Flet familjari i mërgimtarit që vdiq pasi kërceu në Ujman: Shumë ka pas qejf me ardhë në Kosovë

I është dhënë sot lamtumira e fundit 35-vjeçarit, Rrahim Latifi, i cili vdiq tragjikisht të dielën pasi u hodh nga ura e Liqenit të Ujmanit, e që u gjet dje pas kërkimeve të vazhdueshme të organeve të rendit.

Për tashmë të ndjerin ka folur eksluzivisht për GazetënDemos djali i axhës, Rrahman Latifi, i cili tha se lajmin e kishin marr vesh nga portalet teksa ndodheshin në fshat.

“Lajmin e kemi marr vesh përmes portaleve. Kemi qenë në fshat kur na ka ardhë lajmi që një person me emrin Rrahim Latifi është zhdukur në Liqenin e Ujmanit, më shumë ne nuk kemi pas informatë. Rrahimi atë ditë ka qenë me disa dajë të tij”, tha ai.

Ky i fundit tregoi edhe për lidhjen e ngushtë që e kishin me të ndjerin, teksa tregoi se për herë të fundit e kishte takuar të premtën.

Rrahman Latifi tha se Rrahimi kishte synime për të ardhmen, teksa e përshkruajti si një njeri pozotiv e shumë punëtor.

“Rrahimi ka qenë gjithmonë i buzëqeshur. Gjithë kohën ka qenë njeri pozitiv, ka mendu veç për të ardhmën. Ka punuar edhe jashtë normales, ka pas qejf shumë veç me ec përpara.

“S’ka qenë i martuar. Unë me të herën e fundit jam takuar të premtën. Shumë ka pas qejf me ardhë [në Kosovë]”, tha ai për Gazetën Demos.

E dhimbshme: Ky është 40-vjeçari që vdiq në vendin e punës, ra nga kulmi i ndërtesës

Një ngjarje tragjike ka ndodhur sot në mesditë në qytetin e Prizrenit, ku një 40-vjeçar ka humbur jetën pasi ka rënë nga kulmi i një ndërtese gjatë punës.

Gazeta Sinjali ka mësuar identitetin e personit që humbi jetën tragjikisht sot në Prizren, pasi ra nga kulmi i një ndërtese ku ishte duke punuar në kushte të pasigurta.

Burimet e Sinjalit bëjnë me dije se viktima është Nexhat Xhulani, 40-vjeçar i cili po punonte në montimin e kulmit të një ndërtese në rrugën “Besim Shala”, kur ka humbur ekuilibrin dhe ka rënë nga lartësia.

Ai është dërguar me urgjencë në Spitalin e Prizrenit, por fatkeqësisht ka ndërruar jetë pak pas mbërritjes, si pasojë e lëndimeve të rënda trupore.

Sinjali mëson se Xhulani nuk kishte kontratë pune dhe po punonte në mënyrë private, pa ndonjë mbikëqyrje zyrtare dhe pa pajisje mbrojtëse, çka e bën edhe më të rëndë situatën.

Me rastin janë marrë njësitet përkatëse të Policisë, hetuesit dhe krimteknikët, ndërsa Prokurori i Shtetit ka urdhëruar inicimin e rastit si “Hetim i vdekjes”. Trupi i pajetë është dërguar në Institutin e Mjekësisë Ligjore në Prishtinë për obduksion.

Theret me thikë një person në Prishtinë

Një person dyshohet të jetë therur me thikë në rrugën “Xhorxh Bush” në Prishtinë.

Lajmin ka konfirmuar zëdhënësi i policisë për rajonin e Prishtinës, Enis Pllana, i cili tha se ngjarja ka ndodhur rreth orës 20:30.

“Viktima dyshohet të jetë lënduar nga një mjet i mprehtë dhe i njëjti është dërguar për trajtimin e nevojshëm mjekësor”, tha Pllana

Tutje, ai u shpreh se po vijon puna hetimore për sqarimin e plotë të rrethanave që e karakterizojnë ngjarjen.

E dhimbshme: Humb jetën një 40-vjeçar, ra nga kulmi i një ndërtese ku po punonte

Një person i moshës 40 vjeçare nga Drenasi ka humbur jetë deri sa ka qenë duke punuar në qytetin e Prizrenit.

Ai ka rënë nga kulmi i një ndërtese ku po punonte.

Lajmi ka konfirmuar zëdhënësi i Policisë së Kosovës për Rajonin e Prizrenit, Shaqir Bytyqi, i cili bëri të ditur se lidhur me rastin, janë njoftuar hetuesit kujdestarë dhe prokurori i shtetit, i cili ka udhëzuar që të iniciohet procedura penale për veprën: “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

”Me datë 30.07.2025, rreth orës 12:45, në qytetin e Prizrenit, është raportuar një incident në vendin e punës ku viktima N.XH., mashkull rreth 40 vjeç, nga Drenasi, gjatë kryerjes së punimeve në një kulm, ka rënë nga lartësia dhe ka pësuar lëndime të rënda trupore. I njëjti është dërguar me urgjencë në Spitalin Rajonal të Prizrenit, ku më vonë, sipas informatave zyrtare nga emergjenca, është konfirmuar se ka ndërruar jetë si pasojë e lëndimeve të marra” ka thënë Bytyi.

”Lidhur me rastin, janë njoftuar hetuesit kujdestarë dhe prokurori i shtetit, i cili ka udhëzuar që të iniciohet procedura penale për veprën: “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”, thuhet tutje në konfirmim.

Lladrovci: Thaçi më telefonoi dy herë nga Haga, më tha “kam qef me iu pa bashkë me Sami Lushtakun”

Kryetari i Drenasit, Ramiz Lladrovci, një intervistë në RTK ka folur për zhvillimet në PDK ndër vite dhe për historikun e raportit të tij me Sami Lushtun. Lladrovci ka thënë se Hashim Thaçi e kishte telefonuar dy herë nga Haga, pas zgjedhjeve të 2021’ës.

Lladrovci tha se Thaçi e kishte lutur që t’i përmirësojë raportet me Sami Lushtakun.

“Dy herë Hashim Thaçi më ka thirrë në telefon nga Haga pas zgjedhjeve të 2021-ës me pat lutë duke më thanë kom qejf me iu pa bashkë me Sami Lushtakun” , tha Lladrovci.

Ai shtoi se pas asaj bisede i ka shkuar në zyre Lushtakut, dhe kanë biseduar dhe janë pajtuar, por që të njëjtit prapë i kanë prishur marrëdhëniet meqë sipas Lladrovcit, Lushtaku kishte nisur sulmet përsëri.

E rëndë: Ky është 28-vjeçari që u dërgua pa shenja jete në QKMF në Malishevë

Sot, rreth orës 09:15, Policia është njoftuar se në Qendrën Kryesore të Mjekësisë Familjare (QKMF) në Malishevë, një person është dërguar nga familjarët pa shenja jete.

Njësitë relevante të Policisë kanë dalë menjëherë në vendin e ngjarjes dhe kanë nisur veprimet hetimore me qëllim të sqarimit të plotë të rrethanave të këtij rasti.

Në konsultim me prokurorin e shtetit, është iniciuar rasti “Hetim i vdekjes”, ndërsa trupi i pajetë i viktimës është dërguar për ekzaminim mjeko-ligjor.

Mësohet se i ndjeri është Arlind Krasniqi, 28-vjeçar.

Sot varroset 33-vjeçari që vdiq pasi u hodh nga Ura e Ujmanit

Rrahim Latifi është 33-vjeçari i cili vdiq pasi u hodh nga Ura në Liqenin e Ujmanit, shkruan GazetaDemos.

Rasti ndodhi më 27.07.2025, ndërsa trupi i të ndjerit u gjet më 29.07.2025 nga ushtria e Kosovës.

Ndërkaq, sot do t’i jepet lamtumira e fundit në Shipol të Mitrovicës.

Roja alarmon: Serbët hedhin tela të rrymës në Ujman, mund të vdesësh sapo futesh në ujë (VIDEO)

Lidhur me rastin tragjik të mbytjes së mërgimtarit,  Rrahim Latifi, në liqenin e Ujmanit, ka folur Kryetari i Federatës së Peshkatarëve të Kosovës, Milaim Vitija.

Ai në emisionin “Kosova Today’’ në Klan Kosova, ka ngritur shqetësime për sigurinë në këtë liqen, duke thënë se noti është i ndaluar në çdo liqen në Kosovë.

“Po të më pyeste dikush mua, asnjë njeri s’do ta lija të lahej atje. Temperatura është mbi 40 gradë jashtë dhe kur hyn menjëherë në ujë të ftohtë, trupi pëson ngerç dhe mund të mbytesh në pak sekonda”, ka thënë ai, transmeton Klankosova.tv.

Por paralajmërimi më shqetësues nga Vitija lidhet me rreziqe të tjera, të cilat potencialisht, siç thotë ai, mund të jenë vdekjeprurëse.

“Para dy javësh kemi ndërmarrë një aksion për largimin e motorëve me benzinë që i përdorin serbët atje – rreth 70 anije. Aty kam gjetur edhe tela të rrymës që vijnë nga vilat e serbëve në ujë. Në momentin që ndizet agregati i ndonjërit prej tyre, nëse je brenda në ujë, të mbyt rryma”, deklaroi ai./Klankosova.tv.

Ndiqni detajet e plota, në videon vijuese:

Ermal Fejzullahu: Jam i gatshëm ta shkrij gjysmën e pasurisë sime që Shqipëria dhe Kosova të bashkohen

Këngëtari i njohur Ermal Fejzullahu ka qenë së fundmi i ftuar në podcastin “Flet” me gazetaren Ilnisa Agolli, ku foli hapur për tema që shkojnë përtej muzikës dhe jetës së tij personale.

Gjatë intervistës, ai u përball me një pyetje që ngjalli kuriozitet:
“Nëse do ta shkrije pasurinë tënde, përveçse për familjen, a do të kishte një alternativë të dytë? Për kë, për çfarë?”

Përgjigjja e Ermalit ishte e menjëhershme dhe e ngarkuar me emocion.

“Gjysmën e pasurisë, s’them krejt, gjysmën e pasurisë sot për me u bë Kosovë e Shqipëri një. Për Shqipërinë e madhe. Direkt, sot. Është ëndrra ime dhe do të jetë gjithmonë”, deklaroi ai.

Për Ermal Fejzullahun, ideali i një Shqipërie të madhe nuk është një ide abstrakte apo politike, por një ëndërr personale për të cilën është i gatshëm të japë edhe një pjesë të pasurisë së tij.

Ky qëndrim e forcon figurën e tij jo vetëm si artist i suksesshëm, por edhe si qytetar me vetëdije kombëtare dhe ndjenja të thella patriotike.

Në një kohë kur shumë figura publike shmangin deklarata të tilla, Ermali zgjodhi të flasë me zemër, pa filtra.

Ariana Musliu-Shoshi: FSK-ja nuk është e Albin Kurtit

Deputetja nga radhët e PDK-së, Ariana Musliu-Shoshi, ka reaguar pas deklarimit të djeshëm të LVV-së, me rastin e dërgimit të trupave të FSK-së në Ujman, nga ku u nxor trupi i pajetë i një 33-vjeçari.

Në një postim, Musliu-Shoshi tha se pushteti aktual i kishte ndaluar ushqimin FSK-së, e sot po tenton ta përdorë për teatër politik.

“FSK-ja nuk është e Albin Kurtit. Ajo është forcë e qytetarëve të Kosovës, e ndërtuar me përkushtim, me standarde të NATO-s dhe me respekt për shtetin dhe qytetarin”, u shpreh Musliu-Shoshi.

Ajo u ka shprehur ngushëllime familjarëve të viktimës, teksa qeverisë në detyrë i ka kërkuar të mos “turpërojë institucionet”.

Ky është postimi i plotë i saj:

Ky pushtet i ndaloi ushqimin FSK-së, ia mohoi dinjitetin, e sot tenton ta përdorë për teatër politik!

Në vend që ta mbështesë Forcën e Sigurisë së Kosovës si një shtyllë profesionale dhe apolitike të shtetit tonë, Albin Kurti po e përdor atë për qëllime të pastra propagandistike — madje edhe në momente tragjike, siç është humbja e jetës së një të riu në veri.

FSK-ja nuk është e Albin Kurtit. Ajo është forcë e qytetarëve të Kosovës, e ndërtuar me përkushtim, me standarde të NATO-s dhe me respekt për shtetin dhe qytetarin.

FSK-ja u ndërtua si simbol i sigurisë, jo si dekor për shfaqjet boshe të pushtetit!

Kur institucionet përdhosen nga dora e qeverisë për interesa personale e politike, shteti vdes pak nga pak.

Mjaft më me turpërimin e institucioneve!

Ngushëllime të thella familjes së të ndjerit. Bashkëndjej me ju!