Festë e lot, detajet që s’u panë nga kanagjeqi i Engjit (VIDEO)

Në mesin e muzikës, ngjyrave tradicionale dhe emocioneve që nuk fshihen dot as pas grimit më të sofistikuar, Engjëllusha Salihu, vajza e këngëtares së njohur Shyhrete Behluli, përjetoi një nga netët më të veçanta të jetës së saj – kanagjeqin.a.

“Natën e çikave”, një traditë që bart më shumë se këngë e valle, por edhe amanete e mall, Engjëllusha e përjetoi mes të afërmve, miqve dhe shumë fytyrave publike që u bënë pjesë e këtij kapitulli të ri në jetën e saj. Këngët e nënës së saj dhe përqafimet e grave të familjes i dhanë kësaj nate një tjetër dimension, një përzierje mes dhimbjes së largimit dhe gëzimit për fillime të reja.

Fjalë zemre nga Shyhrete Behluli në ditën e veçantë të vajzës

Sot është martuar Engjëllusha Salihu, vajza e Shyhrete Behlulit.

Dasma e saj mori vëmendje pasi shumë vetura luksoze u nisën nga Opoja për ta marrë në Prishtinë.

Para pak minutash erdhi edhe urimi i Shyhretës për martesën e vajzës së saj.

Ajo ndau një fotografi krah artistes dhe burrit të saj, duke shkruar: “Engji urime martesa, paç jete te lumtur ashtu qysh kem qef na”.

Engjëllusha dhe Mërgimi ndezin atmosferën duke vallëzuar nën ritmin e tupanave (Video)

Engjëllusha Salihu dhe Mërgimi janë cifti më i ri në show biz.

Sonte është duke u mbajtur dasma e tyre, ku po përcillet me kureshtje të madhe nga publiku.

Janë publikuar disa pjesë nga dasma që pombahet ndër to edhe video ku shihet cifti duke vallëzuar me tupana.

Ata duket se po bëjnë atmosferë mahnitëse në dasmën madhështore.

Shiko videon:

 

SKINGLOW

Në 6 ditë i fshiva të gjitha rrudhat falë këtij ilaçi shtëpiak!

MËSO MË SHUMË

Dridhet Bundestagu, deputeti gjerman: Serbia kreu gjenocid në Kosovë

Parlamenti gjerman mbajti një seancë speciale për të shënuar 30-vjetorin e Masakrës së Srebrenicës, ku në korrik të vitit 1995, forcat serbe vranë mbi 8,000 burra dhe djem boshnjakë. Në sallë ishin të pranishëm dy të mbijetuar, ambasadorët e Bosnjës dhe Kosovës në Berlin.

Deputeti gjerman Michael Brand (CDU) tha se është e gabuar të thuhet që lufta e parë në Evropë pas Luftës së Dytë Botërore ishte ajo në Ukrainë, duke theksuar se Serbia, e mbështetur nga Rusia, kishte nisur luftëra që në vitin 1991 kundër Sllovenisë, Kroacisë, Bosnjës dhe më pas Kosovës.
“Evropa nuk kishte qëndrim të qartë për këto luftëra. Kishte vetëm fjalë, në vend që të veprohej,” theksoi ai.

Brand përmendi edhe një deklaratë të hershme të Aleksandar Vuçiqit:
“Nëse ju e vrisni një serb, atëherë ne vrasim 100 myslimanë,” duke e cilësuar si simbol të vazhdimësisë së dhunës, propagandës dhe lidhjeve të tij me Putinin

 

 

Deputetët kritikuan ashpër rolin e bashkësisë ndërkombëtare dhe qëndrimin e dobët të Evropës ndaj aleancës serbo-ruso-kineze.

Një fjalim prekës mbajti edhe deputetja Jasmina Hostert, e lindur në Sarajevë, e cila humbi dorën në luftë. Ndërkohë, tensione u shkaktuan kur një deputet i ekstremit të djathtë relativizoi gjenocidin në Srebrenicë.

Më 23 maj 2024, OKB shpalli 11 korrikun si Ditën Ndërkombëtare të Reflektimit dhe Përkujtimit të viktimave të gjenocidit në Srebrenicë, me Gjermaninë si nismëtare të Rezolutës.

Rrahje me grushte, karrige e thikë në një restorant– Policia jep detaje për konfliktin në të cilin njëri nxori edhe armën

Një përleshje e dhunshme ka ndodhur sot në një restorant në rrugën “Wesley Clark” në Ferizaj, ku katër persona janë arrestuar për përfshirje në një incident me lëndime të lehta trupore dhe kanosje me armë.

Ngjarja është raportuar në stacionin policor të Ferizajt rreth orës 03:40 të datës 12 korrik. Sipas Policisë së Kosovës, menjëherë pas marrjes së informacionit, njësitet patrulluese kanë ndërhyrë në vendin e ngjarjes dhe kanë shoqëruar të dyshuarit në stacion për intervistim.

Sipas hetimeve të para, rasti nisi pas një mosmarrëveshjeje verbale mes katër personave, që më pas u përshkallëzua në përleshje fizike ku janë përdorur grushta dhe karrige. Gjatë incidentit, njëri nga të dyshuarit ka nxjerrë një armë zjarri nga brezi, ndërsa një tjetër ka përdorur një thikë.

 

 

Policia ka sekuestruar në vendngjarje një armë zjarri me 14 fishekë si dhe një thikë të përdorur në konflikt.

Të dyshuarit janë intervistuar në prani të avokatëve të tyre, ndërsa me vendim të prokurorit të rastit janë ndaluar për 48 orë.

“Babai m’ka mbyllë në shpajz, më ka rrahur me kabllo”, “Tezja jem u kanë gruaja e parë e babës së Liridonës” – Instituti i Forenzikës nxjerr raportin për gjendjen psikologjike

Me urdhër të Gjykatës, Instituti i Forenzikës Psikiatrike ka kryer një ekzaminim të detajuar psikiatrik ndaj të pandehurit Naim Murseli. Në vijim mund të gjeni se çfarë ka deklaruar ai dhe çfarë konstatuan ekspertet ne lidhje me gjendjen e tij psikike.

Sipas raportit të siguruar nga Insajderi, vetë Murseli ka deklaruar se ka pasur një fëmijëri të vështirë, duke pretenduar se ka qenë viktimë e dhunës fizike nga babai i tij. Ai ka thënë se është mbyllur disa herë në shpajz dhe se babai e ka rrahur me kabëll elektrik. Si djali i parë në familje, sipas pretendimeve të tij, ai nuk ka pasur trajtim të veçantë, përkundrazi është ndjerë i privuar. Ai ka përmendur gjithashtu se motra e madhe ishte larguar nga shtëpia në moshën 15-vjeçare dhe kishte qëndruar në një strehimore sociale, për t’u martuar më vonë me një shtetas suedez.

Gjithashtu, ai ka pohuar se gjatë fëmijërisë ka pasur një operim në zemër.

Në lidhje me ish-bashkëshorten e tij, Liridonën, Murseli ka deklaruar se e kishte takuar rreth moshës 19-vjeçare në një dasmë familjare. Ai pretendon se kishte pasur presion nga familja për t’u martuar me një shqiptare, por lidhja me Liridonën ishte kundërshtuar pasi, sipas tij, tezja e Naimit kishte qenë gruaja e parë e babait të Liridonës.

Murseli ka thënë se fejesa e tyre ndodhi në vitin 2010 përmes ndërmjetësimit të dajës së tij dhe zgjati deri në korrik të vitit 2011. Ai ka pretenduar se marrëdhëniet me Liridonën kanë qenë të mira dhe se, gjatë katër viteve të bashkëjetesës në Suedi me familjen e tij. Po ashtu ai ka deklaruar se kishte ndihmuar në rritjen e fëmijëve.

I akuzuari për organizimin e vrasjes së bashkëshortës ka deklaruar se në vitin 2021 ka hapur një kompani pastrimi për të inkuadruar ish-bashkëshorten, pra Liridonën në punë. Po atë vit, sipas tij, hapi edhe një kafiteri me një mik, të cilit më vonë ia ka shitur aksionet për shumën prej 100 mijë eurosh.

Sipas raportit të ekspertizës, psikiatrit kanë konstatuar se Naim Murseli nuk vuan nga asnjë çrregullim mendor, i përhershëm apo i përkohshëm. Ai nuk ka shfaqur as shenja të prapambetjes mendore, as abuzim me substanca psikoaktive apo alkool. Gjithashtu, në kohën e kryerjes së veprës penale për të cilën akuzohet, nuk janë identifikuar shenja të ndonjë gjendjeje patologjike që do të ndikonte në aftësinë e tij për të kuptuar apo kontrolluar veprimet.

Ekspertiza përfundon se Murseli është plotësisht i përgjegjshëm për veprimet e tij dhe në gjendje të përballet me procesin gjyqësor. Ai e kupton natyrën e akuzës dhe është i aftë të mbrohet vetë ose përmes avokatëve të tij.

Murseli para katër javësh ishte dërguar në Institutin e Psikiatrisë Forenzike për ekzaminim psikiatrik.

Kërkesën për ekzaminim psikiatrik, mbrojtja e Murselit e kishte justifikuar duke thënë se klienti ka shpërfaqur gjendje psikiatrike të paqëndrueshme.

Në seancën e shqyrtimit fillestar, por edhe në seancën e parë të shqyrtimit gjyqësor, Murseli është deklaruar i pafajshëm për vrasjen e ish-bashkëshortes së tij.

Sipas aktakuzës, Murseli dyshohet se e ka organizuar vrasjen e Liridonës për motive hakmarrjeje dhe për të përfituar financiarisht nga një sigurim jetësor në Suedi, në vlerë rreth 260 mijë euro. Sipas prokurorisë, vrasjen ai e ka planifikuar së bashku me Kushtrim Kokallën dhe Granit Plavën, të cilëve ua ka premtuar një shumë prej 30 mijë eurosh për kryerjen e krimit.

Liridona Ademaj është vrarë në mbrëmjen e 29 nëntorit të 2023-tës, në rrugën “Dalip Alshiqi” në Prishtinë. Fillimisht ishte raportuar se bëhet fjalë për një grabitje, e më pas  Prokuroria bëri të ditur se është inskenim i një grabitjeje.

Dalin fotot-Ja kush po e shoqëron Adriana Matoshin në pushime, kështu nuk i keni parë kurrë më parë

Aktorja dhe deputetja nga radhët e Lëvizjes Vetëvendosje, Adriana Matoshi, ka nisur pushimet verore – dhe këtë e ka konfirmuar përmes një fotografie të publikuar nga mikja e saj, aktorja Arjola Demiri.

Në imazhin e ndarë nga Demiri, dyshja duken të relaksuara teksa shijojnë një mëngjes të pasur me pamje spektakolare mbi det.

Maqedonia e Veriut mbyll kufijtë, asnjë automjet nuk lejohet të hyjë në territor- Ja çfarë po ndodh

Një problem teknik ka goditur sot sistemin elektronik të Policisë së Maqedonisë së Veriut, duke ndikuar në funksionimin e kufijve në gjithë territorin e vendit.

Lajmi u bë i ditur nga Qendra Kombëtare për Menaxhim Kufitar, e cila konfirmoi se sistemi ka rënë në të gjitha pikat kufitare. Si pasojë, autoritetet maqedonase janë detyruar të pezullojnë përkohësisht hyrjen e automjeteve në shtet.

“Nga momenti i ndërprerjes së sistemit, kontrolli po bëhet në mënyrë manuale, ndërsa është rikthyer edhe kontrolli i dyfishtë,” thuhet në njoftim.

Raportohet për kolona të gjata automjetesh në disa pika kufitare të Maqedonisë së Veriut, ndërkohë që autoritetet po punojnë për rikthimin e sistemit në funksion. Qendra ka premtuar se do të informojë në kohë reale për çdo ndryshim në situatë.

Isa Mustafa: Për katër vite Osmani e Kurti flasin vetëm për luftë – Presidentja duhet t’u tregojë qytetarëve se çfarë konflikti u parandalua

Ish-kryeministri i Kosovës, Isa Mustafa ka kritikuar presidenten Vjosa Osmani dhe kryeministrin në detyrë Albin Kurti se gjatë katër viteve të fundit nuk kanë folur për problemet reale të vendit, por vetëm për konfliktin me Serbinë.

Në një prononcim për GazetaBlic, Mustafa tha se diskursi publik i Osmanit dhe Kurtit është i fokusuar mbi luftën dhe tensionet, dhe jo mbi zhvillimin ekonomik, arsimin, shëndetësinë apo mirëqenien e qytetarëve.

Ai paralajmëroi gjithashtu se veprimet e qeverisë që bëhen pa koordinim me NATO-n dhe faktorët ndërkombëtarë mund të sjellin pasoja serioze dhe konflikte të reja në rajon.

“Osmani dhe Kurti mbi katër vite çdo javë kanë folur për luftë me Serbinë. Ky ka qenë diskursi i saj dhe i Kurtit. Nuk ka qenë ekonomia, mirëqenia, zhvillimi i qëndrueshëm, arsimi i mirë, shëndetësia. Veprimet kokë në vete, të pakoordinuara me NATO-n dhe me me faktorët relevand ndërkombëtarë sugurisht se mund të qojnë dhe të sjellin konflikte. Ndryshe, ku qëndron arsyeja e prezencës ndërkombëtare ushtarake në Kosovë”, tha ai.

Ndër të tjera Mustafa, kërkoi transparencë nga presidentja Osmani në lidhje me kërcënimet e supozuara dhe rolin e saj në parandalimin e tyre.

“Në cilësinë e presidentes, Vjosa duhet tu trgojë qytetarëve se çfarë konflikti u parandalua kohëve të fundit. Ne s’mund ta pyesim Presidentin Trump, por po presidenten e Kosovës dhe çfarë do të ndërmerr ajo që të parandalohen rreziqet në të ardhmen”, përfundoi ai.

Vuçiq i përgjigjet Osmanit pasi tha se Beogradi ka kërcënuar me përshkallëzim konflikti

Presidenti i Serbisë, Aleksandar Vuçiq, i ka hedhur poshtë deklaratat e presidentes së Kosovës, Vjosa Osmani që Beogradi zyrtar ka kërcënuar me përshkallëzim konflikti me Prishtinën.

“Nuk e kemi angazhuar asnjë ushtar, nuk e kemi nisur asnjë makineri, as nuk na shkon mendja, ne duam të punojmë, të ndërtojmë”, ka thënë Vuçiq më 12 korrik.

Dy ditë më parë, më 10 korrik, presidentja e Kosovës, Vjosa Osmani ka thënë se ka “informacion të besueshëm” se presidenti amerikan, Donald Trump e ka “parandaluar së fundmi” një përshkallëzim të mundshëm të situatës së sigurisë të drejtuar nga Serbia në Kosovë.

“Sa i përket Vjosa Osmanit, që kinse jemi duke u përgatitur për konflikte, këtë mëngjes e kam pasur një takim me përfaqësuesit më të lartë të Departamentit amerikan të Shtetit që janë duke e vizituar Serbinë… a mendoni që mund të bëhet diçka pa e ditur amerikanët dhe kinezët se çfarë po ndodh?”, ka pyetur Vuçiq.

Ai ka përmendur më herët gjatë ditës se në takim me përfaqësuesin e lartë të Departamentit amerikan të Shtetit, Brendan Hanrahan kanë diskutuar për çështje globale, marrëdhënie bilaterale dhe sigurinë e Ballkanin Perëndimor.

“E theksova që Serbia mbetet e vendosur për ruajtje të paqes dhe stabilitetit, dhe që dialogun e shohim mënyrën e vetme për zgjidhje të çështjeve të hapura dhe për respektim të ligjit ndërkombëtar”, ka thënë Vuçiq përmes një postimi në Facebook, duke përmendur se me diplomatin amerikan ka diskutuar edhe për situatën në Ballkan.

Në postimet e tij në rrjetet sociale, Vuçiq nuk ka ofruar hollësi nëse ka diskutuar me zyrtarin amerikan për deklaratat e fundit të presidentes Osmani apo ato të presidentit Trump.

Qeveria në detyrë e Kosovës dhe as Ministria në detyrë për Punë të Brendshme nuk u janë përgjigjur kërkesave të Radios Evropa e Lirë për të treguar më në hollësi për rrezikun e sigurisë nga Serbia dhe se për çfarë përshkallëzimi të situatës bëhet fjalë.

Beogradi zyrtar ka thënë se deklaratat e Osmanit janë “të rreme”.

Pretendimet e fundit të presidentit amerikan, Donald Trump, se ka parandaluar një konflikt mes Kosovës dhe Serbisë, kanë tërhequr vëmendje, por edhe kanë krijuar konfuzion, pasi në opinionin publik mungojnë detaje – të tilla si periudha kohore në të cilën ka mundur të ndodhte një përshkallëzim i tillë.

Çfarë tha Trump?

Presidenti Trump, shkroi në rrjetin Social Truth më 15 qershor se gjatë mandatit të tij të parë presidencial, Kosova dhe Serbia po “shkonin drejt një konflikti serioz” dhe se lufta ishte në prag të shpërthimit, por se ai e ndaloi atë.

Ai e akuzoi pasardhësin e tij të atëhershëm, ish-presidentin Joe Biden, se “ka dëmtuar perspektivën afatgjate me disa vendime shumë të pakuptimta”, por se ai “do ta rregullojë sërish”.

“Gjatë mandatit tim të parë, Serbia dhe Kosova po luftonin ashpër, siç kishin bërë për dekada të tëra, dhe ky konflikt i gjatë kërcënonte të përshkallëzohej në luftë. Unë e ndalova atë”, shkroi Trump.

Pastaj, në një konferencë për mediat në Shtëpinë e Bardhë më 29 qershor, ai tha se, në muajt e fundit, SHBA-ja ka ndaluar ose parandaluar konflikte midis disa palëve, përfshirë Serbinë dhe Kosovën.

“Serbia, e dini, po përgatitej për luftë, me një grup që as nuk do ta përmend, sepse nuk ndodhi. Ne arritëm ta parandalonim, por kam një mik në Serbi që tha se do të shkojë përsëri në luftë. Nuk do të them se është Kosova, por është Kosova. Ata po përgatiteshin për një luftë serioze, ne e parandaluam. E parandaluam për tregti. Ata donin të tregtonin me Shtetet e Bashkuara. Unë thashë: ne nuk tregtojmë me ata që luftojnë”, tha Trump.

Pastaj, më 9 korrik, ai përsëriti se e kishte ndaluar luftën në rajon, duke kërcënuar se do ta pezullonte tregtinë.

“Kam arritur të zgjidh shumë situata, si ajo me Indinë dhe Pakistanin, Kosovën dhe Serbinë. Thashë: a do të luftoni? Ne nuk do të bëjmë tregti. Dhe, duket se kjo ka qenë mjaft e suksesshme”, tha Trump.

Këto deklarata vijnë në një kohë kur tensionet mes Kosovës dhe Serbisë mbeten të larta, sidomos në veri të Kosovës, ku shumica e popullsisë është serbe.

Përshkallëzimi i situatës në veri të Kosovës kulmoi në shtator të vitit 2023 kur një grup i armatosur serbësh, i udhëhequr nga Millan Radoiçiq – ish-nënkryetar i Listës Serbe – sulmoi Policinë e Kosovës në fshatin Banjskë dhe vrau një rreshter policie.

Kosova e përshkroi sulmin si terrorist dhe e akuzoi Serbinë se qëndron pas tij – gjë të cilën Beogradi zyrtar e mohoi.

Osmani e përmendi këtë sulm në Uashington, duke thënë se ngjarjet e tilla konfirmojnë se ekziston një rrezik real për incidente të ngjashme në të ardhmen, prandaj, tha ajo, është e rëndësishme që të ketë jo vetëm frenim ushtarak, por edhe politik të Serbisë nga planet e tilla./REL/