Kjo është bashkëshortja bukuroshe e “Tevides”, aktori ndan momente të rralla familjare

Së fundmi, aktori i njohur Butrint Lumi ka publikuar një fotografi ku shfaqet me familjen e tij, bashkëshorten dhe dy vajzat.

Në përshkrim të fotos, ai ka shkruar:

“Shumë urime për mamin dhe gruan më të mirë në botë.”

Ky moment ka ngjallë interesim tek ndjekësit e tij, të cilët janë mësuar ta shohin Butrintin në rolin humoristik të Tevides në serialin “Bashkallajk”.

Nga një personazh që bën publikun të qeshë çdo javë, aktori dëshmon se jashtë skene është një burrë familjar, i përkushtuar dhe i ndjeshëm.

Marko Perkoviq Thompson ndez Zagrebin me fanellën me numrin 03941158 Ky është kuptimi i këtij numri

Qindra mijëra njerëz janë mbledhur në Zagreb të shtunën për koncertin e rok-këngëtarit të njohur kroat, Marko Perkoviq Thompson, në atë që ishte paralajmëruar si koncerti më i madh ndonjëherë me pagesë.

“E, moj narode”, “Kletvu kralja Zvonimira” e “Bosnu” ishin disa prej këngëve që ai ka interpretuar.

Thompson në skenë ka dalë me një fanellë që mbante numrin “03941158”. E siç ka shkruar “Jutarnji” kjo s’është hera e parë që ai ka bartur këtë numër. Këtë numër ai ia dedikon Zvonko Bushiqit, të cilit ia ka kushtuar edhe këngën “Duh ratnika”. Bushiq ishte një prej njerëzve që kishin marrë peng aeroplanin me 76 pasagjerë në fluturimin New York – Chicago më 1976. Qëllimi i marrjes peng ishte për ta shpjeguar rastin e Kroacisë në Jugosllavinë e atëhershme dhe duke bërë thirrje për pavarësi duke luftuar hegjemoninë serbe. Më 1977, ai u dënua me burgim të përjetshëm. U fal pasi kaloi 32 vjet në burg. Si i burgosur, ka pasur numrin “03941158”.

Policia ka bërë të ditur se mbi 450 mijë bileta janë shitur për koncertin. I gjithë qyteti ka qenë i bllokuar, ndërsa mbi 6200 policë janë aktivizuar në çështjen e sigurisë.

Thompson, të cilit i janë ndaluar koncerte në disa shtete të Evropës, përfshirë Holandë, Zvicër e Bosnje, akuzohet se ka qëndrime mbështetëse për qeverinë ustashe të Luftës së Dytë Botërore në Kroaci, të mbështetur nga nazistët.

Këngëtari, që nofkën e ka marrë nga arma amerikane Thompson të cilën e ka përdorur në luftë gjatë të ’90-ave, ka refuzuar deklarimet se këngët e tij mbështesin nazizmin.

Ustashët akuzohen për vrasje të hebrenjve, serbëve e romëve në periudhën 1941-1945.

Thompson më herët ka thënë se këngët e tij përfaqësojnë dashurinë nga Zoti, familja, vendlindja dhe njerëzit.

Në rrugët e Zagrebit fansat drejt koncertit kanë shkuar me flamuj kroatë.

Koncerti është aq i madh sa që edhe autoritetet e Kosovës kanë bërë thirrje që shtetasit kosovarë të shmangin disa autostrada drejt Zagrebit dhe kanë bërë thirrje që diaspora të shmangë udhëtimet në këtë kohë drejt Zagrebit.

E dhimbshme në Istog: Mbytet një fëmijë në një pishinë

Një fëmijë është mbytur gjatë mbrëmjes së sotme në një pishinë familjare në fshatin Zallç të Istogut, shkruan Gazeta Sinjali.

Rastin për Sinjalin e ka konfirmuar zëdhënësi i Policisë në rajonin e Pejës, Fadil Gashi.

“Një fëmijë e gjinisë femërore është mbytur në një pishinë familjare në fshatin Zallq. Është dërguar urgjentisht në Qendrën e Mjekësisë Familjare. Sipas mjekëve, viktima ka arritur pa shenja jete”, u deklarua Gashi.

Lushaku: “Ishim të shqetësuar për alarmin e bombës, Vetëvendosja të respektojë agjendën”

Deputetja e Lidhjes Demokratike të Kosovës, Jehona Lushaku-Sadriu, ka shprehur shqetësimin e saj lidhur me alarmin për bombë në ndërtesën e Kuvendit, shkruan Gazeta Sinjali.

Ajo tha se si qytetarë dhe si përfaqësuese të institucioneve ishin të alarmuar nga ky incident dhe kërkoi që situata të sqarohet plotësisht për të mos përsëritur më.

Gjithashtu, Lushaku-Sadriu u bëri thirrje deputetëve të Vetëvendosjes që të respektojnë agjendën e miratuar nga kryesia e Kuvendit dhe të lejojnë vijimin normal të punës në institucion.

“Ishim të shqetësuar sikur të gjithë qytetarët kur dëgjuan se në institucionin legjislativ ka alarm bombe, kjo të jetë sqaruar si çështje dhe të mos ndodhë më, por për procedurat tjera shohim se çfarë do të ndodhë”, tha deputetja.

Berisha i bie pishman: Unë do ta votoj bash kë ta qesin

Deputeti i betuar i AAK-së, Bekë Berisha para seancës së radhës për konstituimin e Kuvendit u shpreh se po duket që duan të bëjnë një mocion për për çështjen e ndërrimit të votimit dhe sipas tij, për votimin e hapur, ai do të reflektojë i pari.

Deputeti Berisha në lidhje me këtë u shpreh se do ta votojë këto që e propozojnë.

“Kjo situatë është bërë e tepërt edhe ne duhet të reflektojmë të gjithë, po duket që duan ta bëjnë një mocion për çështjen e ndërrimit të votimit edhe kur të dalin në atë pjesën e votimit të hapur, besoj që do të reflektojë unë së pari, sepse nuk dua në kurriz të Kosovës të mbajë hidhërim me askënd”.

“As nuk ma determinon mendimin politik as opozita, se unë nuk jam opozitë së pari, se këtu nuk dihet kush do ta bëjë qeverinë, mirëpo do të shohim momentin e parë për ta gjetur formën si të dalim nga kjo situatë”.

“Nëse ka sot prezencë të deputetëve që mund të rrëzohet ai opsion, është rrugëdalje dhe është reflektim, por që jo atëhere seancën e ardhshme besoj do ta rrëzojmë, sepse ka njerëz që duan ta rrëzojnë, kur të dalim në të hapur pastaj duhet ta kryejmë këtë punë. O more po vallahi bash kë ta qesin”, u shpreh tutje Berisha.

Ronela Hajati ndez rrjetin me një postim misterioz: Kush është mashkulli në krah të saj?

Këngëtarja e njohur Ronela Hajati ka befasuar ndjekësit e saj me një postim të papritur në rrjetet sociale, duke nxitur menjëherë spekulime për një romancë të re në jetën e saj

Në një foto që tashmë po bën xhiron e rrjetit, Ronela shfaqet në plazh, e buzëqeshur pranë një mashkulli misterioz. Edhe pse fytyra e tij nuk duket, pasi në imazh dallohet vetëm pjesa e pasme e kokës dhe flokët, gjuha e trupit dhe afërsia mes tyre kanë ngjallur dyshime se bëhet fjalë për partnerin e saj të ri.

Këngëtarja nuk e ka etiketuar personin në fjalë, as ka shoqëruar postimin me ndonjë mbishkrim sqarues, por kjo nuk i ka ndalur komentet nga ndjekësit e shumtë që kanë “zbuluar” menjëherë një lidhje të mundshme.

Ronela është treguar gjithmonë diskrete për jetën e saj private, duke mbajtur larg vëmendjes publike marrëdhëniet sentimentale. Megjithatë, kjo foto e fundit duket se ka hapur një kapitull të ri për të, ose së paku, një faqe të re në kureshtjen e ndjekësve.

Ja cila është arsyeja pse Cristiano Ronaldo nuk mori pjesë në funeralin e Diogo Jotës

Kapiteni i Portugalisë, Cristiano Ronaldo, nuk mori pjesë në funeralin e shokut të tij të kombëtares, Diogo Jota, dhe të vëllait të tij Andre Silva, që ndërruan jetë në një aksident tragjik me makinë në Spanjë, shkruan Gazeta Sinjali.

Funerali u zhvillua në qytetin e vogël Gondomar pranë Portos, ku shumë futbollistë nga Portugalia dhe klubet e Jotës ishin të pranishëm për të nderuar memorien e tyre.

Sipas mediumit britanik The Mirror, arsyeja e mungesës së Ronaldos ishte dëshira e tij që prania e tij të mos krijonte trazira ose shqetësime në komunitetin e vogël, duke respektuar kështu familjen dhe qytetarët e zonës.

Ky vendim i kapitenit portugez tronditi dhe habiti botën e futbollit, duke treguar një dimension të tij më të ndjeshëm dhe respektues ndaj situatave të vështira personale të miqve të tij.

Ish-Presidentja e Kosovës, Atifete Jahjaga shkëlqen në një dasëm – merr vëmendjen e ndjekësve

Ish-Presidentja e Kosovës, Atifete Jahjaga, ka tërhequr vëmendjen e mediave dhe ndjekësve me një paraqitje elegante në një event të fundit publik.

E njohur për stilin e saj të përmbajtur dhe klasin që e karakterizon, Jahjaga këtë herë është shfaqur me një fustan të gjatë ngjyrë të verdhë, i cili reflektonte freski, finesë dhe vetëbesim.

Fustani me prerje të hapur dhe rrudha të lehta theksonte në mënyrë të hijshme siluetën e saj, ndërsa ngjyra e verdhë i jepte pamjes një ndjesi pozitive dhe rrezatuese.

Aksesorët ishin zgjedhur me kujdes – një çantë dore e artë me shkëlqim dhe bizhuteri diskrete – duke krijuar një kombinim të balancuar mes thjeshtësisë dhe elegancës.

Me flokë të drejta të lëshuara natyrshëm dhe një make-up të lehtë e të sofistikuar, Jahjaga ka dëshmuar edhe një herë se klasi nuk njeh kohë.

Kuvendi në shënjestër – VV paralajmëron për kërcënime serioze nga Serbia

Deputetja e Vetëvendosjes, Shqipe Selimi, ka thënë se rasti i kërcënimit me bombë sot në Kuvendin e Kosovës s’duhet të shihet si i izoluar.

Për këtë kërëcënim, Selimi aludoi te “mbetjet e strukturave ilegale” që, sipas saj, s’e duan stabilitetin institucional dhe te një strategji “më e gjerë” e Serbisë kundër Kosovës.

“Kërcënimi i fundit me bombë në Kuvendin e Republikës së Kosovës nuk duhet të shihet si një rast i izoluar. Ky kërcënim vie në një kohë të acaruar e të tensionuar gjithandej. Institucionet tona janë në shënjestër jo vetëm nga individ apo mbetje të strukturave ilegale brenda vendit që nuk e duan stabilitetin institucional, por edhe nga një strategji më e gjerë e Serbisë për të mbajtur Kosovën në krizë të vazhdueshme. Serbia vazhdimisht ushtron presion politik, diplomatik dhe psikologjik mbi Kosovën, përfshirë përpjekjet për destabilizim përmes propagandës dhe kërcënimeve hibride”, ka shkruar ajo.

Kurti: Kosova dëshmi se zhvillimi ekonomik e progresi demokratik ecin bashkë

Kryeministri në detyrë i Kosovës, Albin Kurti, priti një grup studentësh nga Universiteti francez Sciences Po, Universiteti i Humboldt, Universiteti i Shkupit dhe Universiteti i Ri i Bullgarisë. Ai theksoi se Kosova është një dëshmi ku zhvillimi ekonomik dhe progresi demokratik mund të ecin paralelisht.

Në një komunikatë për medie, Kurti tha se Kosova është dëshmia që tregon se zhvillimi ekonomik dhe progresi demokratik mund të shkojnë dorë për dore. Ai theksoi se Kosova ka arritur një rritje ekonomike mesatare prej 6% në katër vitet e fundit, ndërkohë që ka bërë përparime të konsiderueshme në indekset ndërkombëtare për demokracinë, sundimin e ligjit dhe të drejtat e njeriut.

“Përveç rritjes ekonomike, qeveria jonë ka punuar në mënyrë aktive për ta shpërndarë këtë rritje drejt qytetarëve, përmes subvencioneve për fermerë, arsimit publik falas, shtesave për fëmijë dhe nënat e reja, si dhe rritjes së pagës minimale dhe pagave në sektorin publik dhe privat”, u shpreh kryeministri.

Kurti gjithashtu theksoi se punësimi, veçanërisht për të rinjtë dhe gratë, është rritur, duke kontribuar në uljen e papunësisë nga mbi 25% në nën 11%. Ai theksoi gjithashtu mbështetjen ndaj bizneseve, të cilat kanë rritur qarkullimin e tyre dhe kanë kontribuar në lidhjen e ekonomisë me tregun e punës përmes arsimit dual.

Gjithashtu, kryeministri theksoi investimet në fusha kyçe dhe strategjike, duke përfshirë sigurinë dhe mbrojtjen, si dhe orientimin dhe aspiratat për anëtarësim në NATO dhe Bashkimin Evropian.

Gjatë takimit me studentët, Kurti iu përgjigj pyetjeve të tyre që përfshinin marrëdhëniet me Serbinë, masat për sigurinë dhe mbrojtjen, kërcënimet hibride dhe rritjen e fashizmit në Evropë, si dhe sfidat për t’u përballuar me këto kërcënime. Biseda gjithashtu përfshiu autorët e filozofisë politike dhe sociologjisë.