Ky është kandidati i PDK-së për kryetar të Mitrovicës, djali i ish-ushtarit të UÇK-së

Zgjedhjet lokale për kryetar të komunave dhe asamble komunale pritet të mbahen në muajin tetor. Tashmë partitë politike kanë nisur nominimin e kandidaturave për kryetar komunash.

Burime të Veriu.info bëjnë të ditur se PDK do të kandidoj Arian Tahirin për kryetar të Mitrovicës.

Siç mëson Veriu.info, Arian Tahiri ka marrë miratimin dhe mbështetjen e plotë të kryetarit aktual të komunës së Mitrovicës, Bedri Hamza, i cili është edhe kryetar i degës së PDK-së në këtë qytet.

Arian Tahiri i cili aktualisht është nënkryetar i Komunës së Mitrovicës, është doktor i shkencave ekonomike.

Ai rrjedh nga një familje patriotike, ku babai i tij ishte ish ushtar i UÇK-së.

Ndryshe, Bedri Hamza që prej marrjes së mandatit të kryetarit të Mitrovicës më 2021, kishte lënë të nënkuptohet se nuk do të garoj përsëri për kryetar komune, duke arsyetuar se synon t’i mbështes kuadrot e reja me bagazh profesional e politik.

Laert Vasili zbulon romancën me një vajzë të njohur të showbizit: Nuk është Valbona

Në një intervistë të fundit në emisionin “S’e luan Topi”, aktori Laert Vasili ndau për publikun një copëz nga jeta e tij private, duke pranuar se është në njohje me një vajzë të njohur të botës së showbizit.

Edhe pse refuzoi të japë emra, ai u kujdes të sqarojë se nuk bëhet fjalë për Valbona Mhillin, me të cilën pati një flirt të përfolur gjatë qëndrimit në Big Brother VIP Albania.

“Jam në njohje me një vajzë… dhe jo, nuk është Valbona”, u shpreh Vasili.

“Kur dola nga Bigu, nuk e dija çfarë po ndodhte, por kur mora telefonin dhe pashë, thashë: “Pse s’më ndodhi kjo në 31 vjeç?”

Pashë atë që tha Ledioni: “Është beqari më i kërkuar”. Instagrami është flakë, edhe tani po ta tregoj janë gjithë kohës duke më shkruar”.

Ai tregoi se vajza që po njeh nuk është dikush që e ka njohur përmes rrjeteve sociale: “Është dikush që më ka tërhequr vëmendjen dhe kemi dalë disa herë. Vajza nuk është dhe aq e thjeshtë, i përket botës së të famshmëve. Është e njohur. Që unë e pëlqej atë, ia kam lënë që ta kuptojë”.

Vasili e përshkroi këtë periudhë si të ndriçuar dhe plot energji pozitive, duke lënë të kuptohet se mund të jetë në prag të një kapitulli të ri në jetën e tij personale.

Adelina Hasani bëhet nënë për herë të parë, ky është emri i vogëlushes

Skandali i Armand Dukës- I rezervoi biletë Xhulit jashtë rregullave të FSHF’së

Tifozët “Kuq e Zi” dhe “Plisat” nuk u lejuan të futeshin në “Air Albania” në ndeshjen e Shqipërisë kundër Serbisë.

Megjithatë, biletë vetëm përmes një telefonate siguroi modelja Xhuliana Nura. Të paktën kështu ka bërë të ditur Xhuli në emisionin “Favorit” në T7.

“Fati është pak edhe qysh e bojsh punën. Unë kam punu për me kanë në çdo lojë të kombëtares së Shqipërisë, me vite të tana. Unë rrjedhi nga një familje shumë sportiste, vetë kam qenë sportiste. Nuk e di a muna me thanë publikisht, kontaktet e mia që i kam në Shqipëri, që kam jetu nja dy vite në Shqipëri. Është gjynah që Plisat dhe tifozët Kuq e Zi s’i kanë leju me hy brenda”, deklaroi ajo.

Në studio ka reaguar tifozi i “Kuq e Zi” duke e quajtur të padrejt mënyrën se si i ka ndarë biletat FSHF’ja.

“Çka me folë, direkt e tha edhe vetë që e ka telefonu edhe e ka marrë. Tash, pa dasht me të nënçmu asnjëherë as ty as një shqiptar, direkt qysh në fillim është shumë zhgënjyese si për mu si për ata tifozë që janë që 21 vjet që e përkrahim kombëtaren dënohemi dhe jemi jashtë, e ti me një telefon e siguron biletën. Është shumë e rëndë dhe shumë e keqe”, deklaroi ai.

Vuçiq nuk mban nervat, largohet i irrituar nga konferenca me gazetarët

Presidenti i Serbisë, Aleksandër Vuçiq, u përball me një situatë aspak të këndshme, gjatë një konference për media.

Një debat i tensionuar me gazetarët detyroi presidentin serb të largohet i irrituar nga koncerenca live. Shkak për reagimin e tij u bë një pyetje që nuk i pëlqeu, duke e shtyrë atë të mbante një ton kritik dhe moralizues ndaj përfaqësuesve të mediave.

Vuçiq po komentonte sulmin ndaj Milosh Pavloviç, përfaqësues i lëvizjes “Studentët që duan të mësojnë”, duke e krahasuar me një incident të mëparshëm në Novi Sad, ku një studente u sulmua dhe iu thye nofulla, raportojnë mediat në Beograd.

“Më shpjegoni pse ata djem në Novi Sad qëndruan katër muaj në paraburgim, ndërsa këta që vepruan në mënyrë të organizuar, me qëllim dhe me vetëdije, përballen vetëm me akuza për pakujdesi…”, u shpreh Vuçiq me tone të ashpra.

Kur gazetarët tentuan të reagojnë, duke theksuar se edhe ata mund të japin shpjegime, presidenti i ndërpreu ashpër dhe i qortoi për sjelljen e tyre.

“Ju ende mendoni se kjo është për të qeshur. Ju,, unë jo. Mësohu të sillesh më mirë. Sjellje elementare. Nuk do të ishte keq“, tha ai me nervozizëm të dukshëm. Momenti i tensionit u publikua nga gazetarja në rrjetet sociale, e cila e përshkoi situatën si të pakëndshme, duke thënë se presidenti iu bërtiti, u zemërua me ta dhe u largua nga konferenca.

Lladrovci: Thaçi me 58 deputetë i krijoi institucionet, Kurti të ndryshojë Haxhiun për kandidate

Kryetari i Drenasit, Ramiz Lladrovci, ka kritikuar Lëvizjen Vetëvendosje për mosformimin e institucioneve të reja të Kosovës pas zgjedhjeve të 9 shkurtit.

Në një postim në Facebook, ai ka deklaruar se arroganca e numrave, Kurtin dhe bashkëmendimtarët e tij po e bëjnë të pandjeshëm ndaj gjendjes ku është Kosova.

“Mos i hidhni Kosovës gurë nën rrota. Disave matematika nuk po ju vlen, 48 nuk janë 61. Kur një parti është e para, me 42.2%, ka përgjegjësi për të ftuar partitë tjera më të vogla, për të arritur 50% plus 1, numër i cili i jep kredibilitet për ndërtimin e institucioneve, Kuvendin dhe Qeverinë”.

“Arroganca e numrave, Kurtin dhe bashkëmendimtarët e tij po e bëjnë të pandjeshëm ndaj gjendjes ku është Kosova, me sanksione dhe varfërinë më të madhe në Evropë. Kurti dhe VV, kanë rastin të ofrojnë zgjidhje për daljen nga kriza dhe të dëshmojnë se e duan më shumë shtetin se pushtetin”, ka thënë Lladrovci.

I njëjti shtoi se ish-presidenti Hashim Thaçi në kohën kur ishte edhe kryeministër i vendit me 58 deputetë kishte formuar institucionet e reja të vendit.

“Krahasimi me Belgjikën rreth vonesave është më shumë se qesharak, GDP-ja e Belgjikës është 60 herë më e madhe se ajo e Kosovës, të ardhurat për frymë i ka 8 deri 9 herë më të larta se në Kosovë, ndërsa nga pavarësia, Belgjika numëron 53 kryeministra e Kosova 13”.

“Kjo gjendje e Kosovës nuk mund të jetë normale. Kosova nuk mund të matet me shtetet tjera, por, me përvojën e deritashme po. Me 58 deputetë, Hashim Thaçi i krijoi të gjitha institucionet dhe mori njohje ndërkombëtare duke u bërë faktor stabiliteti në rajon”, tha Lladrovci.

I pari i Drenasit kërkoi që Kurti ta ndryshojë kandidaten për kryeparlamentare dhe Kosova të ecë përpara.

“Nëse i bën 61 vota, lë ta bëj edhe Qeverinë. Mos i hidhni Kosovës gurë nën rrota. Nëse mundeni, prishni atë që vet e keni ndërtuar, jo atë që e ndërtuan të tjerët!”, shtoi Lladrovci.

Ish-pjesëtari i Njësisë Speciale që u ndalua në Serbi të hënën del para gjykatës në Beograd, reagon MPJD

Ish-polici i Kosovës, Arbnor Spahiu, është ndaluar nga autoritetet serbe më 7 qershor 2025, rreth orës 09:00, në pikën kufitare ndërmjet Hungarisë dhe Serbisë.

Lajmin e ka bërë të ditur për Telegrafin, Ministria e Punëve të Jashtme dhe Diasporës (MPJD).

Sipas MPJD-së, Spahiu po udhëtonte me autobus së bashku me familjen, gjatë kthimit të tij nga Austria drejt Kosovës.

Menjëherë pas marrjes së informacionit për ndalimin, Zyra Ndërlidhëse e Republikës së Kosovës në Serbi ka dorëzuar një kërkesë zyrtare tek autoritetet serbe, përmes Zyrës Ndërlidhëse të Serbisë në Kosovë.

“Kërkesa ka pasur për qëllim konfirmimin e ndalimit, ofrimin e sqarimeve mbi bazën ligjore të tij, si dhe informimin mbi vendndodhjen dhe gjendjen aktuale të z. Spahiu”, thuhet në përgjigjen e zyrtares së MPJD-së, Qendresa Fazliu.

Spahiu po mbahet aktualisht në Qendrën e Paraburgimit në Kanjizha, në rajonin e Vojvodinës.

Zyra Ndërlidhëse e Kosovës në Beograd është në kontakt të vazhdueshëm me bashkëshorten e tij dhe po ndjek nga afër zhvillimet.

Ai pritet të dalë para gjyqtarit të procedurës paraprake më 9 qershor, në ora 09:00, në Gjykatën Komunale të Kikindës.

MPJD ka njoftuar gjithashtu se ka informuar edhe Delegacionin e Bashkimit Evropian në Beograd lidhur me ndalimin, dhe se do të vazhdojë të ndjekë rastin përmes kanaleve diplomatike, duke mbajtur të informuara institucionet relevante dhe partnerët ndërkombëtarë.

Kjo mund t’ju ketë ikur: Shqiptari puth gazetarin serb në transmetim live para stadiumit

Një moment është bërë viral në rrjetet sociale e tregon anën tjetër të tifozëve shqiptarë.

Gazetari i Al Jazeera Balkan, serbi Milan Boskoviç ishte duke raportuar jashtë stadiumit “Air Albania” teksa një tifoz i është afruar dhe e ka puthur me dashamirësi.

Gjesti ka ngjallur pafund reagime në rrjet, shumë e cilësojnë tërësisht njerëzor e të tjerë, të stisur për show.

Policia për rastin tragjik në Kaçanik: Vdekja e viktimës nuk ka ardhur si pasojë e aksidentit

Ka vdekur në rrethana tragjike i riu nga Pozherani, Ideal Halabaku.

Halabaku, dyshohet se ka rënë lartësia e urës “Arbën Xhaferi”, pas një vetaksidenti dhe trupi i tij tashmë është tërhequr nga vendi ku ka ndodh rasti tragjik.

Për rastin ka folur edhe Policia e Kosovës, e cila ka treguar detaje për rastin tragjik.

“Pas ekzaminimeve fillestare nga hetuesit e trafikut, është konstatuar se vdekja e viktimës nuk ka ardhur si pasojë e aksidentit”, thuhet në njoftimin e Policisë.

Njoftimi i plotë: 

Më datë 08.06.2025, rreth orës 13:15, jemi njoftuar nga një qytetar për gjetjen e trupit të pajetë të viktimës I.H (M/K) i moshës 26 vjeç.

Dyshohet se viktima kishte pësuar aksident trafiku rreth orës 05:00 të mëngjesit në autostradën “Arbën Xhaferi”, afër fshatit Bob, komuna e Kaçanikut.

Menjëherë pas pranimit të informacionit, në vendin e ngjarjes kanë dalë njësitet përkatëse të Trafikut të Autostradës. Pas ekzaminimeve fillestare nga hetuesit e trafikut, është konstatuar se vdekja e viktimës nuk ka ardhur si pasojë e aksidentit.

Në vendin e ngjarjes kanë dalë edhe hetuesit e stacionit policor Kaçanik, ndërsa rreth orës 16:45, janë angazhuar edhe Hetimet Rajonale dhe Forenzika Rajonale.

Për të gjitha veprimet policore është njoftuar prokurori për krime të rënda nga Prokuroria Themelore e Ferizajt, i cili ka autorizuar inicimin e rastit si:

“Hetim mbi vdekjen”.

Për informata shtesë, do të njoftoheni pasi të kryhen ekzaminimet e nevojshme nga hetuesit rajonal.

Ndërron jetë vogëlushja Nina, një yll i vogël u shua

Me dhimbje të thellë është bërë e ditur ndarja nga jeta e vogëlushes Nina Dragusha, e cila humbi betejën më të rëndë të jetës së saj. Lajmin e trishtë e kanë konfirmuar prindërit e saj përmes një postimi prekës në rrjetin social Facebook.

„Nina sot na la,“ – shkruhet në postim.

Nina ishte diagnostikuar një vit më parë me tumorin Neuroblastoma, i lokalizuar në zonën e abdomenit. Pas diagnostikimit, qytetarët reaguan menjëherë dhe në kohë rekord u mblodhën fondet e nevojshme për trajtimin e saj jashtë vendit. Megjithë përpjekjet dhe shpresën e madhe, Nina nuk ia doli dot.