamika e aksidentit, u deklarua në polici nga partnerja e viktimës e cila i tha bluve se morën me qira mjetin dhe nuk iu kërkua as patentë dhe as iu dha skafandër.

Por mungesa e patentës dhe kokores për policinë janë shkelje të rregullave të mbrojtjes në punë nga pronari i biznesit, 56-vjeçari Luiz Xhumari, i cili këtë të hënë u vu në pranga.

Sipas bluve të Durrësit, ai u ka dhënë me qira Jet Ski-në dy turistëve pa i pajisur ata me skafandër mbrojtëse, por vetëm me jelek shpëtimi.

Gjithashtu nga ana policisë është pezulluar dhe aktiviteti i subjektit.

Për sqarimin e plotë të ngjarjes policia po kryen verifikime edhe ndaj dy shtetasve anglezë, për të parë nëse kanë qenë nën efektin e alkoolit ndonëse deri më tani nuk ka të dhëna të tilla.

Skandal me biletat – ‘Tifozat Kuq e Zi’ nuk do të jenë në ndeshjën ndaj serbisë

Grupimi më i madh i tifozëve të Kombëtares shqiptare, “Tifozat Kuq e Zi” (TKZ), ka njoftuar se nuk do të jenë të pranishëm në tribuna gjatë ndeshjes Shqipëri–Serbi që zhvillohet më 7 qershor në “Arenën Kombëtare”, shkruan Gazeta Sinjali.

Përmes një reagimi në rrjetet sociale, TKZ shprehet se kjo është hera e dytë në 21 vite që nuk ndodhen në stadium për një përballje me Serbinë, duke e krahasuar situatën me ndeshjen e vitit 2014 në Beograd, kur u ndaluan nga autoritetet serbe. Këtë herë, sipas tyre, përjashtimi po bëhet nga “miqtë e shkijeve”, referuar Federatës Shqiptare të Futbollit (FSHF).

TKZ e quan shpërndarjen e biletave një “farsë të organizuar” me pretekstin e një shorti, të cilin e akuzojnë si skemë të parapërgatitur për të favorizuar agjencitë turistike dhe për të nxitur shitjen e biletave në tregun e zi, me çmime që arrijnë deri në 1000 euro.

Sipas deklaratës së tyre, sistemi i ri i shitjes përjashton tifozët besnikë, duke favorizuar “klientelën, politikanët dhe të pasurit”. TKZ kritikon FSHF-në për hipokrizi dhe shton se futbolli është shndërruar në një event të paarritshëm për qytetarët e zakonshëm.

Këtë këngë të njohur e paska kënduar Vserlo i BBVA e askush nuk e ka ditur

Vserlo, një nga emrat më të përfolur të edicionit të katërt të Big Brother VIP Albania, edhe pas daljes nga shtëpia vazhdon të jetë në qendër të vëmendjes. Me stilin e tij të veçantë, energjinë shpërthyese dhe një personalitet që nuk kalon pa u vënë re, Vserlo arriti të trazojë jo pak ujërat brenda reality show-t më të ndjekur në Shqipëri.

Ndërsa për një pjesë të publikut ai ishte një frymë e re dhe argëtuese, për të tjerë stili dhe sjellja e tij vazhdojnë të shkaktojnë diskutime dhe kritika në rrjetet sociale. Komentet negative nuk mungojnë, por Vserlo duket i vendosur të mos ndalet, shkruan Gazeta Imazhi.

Përveç pjesëmarrjes në Big Brother, Vserlo është aktiv edhe në muzikë. Kënga e tij më e njohur, “Amin”, ka bërë bujë në rrjete sociale dhe platforma muzikore, duke i dhënë atij një tjetër dimension në skenën artistike shqiptare. Ai ka publikuar edhe projekte të tjera muzikore dhe shpesh ndan momente nga jeta dhe karriera e tij me ndjekësit, duke ruajtur kontaktin e afërt me fansat.

Edhe pse është një figurë e diskutueshme, Vserlo po arrin të ndërtojë një profil publik që kombinon muzikën me një prani të fortë mediatike – qasje kjo që për disa është freskuese, ndërsa për të tjerë provokuese.

A do të arrijë Vserlo të kthehet në një emër të rëndësishëm të muzikës urbane shqiptare pas BBVA? Mbetet për t’u parë, por një gjë është e sigurt – ai nuk ka ndërmend të zhduket nga qendra e vëmendjes.

VIDEO KËTU:

Identifikohet trupi i pajetë që u gjet para banesës në Prishtinë

Një grua është gjetur pa shenja jete para hyrjes së shtëpisë së saj mëngjesin e sotëm në Prishtinë, shkruan Insajderi.

Burime të Sinjalit bëjnë të ditur se ngjarja ka ndodhur rreth orës 07:15, në rrugën “Abdurrahman Shala” në kryeqytet.

Viktima është identifikuar si Luljeta Gjinovci, 64 vjeç.

Në vendin e ngjarjes kanë dalë njësitë relevante të Policisë dhe ekipi emergjent, të cilët kanë konstatuar vdekjen. Sipas informacioneve të para, në trupin e viktimës nuk janë vërejtur shenja dhune apo ndonjë element tjetër që do të ngriste dyshime për ndonjë veprim penal të menjëhershëm.

Personi që u gjet i vdekur sot është profesori i njohur Pejan

Gazeta Sinjali ka raportuar gjatë ditës se një person është gjetur pa shenja jete në parkun Karagaç të Pejës.

Derisa, Sinjali mëson se bëhet fjalë për Fahri Shalën, rreth 77 vjeçar, i cili me profesion kishte qenë profesor.

Lajmin për këtë rast e ka konfirmuar edhe Shkodran Nikçi, zëdhënësi i Prokurorisë Themelore në Pejë

“Në parkun Karagaç të Pejës një person është gjetur pa shenja jete. Në vendin e ngjarjes janë njësitet relevante policore dhe prokurorja e krimeve të rënda”.

Vserlo tallet keq me klikimet e Gjestit dhe Eglit

Venezuela u bën thirrje qytetarëve të largohen mënjeherë nga SHBA

Qeveria e Venezuelës ka lëshuar një paralajmërim zyrtar për qytetarët e saj, duke i këshilluar të shmangin udhëtimet drejt Shteteve të Bashkuara dhe duke u kërkuar atyre që tashmë jetojnë atje të largohen menjëherë, shkruan Gazeta Sinjali.

Në një deklaratë të publikuar nga Ministria e Jashtme, thuhet se SHBA është një “vend i rrezikshëm ku të drejtat e njeriut nuk ekzistojnë për emigrantët”. Ministria u bëri thirrje venezuelianëve që të “mbrojnë jetën e tyre dhe atë të familjeve të tyre dhe të kthehen në atdhe”.

Ministri i Jashtëm i Venezuelës, Yvan Gil, deklaroi se është veçanërisht e rrezikshme të jesh një migrant me prejardhje latino-amerikane, afrikane apo venezueliane në SHBA, duke përmendur si shembull deportimin e qindra migrantëve në një burg me siguri maksimale në El Salvador, ku sipas tij ata jetojnë në “kushte çnjerëzore” dhe i nënshtrohen “torturës psikologjike”.

Ky paralajmërim i Venezuelës pason një alarm të ngjashëm nga Departamenti Amerikan i Shtetit, i cili javën e kaluar këshilloi qytetarët amerikanë të mos udhëtojnë në Venezuelë dhe të largohen sa më shpejt nga vendi, për shkak të “rreziqeve serioze” të ndalimeve arbitrare, krimeve të dhunshme dhe trazirave civile.

Aktualisht, SHBA nuk ka as ambasadë e as konsullatë funksionale në Venezuelë, çka e bën të pamundur ofrimin e ndihmës për qytetarët e saj në territorin venezuelian.

Anisa e shokuar, shpërthen në rrjete sociale

Këngëtarja e njohur Anisa Veseli, ka ndarë një mesazh mjaft të fortë në Instastory, ku duket se i është drejtuar dikujt që e ka zhgënjyer rëndë.

Përmes një postimi, Anisa shkroi për njerëzit që i ka ndihmuar, u ka qëndruar pranë dhe më pas është tradhtuar nga ta.

“Kam ra në jetë me taku lloj lloj njeri,” – nis ajo mesazhin e saj, duke shtuar se i ka dhënë dorën dikujt në ditë të vështira, por më pas është mashtruar dhe lënduar.

Anisa nuk përmendi emra, por thekson se ndjehet e shokuar nga veprimet e dikujt që, sipas saj, e kanë tradhtuar besimin e saj:

“Keni kujdes kujt i ndihmoni e kujt i rrini afër se unë jom zgjuar e shokuar sot.”

E revoltuar, në fund ajo lë të kuptohet se nuk përjashton mundësinë që kjo çështje të dalë edhe publikisht:

“Nëse është nevoja edhe publike kom me bo se s’ka tolerime mo për njerëz që e ndan kafshatën e gojës me ta!”

Kujt i drejtohet ky mesazh i fortë, mbetet një mister – ndoshta Anisa do të hedhë më shumë dritë në ditët në viji

Murati flet për rritje historike të pagës mesatare në sektorin privat

Ministri në detyrë i Financave, Punës dhe Transfereve, Hekuran Murati, duke cituar Agjencinë e Statistikave të Kosovës (ASK), tha se paga mesatare bruto në Kosovë për vitin 2024 është 598 euro.

Ai ka thënë se kjo tregon punën e Qeverisë Kurti për sektorin privat.

Sipas tij nuk ka qeveri më miqësore me bizneset sesa ajo e Kurtit.

Por, teksa, Murati foli për rritjen historike të pagës mesatare, ai nuk e përmendi inflacionin, e sidomos atë të produkteve ushqimore.

“Paga mesatare në sektorin privat vitin e kaluar ka shënuar rritjen më të lartë historikisht! Sipas të dhënave të publikuara nga ASK, në vitin 2024 paga mesatare në sektorin privat ka shënuar 598 euro bruto, apo 83 euro më shumë sesa viti paraprak.  Sa për krahasim, rritja e pagës mesatare në sektorin privat vetëm në vitin 2024 e tejkalon krejt rritjen e pagës mesatare për 7 vite gjatë qeverisjeve të kaluara: Thaçi 2, Mustafa, Haradinaj (vetëm 74 euro rritje në periudhën 2012-2019).  +218 euro (apo 57%) për 4 vite me Qeverinë Kurti 2.  +74 euro (apo 22%) për 7 vite të qeverisjeve të kaluara”.

“Kjo është dëshmia më e mirë se Qeveria Kurti 2 ka qenë qeveria e cila ka mbështetur më së shumti sektorin privat.  Heqja e pagesave për terminale private doganore, heqja e monopolit të arkave fiskale, luftimi i korrupsionit, pagesa e faturave me kohë për operatorët ekonomikë, mbështetja e drejtë me qindra miliona euro grante e subvencione, subvencionimi i punësimit, por edhe subvencionimi i rritjes së pagave, janë vetëm disa nga veprimet dhe masat e shumta që e bëjnë Qeverinë Kurti 2 qeverinë më miqësore ndaj bizneseve, që ka ekzistuar ndonjëherë.  Qeveria për sektorin privat”, ka shkruar Murati.