“U largova nga klani i Agim Aliut”- Asamblistja që u largua nga PDK’ja në Ferizaj shkon tek LDK’ja

Elsa Aliu, asamblistja e cila dje u largua nga Partia Demokratike e Kosovës (PDK) në Ferizaj, është bërë pjesë e Lidhjes Demokratike të Kosovës (LDK) në këtë komunë.

Asamblistja në fjalë ka shrkuar se është larguar nga “klani i Agim Aliut”, duke hedhur akuza të rënda në drejtim të ish-partisë në të cilën ishte, shkruan Insajderi.

“U largova nga klani i Agim Aliut, sepse aty pushteti është privat, fjala e lirë është krim, e njerëzit vlerësohen jo për punën, por për nënshtrim. Atje nuk ka vizion, ka vetëm frikë, kontroll dhe lojëra të pista politike. Aty mbijeton kush i nënshtrohet Agimit, jo kush i shërben Ferizajt.

Unë nuk pranoj me qenë vegël në duart e një njeriu që e trajton komunën si pronë private dhe njerëzit si shifra që manipulohen për vote”, deklaroi ndër të tjera ajo.

Dejona Mihali sulmon Thaçin: Kërko falje – UÇK po gjykohet padrejtësisht në Hagë nga ju që s’kërkoni as falje

Dejona Mihali, koordinatore në Lëvizjen Vetëvendosje, ka sulmuar në ditën e protestës kundër Gjykatës Speciale, Hashim Thaçin ish-President i Kosovës.

Ajo duke mar shkas nga themelimi i Gjykatës Speciale nga Kuvendi i Kosovës, ka thënë se ai duhet të kërkoj falje

Sot Nevenka Tromp ish-hetuesja e Millosheviq, që e spjegoi se themelimi i Gjykatës Speciale ishte vendim i drejt, pasi Kosova besonte në drejtësi dhe në luftën e vet. Ndërsa padrejtësitë që po bëhen atje, tash pas pesë viteve, duhet të kundërshtohen.

Postimi i Dejona Mihalit:

Çdo ditë është një ditë e mirë për të kërkuar një falje të madhe për ata që e miratuan Gjykatën Speciale.

Çdo ditë është ditë e humbur për këdo që këto 10 vite zgjohet e flen me këtë barrë të madhe mëkati ndaj popullit shqiptar pa kërkuar falje.

Ish Presidenti, ish kryeministri, ish ministrat, ish ministri i drejtësisë, ish deputetët e PDK, LDK e plot prej tyre edhe deputetë aktual.

Edhe ish kryetari i Gjykatës Kushtetuese, anëtarët e gjykatës kushtetuese që e aprovuan ndryshimin e kushtetutës enkas për Gjykatën Speciale në Hagë.

Edhe sot është një ditë e mirë për të kërkuar falje. Para 5 ditëve u bënë 10 vite nga dita e votimit dhe e protestës ku munguan të gjithë ata që e votuan dhe e dëmtuan kaq rëndë vendin.

UÇK po gjykohet padrejtësisht në Hagë nga dora e ngritur e atyre që sot nuk kanë kurajo të kërkojnë as falje.

Duda Balje: Gabimi më i madh në karrierën time votimi i Gjykatës Speciale, menjëherë do ta hiqja atë votë

Deputetja Duda Balje mori pjesë në protestën masive në kundërshtim të Gjykatës Speciale të enjten.

Balje në një prononcim për Gazetën Insajderi votën për formimin e Gjykatës Speciale e konsideroi si veprimin më të gabueshëm në karrierën e saj.

“Unë e ndjej shumë mirë. Unë vërtetë kam votu për këtë gjykatë, duhet me e pranu. Unë e konsideroj po ashtu si gabim më të madh në karrierën time. Kam pasur shumë presion. Në fund votova sepse kam kuptu se duhet me votu në mënyrën qysh me prezantu faqja e bardhë para botës. Shpresoj që shumë shpejt krejt personat që janë në burg atje kanë me dalë jashtë. Menjëherë do ta hiqja atë votë. Shkova në Hagë, vërtetë nuk është e lehtë. Unë mendoj se kanë gabu, se pa marrë parasysh edhe na jem krejt në Kosovë dhe e kemi të njëjtin qëllim. Unë e lus Allahun se naj hap pozitiv ka me bë”, tha Balje.

Lushtaku: VV ka qenë gjithmonë kundër UÇK’së dhe Rexhep Selimit

Kandidati i PDK’së për kryetar të komunës së Skenderajt, Sami Lushtaku, ishte prezent në protestën masive kundër Gjykatës Speciale të enjten.

Lushtaku në një prononcim për Gazetën Insajderi deklaroi se Lëvizja Vetëvendosje s’ka qenë asnjëherë me Rexhep Selimin, pasi që akterë të kësaj të parës nuk dolën në protestën në kundërshtim të Speciales.

“Qeveria aktuale moti ia ka kthy shpinën Rexhep Selimit. Ata s’kanë qenë asnjëherë me Rexhep Selimin. Ata kanë qenë gjithmonë kundër UÇK-së. Unë mendoj që ushtarët e UÇK s’i takojnë asnjë partie politike, andaj qytetarët duhet të ishin hala më shumë, edhe pse kanë qenë shumë”, deklaroi Lushtaku

Berisha: Sot krejt Kosova është UÇK, përveç mbetjet sllave dhe analfabetët e regjimit aktual

Ish-deputeti i Kuvendit të Kosovës, Zafir Berisha, ka kritikuar pushtetit aktual për mosmbështetje të protestës se sotme, e cila do të mbahet në ora 17:00.

Ai ka bërë me dije se sot krejt Kosova është UÇK-së.

Në profilin e tij në “Facebook”, Berisha ka shkruar se sot UÇK nuk janë vetëm mbetjeve sllave dhe mbështetësit e Qeverisë Kurti.

“Sot të gjitha rrugët të dërgojn në Prishtinë, për të protestu kundër padrejtësisë që bëhet në emër të “drejtësisë ndërkombëtare”. Mbështja për UÇK-së nuk është se vetëm sot po ju pengon mbetjeve sllave në Kosovë që po kundërmojn nga kazanat e mbeturinave, UÇK-së ju ka penguar edhe gjatë luftës, kur këtyre mbetjeve ju prishte kumarin me serbët! Sot krejtë Kosova është UÇK-së, përveq mbetjeve sllave dhe analfabetëve të regjimit aktual, të cilët shiten në opinion se gjoja kanë qenë kundër gjykatës speciale, e që në faktë koha po tregon se me kundërshtimin që e kanë bë, po delën se kanë qenë të interesuar që këtë gjykatë me formu KS i OKB, që Rusi dhe Kina me pasën akcesë në denimin e luftës së UÇK-së”, ka shkruar ai.

S’e njihni më, Pauli i “BBVK” ndryshon pas mbjelljes së flokëve

Ish-banori i “BBVK”, Paul Morina, ka bërë ndryshimin e madh.

Pas përfundimit të rrugëtimit të tij në “BBVK” ai ka vendosur t’i nënshtrohet një ndryshimi të madh estetik, mbjellës së flokëve, shkruan Indeksonline.

Në një fotografi të ripostuar në Instastory, ai duket i panjohshëm.

Ky ndryshim duket se i ka dhënë më shumë vetëbesim dhe të shumta ishin komentet e ndjekësve të cilët e kanë përgëzuar për këtë ndryshim mahnitës./Indeksonline/

Disa orë para mbajtjes së protestës, zëdhënësi i VV-së del kundër – Kritikon Hashim Thaçin

Disa orë para mbajtjes së protestës më të madhe kundër Gjykatës Speciale, Zëdhënësi i Lëvizjes Vetëvendosje, Arlind Manxhuka, e cilëson si të vonuar.

Në reagimin e ti,j Manxhuka nuk e përkrah mbajtjen e protestës dhe gjen hapësirë të shkruaj për deklarimet e Hashim Thaçin ndaj Gjykatës speciale duke i cilësuar si qëndrime të buta.

“⁠Në intervistën e tij nga Haga para një jave, ish presidenti dhe ish kryeministri Thaçi ishte tepër i butë me Gjykatën Speciale. Protestat nuk mund ta zëvendësojnë a kompenzojnë mungesën e qëndrimit të tij.,” ka thënë ai.

Ai ka theksuar se nuk mund të ndryshohet historia e Kosovës dhe lufta çlirimtare, as historiku i themelimit të Gjykatës Speciale.

“Kosova ka nevojë për gjykata normale që dalin pas vettingut dhe për një kryeprokuror të ri, e jo për gjykata speciale jotransparente, të cilat janë jashtë praktikave ndërkombëtare,” ka shtuar ai.

Reagimi i plotë:

Meda në kanagjegjin e mbesës bën veprimin e veçantë

Këngëtari Meda përmes një postimi në rrjete sociale ka treguar se po e maron mbesën.

Meda shihet teksa e shoqëron mbesën e tij gjatë kanagjegjit, duke e mbështetur dhe ndarë gëzimin e këtij momenti, shkruan “Kosovarja”.

Krahas postimit Meda është shprehur në fjalët më të mira “Të dua dhe të uroj të gjitha të mirat e kësaj botë”.

Greqia goditet nga tërmeti

Një tërmet me magnitudë 4.7 të shkallës Rihter goditi sot në mesditë Greqinë jugore. Sipas të dhënave zyrtare, lëkundjet u regjistruan në orën 12:49 me orën lokale, me epiqendër 11 kilometra në veriperëndim të qytetit Messíni dhe rreth 126 kilometra në jug-juglindje të Patrës.

Tërmeti ndodhi në një thellësi të vogël prej vetëm 5 kilometrash, çka e bën më të ndjeshëm në sipërfaqe. Për momentin nuk raportohet për dëme materiale apo të lënduar, por autoritetet greke janë në gatishmëri në rast të pasgoditjeve.

Lëkundjet u ndjenë edhe në qytete të tjera përreth rajonit të Peloponezit.

Gucati: Mesazhi i protestës sonë është i qartë, do të dëgjohet edhe në Hagë

Kryetari i Organizatës së Veteranëve të Luftës së UÇK-së, Hysni Gucati, ka folur për protestën e thirrur sot kundër, siç thotë ai, padrejtësive që po u bëhen ish-krerëve të UÇK-së nga Gjykata Speciale në Hagë.

Gucati tha se kjo protestë është një rikthim i frymës së bashkimit të viteve të ’90-ta, transmeton Klankosova.

“Sot do të jemi të bashkuar. Sot besoj se qytetarët e Kosovës do të bashkohen sikur atëherë, në vitet e ’90-ta. Mesazhi ynë është i qartë dhe besoj se do të dëgjohet jo vetëm nga Gjykata Speciale, por në mbarë botën demokratike, se kjo gjykatë është e padrejtë dhe e njëanshme”,  theksoi ai.